elmotamez55

مركز المتميز التعليمي
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخولتسجيل دخول الاعضاء
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
اخبارنا

سيتم بمشيئه الله افتتاح مركز المتميز التعليمي لجميع المراحل مع نخبه من افضل مدرسي المحافظه للحجز والاستعلام 01008328810-01097193003

المواضيع الأخيرة
» برنامج اصلاح الCDROOm/DVD
السبت فبراير 08, 2014 4:21 am من طرف samo4454

» اعلان مركز المتميز التعليمي
الجمعة ديسمبر 13, 2013 12:59 pm من طرف Admin

» لأول مره علي اي منتدي
السبت فبراير 09, 2013 12:02 am من طرف luckyomar22

» ya3ny eih montada???
الخميس نوفمبر 01, 2012 10:37 pm من طرف amr

» كل اضحى وانتو طيبين
الخميس نوفمبر 01, 2012 10:30 pm من طرف amr

» كورس بوربوينت 2007
الإثنين أكتوبر 29, 2012 11:27 am من طرف knight

» لقد خدعوا الشعب المصرى .. ابكى يامصر ابكر !!!
الإثنين أكتوبر 29, 2012 11:15 am من طرف knight

» توفير عماله مصرية سائقين طباخين نجارين عمال جميع التخصصات
الأحد أغسطس 12, 2012 3:24 pm من طرف nour2000

» كورس MOS 2007 عربى مجانى
الأحد يونيو 17, 2012 9:58 pm من طرف samehsaad

» امتحانات Icdl 2011
الخميس يناير 05, 2012 8:47 pm من طرف knight

facebook page
https://www.facebook.com/elmotamez55?ref=hl
أفضل 10 أعضاء في هذا المنتدى
ashek el horrya
 
Admin
 
amr
 
knight
 
lost
 
Mahmoud Sayed
 
white
 
princess
 
MASRAWY
 
sweet as rose
 
بحـث
 
 

نتائج البحث
 
Rechercher بحث متقدم
الساعه
.

شاطر | 
 

 شايف دينك افضل دين ؟؟؟ طيب خايف تتعرف على غيره ليه؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
knight
مشرف
مشرف


ذكر عدد المساهمات : 660
نقاط : 33072
تاريخ التسجيل : 17/12/2008
العمر : 28
العمل/الترفيه العمل/الترفيه : من حماة الوطن ( ضابط حربية )
المزاج المزاج : حمرااااااااااااا
بلدك : مصري
الابراج : الثور


مُساهمةموضوع: شايف دينك افضل دين ؟؟؟ طيب خايف تتعرف على غيره ليه؟؟   الأحد يونيو 06, 2010 1:06 am

تعرف إيه عن "اليزيدية" و"الصابئة" و"الزرادشتية" و"البوذية" و"الهندوسية" و"المجوسية" و"السيخية" و"الكونفشيوسية"... وغيرها وغيرها من الديانات المختلفة؟ طيب بلاش دول، تعرف إيه عن الإسلام والمسيحية واليهودية وهم من الديانات السماوية؟

سيبنا من كل ده، وركّز معانا.. لو كنت مسلم، تعرف إيه عن الشيعي أو السني أو البهائي أو الدرزي أو القرآني أو... أو...

ولو كنت مسيحي إيه اللي تعرفه عن الكاثوليكي أو البروتوستانتي أو الأرثوذكسي أو المورموني أو اللوثري أو الإنجيلي أو... أو...




مش مهم ديانتك إيه المهم تعرف إيه عن الآخر؛ باختصار اللي ديانته غير ديانتك؟!!

فكّرت تقرأ عنه؟!!

فكّرت تفتح كتابه المقدّس، وتشوف بيقول إيه أو مكتوب فيه إيه؟!!

فكّرت تعرف المنتسب للدين ده بيؤمن بإيه؟ بيفكر إزاي؟! دينه بيحلّل إيه ويحرّم إيه؟!




خايف تقرأ أي كلمة في دين تاني لأحسن تشك في دينك

تلاقيك اتصدمت لما شُفت الكلام ده، ويمكن كمان اتهمتنا بالكفر والزندقة و... و... و...

سيبك من الاتهامات دلوقتي، وتعالَ نتكلم بالعقل..

إيه اللي مانعك من إنك تقرأ في الديانات المختلفة عن دينك وتعرف عنها، وعن أصحابها؟!



تعالَ نحاول نساعد بعض في الإجابة على السؤال ده..


أكيد مش واثق من نفسك ومن إيمانك بعقيدتك؟
الخوف هو أول سبب بيخلي كتير مننا مش بيقرأوا عن ديانات الغير، يعني من الآخِر بتخاف لو قرأت عن دين تاني إنك تشكّ في دينك.. مرة تانية تعالَ نتكلم بالعقل..

لو إنت واثق بجد وبمعنى الكلمة في مدى تمسُّكك بعقيدتك ومدى قوتها مش هتخاف أبداً.. إنت بتخاف لأنك منتمي لدينك ده بحكم بطاقتك الشخصية، وإنك اتولدت لقيت نفسك من أتباع الدين ده..

وبرده خُفت إنك تقرأ حتى عن دينك وتستكشفه بنفسك وتؤمن بيه عن اقتناع، ونتيجة لـ -خلينا نقول- "جهلك بدينك اللي إنت عليه" بقيت خايف تقرأ أي كلمة في دين تاني لأحسن تشك في دينك.

تعالَ معانا كده نبص حوالينا، عارف بره بيعملوا إيه؟!! عندهم منهج لدراسة الديانات المقارنة، يعني الدكتور في المنهج ده بيدرِس ويدَرِّس الإسلام والمسيحية واليهودية وغيرهم كتييير من الديانات المختلفة، وبيحاول يستكشف الآخر المختلف عنه دينيّاً، ويقارن ما بين دينه والديانات التانية بدون قلق أو خوف، عارف ليه؟؟؟
لأنه فاهم مش حافظ، وعارف دينه كويس، وواثق منه ومن تمسّكه بيه.




فكّرت تفتح الكتاب المقدّس وتشوف مكتوب فيه إيه؟!!

خايف تكون كده بتكفُر أو غيرك يتهمك بالكفر؟!!
في الحالة دي بتحسّ إنك لو قرأت في أي دين تاني غير دينك كده تبقى كَفرت وكأنك مش مقتنع بدينك!!
مش بس كده، ده إنت كمان مرعوب لأحسن حد يشوفك أو يعرف إنك بتقرأ أو بتستكشف دين تاني ويقول عليك ناوي تسيب دينك أو تغيّر مِلّتك..

برده عارف ليه؟! لأنك بتفكّر بنفس الطريقة.

يعني تخيّل معانا كده لو إنت راكب المترو وشفت واحدة محجبة بتقرأ كتاب عن المسيحية مثلاً، ومركّزة أوي فيه هتقول عليها إيه؟!!

أكيد هتستنكر ده، وتتهمها بالكفر، أو تحرّم اللي هي بتعمله على الأقل، وعشان كده أنت خايف إن غيرك يتهمك زي ما أنت كنت هتتهمها.

"كلهم كُفّار رايحين النار وأنا الناجي الوحيد"
لو إنت من أصحاب المبدأ ده؛ فأكيد أنت مش بس مش هتقرأ وتعرف عن الديانات الأخرى وأصحابها، لأ.. ده إنت مش هتتعامل مع أصحاب الديانات دي من الأساس..

وهتنظر ليهم بنظرة استعلاء على إنك أكتر واحد فيهم "ملَك الحقيقة" وإنت بس اللي هتدخل الجنة وهما كلهم مصيرهم النار.

وأبسط شيء ممكن تقوله: ده "علم لا ينفع وجهل لا يضر".. وإن "لكم دينكم ولي دينِ".
لو إنت من أنصار الرأي ده، جاوب علينا وقل لنا إيه المانع إنه يكون "لكم دينكم ولي دينِ" بس يكون ده عن معرفة وفهم عميق لدينك ودين الآخرين، مش عن جهل وترديد للأفكار السائدة من غير ما تحاول في مرة تفكّر فيها أو تتأكد من صحتها؟!




تعرف التلمود بيتكلم عن إيه؟!


