بصوا يا جماعة انا عندى اقتراح ممكن نشارك فيه كلنا وفى نفس الوقت حاجة مفيدة نشغل بيها وقتنا وربنا يجازينا عنها خير انا اعرف مجموعة فى الجامعة الامريكية قاموا بعمل نشاط انسانى هو انهم كانوا بيجمعوا مساعدات لاسر معدمة ويساعدوهم بها وبعدين فكرواانهم لما يساعدوهم يوم تانى يوم برضوا بيكونوا محتاجين لان اغلب الاسر دى بيكون دخلها بسيط جدا ده اذا لم يكن مش موجود اصلا وبيكزن العائل للاسر دى يا الام يا الابن سواء صغير او كبير يا اما اب طاعن فى السن فكانت فى فكرة انهم يجمعوا التبرعات دى فى شكل فلوس والاسرة اللى تاخد الفلوس دى بتاخدها على انها قرض بدون فوائد وفى نفس الوقت بنتابعهم ونقدم لهم كل المساعدات انهم يفتحوا مشروع يكون مصدر دخل ليهم وبكده انت بتساعد انك توفر مصدر دخل ثابت لكل اسرة محتاجة تمام كده دلوقتى احنا عايزين نعمل الموضوع ده هنا فى الفيوم ونبدأ بالعشوائيات مثلا وهما كمان هيكونوا معانا هنا يساعدونا بخبرتهم باعتبار انهم طبقوا الموضوع ده فعلا هناك فى منطقة اسمها عين الصيرة __ دلوقتى احنا عاوزين نكون جروب كل واحد فيه يكون فعلا عنده استعداد ويكون قد تحمل المسئولية وان شاء الله يكون فى اجتماع مع طلبة الجامعة الامريكية دول ونشوف ارائهم وافكارنا اللى احنا ممكن نضيفها وان شاء الله يكون كل ده داخل الجامعة
واسفة كتير اطالت عليكم بس كنت عايزة اتكلم بالتفصيل شوية
اللى عنده اى استفسار بقى يا جماعة
yosramohamad@hotmail.comوجزاكم الله خيرا
ارجو الرد
العمل/الترفيه
المزاج
