حادث مأساوي لاحد اعضاء المنتدي

القت امس منظمة ال "MCQ " القبض علي احد اعضاء منتدي كلية الاداب قسم انجليزي وذلك لحيازته بعض المعلومات السريه الخطيره التي تمس امن دولة "كفر البطيخ" ورغم المحاولات المستميته التي قام بها العضو للفرار الا انها باءت جميعها بالفشل وقد ارغم العضو علي الجلوس علي كرسي الاعتراف ليدلي باقواله
وقد تمكنت مصادرنا من كشف هوية هذا العضو ويدعيamr وعندما سئل العضو عن الاسباب الاخري للقبض عليه اخبروه بانه كان اول عضو يوجه الاتهامات (الاسئله) للادمن عندما جلس علي نفس الكرسي وبالتالي فأن اول من يوجه الاسئله سيقبض عليه ليحاكم في الجلسه التاليه لمده 48 ساعه من كتابه اول اعتراف بأثتثناء كاتب هذا الموضوع ومن تم استجوابهم . كما تمكن نفس المصدر من معرفة بعض الاستله التي وجهت للعضو وأكد اننا لن نعرف ما وراء هذا العضو حتي يجيب علي هذه الاسئله واسئلة باقي اعضاء المنظمة.
س سؤال:
1-ايه احساسك وانت علي الكرسي بعد هذا الحادث ؟
2-اذا رأيت موضوع ولم يعجبك و ازعجك هل تعبر عن ذلك او تسكت؟
3-ما هو شعورك عندما تسمع العبارات الاتية وما رأيك وانطباعك عمن يقولها:
-وانا مالي
-انا عبد المأمور
-عيش ندل تموت مستور
4-ايه هي اقرب لحظه حسيت فيها بالسعاده واقرب لحظه حسيت فيها بالتعاسه؟
5-اعتذار تريد ان تقدمه لمن؟
6-اذا اردت ان تبكي الان ،فعلي من تبكي؟ومن تختار ليمسح دموعك؟
7-"كل يوم اصحي الساعة 7.. اغسل وشي بميه سخنه ولعه..اجري اركب خط 7"
بدايه رائعه فين الباقي؟
8-وانت رايح امتحان" الادب الامريكي" مع اصحابك عملتوا حادثه وكل اصحابك كانت اصابتهم بالغه وانت خرجت سليم وفاضل 5 دقائق علي الامتحان هتتصرف ازاي
مع العلم ان ده اخر امتحان واخر سنه (الموقف جاد)؟
9-الحكومة هتتغير(قريب كمان خمسين ستين سنه ) وانت مترشح لمنصب وزاري هتختار وزارة ايه؟ وليه؟
10- شوية حاجات اول ما تشوفها بتحس بايه :
بوكيه ورد ـ ورده واحده_ ابتسامه من شخص مش عارفاه_شروق الشمس_
طفل متسول
11-مين من العضاء دول تعرف اسمائهم الحقيقية
(وايت-نسايم-إالف شيلد-نيفرو-كايند هارت)

انتهي التحقيق

لاء لسه
في سؤال مهم كنت هنساه
12-"معاك سكينه سوداء وخيط حرير ابيض طوله39 سم وبرتقاله وزنها 72 جرام "
يا تري ممكن تعمل بيهم إيه؟

خضيتينى يا برنسيس
هوا انا مش هييجى عليا وم واتسأل
انا من رأيى الاسئلة تكون لأفضل 10اعضاء بالترتيب

اللهم صلى ع النبى, انا تم القبض عليا وكمان أمن دوله(يا بركة دعاكى يا أما), بس طبعا الرجال بتبان وقت الشدة وأنا لا يمكن هاعترف على حد من زمايلى ابدا , وللا هو ينفع أوشى بحد منهم أوشى بحد دا انا كده مش ارود على جنه(اسمهم على علوكه واشرف اردخانه وسعيد انبوبه)

المهم بدون إطاله ورخامه ياللا نجاوب على طوووووووووول

1/احساسى وانا على الكرسى: فرحان جدا لأنى كان نفسى من زمان حد يسألنى وانا اجاوب , وبعيدا عن هذا الحادث المأساوى (اللى خضنى طبعا) انا بحب كرسى الاعتراف جدا لأنه بيعطى للانسان فرصه انه يتكلم بصراحه

2/لو رأيت موضوع ولم يعجبنى وأزعجنى: غالبا مش برد علشان مش عايز أجرح حد, بس أوقات لازم ترد لأن عدم ردك ممكن يكون خوف او جبن

3/وأنا مالى: كلمة بتضايقنى جدا ( أمال مال مين يعنى)
أنا عبدالمأمور: بحس ف اللى بيقوللها بالذل والانكسار و غالبا بحس بالشفقه ناحيته
عيش ندل تموت مستور:المثل ده بالذات له قصه معايا, كنت مره فى الشغل وكنت محتاج مساعده انا وواحد صاحبى فطلبنا مساعده من واحد مش عارفينه قاللنا "عيش ندل تموت مستور" فراح صاحبى قال له "يا كابتن هو انت من البحيره؟" قال له" اه" , فأنا على طول كل ما اسمع المثل ده افتكر بتوع البحيره واشتمهم بصراحه

اقرب لحظة حسيت فيها بالسعادة كانت فرح أخو مصطفى (استاذ محمد) لأن كلنا كنا موجودين وكنا فرحانين جدا ولا كأنه فرحنا احنا ورقصنا وهيصنا وضحكنا
اقرب لحظة حسيت فيها بالتعاسة كانت اخر يوم امتحانات لما كنت بدور على اصحابى لقيتهم واقفين بعيد فى حته متداريه وعمالين يعيطو ويتنحبوا وانا عمال اراضى ف ده وأدادى ف ده وأقول لهم عمرنا ماهنسيب بعض وماتخافوش , واحمد شعبان كان بيعيط بهيستريا هو وخالد واحمد رمضان, حتى احمد عبدالواحد اللى مش بيبطل ضحك الدمعه كانت هاتنزل من عينه , فعلا دى كانت اكتر لحظة ف حياتى حسيت فيها بالتعاسه, بس الحمد لله مش دامت كتير

إعتذار أريد ان اقدمه لأى احد انا ف يوم زعلته , وكمان واحد لأى حد انا وثقت فيه وطلع مش أهل للثقه بقولله انا اسف انى وثقت فيك

لو انا رايح الامتحان مع اصحابى وهو اخر امتحان وحصل اللى حصل ده : بجد من غير مبالغة مش هاسيبهم ابدا وهاطلبلهم الاسعاف وهاروح معاهم المستشفى ومش هاروح الامتحان

لو الحكومه هاتتغير هامسك وزارة الخارجية طبعا( دا حلم حياتى) علشان اظبط العلاقات الخارجية اللى باظت دى (وكمان الواحد كل يوم يروح مكان جديد, مش وزير بقى)

بوكية ورد: التفاؤل
وردة واحده: احساس عايز يوصل سواء كان احساس بالحب او بالصداقة او بالكره حتى ممكن نعبر عنه بورده واحده
ابتسامة من شخص مش عارفه: باستغرب (لانى بخاف يكون هو عارفنى وانا مش فاكره او مش عارفه) بس لو مش عارفه مش عارفه باستغرب برده
شروق الشمس بيحسسنى انه لسه فيه امل
طفل متسول بيحسسنى انى عاجز وقليل الحيله علشان مش قادر اساعده

وايت/إلف تشيلد

لو معايا الحاجات دى مش هافتح الموضوع ده تانى علشان الشلل انتشر ف البلد اليومين دول

_على فكره انا مش نسيت السؤال بتاع صحيت الساعة سبعه بس دى كانت اغنية انا كتبتها قبل الحفله ووريتها لاصحابى وظبطنالها موسيقى لايقة عليها(راب طبعا) ومش لقينا حد يغنيها ع المسرح فلغيناها, لو انتو عايزين باقى الاغنيه اوكى( بس دى هبلة جدا جدا)

شكرا جزيلا برينسيس على الاسئلة الجميلة دى وشكرا على المجهود ويارب اكون جاوبت بكل صراحة وبدون دبلوماسية
ملحوظة : الاسئلة كانت سهلة جدا (هههههههههههه)

ماتخافش يا محمود ان شاء الله هنقعدك على الكرسى بس الصبر طيب

وبعد الاستماع الي اقوال المتهم واعترافه بسهولة الاسئله قررت هيئة المحلفين اضافة بعض الاسئله
كما تناشد باقي اعضاء المنظمه بان يشتدوا عليه في توجيه الاسئله
محكمه
بالنسبه" للساعه 7 " بما انها كانت لحفلة التخرج يبقي اكيد كويسه مش هبله جدا جدا
وعلي فكره نسيت تجاوب سؤال –اذا اردت ان تبكي...(ولا تلاشيته)
وادي كمان شوية اسئله:
1-توجه هذه الجمل لمن من الاعضاء:
*مواضيعك ممتازه
*رايك بيعجبني
*انت فين المنتدي وحش من غيرك
*مش عارف انت شخصيه حزينه ولا سعيده
*بحب اقراء ردودك
*انت شخصيه قويه تتحمل الصعاب
*الايام بيننا
2-ايه رايك في الطب النفسي ؟وهل فكره الذهاب الي طبيب نفساني جت علي بالك في يوم من الايام؟
3-"راح اللي راح وما تفيد كلمة يا ريت" لو هتقول الجمله دي لنفسك هتقصد بيها ايه؟
4-لو خليتك تسأل نفسك سؤال يبدأ ب لو هيكون ايه وايه هي الاجابه؟

بالنسبه للي هيقعد علي الكرسي المره الجايه هيكون علي اساس ايه اختارو:
-افضل عشرة اعضاء
-اللي ع الكرسي هيختار اللي هيكون بعده
-اول حد يوجه الاسئله هيكون التالي

وما زالت القضيه مستمره
في انتظار اسئلة باقي الاعضاء

طبعا عنوان مرعب .. بس طريقه عرض رائعه يا برنسيس .. واخيرا يا عمور قعدت علي الكرسي حبيبي دا انا هروقك .. فاكر لما كنت بترخم عليا ، ومتخفش " انت في قلبي " " تكلم يا ابن الشعب " ...

من غير كلام كتير نقول الاسئله علي بركه الله
1- ايه اكتر موقف محرج ليك طوال اربع سنين الكليه ؟؟
2- استقبلت خبر وقف التعينات للمعيدين ازاي ؟؟
3- هل رغم المحاولات المستميته واكيد المحاولات كتير لافساد علاقتي معك ، تأثرت صوره مصطفي في نظر عمرو ؟؟
4- حاجه عملتها وندمت عليها ؟؟ ولو رجع بيك الوقت هتمسحها من تاريخك
5- امتي اكتر مره حسيت فيها بالظلم ؟ وهل لو شعرت بالظلم هتدفن رأسك في الرمل ولا هتكمل وتثبت انك مش بسهوله تتكسر
6- الحياه مواقف .. ايه هو الموقف اللي عمرك ما هتنساه وكمان حد عمل معاك موقف راجل وحسيت فعلا ان ليك صاحب تعتمد عليه
7- مين من اصحابنا زعلان فعلا انك مش هتشوفه تاني في الكليه ؟؟ ومين من الدكاتره فعلا هتحس انك مفتقده ؟؟ عايز اسم واحد بس
8- تعطي لمين الالقاب دي " منحوس ، رخم ، ندل ، كئيب " ؟؟ لازم تجاوب
9- نيجي بقي للاسئله بتاعه المنتدي ..
كان في فكره كده انت قولتلي عليها هنعملها للمنتدي يا تري ايه هي الفكره دي وانت قولتلي بعد الامتحانات ؟؟
* عضو تختاره يكون ادمن المنتدي ؟؟
* موضوع حطيته علي المنتدي وندمت بعد كده انك حطيته ؟؟
كفايه كده اسئله انا نفسي زهقت

حرام عليكى يا برنسيس العنوان يخض ههههههههههه بس اسلوب السرد جميل
وبالنسبة لعمرو فى شوية اسئلة يا ريت تجاوب عليهم
بلد حلم عمرك انك تزورها؟
مين احسن رايس حكم مصر؟
ايه رأيك فى الفلاسفة؟
ايه رأيك فى اجيال اليومين دول هما افضل ولا اجيال الستيينات والسبعينات؟
كفاية كده فاصل ثم نواصل.......................

ايه ده ايه ده انتو ماصدقتو وللا ايه , وبعدين كلى جبته لنفسى لما قلت ان الاسئلى كانت سهله , خلاص يا جماعه الاسئله كانت صعبه جداااااا

طيب انا هابدأ ب برينسيس المنتدى

بالنسبة لسؤال اذا اردت ان تبكى انا فعلا والله نسيته بس لو هاجاوب هاقول انى صعب جدا ابكى ومهما كنت زعلان او متضايق عمرى ما ببكى ابدا (دى حقيقه والله)

1/مواضيعك ممتازه: نسائم
رأيك بيعجبنى: محمد حسام
انت فين المنتدى وحش من غيرك: sweet as rose & masrawy
مش عارف انت شخصية حزينه وللا سعيدة: elfchild
بحب اقرأ ردودك: برينسيس
انت شخصية قوية تتحمل الصعاب: مصطفى وخالد
الايام بيننا: thomas hunter

2/ انا شايف ان الطب النفسى مجال ممتع جدا وبيحتاج لمجهود كبير و كمان بيحتاج لشخص نافذ البصيرة ويكون بيقدر يقرأ الناس كويس , وانا شخصيا بحب العلم ده جدا وبحب دايما احلل الشخصيات اللى قدامى واقرأ الشخصية اللى قدامى قبل ما اتعامل معاها او علشان احدد الطريقة المناسبة للتعامل معاها , بس عمرى ما فكرت انى اروح لطبيب نفسى لانى بعتبر ان انا الطبيب النفسى الخاص بتاعى

3/ راح اللى راح وما تفيد كلمة ياريت اقولها للايميل بتاعى (اللى واحد حيوان مايستاهلش انى حتى اذكره لان ذكرى ليه هايرفع من شأنه وهو احقر من انى الفظ اسمه على لسانى) سرقه وهو فاكر انه عمل انجاز كبير كده , مايعرفش ان الناس الاذكياء بيكونو عاملين اميل احتياطى بكل البيانات المهمة وماحدش يعرفه من الحثالة امثاله , بس معلش اقول له " الغبى من يظن ان الناس اغبياء"

4/سؤال ب"لو" بصراحة انا مش بحب الكلمة دى لأنها بتفتح عمل الشيطان وانا بحب بعد ما اعمل حاجه اكون راضى عنها مسبقا وبكون راضى بقضاء ربنا وقدره , بس لو فرضنا انى هاسأل سؤال ب " لو" هاسأل : يا ترى لو كنت دخلت قسم تانى كنت هلاقى اصحاب زيكم وللا كنت هاقدر اعيش اصلا؟ والاجابة : لأ طبعا يا بنى ادم هو ينفع نعيش من غير دم ف عروقنا .

نيجى بقى لأسئلة مصطفى ( اللى بيردهالى)

بصراحة اسئلة صعبة اوى يا مصطفى بس برده هارد بدون اى دبلوماسية

1/اكتر موقف محرج: لما كنا ف سنه تالته وكنا فى محاضرة دكتو احمد عبد السلام (ف اداب الدور الرابع) وكنا قاعدين نهزر احنا الشباب ورا خالص , دكتور احمد قالنا اطلعو قدام0 بما ان القاعه كانت فاضية) قولنا له لا احنا هنا بنشوف اكتر, المهم جلست لأمارس افضل هواياتى ف المحاضرات وهى انى اهزر وادى افيهات بدون ما اضحك ولكن زمايلى كانو بيضحكو ويطردوا هما و انا ولأ طبعا ( وبعد ما اطلع اقعد اضحك عليهم جدا), بس المره دى قال لنا انتو الخمسة بره , قعدت اقول له انا كنت قاعد ساكت قاللى بره انتو الخمسة وهاتو اسماءكم(راح احمد رمضان زى الشاطر اداله الاسماء) وخرجنا نجر اذيال الخيبة والانكسار والاحرااااااج الشديييييييييد

2/ استقبلت خبر وقف تعيين المعيدين ازاى؟ اولا انا استقبلت الخبر عندك ف البيت لو تفتكر يا مصطفى , و أول ما عرفت ابتسمت لأنى كنت متوقع حركة زى دى عادى جدا علشان مش كنت حاسب للموضوع حساب , بس علشان اكون صريح انا بعد كده زعلت بس والله مش عليا , على الطالبة الاولى اللى تستحق بجدارة انها تكون دكتورة ف الجامعه نظرا لتفوقها ومجهودها طوال الاربع سنوات

3/المحاولات كانت مميتة فعلا يا مصطفى ومازالت مستمرة للأسف , بس الحمد لله كل مرة العلاقة بتتوطد اكتر وانت عارف كده كويس يا مصطفى , انت واحد من اعز اصدقائى وعمر ما فيه حاجه او حد يقدر يغير ده (حتى لو انت نفسك حاولت تغير ده مش هاتعرف على فكره) وصورتك ف نظرى عمرها ما هاتتغيرابدا مهما حصل يا درش ( علشان كده نفسى يبطلو بقى الهبل ده)

4/ حاجة عملتها وندمت عليها ؟ اكيد انا عملت حاجات كتير غلط وندمت عليها طبعا , بس لو رجع بيا الزمن مش هامسح اى حاجه من الحاجات الغلط دى من حياتى لأنها علمتنى كتير اوى وعلى اد ما بنغلط على اد ما بنتعلم وناخد خبره , وعلشان كده الواحد بياخد باله بعد كده

5/اكتر مره حسيت فيها بالظلم؟ يعنى يا مصطفى انت عارف ان الاحساس بالظلم ده احساس وحش جدا وصعب تحمله بصراحه , بس بحس بالظلم لما حد يفهمنى غلط او يفهم عنى كلام غلط وهو مش صحيح عنى , وبتضايق جدا لما واحد صاحبى يصدق الكلام ده من غير حتى ما يسلأبنى او يواجهنى , فعلا ساعتها بحس بالظلم . بس طبعا انا عمرى ما انكسرت بل بالعكس بحارب اى حد علشان ارجع حقى او اوضح وجهة نظرى , وبكمل طريقى بدون اى اعتبار لعقبات او مكيدات

6/ هى المواقف كتير بصراحة واصحابى كلهم رجاله , بس من اقرب المواقف كانت مشكلى كده حصلت واتطورت واصحابى فضلو معايا ماسابونيش وصممو انهم مايسيبونيش لحد ما اروح البيت , ساعتها بجد حسيت ان انا مصاحب رجالة . وموقف تانى لما كنت بعمل الفيش من قريب واتأخرت حوالى 8 ساعات , واحد صاحبى فضل منتظر معايا ال8 ساعات ورفض انه يسيبنى ويمشى وفعلا انا حسيت انه من ارجل الناس اللى صاحبتهم

7/اكيد كل اصحابنا يا درش ماتبقاش رخم , بس لو انت عايز اسم واحد بس يبقى : برده كلهم لاننا طول عمرنا واحد وكلمتنا واحدة ورأينا واحد . وبالنسبة للدكاتره انا مفتقد محاضرات د/امل ذكى جدا

8/الالقاب: منحوس: احمد رمضان طبعا
رخم : محمود سيد ( واكيد انت يا مصطفى بعد الاسئلة دى)
ندل : على محمد على ( علشان مش بيتصل خالص)
كئيب: احمد ربيع ( عامللى فيها كينج لير وعمال كل شوية كورديليا كورديليا لما صدعنا احنا ناقصينك يا عم الحاج)

اسئلة المنتدى:

الفكرة يا سيدى كانت اننا نكمل برنامج خالد بس بشكل جديد بحيث اننا نعمل حلقة مع كل واحد مننا (الشباب طبعا) وتكون زى كرسى الاعتراف كده , اسئلة هاتتوجه للضيف وهو يجاوب بصراحه , بس الاسئلة هاتكون محمورية جدا وصريحة جدا ولازم يجاوب جدا , وانا كان عندى تصور لشكل الحلقات جديد جدا جدا , وكنت باعتقد ان حاجه زى دى هاتتضاف لدولاب الذكريات بتاعنا وتفكرنا بأيام جميلة عشناها ولحظات اجمل مرينا بيها

* عضو اختاره ادمن : عيب عليك يا ابوصلاح هو حد ينفع ادمن غيرك يا ادمن ( بس مفيش مانع لو انا امسك فتره كده على سبيل التغيير يعنى ههههههههههههه) لأ طبعا ماعتقدش ان حد هايقدر يتحمل مسئولية كبيرة زى دى غيرك يا مصطفى ( بس انا عايزك تكون انشط علشان الاعضاء الجديده مبشرين جدا وشكلهم كده خطر عليك)

* موضوع حطيته وندمت عليه؟ لأ مااعتقدش انى عمرى حطيت حاجه وندمت عليها والحمد لله كل مواضيعى محترمه ( على ما اعتقد يعنى , هيا ساعات بتكون شلل شوية بس هانعمل ايه بقى) .

بجد اسئلة صعبة جدا ومردودالك يا مصطفى

نيجى بقى ل sun shining :

بلد نفسى ازورها : انجلترا طبعا وده حلمى من زمان جدا وبإذن الله هاحققه ف يوم من الايام

هشتكنا وبشتكنا ياريس دا انتا رئيس والنعمة كويس( ايه انتى عايزه تسجنينا وللا ايه؟!)
لأ لو انتى قصدك احسن رئيس بعد الثورة هاقوللك ان السادات كان احسن الوحشين وده طبعا يرجع لشجاعته ورؤيته للأمور من منظور وطنى وليس منظور اجنبى خارجى لا يرعى الا مصالح الغير( انما الشعب ده اخر حاجه تيجى على باله) وكان كمان ذكى جدا لا يصرح على الملأ بما يدور فى باله ولا يطلق وعود لا يستطيع الوفاء بها , لقد كان رجل افعال وليس اقوال ( على عكس الرئيس عبدالناصر اللى كان بيتكلم كتير جدا ويفعل قليل جدا) ( اما النجم بتاعنا فده لا بيتكلم ولا بيفعل حاجه خالص وربنا يستر , وتذكر انت فى قلبى). انما بقى لو رجعنا بالزمن لعهد قطز وبيبرس ونجم الدين وغيرهم كتير وكتير من الملوك العظام الذين احدثوا فارق فى تاريخ البشرية وتاريخ الاسلام .

3/ الفلاسفة بالنسبه ليا ناس مخها حلو اوى بس للاسف بيدخلو فى مناطق لا يجوز ان نقحم نفسنا فيها ونجادل فيها بالباطل , وللاسف بيرفضو الاعتراف بالمسلمات , بس الفلسفه كعلم هى فرع غنى جدا من العلوم واعتقد انه شيق الى حد ما ( بس بدون ما نحيد عن الصراط المستقيم فى تفكيرنا)

4/ والله انا شايف ان كل جيل ليه مميزاته وليه عيوبه , جيلنا للاسف مظلوم لانه بيواجه تحديات كبيره وكتيره وبيواجه اخطار اكبر واحطر من اى خطر مصر اتعرضتله قبل كده , الشباب دلوقتى بقى مستهدف من كل مكان والكل بيحاول يسيطر على دماغ الشباب من ناحية والشباب مش عارف يعمل ايه وللا يصدق مين وللا يمشى ورا مين , بس بجد احنا ناقصنا اننا ننسى كل حاجه ونمشى ورا طريق ربنا وبس وساعتها بس هانقدر نعدى لبر الامان

بصراحه انا بحييك يا عمور علي الردود الرائعه وبصراحه عجبتني شويه ردود ليك فعلا ملهاش حل .. بالرغم ان كان في اسئله كنت متوقع انك مش هترد عليها لكن انت اثبت فعلا انك وزير خارجيتنا .. واكتر رد عجبني فعلا الاجابه بتاعه سؤال حاجه عملتها وندمت عليها ..

وعلشان اجاباتك عجبتني هسألك سؤال واحد كمان سهل ...

كلمه تقولها لكل واحد من اصحابك بدايه من احمد ربيع نهايه بـ مصطفى وتنصح كل واحد بأيه ؟؟

قوللى يا عمور انت متفق مع الجمل دى ولا لا وعايزك يا معلم تعللى عليها فى كلتا الحالتين ( علل: هل محلات الجزارة بتبيع لحمة ؟؟؟ ) :
1// عمرو شخصية معقدة غامضة جدا يتمتع بالذكاء والدهاء والحدس .
2// تتفق ان شعبان منظم جدا ، رمضان منحوس ، مصطفى جدع ، سيد خدوم ،عامر عاشق ، عمرو فنان ، حسام مالوش حل ، وحيد بن البلد المثقف .
3// تتفق ان صن شايننج هى زهرة مدائن المنتدى حاليا ، لوست الصغير الكبير دائما ، وايت الواقعية ، نيفرو الملكة الصغيرة ، الف تشيلد الماجيكو ، برنسيس اميرة ونورالمنتدى ، نسايم فاكهة المنتدى .
4// انت حاليا خايف تحب وترتبط باى حد .
5// السكن فى استراحة TRUST مع الشلة هيكون مريح ومفيد .
6//اسبوعين اكتوبر السنة اللى فاتت معايا كانو رخمين ومملين ( كمااالة ههههه)
7//بتؤمن بالمثل القائل دارى على شمعتك تأيد ولو داريت وطفت يبقى دا قضاء وقدر .
8// احست ترتيب لامهاتنا فى الطبيخ وطعامة الاكل (ههههه) :1// والدتك يا عمرو 2// والدة مصطفى 3// والدة رمضان 4// والدة شعبان 5// ، ومحروج من يوم محشى الكرّات .
9// احسن خبر سمعته فى حياتك كانت نتيجة سنة 3 جامعة .
10//المنتدى هيسقط بعد مجموعة كبيرة مننا هتسافر واخرى العيال هتلهيم واخرين مش هتبقى فارقة معاهم .
11 // انت احيانا الناس بتفهمك غلط.

انت عارف معزتك عندى يا عمور وعلشان كدا مينفعشى اسئلك سؤالين والسلام على العموم الفقرة اللى جاية اسمها " يا محيّرنى " :
1// تقول لمين يا سلام لو العضو دا بيشترك معانا باستمرار :
حسام ، عاشق الحرية ، تشامب ، الف تشيلد
2// اكتر واحد حاسس انه بيفهمك وبتقتنع بكلامه
( جيوشى ، حسام ، انا ( اعوذ بالله من كلمة انا ) ، اللى بالى بالك ( بتاع اداب انجليزى القاهرة اللى اكبر منك بسنة ).
3// بتحلم دلوقتى انك ...
( تاخد تاجيل من الجيش ، انك تتعين معيد فى الكلية او مدرس لغة ، انك تشتغل فى مركز ترجمة ، انك تسافر لندن ، انك تكمل فى ترست )
4//لو هتغير اسم المنتدى فيبقى
( منتدى ابو صلاح ، الاصدقاء ، الاخلاقيات ، الروح والجسد )
5// حفلة التخرج تقول عنها انها
( انقذت الدفعة ، ال MASTER SCENE بتاعنا ، ابرزت مواهب وقدرات ناس مكنوش بارزين ، غيرة راى الاساتذة فينا )
ملحوظة : مينفعشى تجاوب امتر من اجابة ولو خالفت القاعدة دى هستبدل السؤال بغيره انت حر ..

انت عارف معزتك عندى يا عمور وعلشان كدا مينفعشى اسئلك سؤالين والسلام على العموم الفقرة اللى جاية اسمها " يا محيّرنى " :
1// تقول لمين يا سلام لو العضو دا بيشترك معانا باستمرار :
حسام ، عاشق الحرية ، تشامب ، الف تشيلد
2// اكتر واحد حاسس انه بيفهمك وبتقتنع بكلامه
( جيوشى ، حسام ، انا ( اعوذ بالله من كلمة انا ) ، اللى بالى بالك ( بتاع اداب انجليزى القاهرة اللى اكبر منك بسنة ).
3// بتحلم دلوقتى انك ...
( تاخد تاجيل من الجيش ، انك تتعين معيد فى الكلية او مدرس لغة ، انك تشتغل فى مركز ترجمة ، انك تسافر لندن ، انك تكمل فى ترست )
4//لو هتغير اسم المنتدى فيبقى
( منتدى ابو صلاح ، الاصدقاء ، الاخلاقيات ، الروح والجسد )
5// حفلة التخرج تقول عنها انها
( انقذت الدفعة ، ال MASTER SCENE بتاعنا ، ابرزت مواهب وقدرات ناس مكنوش بارزين ، غيرة راى الاساتذة فينا )
ملحوظة : مينفعشى تجاوب امتر من اجابة ولو خالفت القاعدة دى هستبدل السؤال بغيره انت حر ..

معلش يا مصطفى انا مش هاقدر اجاوب على سؤالك لأن كلمة واحده عمرها ما هاتكفى لو اتكلمت عنكم , وبعدين ولا كل كلام الدنيا هايقدر يعبر عن اللى جوايا......

اما بقى بالنسبة لخالد فانا حابب اقول " اللى كنت خايف منه حصل" , خالد ادانى شوية اسئلة تقطم الوسط بس ان شاء الله هاجاوب عليها بصراحة

1/ لا اتفق معك, عمرو مش شخصية غامضة ولا حاجه وبعدين عمرو ممكن يكون ذكى بس الدهاء ما اعتقدش , والحدس الى حد ما ( بس الحدس ده لعبتك انت وابوصلاح وللا ايه؟!!)

2/اتفق معاك مليون ف المية , شعبان قمة فى النظام وبيجبر اللى قدامه انه ينظم نفسه, رمضان منحوس لا خلاف على كده وهو نفسه مايقدرش ينكر, مصطفى اجدع واحد قابلته ف حياتى , سيد خدوم لدرجه عمر ماحد يتوقعها , عامر عاشق للشعر والادب , حسام مالوش حل فى كل حاجه غناء تأليف ألحان فكر كل حاجه ما شاء الله, وحيد اكثر واحد مثقف قابلته بس ثقافه عصريه جديده تودى ف داهيه.

3/اتفق معاك طبعا فى كل ده : صن فعلا اضافت للمنتدى رحيق النشاط واصبحت شمس مشرقه , لوست طبعا اكبر من سنه بكتير, وايت قمة فى الواقعية لدرجه تصل الى التشاؤم بس الشاؤم ده بيدفعها لانها تكون اكثر جدية واكثر نشاطا ناحية تحقيق اهدافها , نيفرو الملكة الصغيره فعلا وقريبا هاتصبح الملكة الكبيرة ان شاء الله , الف تشيلد هى الماجيكو فعلا ممكن مش تكون ظاهرة طول الوقت بس فى لحظة تنزل بلمسه سحرية تقلب مجريات الامور( زى ابوتريكه بالظبط) , برينسيس هى اميرة ونور المنتدى وفعلا صاحبة شخصيه مستقله ومختلفه عن اى حد انا قابلته ف حياتى ( من خلال الموضوعات والردود طبعا), نسائم هى فاكهة المنتدى : انا لا اتفق معاك هى مش مجرد فاكهة , نسائم اصبحت قلب المنتدى النابض الذى بدونها يموت المنتدى.

4/ انا بتفق معاك , لانى مش عايز اى حاجه تعطلنى عن تحقيق حلمى.

5/اتمنى انه يكون مريح ومفيد

6/لااااااااااااااااااااااااا اتفق معاك , اسبوعين اكتوبر ( وبدون اى مبالغه) كانوا اجمل اسبوعين قضيتهم فى حياتى كلها ودايما بفتكر الايام اللى كنا بنقضيها انا وانت فى محلات الكشرى والقهاوى والسيبرات وفيلم ابراهيم الابيض وقهوة متولى (لو كنت نسيت افكرك)

7/للأسف لأ مش بؤمن بيه لأنى مش بعرف ادارى على شمعتى خالص بس لو طفت اكيد طبعا هايكون قضاء وقدر.

