هنا مقص ...
وهنا مقص ...
هنا عرايس ...
بـ تترص ...
إخترت عروسه ...
كانت مفعوصه ...
لكن محروسه ...
بنعمة ...
خالق كل الخلق ...
و الواد موسي ...
عاملي ناموسه ...
بيجري ويلعب ...
مع بسبوسه ...
وعينه من نوسه ...
قطه شقيه ..
لكن محفوظه ...
بنعمة ...
خالق كل الخلق ...
كنا ولاد وبنات حلوين ...
كان فينا حنا ...
كريم ونيفين ...
عمرنا ما اتكلمنا في دين ...
كلنا أخوه ومصريين ...
كنا ولاد وبنات في الحاره ...
عمري ما شفت ولد بسجاره ...
عمر ما واحد فينا إتجنن ...
ورفع عينه في بنت الحاره ...
والأيام بتاخدنا بعيد ...
كل يومين نحلم بجديد ...
عمر ما كان فينا حد وحيد ...
قلب لقلب وإيد في الأيد
أنا بتحسر علي أحوالنا ...
أنا مش عارف ايه الي جرالنا
ليه إتغيرنا ...
ليه إتبدلنا ...
ليه إتحولنا ...
وليه بنخسارنا ...
