مين ظالم ومين مظلوم

زائر

[size=18]السلام عليكم ورحمة الله وبركاته

اوقات بتبقى حكم فى مشكلة او نقاش وبتلاقى نفسك محتار مين ظالم ومين مظلوم
و اوقات انت نفسك مش بتبقى عارف انت فى الحياة ظالم ولا مظلوم
اوقات بتشوف الناس بتقسى عليك اوى و بتظلمك و مش مقدراك
واوقات تانيه تحس ان انت اللى ظالم وانت اللى متجنى عليهم ومكبر الموضوع وفاهمه غلط

مش كتير بتقدر تقف ادام نفسك و تقول لأ انا ظالم
طبعا مهم انك تعترف بغلطك وبظلمك
بس الاهم انك تعوض الشخص اللى ظلمته حتى لو معترفتش ليه انك ظلمته
بس بينك وبين نفسك مهم ترضى ضميرك لان مفيش ضمير ميت
فى ضمير بارد شوية - او شويتين - او اكتر
لكن والله فى الاخر بيصحى وبيفضل يعذب و يعاتب فى صاحبه

مين ظالم ومين مظلوم

حاكم بلاد ظالم ولا شعب مبيعرفش يقول لأ
مسئول ضعيف ولا موظفين حراميه
ظابط بيدليك على قفاك ولا قفاك اللى اتعود على الضرب
دكتور حمار ولا مريض سلبى و متعود على الحمورية
استاذ جامعه مش بيشرح ولا طلبه مش بيحضروا
اب قاسى و مشغول ولا اولاد مش متربيين و باردين
اب فرى وهاى كلاس ولا ابن صايع و مقضيها
ام بتدلع طول الوقت ولا ابن بيضربها
ام مش صاحبة بنتها ولا بنت مش محترمة
مهندس بلا ضمير ولا مقاول بلا ضمير بلا فلوس
كليبات خارجة و لا مشاهدين عاجبهم الوضع
افلام مستفزة ولا مراهقين بلا رقيب
حرامى بيصرف على عائلة ولا واحد غنى و بيتمنظر
واحد بيخون صاحبه ولا الصاحب المغفل

و أخيــــــــــــــرا

مين ظالم ومين مظلوم ؟

وللجميع فائق احترامى[/size]

ياسيدى يا بخت من بات مغلوب ولا بتش غالب قصدى من بات مظلوم وواخد على قفاه ولا بتش ظالم ، ايييييييه يعنى شوية تفتيش فى الرايحة والجاية ، وايه يعنى لما تاخد كفين حلوين على قفاك ، وبعدين الظلما الى انا اقصدهم حبايبنا ، وما دامو حبايبنا يبقى ممكن نقول ان ضرب الحبيب زى ........، من الاخر البلد دى مليانة ظلما كتيير ، بس المظلومين محدش يقدر يعملهم حصر .

حسبنا الله ونعم الوكيل

شكرا على الموضوع المفيد ، بصراحة الواحد حاليا يقدر يشخص الناس اللى حوليه هما ظلما ولا مظلومين؟؟؟؟؟؟؟

بجد مش عارف اقول ايه بس بجد الموضوع جامد جدا

زائر

ربنا يهدينا ومنكنش فى يوم ظالمين
ومنحسش يوم بللي بيحس بية المظلومين
موضوع جميل ياهيام وشكراااااا
وجزاكي الله كل خير

موضوع ملوش حل مين السبب شعب مظلوم ولا حاكم ظالم شباب سلبي ولا اهل عمرهم معلموا ولادهم يقولوا لأ حراميه بيسرقونا واحنا ولااحنا شايفين .مين السبب،السبب اننا عارفين الصح بس بنخاف من الهوا من الاخر احنا السبب احنا اللي سيبنا شويه حراميه يتحكموا فينا واللي يقول كبر وانت مالك ،زي مكان عمي الله يرحمه بيقوللي يا عامر هي مش بلدك لوحدك وانت مش هتغيز البلد كبروانتو ايهرايكم نكبر

موضوع جميل اوي ، ربنا يجازيكي كل خير
ويارب نكون مظلمومين مش ظالمين

يا مصطفي الافضل اننانقول يارب لا نكون مظلومين ولا ظالمين

» مين السبب ومين اللي سرق