ويتوالى السقووووووووووط

مش عارف اقول ايه ، بس كأهلاوى بشجع فريق الاهلى وانا عمرى 5 سنوات ، ما ينفعش نضحك على نفسنا ونقول ان الاهلى كويس الموسم دا ، فبعد الكارثة المدوية اللى حصلت فى ماتش انهارده ، وخروج الاهلى من دورى ابطال افريقيا من دور ال 16 اما فريق كانو بيلارز ، ما ينفعش نقول حكام والكلام دا ، ولم يبقى للاهلى فى هذا الموسم سوى بطولة الدورى( بصراحة اشك) لان الاهلى السنة دى خسر بطولة كاس مصر وخسر بطولة افريقيا ومش هيلعب السوبر الافريقى وان مخدش الدورى مش هيلعب السوبر المصرى ، وشكلنا كدا الموسم دا هنطلع من الموسم بلا حمص ، وهنعمل زى الفلايق الابيض الى بصراحة بدا يضع يديه على الطريق الصحيح .

الاهلى محتاج لتجديد ومحتاج لدماء جديدة غير الاسماء الموجودة حالبا ، كما ان جوزية بدا يفلس فنيا . ادعوا معاى يا اهلوية بان نكسب الدورى لان دى البطولة الوحيدة اللى اصبحت كل جماهير الاهلى مبتغاها ، بعد ما كنا بنحلم ان الاهلى ياخد كاس العالم باليابان اصبحنا نحلم ببطولة الدورى .

سبحان مغير الحوال

على فكرة يا درش اوعى تفكر ان الاهلوية بداو يزهقوا من سوء النتائج ، ما انت عارف اخلاص الاهلوية ، ففى الاربع السنين العجاف من 2001 : 2005 ما خطر على بالى ولو لبرهة بان اترك تشجيع ما هو بلون دمى ويجرى بدمى .

اللهم احميك يا اهلى واعينك