8/اولا والدة رمضان انا للاسف ماذوقتش اكلها بس اكيد اكلها جميل علشان تخلف لنا عيل زى العسل زى احمد , بس طبعا والدتى صاحبة المركز الاول , وبعد كده والدة خالد وبعدين والدة مصطفى وبعد كده شعبان ( علشان بصراحة اخر مره ذوقت اكلها كان ف سنه تالته علشان كده مش فاكر اوى الطعه بصراحة)

9/ فعلا ده كان احسن خبر سمعته فى حياتى الجامعية لان السنه دى كانت صعبة جدا

10/لأ المنتدى عمره ما هايسقط , هو ممكن يمر بفترات صعبة لكن مش هاتوصل لدرجه السقوط ( وللا ايه يا اعضاء ) لأن المنتدى ده مش مجرد منتدى , دا فكره جوانا كلنا وكلنا عايشينها.

11/ لا اتفق معاك : الناس مش احيانا بتفهمنى غلط , الناس غالبا بتفهمنى غلط , ومش عارف ايه السبب بصراحه علشان كده بحاول احدد تعاملى مع الناس الفتره دى علشان محدش يفهمنى غلط تانى

ارحمنى بقى يا خالد

1/ تشامب

2/ انت طبعا ( ومالكش دعوة باداب انجليزى القاهره)

3/انى اسافر لندن

4/الاصدقاء

5/الmaster scene بتاعنا وانا قولت كده من قبل ما نعمل الحفلة

بالنسبه لعمرو انا عارف انى اتأخرت شويتين لكن سؤالى بسيط

ايه الرياضه المفضله ؟

وايه الكتب اللى انت قرأتها او نفسك تقرأها ؟

متوقع مين يفوز بالدورى السنه دى ؟

هقوللك اختيارات (الاهلى /الاهلى / الاهلى)

لا ولا يهمك يا محمود وبعدين دا كفاية الاسئلة اللذيذة دى

1ــ الرياضة المفضلة اكيد كرة القدم
2ــ الكتب اللى انا قرأتها!!! مش معقول هاقولها كلها (انا نفسى مش فاكرها) لكن انا اخر حاجه قرأتها ودى كانت قبل الامتحانات كانت قصة قصيرة لخيرى شلبى اسمها "السنيورة" وان شاء الله هاكمل الكتاب كله لانه الاعمال الكاملة لخيرى شلبى (اللى انا بحبه جدا)

3ــ مش محتاجه اختايارات ولا حاجه: بسم الله الرحمن الرحيم الاجابة الاهلى

هههههههههههههههههههههههههه
اجاباتك حلوة اوى يا عمرو على عكس الواد مصطفى
هههههههههههههههههه
بس انا هسألك سؤال واحد
انتا زعلان منى؟ لان انا حاسس كده خاصة بعد ما بلغتك خبر المعيدين بس انا كان قصدى والله انى اخليك تفكر ف بديل وماتنتظرش الحلم عشان ماتتكسرش ، ولا رأيك ايه؟

مين قال انى زعلان منك يا واد انت وبعدين هو انت زنبك ايه , انا اصلا مش زعلان من الموضوع , هازعل منك انت ازاى ؟.؟؟؟
وبعدين احنا كل يوم مع بعض وبعد كده هانكون مع بعض ان شاء الله فى الشغل , يبقى هازعل منك ازاى , ماتقولش كده تانى علشان مازعلش منك بجد

ياللا بقى يا جماعة , انا كده كفاية اوى , مين اللى عليه الدور , ياللا يا برينسيس عليك به

النطق بالحكم

بعد الاستماع الي اقوال المتهم و شهادة الشهود
حكمت المحكمة علي المتهم amr بالبراءه لعدم توافر الادلة الكافية التي تثبت ادانته
كما تقدمت المحكمة بالاعتذار للمتهم البرئ.. وهنأته بالمنصب الوزاري الجديد ..
هذا وقد اشادت با لاعترافات الرائعه التي ابهرت جميع من حضر الجلسة
وبهذا الاعتراف ينتهي الفصل الاخير من القضية التي شغلت الرأي العام لاكثر من سبعة ايام.....

رفعت الجلسة

بالنسبه لمين اللي عليه الدور انا جهزت حلقه وهنزلها النهارده او بكره بالكتير إن شاء الله
بس ليه"عليك به" دا حتي اسئلتي كانت سهله جدا حسب اعترافك
وإذا كان كده يبقي علينا به جميعا ....وبما اننا قسم مواهب يبقي المفروض نشارك في كتابة الحلقات وندور علي افكار جديده نقدم بيها اللي هيقعد علي الكرسي علشان انا مش لاقيه اي افكار تانيه...

» نعم لابد من حب .اهداء لكل اعضاء المنتدي .
» لقد تم استرجاع المنتدي
» انتخابات المنتدي
» رسالة حب لكل من غاب عن المنتدي
» لدينا اعضاء ماهرون في السرقــه ..!!!