للجادين فقط

موضوع: للجادين فقط الثلاثاء يونيو 29, 2010 6:50 pm

السلام عليكم
يا جماعة احنا قلنا قبل كده على موضوع اللى عايز يشارك من اجل الاسلام
فيا ريت اللى جد بس بجد بجد يتفضل يشارك
وعايزين مبدايا اذا كنتوا هتشاركوا جد
نعرف اول حاجة ايه المواضيع وافكاركم
واللى عايز يعمل اى افكار او اى تجديد
وتصور مبداى للحلقات
يتفضل يقول بس لازم يكون الكل جاد
وما زال الموضوع مفتوح للنقاش
وعلى فكرة انا اداب انجليزى وكلنا كذلك
يعنى لو الموضوع اصررنا عليه هيتنفذ
بس لازم يكون برنامج متميز علشان يلفت انتباه الناس ليه

جزاكى الله خيرا على مجهودك واهتمامك ، وربنا يجازينا على قدر حسن نياتنا |، بس مادمتى حضرتك كنتى معانا فى القسم ، فليا حضرتك وباقى الاخوات من الزميلات مذكرتوش اسمائكم لان حضراتكو اصحاب الفكرة الرائعة دى ، انا مردتش على الموضوع دا من الاول لان اعتقد ان ذكر الاسماء مهم جدا ، لتحديد الشخصيات اللى ، اعتقد الشغل هيبقى مشترك بنا وبين حضراتكو ، فالمعرفة مهمة جدا علشان الناس تقرر واعتقد ان احنا كشباب اسمائنا بتذكر كتير فى الموضوعات والردود وهويتنا معروفة ومعلن عنها بصراحة فى المنتدى ، اتمنى ان ربنا يكرمك ويكرمنا كلنا لعمل الخيرات.

ملحوظة: كل الاخوات الزميلات الى معانا فى المنتدى واللى حتى مش معانا على قدر كبير من الاحترام والاخلاق واصحاب شخصيات ممتازة ، ولكن المعرفة تبقى نورا

موضوع: thanks الأربعاء يونيو 30, 2010 1:06 pm

شكرا لنايت اولا لمرورك
اما بالنسبة للهوية انا فعلا معاكم فى القسم بس سنة اولى
حتى لو ذكرت اسمى مش هتعرفونى
واظن اصلا ان كلنا هنعرف بعض بشكل اوضح
لما ننفذ الفكرة
ويا ريت الكل يقول افكاره ونتفق على كيفية التنفيذ

اولا شكرا على الموضوع وعلى الجديه
ثانيا ياريت لو سمحتو تدونا فكره عن تصوركم للبرنامج واللى عايزين تعملوه فيه (بما انكم اصحاب الفكره يعنى ) علشان نبدأ نتناقش بسرعه , لان دى الفتره اللى الشباب هايكون فاضى فيها بنسبه كبيره لان بعد ده حوارات الجيش والتقديم والحاجات دى هاتاخد وقت كتير, فياريت نبدأ بسرعه علشان الموضوع هايكون صعب جدااااااااااااا فى الاول
شكرا جزيلا

موضوع: رد: للجادين فقط الخميس يوليو 01, 2010 9:53 am

طيب اوكي كلنا متفقين علي فكره برنامج يخدم الاسلام ، بس في حاجات كتير اوي اوي لسه مش عارفينها يعني مثلا طريقه عرض البرنامج ؟؟ مين اللي هيقدم ؟؟ هيتصور فين ؟؟؟ وازاي ؟؟ وامتي ؟؟ افكار مواضيع الحلقات ؟؟ وحاجات كتير ...
الموضوع محتاج شغل كتير علشان يظهر في الاخر بالطريقه اللي بنتمناها ...وكمان زي ما عمرو بيقول لسه موضوع الجيش وكمان عمرو نسي يقول العسكريه وكمان اذا كان في حد مشغول بكورسات معينه ولا حاجه .. في النهايه اتمني لينا كلنا التوفيق وان شاء الله نقدر نعمل حاجه تشرفنا

موضوع: thanks الخميس يوليو 01, 2010 1:14 pm

السلام عليكم
اولا التصور المبداى للحلقات انها هتكون حوارات بين شباب
عن قضايا عصرية ووجهة نظر الاسلام فيها
طبعا بالانحبش هنقدم ووجهتين نظر وجهة نظر المجتمع ليها
وخاصة المجتمع الغربى ووجهة نظر الاسلام فى الامور دى
الاستديو هيكون الجامعة
اللى هيذيع هيتحدد على حسب كل حلقة وموضوعها
لان الحلقات مش هتقتصر على بس مجرد اتنين بيتنافشوا لا لازم يكزن فيها عنصر التميز والاختلاف
علشان تلفت ىنظر الناس ليها
اما عن الاخراج والمونتاج والحاجات دى فاللى بيعرف
يعمل الحاجات دى يتفضل يقول
وكمان المفروض ان موضوع كل حلقةى وفكرتها نتنافش فيها وكل واحد يقول فكرته ونختار الفكرة الاحسن للعرض او ممكن ندمج اكتر من فكرة مع بعض
فى البداية ممكن نعمل حلقتين بس فى الشهر نظرا لظروف الاخوة الشباب واللى مش هيبقى فاضى وكده يعنى
طبعا الموضوع هيبقى صعب فى البداية
بس ان شاء الله هنبذل اقصى جهدنا علشان نحققه
احنا بس نتفق ع الامور المبداية وبعدها نلتقى فى الجامعة ويتم التصوير والتحضير
اللى عنده اى استفسار يتفضل يقول
وكمان يا ريت الكل يتفضل يشارك
ويقول افكار للحلقات
زى الحجاب,العلمانية,الاجتماعيات.............الخ

موضوع: رد: للجادين فقط الجمعة يوليو 02, 2010 1:40 am

طالما كلنا متفقين على المبدأ والحمد لله . انا رأيى ان اول حلقة تبقى مقدمة تتكلم عن الاسلام ورسالته ورسالة الانسان على الارض وسبب وجوده عليها وممكن كمان نقول ان الاسلام لا يقتصر على العبادة فقط بل انه جمع بين الروحانيات والعمل وندلل ده بآيات من القرآن وازاى الاسلام يحث على الصلاة وقراءة القرآن اللى بتدى طاقة ايمانية تحفز الانسان على العمل وتخلى الانسان يسعى للعمل ونوضح ازاى احنا كعرب اهتمينا بالجانب الروحانى وتركنا العمل والاخلاص فيه وبدأنا نحيد عن رسالة دينا ونقول كمان ان الغرب عنده نفس المشكلة لكن من جانب اخر وهيه انه ركز فى العمل واصبح مضغوط جدا وبالتالى مش عنده الجانب الروحى اللى يرفه بيه عن نفسه واكيد هتبقى فى احصائيات توضح المشكلة من جميع جوانبها. وكمان نقول ازاى الصلاة والصوم وجميع اركان الاسلام ليها فوائد روحية وجسدية تدفع الانسان لاعمار الارض.
هوه الكلام والفكرة مش حاجة جديدة ولكن الفرق ان بدل الكلام ما يتعرض بالعربى ويترجم احنا نقوله بالانجلش على طول........... وبعدين من النقطة اللى فاتت ممكن نبدأ نصحح فى حلقات تانية المفاهيم المغلوطة عن الاسلام عند الغرب

موضوع: thanks الجمعة يوليو 02, 2010 1:48 am

كلام وايت صح
وكمان المفروض اننا نوضح ان دا دورنا
احنا كشباب
بما اننا زى ما بيقولوا امل المستقبل
نحاول نسد الفجوة العميقة ما بين الشرق والغرب
ونحاول ننشر السلام عن طريق المناقشات و الحوارات
والامر هيصبح اسها معانا حلقة بعد حلقة
لس نشد الهمة الاول ونبدا التنفيذ
وكمان زى ما وايت قالت
ان الموضوع مش جديد اوى بس احنا هنعمله بالانجلش
وهيكون الحوار من شباب لشباب وهنحاول نخليه مختلف ومتميز

موضوع: رد: للجادين فقط الجمعة يوليو 02, 2010 3:26 am

بجد مصر بتتقدم بينا
طول ما في شباب زيكوا وعقول بتفكر ازاي تخدم دينها
اكيد عمرنا ما هنتأخر
وعاشت مصر واحنا عشنا ليها

يا جماعه انا زي ما قولت من الاول انا معاكو وهتناقش انا وشمس ووايت علي الميلوكمان هقول لاصحابنا اللي مش مشتركين ف المنتدي وخليهم كلهم يشتركو علشان نتعاون كلنا ف الموضوع ده علشان بجد نقدر نغير حاجه من الحاجات الغلط اللي حوالينا تخيلو امبارح بتفرج علي برنامج ديني لقيت ناس بتتصل بالشيخ وتقوله ان في شكوك حول سورتين ف القران انهم مش صح ومش موجودين ومتألفين وبرضو شكولو حول احاديث نبويه وعادات ف الاسلام يا جماعه محاربة الاسلام زادت اوي واحنا بجد لازم نحاول نعمل اي حاجه حتي لو صغيره ده هيشجع الشباب انهم يعملو زينا وكل ده هيجيب نتيجه ف الاخر المهم التعاون واخلاص النيه لله عز وجل