بيتهيأ لنا إن دي أهم الأسباب اللي بتخليك وتخلي كتير مننا يخافوا يقرأوا أو يعرفوا عن الديانات الأخرى، لكن أكيد فيه أسباب غير كده ممكن أنت تقولها لنا..

عارفين إنك ممكن تقول علينا كفّار، وتتهمنا بالزندقة، لكن إحنا ما نقصدش في الموضوع ده الخروج عن ديننا أو التبشير بديانات تانية، لكننا بنتّبع سنة رسولنا الكريم في "لكم دينكم ولي دينِ"، بس من منطلق المعرفة مش الجهل، وكذلك احترام الآخر وحرية دينه وعقيدته؛ لأن أول كلمة نزلت في القرآن الكريم كلمة "اقرأ".. يعني ربنا بيأمرنا بالمعرفة..



ودلوقتي قل لنا

إنت بقى..

بتقرأ في الديانات التانية ولا لأ؟

ولو لأ.. عندك استعداد تقرأ؟

ولو رافض الفكرة..

إيه اللي مخليك خايف ومرعوب تقرأ وتعرف عن ديانات الآخرين؟

خليك صريح معانا ومع نفسك أولاً وقل لنا رأيك
الرجوع الى أعلى الصفحة اذهب الى الأسفل
amr
مشرف
مشرف
avatar

ذكر عدد المساهمات : 969
نقاط : 33176
تاريخ التسجيل : 10/12/2008
العمر : 28
العمل/الترفيه العمل/الترفيه : ضابط حربية
المزاج المزاج : هو فيه أحسن من كده!!
بلدك : مصري
الابراج : الجوزاء


مُساهمةموضوع: رد: شايف دينك افضل دين ؟؟؟ طيب خايف تتعرف على غيره ليه؟؟   الأحد يونيو 06, 2010 1:28 am

انت ناقل الموضوع ده منين يابنى الله يهديك , ومين "معانا واحنا " دول "نا " الفاعلين دى عايده على مين ؟؟؟؟ هو انت تبع مين يا واااااااااااااد؟؟؟
الرجوع الى أعلى الصفحة اذهب الى الأسفل
Admin
مدير المنتدي
مدير المنتدي
avatar

ذكر عدد المساهمات : 1005
نقاط : 34492
تاريخ التسجيل : 09/12/2008
العمر : 28
العمل/الترفيه العمل/الترفيه : بابني مصر
المزاج المزاج : مفيش احسن من كده
بلدك : مصري
الابراج : العذراء


مُساهمةموضوع: رد: شايف دينك افضل دين ؟؟؟ طيب خايف تتعرف على غيره ليه؟؟   الأحد يونيو 06, 2010 1:54 am

{إِنَّ الدِّينَ عِنْدَ اللَّهِ الإِسْلامُ وَمَا اخْتَلَفَ الَّذِينَ أُوتُوا الْكِتَابَ إِلا مِنْ بَعْدِ مَا جَاءَهُمُ الْعِلْمُ بَغْيًا بَيْنَهُمْ وَمَنْ يَكْفُرْ بِآيَاتِ اللَّهِ فَإِنَّ اللَّهَ سَرِيعُ الْحِسَابِ } ..

{وَمَنْ يَبْتَغِ غَيْرَ الإِسْلامِ دِينًا فَلَنْ يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ} .. صدق الله العظيم
الرجوع الى أعلى الصفحة اذهب الى الأسفل
http://elmotamez55.ahlamontada.net
princess
الاعضاء المتميزين
الاعضاء المتميزين
avatar

انثى عدد المساهمات : 288
نقاط : 27132
تاريخ التسجيل : 28/05/2010
العمر : 28
العمل/الترفيه العمل/الترفيه : Student 4 ever
المزاج المزاج : ؟؟؟؟؟؟؟؟؟
بلدك : مصريه
الابراج : السمك


مُساهمةموضوع: رد: شايف دينك افضل دين ؟؟؟ طيب خايف تتعرف على غيره ليه؟؟   الأحد يونيو 06, 2010 2:55 am

اشهد ان لا اله الا الله
واشهد ان محمد رسول الله


والسلام عليكم ورحمة الله وبركاته
الرجوع الى أعلى الصفحة اذهب الى الأسفل
knight
مشرف
مشرف


ذكر عدد المساهمات : 660
نقاط : 33072
تاريخ التسجيل : 17/12/2008
العمر : 28
العمل/الترفيه العمل/الترفيه : من حماة الوطن ( ضابط حربية )
المزاج المزاج : حمرااااااااااااا
بلدك : مصري
الابراج : الثور


مُساهمةموضوع: رد: شايف دينك افضل دين ؟؟؟ طيب خايف تتعرف على غيره ليه؟؟   الإثنين يونيو 07, 2010 1:21 am

يا جماعة بالله عليكم متردوش على الموضوعات من خلال العناوين ( ماشى يا استاذ عمرو ) ، وما تخلوش ضغط المذاكرة يؤثر على فهمك للمواضيع ، الموضوع باختصار بيحث على اهمية القراءة فى الاديان الاخرى وعلى فكرة الموضوع دا انا جايبه من موقع اسلام اون لاين من باب معرفة عدوك ، الصحة تاج على رؤس الاصحاء لا يراه الا المرضى ، ومعنى ذلك ان لا يدرك قيمة ونعمة الدين الاسلامى الا من يتعمق فى الاديان الاخرى ويعرف خبايها وقذاراتهم ، الموضوع كمان يحث على اهمية تثقيف نفسك فى الدين المسيحى لتستطيع انت تدافع عن دينك وعن رسولك وعن الاسلام ككل .

والمصحف انا مسلم وبصلى ومش زنديق او من حركات التبشير او التنصير
الرجوع الى أعلى الصفحة اذهب الى الأسفل
Faten
عضو جديد منورنا
عضو جديد منورنا
avatar

انثى عدد المساهمات : 13
نقاط : 26803
تاريخ التسجيل : 24/05/2010
العمر : 27
العمل/الترفيه العمل/الترفيه : Student at Faculty of Arts English Dept.
بلدك : مصريه
الابراج : الاسد


مُساهمةموضوع: رد: شايف دينك افضل دين ؟؟؟ طيب خايف تتعرف على غيره ليه؟؟   الإثنين يونيو 28, 2010 10:55 pm

بجد تسلم ايدك ع الموضوع ده

انا معاك في الراي ده جدا جدا

على فكرة كمان انا من زمان بتابع الموضوع ده وبقرأ كتير

عن الديانات دي واول كتاب قريته هو التلمود اليهودي وعرفت

من خلاله حاجات كتير وضحتلي الامور فعلا

وكمان المسيحية انا بشوف وبطلع ع امورهم ودينهم ماشي ازاي

ده بجد علشان لو جه في يوم من الايام وحد واجهك في الدين

تقدر ترد وتديه امثله من دينه هو وتوضحله ان دينك انت على حق

لما تعرف سلاح اللي قدامك وبيفكر ازاي تقدر تهزمه او بمعني اصح

تقدر تقنعه بدينك وانت عندك ثقتك كلها من غير خوف ولا من غير اي رهبة

من اي دين .. انا بجد مستغربة ان الناس ما وضحوش رايهم بنفسهم


بارك الله فيك علشان فتحت موضوع مهم بالشكل ده
الرجوع الى أعلى الصفحة اذهب الى الأسفل
knight
مشرف
مشرف


ذكر عدد المساهمات : 660
نقاط : 33072
تاريخ التسجيل : 17/12/2008
العمر : 28
العمل/الترفيه العمل/الترفيه : من حماة الوطن ( ضابط حربية )
المزاج المزاج : حمرااااااااااااا
بلدك : مصري
الابراج : الثور


مُساهمةموضوع: رد: شايف دينك افضل دين ؟؟؟ طيب خايف تتعرف على غيره ليه؟؟   الأربعاء يونيو 30, 2010 12:20 am

جزاكى الله خيرا جدا على ردك اللى بيدل على شخصيتك المثقفة واللى بتحب دينها جدا ، ربنا يبارك فيكى يا انسة / فاتن ويجعلكى ذخر للاسلام والمسلمين
الرجوع الى أعلى الصفحة اذهب الى الأسفل
 
شايف دينك افضل دين ؟؟؟ طيب خايف تتعرف على غيره ليه؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
elmotamez55 :: المنتدي الاسلامي :: الاســـلامـيات-
انتقل الى: