elmotamez55

مركز المتميز التعليمي
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخولتسجيل دخول الاعضاء
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
اخبارنا

سيتم بمشيئه الله افتتاح مركز المتميز التعليمي لجميع المراحل مع نخبه من افضل مدرسي المحافظه للحجز والاستعلام 01008328810-01097193003

المواضيع الأخيرة
» برنامج اصلاح الCDROOm/DVD
السبت فبراير 08, 2014 4:21 am من طرف samo4454

» اعلان مركز المتميز التعليمي
الجمعة ديسمبر 13, 2013 12:59 pm من طرف Admin

» لأول مره علي اي منتدي
السبت فبراير 09, 2013 12:02 am من طرف luckyomar22

» ya3ny eih montada???
الخميس نوفمبر 01, 2012 10:37 pm من طرف amr

» كل اضحى وانتو طيبين
الخميس نوفمبر 01, 2012 10:30 pm من طرف amr

» كورس بوربوينت 2007
الإثنين أكتوبر 29, 2012 11:27 am من طرف knight

» لقد خدعوا الشعب المصرى .. ابكى يامصر ابكر !!!
الإثنين أكتوبر 29, 2012 11:15 am من طرف knight

» توفير عماله مصرية سائقين طباخين نجارين عمال جميع التخصصات
الأحد أغسطس 12, 2012 3:24 pm من طرف nour2000

» كورس MOS 2007 عربى مجانى
الأحد يونيو 17, 2012 9:58 pm من طرف samehsaad

» امتحانات Icdl 2011
الخميس يناير 05, 2012 8:47 pm من طرف knight

facebook page
https://www.facebook.com/elmotamez55?ref=hl
أفضل 10 أعضاء في هذا المنتدى
ashek el horrya
 
Admin
 
amr
 
knight
 
lost
 
Mahmoud Sayed
 
white
 
princess
 
MASRAWY
 
sweet as rose
 
بحـث
 
 

نتائج البحث
 
Rechercher بحث متقدم
الساعه
.

شاطر | 
 

 اوعى النمل يبهدلك!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Nsa'em
عضو نشيـط
عضو نشيـط
avatar

انثى عدد المساهمات : 73
نقاط : 27393
تاريخ التسجيل : 01/06/2010
بلدك : مصريه

مُساهمةموضوع: اوعى النمل يبهدلك!!   الخميس يوليو 22, 2010 5:58 pm

موضوع قرأته وعجبني أسلوبه مختلف فحبيت انقله
يارب ينال إعجابكم
-------------------------------------------------------------------------------


إيه يا عم ؟؟


بالراحة علينا شوية ..

يبهدل مين يابا ؟؟

ده احنا جامدين قوي ..
و بعدين ده (نمل) .. يعني (أفعصه) تحت رجلي ..
نياهاهاهاها – ضحكة الأشكيف يعني –يا واد يا جامد ...
بقى النمل مش بيكعبل ؟؟
ده بيبهدل و ممكن يوقعك على (جدور رقبتك) كمان !!
و حاجات صغيرة كتير زيه كده ممكن تبهدلك أكتر من الحاجات الكبيرة ..

زي ما ابن الجوزي بيقول :
( و كم من قتيلٍ في صف الحرب اُغتيل .. فأتام مالم يحتسب ممن يأنف النظر إليه ) !!!
و بعدين الحاجات الصغيرة دي هي اللي الشيطان (بينمَّر) عليها ..
و بيحاول يوقعنا فيها في البداية ..
و كما قال رسول الله –صلى الله عليه و سلم- : (( إن الشيطان قد يئس أن تعبد الأصنام في أرض العرب ولكنه سيرضى منكم بدون ذلك بالمحقرات وهي الموبقات يوم القيامة ))

و للأمانة الحديث ضعفه بعض العلماء .. لكن الشيخ الألباني قال عنه "صحيح لغيره" - صحيح الترغيب والترهيب المجلد الثاني - 21 كتاب الحدود وغيرها - 1 الترغيب في الأمر بالمعروف والنهي عن المنكر والترهيب من تركهما والمداهنة فيهما.

