فعلا يا امل الريس عنده مميزات كتير ودي بعضها

بص يا عامر اولا اكيد كل رئيس ليه مميزات و مساوئ و علىفكرة في لسه مساوئ تانى ممكن اقلهالك لو عايز ...انا مبقولش انه ملاك بس ليه انجازات عملها فى حياته ممكن تكون من الماضي و قديمة بس موجودة مثلا يعنى استطاع اكمال تحرير سينا بالكامل بعد مماطلة الاسرائيلين في منطقة طابا ولكنه استطاع من خلال حكم محكمة التحكيم استكمال التحرير
و اعاد تسليح الجيش المصري بكل وسائل التسليح والدعم...لا وعلى فكرة هو واقف فى وش امريكا من زمان ...اه يمكن بأسلوب مختلف عن اللى احنا عايزينه ...بس بنظام براحة براحة عشان يحافظ على البلد دى ...لان من وجهة نظري ان بيحاول يبعد عنها الخطر ...وعلى فكرة الريس مش لوحده المسؤل عن المصايب دى لوحده ...هو على فكرة مش مسؤل مسؤليه تامة عن كل اللى بيحصل فى البلد ممكن يكون عايز يعمل حاجة بس القانون ميسمحش اوى فى قرارات بتعجز القرار اللى هو عايزه و على فكرة الوزراء و رئيس الوزراء ليهم احقية فى الموافقة على قراراته او لأ ...و متقولش انه ممكن يعزل الوزير اللى يرفض قراره ...مش بالساهل زى مانت فاكر فى حاجة اسمها قانون ..لأ هو برضه فى الاول و فى الاخر تحت رحمتهم بشكل من الاشكال..


بس فى ملحوظة فى الكيب بتاعك :
** 9 مليون عانس....هو برضه الجواز بسبب الريس ..يعنى بكرة نغير الريس كل النبات هتتجوز خلاص.

**9 مليون عاطل ..على فكرة دى مش مسؤليه الريس لوحده بس فعلا عدد السكان زاد بطريقة مهولة و فظيعة يعنى ازاى هيلاقى لكل دول شغل ...اه هو مسؤل بس هيعمل ايه .عمل مشروع توشكي و استصلاح الصحراء...و غيره

**الانهيار الاخلاقي دا كمان بسبب الريس ولا بسبب قلة الايمان ...و البعد عن القيم و المبادئ

ممكن كلامي ميقنعكش بس دا من وجهة نظرى ...انا عارفة انه مش احسن رئيس جه لمصر بس برضه مش سئ للدرجة اللى انت بتوصفها ....ولا مصر وحشة زى ما انت وصفها انها كلها دمار و خراب و عقد و نكد و هم