وحديث تاني عن رسول الله –صلى الله عليه و سلم- : (( إن الشيطان قد أيس أن يعبده المصلون في جزيرة العرب ، ولكن في التحريش بينهم )) و الحديث صحيح .
يعني الشيطان راجل (راضي بقليله) خالص .. مش عاوز مننا غير المحقرات و التحريش بس ..
الحاجات الصغيرة دي ...
بس هو مش عبيط ...
ده عارف إنها هتبهدلنا في الآخر ..
علشان كده قال رسول الله –صلى الله عليه و سلم- : (( إياكم و محقرات الذنوب فإنهن يجتمعن على الرجل حتى يهلكنه كرجل كان بأرض فلاة فحضر صنيع القوم فجعل الرجل يجيء بالعود و الرجل يجيء بالعود حتى جمعوا من ذلك سوادا و أججوا نارا فأنضجوا ما فيها ))
شفت إزاي ؟؟؟
يعني مش (هيكعبلوه) بس .. و لا (هيبهدلوه) بس .. لكن (هيهلكوه) !!
يعني شوية حطب صغيرين ... الواحد بيستقل بيهم ...
بس لما يكتروا ممكن يولعوا في الواحد ..
و العرب زمان كانوا بيقولوا : "إنما السيل اجتماع النقط" ..

يعني أي حاجة كبيرة أصلها شوية حاجات صغيرة !!

و على فكرة أحيانا الحاجات الصغيرة دي بتبهدل الواحد أكتر من الحاجات الكبيرة .. عارف إزاي ؟؟
لأن الحاجات الكبيرة الواحد بياخد باله منها ..
و بيخلي باله و بيحترس كي لا يقع فيها ...
و إن وقع فيها .. تلاقيع أخد باله .. و قام بسرعة و استغفر من (المصيبة الكبيرة) اللي (نيّلها) دي ..

لكن بقى في الحاجات الصغيرة دي ...
الواحد ساعات مش بياخد باله أصلا إنه عمل حاجة غلط علشان يستغفر منها ..

و لو أخد باله إنه عمل حاجة غلط .. ممكن يستقل بيها ...
و مش داري إن الحطب عمال يجتمع عليه و يزيد حواليه ...
لحد ما ييجي في يوم و يولع بيه و يقول : هو أنا عملت إيه يا رب ؟؟ !!!
يعني مثلا واحد ماشي في الشارع (يوزع نظرات) , أو مشغل الـMP3 بالأغاني في ودنه ليل نهار ... و مش داري إن الحطب عمال يزيييييييييييييد حواليه ...أو واحدة لابسة (محزق و ملزق) و ماشية في الشارع كل (شباب القرن الواحد و العشرين) بيبصوا عليها ..
أو مثلا (حاطة كَلونيا) و ماشية الناس كلها بتشم ريحيتها ..
و مش عارفة إن الرسول قال : (( أيما امرأة استعطرت فمرت على قوم ليجدوا من ريحها فهي زانية )) –
و بسرعة كده ننبه على قول رسول الله : (( ألا و طيب الرجال ريح لا لون له ألا و طيب النساء لون لا ريح له )) يعني المرأة المفروض ما تحطش حاجة ليها ريحة كي لا تجذب الأنظار ليها –و مش حاطة في دماغها إنها بتعمل حاجة غلط أصلا ..
أو عارفة لكن بتقول دي حاجة بسيطة ...
شوفوا البنات غيري بيعملوا إيه ؟؟
ده أنا كده (الست خضرا الشريفة) ..
و برضه الحطب عمال يزيد حواليها ..
و لو (أخدت لي بالك) كده -بدل ما انت سايبه في بيتكم- , هتلاقي إن الذنوب الصغيرة دي لو كانوا استغفروا منها كانت هتبقى أسهل بكتير من الذنوب الكبيرة ..
بس هم ما أخدوش بالهم ..
أو استقلوا بيها ..
لحد ما بقت أكبر من الذنوب الكبيرة اللي هم مش بيقعوا فيها , و لو وقعوا فيها بياخدوا بالهم منها علشان ما يقعوش فيها تاني ..
و بيستغفروا منها .. و بيندموا عليها ..
و سايبيين الحاجات الصغيرة تكعبلهم ..
مع إن الحاجات الصغيرة دي هي (التطور الطبيعي للمصيبة الجامدة) Very Happy !!
و زي ما بيقول بيت الشعر :
نظرة , فابتسامة , فسلام , فكلام , فوعد , فلقاء

علشان كده ربنا نهانا فقال : { لا تتبعوا خطوات الشيطان }..

علشان كده الواحد (الفقيق) و الذكي المفروض ياخد باله من (جمال خطوته) و من (النمل) اللي بيتكعبل فيه ده ..
و من (الحطب) اللي عمال يتجمع حواليه ..
و لما يقع في ذنب يستنى كده و يشوف هو وقع فيه ليه ؟
و إزاي ؟
علشان ما يقعش فيه مرة تانية ..
زي ابن الجوزي ما بيقول :
" رأيت كل من يتعثر بشيء يلتفت إلي ما تعثر به ، فينظر إليه ،
إما ليحذر منه أن مرّ عليه مرة أخرى ،
أو لينظر ـ مع احترازه و فهمه ـ كيف فاته التحرز من مثل هذا
فأخذت من ذلك إشارة و قلت : يا من عثر مراراً هلا أبصرت ما الذي عثرك فاحترزت من مثله ، أو قبحت لنفسك مع حزمها تلك الواقعة . "


–بتصرف و تغيير بعض الألفاظ الجزلة-
و خلي بالك برضه ..
إن (مش كل مرة تسلم الجرة) ..
. ممكن في مرة تقع و (تنكسر رقبتك) و ما ترجعش سليم زي ما كنت ..
ترجع (بعاهة) –مستديرة - cyclops ..
و اسمع لكلام ابن الجوزي إذ يقول :" ليس من رقع و خاط ، كمن ثوبه صحيح .
و رُب عظمٍ هِيض –يعني انكسر- لم ينجبر ، فإن جُبر فعلى وَهن –يعني على ضعف- ".......................




بس خلاص ..
و جزاكم الله خيرا على حسن الاستماع – مع إنكم لو زعقتم و انتوا بتقرأوا ما كنت هسمع حاجة يعني - ..
و إني ما كتبت الكلام ده لخلوي منه دونكم ..
بل لأعظ نفسي قبلكم ...
فإنه حقٌ على أهل الكؤوس أن يتناصحوا ..
و إن كنت لم أنتبه بالذي وَعَظتُ بهِ فانتبه أنت به
و لا تنسونا من دعوة صالحة بظهر الغيب فإنه ((ما من عبد مسلم يدعو لاخيه بظهر الغيب إلا قال الملك : و لك بمثل ))
..


يعني ما تستخصرش حاجة في نفسك و لا فيا و ادعيلي : اللهم اغفر له و ارحمه و تب عليه و أدخله الجنة و أجره من النار و وفقه لما تحب و ترضى و جميع المسلمين و المسلمات




منقول
الرجوع الى أعلى الصفحة اذهب الى الأسفل
amr
مشرف
مشرف
avatar

ذكر عدد المساهمات : 969
نقاط : 33766
تاريخ التسجيل : 10/12/2008
العمر : 28
العمل/الترفيه العمل/الترفيه : ضابط حربية
المزاج المزاج : هو فيه أحسن من كده!!
بلدك : مصري
الابراج : الجوزاء


مُساهمةموضوع: رد: اوعى النمل يبهدلك!!   الخميس يوليو 22, 2010 6:29 pm

بجد موضوع راااااااااااااااااااااااااااااااااائع لحد السنه اللى جايه , وبجد من اجمل المواضيع اللى نزلت المنتدى من يوم انشاؤه
شكرا جزيلا وفعلا الواحد لازم ياخد باله من النمل اللى حواليه والحطب الكتير اوى ده
ربنا يسترها معانا ويغفر لنا ويرحمنا
وربنا يجازيك خير على هذا الموضوع وربنا يجعله فى ميزان حسناتك يارب
الرجوع الى أعلى الصفحة اذهب الى الأسفل
Nsa'em
عضو نشيـط
عضو نشيـط
avatar

انثى عدد المساهمات : 73
نقاط : 27393
تاريخ التسجيل : 01/06/2010
بلدك : مصريه

مُساهمةموضوع: رد: اوعى النمل يبهدلك!!   الخميس يوليو 22, 2010 7:25 pm

آمين يارب العالمين
جزيت خيرا على مرورك وردك الطيب
الرجوع الى أعلى الصفحة اذهب الى الأسفل
sun shining
الاعضاء المتميزين
الاعضاء المتميزين
avatar

انثى عدد المساهمات : 155
نقاط : 27495
تاريخ التسجيل : 01/06/2010
العمر : 25
العمل/الترفيه العمل/الترفيه : طاااااااالبة
المزاج المزاج : الحمد لله
بلدك : مصريه
الابراج : العقرب


مُساهمةموضوع: رد: اوعى النمل يبهدلك!!   الخميس يوليو 22, 2010 8:07 pm

موضوع اكثر من رااااااااااااااااااااااااااااااااائع
نسايم تسلمى
جزاك الله كل خير
الرجوع الى أعلى الصفحة اذهب الى الأسفل
Nsa'em
عضو نشيـط
عضو نشيـط
avatar

انثى عدد المساهمات : 73
نقاط : 27393
تاريخ التسجيل : 01/06/2010
بلدك : مصريه

مُساهمةموضوع: رد: اوعى النمل يبهدلك!!   الخميس يوليو 22, 2010 10:10 pm

وإياكي شموسة
ربنا يكرمك يارب
الرجوع الى أعلى الصفحة اذهب الى الأسفل
white
مشرف
مشرف
avatar

انثى عدد المساهمات : 390
نقاط : 30106
تاريخ التسجيل : 17/10/2009
المزاج المزاج : الحمد لله
بلدك : مصريه

مُساهمةموضوع: رد: اوعى النمل يبهدلك!!   الخميس يوليو 22, 2010 10:21 pm

جزاكى الله خيرا يا نسايم فعلا الواحد لازم ياخد باله من النمل والحطب وممكن يخلى الحطب يقل وميبقاش موجود بالمرة وده طبعا بالتوبة
اللهم اغفر لى وتب علي وارحمنى واعفو عنى ....... موضوع جمييييييييييل جدا
الرجوع الى أعلى الصفحة اذهب الى الأسفل
Nsa'em
عضو نشيـط
عضو نشيـط
avatar

انثى عدد المساهمات : 73
نقاط : 27393
تاريخ التسجيل : 01/06/2010
بلدك : مصريه

مُساهمةموضوع: رد: اوعى النمل يبهدلك!!   الخميس يوليو 22, 2010 10:52 pm

سررت بمرورك وردك وايت
جزاك الله خيرا
الرجوع الى أعلى الصفحة اذهب الى الأسفل
princess
الاعضاء المتميزين
الاعضاء المتميزين
avatar

انثى عدد المساهمات : 288
نقاط : 27722
تاريخ التسجيل : 28/05/2010
العمر : 28
العمل/الترفيه العمل/الترفيه : Student 4 ever
المزاج المزاج : ؟؟؟؟؟؟؟؟؟
بلدك : مصريه
الابراج : السمك


مُساهمةموضوع: رد: اوعى النمل يبهدلك!!   الجمعة يوليو 23, 2010 7:36 am

ايه يبهدل مين يا بنتي دا احنا جامدين اوي
اول ما قرأت الموضوع يا نسايم عملت حسابي
و نزلت جري لميت كل المبيدات الحشريه اللي موجوده ف السوق" النمل قادم"
وبمناسبة النمل في فيلم كارتون حلو اوي اسمه"Bug's Life" يا ريت تشوفيه عن النمل
بجد تحفه . طبعا انا شفته مدبلج.
بعيد عن النمل احسن حاسه ان ايديا نملت:علي رأي وايت:
1-عنوان الموضوع جذاب جدا "اوعي النمل يبهدلك" وبدايته رائعه
2-حلوه اوى "ده التطور الطبيعي للمصيبه الكبيره" لانها بتلخص الموضوع
لان معظم الناس بترتكب اخطاء وذنوب وشايفه انها صغيره او انها مش اخطاء اساسا
وتتراكم لحد ما تبقي مصيبه كبيره فلازم ناخد بالنا ومش نستهين بالحاجات الصغيره ونعديها
3-الموضوع تحفه وتستاهلي عليه وسام ملكي وسلام نج.......(ايه سلامي المفضل)
واكيد عرفتي الموضوع عجبني ولا لاء..

ملحوظه رفيعه(نياهاهاهاهاهاها حلوه اوي ضحكة الاشرار دي كان نفسي اعرف بتتكتب ازاي)
الرجوع الى أعلى الصفحة اذهب الى الأسفل
Admin
مدير المنتدي
مدير المنتدي
avatar

ذكر عدد المساهمات : 1005
نقاط : 35082
تاريخ التسجيل : 09/12/2008
العمر : 28
العمل/الترفيه العمل/الترفيه : بابني مصر
المزاج المزاج : مفيش احسن من كده
بلدك : مصري
الابراج : العذراء


مُساهمةموضوع: رد: اوعى النمل يبهدلك!!   الجمعة يوليو 23, 2010 11:11 am

راااااااائع ....جزاكي الله عنا كل خير
الرجوع الى أعلى الصفحة اذهب الى الأسفل
http://elmotamez55.ahlamontada.net
Nsa'em
عضو نشيـط
عضو نشيـط
avatar

انثى عدد المساهمات : 73
نقاط : 27393
تاريخ التسجيل : 01/06/2010
بلدك : مصريه

مُساهمةموضوع: رد: اوعى النمل يبهدلك!!   السبت يوليو 24, 2010 2:13 pm

شكرا يا برنسيس لمرورك وردك الفظييييييع نياهاهاهاها، ههههههههه
حلو التحليل بتاعك ده ، بس المبيد الحشري مش هينفع مع الحطب
ابعتيلي الكرتون اللى بتقولي عليه ده
وقولتلك مية مرة بطلي سلام النج..... عشان بكرهه
حااااااااضر أنا هخترعلك سلام هخليكي تكرهي السلام أصلا
طبعا بهزر يا برنسيسة سلمي براحتك المهم تسلمي
جزيتِ خيرا على تعليقك
الرجوع الى أعلى الصفحة اذهب الى الأسفل
Nsa'em
عضو نشيـط
عضو نشيـط
avatar

انثى عدد المساهمات : 73
نقاط : 27393
تاريخ التسجيل : 01/06/2010
بلدك : مصريه

مُساهمةموضوع: رد: اوعى النمل يبهدلك!!   السبت يوليو 24, 2010 2:17 pm

Thanks Mr. Admin 4 ur passing

May Allah reward u well
الرجوع الى أعلى الصفحة اذهب الى الأسفل
lost
مشرف
مشرف
avatar

ذكر عدد المساهمات : 484
نقاط : 32303
تاريخ التسجيل : 17/03/2009
العمر : 24
المزاج المزاج : مصرى وافتخر
بلدك : مصري
الابراج : القوس


مُساهمةموضوع: رد: اوعى النمل يبهدلك!!   السبت يوليو 24, 2010 6:14 pm

والله بادره خير لانضمام عضو متألق آخر الى سلسله اعضائنا المتألقين وشكرا على الموضوع المتميز
الرجوع الى أعلى الصفحة اذهب الى الأسفل
Nsa'em
عضو نشيـط
عضو نشيـط
avatar

انثى عدد المساهمات : 73
نقاط : 27393
تاريخ التسجيل : 01/06/2010
بلدك : مصريه

مُساهمةموضوع: رد: اوعى النمل يبهدلك!!   الأحد يوليو 25, 2010 1:01 am

Thanks Lost 4 ur passing
I appreciate it
الرجوع الى أعلى الصفحة اذهب الى الأسفل
white
مشرف
مشرف
avatar

انثى عدد المساهمات : 390
نقاط : 30106
تاريخ التسجيل : 17/10/2009
المزاج المزاج : الحمد لله
بلدك : مصريه

مُساهمةموضوع: رد: اوعى النمل يبهدلك!!   الأحد يوليو 25, 2010 7:56 am

على فكرة يا برنسيس ممكن تسلمى سلام الشح........ انتى عارفة الباقى او ممكن تكمليلنا باقى قايمة السلامات
الرجوع الى أعلى الصفحة اذهب الى الأسفل
 
اوعى النمل يبهدلك!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
elmotamez55 :: المنتدي الاسلامي :: الاســـلامـيات-
انتقل الى: