elmotamez55
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

elmotamez55

مركز المتميز التعليمي
 
الرئيسيةأحدث الصورالتسجيلدخولتسجيل دخول الاعضاء
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
اخبارنا

سيتم بمشيئه الله افتتاح مركز المتميز التعليمي لجميع المراحل مع نخبه من افضل مدرسي المحافظه للحجز والاستعلام 01008328810-01097193003

المواضيع الأخيرة
» برنامج اصلاح الCDROOm/DVD
White Vs Sphinx Emptyالسبت فبراير 08, 2014 4:21 am من طرف samo4454

» اعلان مركز المتميز التعليمي
White Vs Sphinx Emptyالجمعة ديسمبر 13, 2013 12:59 pm من طرف Admin

» لأول مره علي اي منتدي
White Vs Sphinx Emptyالسبت فبراير 09, 2013 12:02 am من طرف luckyomar22

» ya3ny eih montada???
White Vs Sphinx Emptyالخميس نوفمبر 01, 2012 10:37 pm من طرف amr

» كل اضحى وانتو طيبين
White Vs Sphinx Emptyالخميس نوفمبر 01, 2012 10:30 pm من طرف amr

» كورس بوربوينت 2007
White Vs Sphinx Emptyالإثنين أكتوبر 29, 2012 11:27 am من طرف knight

» لقد خدعوا الشعب المصرى .. ابكى يامصر ابكر !!!
White Vs Sphinx Emptyالإثنين أكتوبر 29, 2012 11:15 am من طرف knight

» توفير عماله مصرية سائقين طباخين نجارين عمال جميع التخصصات
White Vs Sphinx Emptyالأحد أغسطس 12, 2012 3:24 pm من طرف nour2000

» كورس MOS 2007 عربى مجانى
White Vs Sphinx Emptyالأحد يونيو 17, 2012 9:58 pm من طرف samehsaad

» امتحانات Icdl 2011
White Vs Sphinx Emptyالخميس يناير 05, 2012 8:47 pm من طرف knight

facebook page
https://www.facebook.com/elmotamez55?ref=hl
أفضل 10 أعضاء في هذا المنتدى
ashek el horrya
White Vs Sphinx I_vote_rcapWhite Vs Sphinx I_voting_barWhite Vs Sphinx I_vote_lcap 
Admin
White Vs Sphinx I_vote_rcapWhite Vs Sphinx I_voting_barWhite Vs Sphinx I_vote_lcap 
amr
White Vs Sphinx I_vote_rcapWhite Vs Sphinx I_voting_barWhite Vs Sphinx I_vote_lcap 
knight
White Vs Sphinx I_vote_rcapWhite Vs Sphinx I_voting_barWhite Vs Sphinx I_vote_lcap 
lost
White Vs Sphinx I_vote_rcapWhite Vs Sphinx I_voting_barWhite Vs Sphinx I_vote_lcap 
Mahmoud Sayed
White Vs Sphinx I_vote_rcapWhite Vs Sphinx I_voting_barWhite Vs Sphinx I_vote_lcap 
white
White Vs Sphinx I_vote_rcapWhite Vs Sphinx I_voting_barWhite Vs Sphinx I_vote_lcap 
princess
White Vs Sphinx I_vote_rcapWhite Vs Sphinx I_voting_barWhite Vs Sphinx I_vote_lcap 
MASRAWY
White Vs Sphinx I_vote_rcapWhite Vs Sphinx I_voting_barWhite Vs Sphinx I_vote_lcap 
sweet as rose
White Vs Sphinx I_vote_rcapWhite Vs Sphinx I_voting_barWhite Vs Sphinx I_vote_lcap 
بحـث
 
 

نتائج البحث
 
Rechercher بحث متقدم
الساعه
.

 

 White Vs Sphinx

اذهب الى الأسفل 
+2
white
amr
6 مشترك
كاتب الموضوعرسالة
amr
مشرف
مشرف
amr


ذكر عدد المساهمات : 969
نقاط : 56956
تاريخ التسجيل : 10/12/2008
العمر : 34
العمل/الترفيه العمل/الترفيه : ضابط حربية
المزاج المزاج : هو فيه أحسن من كده!!
بلدك : مصري
الابراج : الجوزاء


White Vs Sphinx Empty
مُساهمةموضوع: White Vs Sphinx   White Vs Sphinx Emptyالجمعة سبتمبر 03, 2010 11:27 pm

كانت هى أمل قريتها البائسة فى حياة أفضل يتمتعون فيها بالامل والكرامه بعيدا عن أنياب الظلم والاستبداد

كانت White بحكمتها وذكائها وصراحتها املهم الوحيد , كان اهل القريه يتمنون ان تستطيع ان تهزم the sphinx الذى يحكمهم وينغص عليهم حياتهم

ولكن ليتم ذلك كان على White ان تجيب على اسئلة هذا الوحش الكاسر , على شرط ان تكون اجاباتها صريحه وواضحه , ويجب أن تعلم White ان اجاباتها سيترتب عليها حياة الملايين , لذلك فهى فى موقف لا تحسد عليه , فدعونا نتمنى لها التوفيق وسرعة البديهة وحضور الذهن



وعلى ذلك وفى أول مواجهة ل White مع هذا الوحش كانت الاسئلة كالتالى:


1/ ما هو أصعب قرار قمت بإتخاذه حتى الان؟

2/ يعتقد البعض بأنك " دحاحه" فهل هذا صحيح ؟

3/ما هو مفهوم الصداقة بالنسبة لكى ؟ وماذا يمثل اصدقائك بالنسبة لكى؟

4/ ما هى افضل سنه لكى فى الجامعه؟ ولماذا ؟

5/ لو الظروف حكمت انك تختارى حاجه مفيده ليكى ومضره لاحد من اصدقائك , ايهما تختارى سعادتك ام سعادة صديقك؟

6/ لمن تنسبين هذه الصفات:

الحذر - الدهاء - الطيبه - الجمال الروحى - الجدعنه - الرخامه - التواضع - التكبر - الذكاء - الاحترام - التميز

7/ ما هو اكثر شئ تتمنيه فى حياتك ؟


وعلى هذا فإن أهل القرية فى انتظار اجابات White املين فى النجاة من انياب الظلم والوحشية
الرجوع الى أعلى الصفحة اذهب الى الأسفل
white
مشرف
مشرف
white


انثى عدد المساهمات : 390
نقاط : 53296
تاريخ التسجيل : 17/10/2009
المزاج المزاج : الحمد لله
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالإثنين سبتمبر 06, 2010 3:02 pm

انا آسفة جدا اتأخرت فى الرد

قبل ما اجاوب على الاسئلة انا عايزة اشكرك يا عمرو على التقديم الجميل ده اللى فكرنى ب اوديبس بس يا خوفى انتهى نهايته.......

نبتدى بقى الاجابات


ما هو أصعب قرار قمت بإتخاذه حتى الان؟

اصعب قرار إنى إتخليت عن حلم من أحلامى عشان ناس بحبهم اوى .....


يعتقد البعض بأنك " دحاحه" فهل هذا صحيح ؟

هههههههههههه أنا عايزة أعرف البعض اللى بيعتقدوا ذلك .... أنا شايفة إنى عادية جدا زى أى حد بحب أجتهد وأعمل اللى عليا واتوكل على الله




ما هو مفهوم الصداقة بالنسبة لكى ؟ وماذا يمثل اصدقائك بالنسبة لكى؟

الصداقة هيه الود والعشرة والحنان والاحتواء والثقة والوفاء
أصدقائى بقى هما جزء منى بافكر دايما إزاى أسعدهم وأساندهم وهما اللى ابقى معاهم على طبيعتى من غير ما اتجمل أستنى مساندتهم وكلامهم واحب اشوفهم وهما بيتكلموا وفرحانين وازعل جدا لو كانوا زعلانين واستنى رأيهم فى أى حاجة اعملها واتمنى لهم دوام الخير والسعادة


ما هى افضل سنه لكى فى الجامعه؟ ولماذا ؟


أفضل سنة ليّه فى الجامعة كانت السنة الأخيرة سنة رابعة
عشان فيها قربت من أصحابى أكتر وعشان معظم أصحابى حصلتلهم حاجات فرحتهم وبالتالى فرحتينى اوى اوى اوى


لو الظروف حكمت انك تختارى حاجه مفيده ليكى ومضره لاحد من اصدقائك , ايهما تختارى سعادتك ام سعادة صديقك؟

أكيد أكيد أكيد سعادة صديقتى ....... وده مش كلام ده حصل فعلا وايلف ونفرو يشهدوا


ما هو اكثر شئ تتمنيه فى حياتك ؟

انا عندى امنيات كتييييييييييييييييييييييييييييييييير اوى
بس اكتر شئ بأتمناه إنى أعمل عمل صالح مفيد لإسرتى وللمجتمع
أدخل بيه الجنة وأقابل بيه ربنا وهو راضى عنى.



لمن تنسبين هذه الصفات:

الحذر - الدهاء - الطيبه -– التميز
الجمال الروحى - الجدعنه - الرخامه - التواضع - التكبر - الذكاء - الاحترام

ايه الصفات دى كتيرة جدا


انسب
- الطيبه – نسايم وكايند هارت
- الجمال الروحى - ايلف تشايلد ونفرو
- التميز- برنسيس وصن
- الجدعنة - ايلف تشايلد
- الذكاء- نفرو
- التواضع والاحترام - كل اصحابى وزملائى داخل وخارج المنتدى.
- الرخامة والتكبر- مفيش حد
- الحذر- أنا وإيلف
- الدهاء- مفيش حد


الرجوع الى أعلى الصفحة اذهب الى الأسفل
Admin
مدير المنتدي
مدير المنتدي
Admin


ذكر عدد المساهمات : 1005
نقاط : 58272
تاريخ التسجيل : 09/12/2008
العمر : 34
العمل/الترفيه العمل/الترفيه : بابني مصر
المزاج المزاج : مفيش احسن من كده
بلدك : مصري
الابراج : العذراء


White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالأربعاء سبتمبر 08, 2010 1:53 pm

اولا سوري علي التأخير في السؤال.. ندخل بقي علي الاسئله وان شاء الله هتكون اسئله حلوه ..
1- بما انك علي كرسي الاعتراف .. حد تعترفي ليه انك فعلا اتعلمتي منه حاجات كتير سواء علميا او اجتماعيا ؟
2- حد تعترفي انك اخطائتي في حقه ؟؟
3- حاجه بتحلمي بيها ونفسك تتحقق ؟؟
4- بما اننا في ايام انتخابات سواء في المنتدي او انتخابات الرئاسه من تتوقعي انه يكون مدير المنتدي القادم ؟؟
5- لو سألتك انك تقولي كلمه واحده عن كل دول " elfchild..nefro ....princess... sun shinning "
6- مين اكتر واحد بتعجبك طريقه طرحه للمواضيع علي المنتدي ؟
7- سؤال اخير ليه الفكره بتاعه البرنامج اللي كنتوا بتقولوا عليها مش اتنفذت ؟
الرجوع الى أعلى الصفحة اذهب الى الأسفل
https://elmotamez55.ahlamontada.net
white
مشرف
مشرف
white


انثى عدد المساهمات : 390
نقاط : 53296
تاريخ التسجيل : 17/10/2009
المزاج المزاج : الحمد لله
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالأربعاء سبتمبر 08, 2010 11:53 pm

الحمد لله طلعت اسئلة حلوة
نبتدى بقى نجاوب
حد تعترفي ليه انك فعلا اتعلمتي منه حاجات كتير سواء علميا او اجتماعيا ؟

بابا وماما اتعلمت منهم كتير جدا

2- حد تعترفي انك اخطائتي في حقه ؟؟
اعتقد يعنى انى اخطئت فى حق نفسى اكتر من اى حد

3- حاجه بتحلمي بيها ونفسك تتحقق ؟؟
نفسى اسافر اوروبا او امريكا مع انها هتفرق كتير
باحلم كمان اغير وزير الثقافة لانى بصراحة شايفة انه لا يصح ان يكون رمز للثقافة فى حين ان البلد بقت مليئة بالجهل وعدم الوعى

4- بما اننا في ايام انتخابات سواء في المنتدي او انتخابات الرئاسه من تتوقعي انه يكون مدير المنتدي القادم ؟؟
اعتقد اللى لازم يمسك المنتدى يبقى على دراية تامة بامور النت والمنتديات
وبعدين ان شاء الله ادمن هيفضل المدير على طول .... وبعدين الاعضاء لازم ينشطوا نفسهم شوية عشان الانتخابات ..... اصلا المفروض اقول الكلام ده لنفسى هههههههههههههههههههههه

5- لو سألتك انك تقولي كلمه واحده عن كل دول "elfchild...nefro ....princess... sun shinning"

elfchild: المُخلصة
nefro: الهادئة
Princess: المتفائلة دائما
Sun shining: الدبلوماسية

6- مين اكتر واحد بتعجبك طريقه طرحه للمواضيع علي المنتدى

بصراحة هما اكتر من واحد
صن شايننج - عمرو - نايت - برنسيس

7- سؤال اخير ليه الفكره بتاعه البرنامج اللي كنتوا بتقولوا عليها مش اتنفذت؟

والله مش عارفة بس انا اتشغلت وقلت انكم هتكملوا بس لاقيتكم انتوا كمان ساكتين ومحدش ادى اى تعليق او فكرة نتطور بيها وبعدين كمان انا حسيت انكم مش فاضيين ومشغولين عشان كده سكت وكنت بصراحة اكتر معتمدة على شمس بس للاسف النت عندها فصل واليوم اللى اتفقنا نتجمع فيه انا للاسف مش فضيت فيه خالص واتشغلت فى فرح اخويا
الرجوع الى أعلى الصفحة اذهب الى الأسفل
princess
الاعضاء المتميزين
الاعضاء المتميزين
princess


انثى عدد المساهمات : 288
نقاط : 50912
تاريخ التسجيل : 28/05/2010
العمر : 35
العمل/الترفيه العمل/الترفيه : Student 4 ever
المزاج المزاج : ؟؟؟؟؟؟؟؟؟
بلدك : مصريه
الابراج : السمك


White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالخميس سبتمبر 09, 2010 3:27 pm

المواجهة الثالثة : (اسفه جدا علي التاخير)
ياما حذرتها وقلتلها ابعدي عن القريه دي مش هيجيلك منها غير المشاكل
بس هي عنيده وماسمعتش كلامي
مسكينه يا وايت....هنشوف هتتحدي سفنكس ازاي
بس الوقعه المره دي شكلها جامده وسفنكس مش بيرحم ف الاسئله :

1- بما ان الحكاية فيها سفنكس تخيلي انك مكان اوديب والسيناريو
اللي كتبه سوفكليس( شكله كان بيشوف افلام هندي كتير) حصل ف الواقع بكل تفاصيله بجد هتتصرفي ازاي بعد ما اكتشفتي الكارثه
اللي حصلت هتفقأي عينيك وتبعدي زيه ولا هتعملي ايه ؟؟؟

2- ماهو تقييمك لهذا المنتدى بصراحه ؟

3- باقة ورد لمن تهديها؟؟ وباقة شوك لمن تهديها ؟؟

4- ايه اسعد خبر سمعتيه السنه دي ؟ وايه اسوء خبر؟

5- معاكي رقم محمول الرئيس وعندك فرصه تكلميه وهو هيرد عليك
هتسأليه عن ايه ؟

6- الي من تهدي هذه الاغنيات (لاشخاص او اشياء او مواقف)
-كلهم بيقولوا كده فى الاول
-كان طيب كان حنين
-راجعين
-قمرين
شويه حليم( جبار – توبه – صدفه )

7- جريمة تتمني ترتكبيها...(لومفيش دوري )؟؟؟

8- لنفترض انك اصبحتي ولد لمدة يوم واحد ..
ايه اللي هتعمليه في اليوم ده ؟؟

9- " مصر بقت بلد فن وكوره " ...ايه رأيك في الكلام ده؟؟ وشايفه مصر بلد مين؟؟؟؟

10- ماهي اجمل3 اسماء لولد واجمل 3اسماء لبنت من وجهة نظرك؟

11- ايه اليوم اللي عيشتيه وتقدري تقولي عليه "يوم من عمري" ؟؟؟

يارب يا وايت تجاوبي بصراحه ووضوح وتهزمي سفنكس
وتنقذي اهل القريه اللي منتظرينك ....

وكل سنه وانتي طيبه
وان شاء الله يكون عيد سعيد لكل اعضاء المنتدي
الرجوع الى أعلى الصفحة اذهب الى الأسفل
white
مشرف
مشرف
white


انثى عدد المساهمات : 390
نقاط : 53296
تاريخ التسجيل : 17/10/2009
المزاج المزاج : الحمد لله
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالجمعة سبتمبر 10, 2010 8:27 pm

كل سنة وانتى طيبة يا برنسيس وعيد سعيد لكل اعضاء المنتدى يا رب

وبعدين فى اسفنكس ده شكله كده مش هيجيبها لبر معايا بس مفيش مشكلة خالص انا بردو هاجاوب عليه بصراحة ووضوح وان شاء الله هاهزمه

بس الاول قوليلى كل دى اسئلة وتيجى منك انتى ههههههههههههههههههههه

نبتدى بقى نجاوب.............................

1- بما ان الحكاية فيها سفنكس تخيلي انك مكان اوديب والسيناريو
اللي كتبه سوفكليس (شكله كان بيشوف افلام هندي كتير) حصل ف الواقع بكل تفاصيله بجد هتتصرفي ازاي بعد ما اكتشفتي الكارثه
اللي حصلت هتفقأي عينيك وتبعدي زيه ولا هتعملي ايه ؟؟؟

هههههههههههه طبعا هازعل واتضايق بس هاستغفر ربنا واتوب لانى مكنتش اعرف وابعد لمكان تانى والله الواحد يحمد ربنا على نعمة الاسلام ..... الحمد لله

2- ماهو تقييمك لهذا المنتدى بصراحه ؟

ايه السؤال ده غريب جدا لانى ما ينفعش ابقى عضوة فى المنتدى واقول رأيى ده حتى يبقى شهادتى مجروحة هههههههههههههههههه
المنتدى جميل بس اليومين دول نايم مش عارفة ليه يمكن عشان رمضان والعيد واحنا مشغولين مش عارفة بس احنا ممكن نعمل حاجات كده زى مسابقات ونتكافئ عليها مش مهم المكافأة ايه ممكن مثلا اللى يكسب ياخد احسن عضو فى الاسبوع حاجات زى دى يعنى ..

3- باقة ورد لمن تهديها؟؟ وباقة شوك لمن تهديها ؟؟

باقة ورد جميلة هاديها لماما حبيبتى ...... باقة شوك مش هاديها لحد حرام
حتى لو حد انا مش بارتحله ولا باحبه عمرى ما اهديه باقة شوك بالعكس ده انا ممكن اديله باقة ورد بس طبعا مش زى بتاعة ماما

4- ايه اسعد خبر سمعتيه السنه دي ؟ وايه اسوء خبر؟

اسعد خبر الحمد لله اكيد خطوبة اختى وكمان نجاحى جه بعدها على طول الحمد لله ....... اسوأ خبر بصراحة زعلت اوى لما قريت فى الاهرام ان اسرائيل فرضت تدريس اللغة العربية فى مدارسها ابتدائا من المرحلة الابتدائية ..... حسيت بالحسرة والغفلة اللى احنا فيها كعرب ومسلمين اللى احنا اصلا مش بنهتم فى مدارسنا باللغة العربية بس لسه عندى امل ان كل ده ان شاء الله هيتغير

5- معاكي رقم محمول الرئيس وعندك فرصه تكلميه وهو هيرد عليك
هتسأليه عن ايه ؟

هههههههههههههههه انتى ضحكتينى اوى نفترض ان ده حصل تفتكرى انت هسأله فى ايه
ان ممكن اقوله فساد الاوضاع فى مصر ده سببه إيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

6- الي من تهدي هذه الاغنيات (لاشخاص او اشياء او مواقف)
-كلهم بيقولوا كده فى الاول
-كان طيب كان حنين
-راجعين
-قمرين
شويه حليم (جبار – توبه – صدفه)

كلهم بيقولوا كده فى الاول .... اهديها لأى حد يحاول يقنعنى بحاجة انا مش مقتنعة بيها وهو كمان مش مقتنع بيها
كان طيب كان حنين ...... بتفكرنى بسنين الدراسة
راجعين ........ اهديها ل احلامى وقلمى واجندتى (اللى تقريبا بقوا مركونين)
قمرين ...... اهديها ل ماما وبابا
جبار .... هههههههههههه اقولها لنظرية المؤامرة مش معايا بردو يا برنسيس ولا ايه
توبة ...... اقولها ل اللحوم اللى سعرها ولع
صدفة ........ يااااااااااااه الكلمة دى بالذات بتفكرنى لما باحلم بحس ان الحلم ده مش ليه ده حاجة كده جاية صدفه لانى نادرا لما باحلم الظاهرعقلى الباطن فى حالة خمول هههههههههههههه


7- جريمة تتمني ترتكبيها... (لومفيش دوري )؟؟؟

يا ساتر!!!!!!!!!! جريمة ماشى يا برنسيس بس حقيقى انا نفسى اقتل الكلب اللى فى شارعنا
حقيقى كلب مستفز ودايما بينبح وبيقلقنى بس ارجع واقول حرام

8- لنفترض انك اصبحتي ولد لمدة يوم واحد ...؟؟
ايه اللي هتعمليه في اليوم ده ؟؟

الحمد لله مش محتاجة اكون ولد شكلكم كده نسيتوا ذكرى الصور هههههههه ولو فرضنا انى ولد عايزة اجرب اتشعبط فى السرفيس والاوتوبيس من بره دى الحاجة الوحيدة اللى ما جربتهاش انا عارفة انك هتضحكى لما اقولك كده بصراحة هاموت واعملها

9- " مصر بقت بلد فن وكوره " ...ايه رأيك في الكلام ده؟؟ وشايفه مصر بلد مين؟؟؟؟

لأ طبعا مصر بلد حضارة وفكر ومخترعين بس ركنوا الاختراعات على جنب
صحيح اليومين دول الفن والكورة صوتهم عالى شوية لكن لسة مصر عامرة بحاجات جميلة جدا وفيها عقليات علمية وادبية لكنها للاسف غير مستغلة وبعدين مصر هاتبقى احسن بكتير والثقافة والرقى والعلم ان شاء الله هيبقى صوتهم عالى .. هاقولك مصر دلوقتى بلد الناس اصحاب النفوذ الناس الرايقة اللى بتضحك على طول بس هيه اولا واخيرا بلدنا ولازم نقبلها بمميزاتها وعيوبها بس ده ما يمنعش ابدا اننا نقوم بدورنا ونصلح عيوبها


10- ماهي اجمل3 اسماء لولد واجمل 3اسماء لبنت من وجهة نظرك؟

دى الاسماء اللى انا باحبها جدا
حسن - يوسف – محمد.................. خديجة - ليلى – ميساء


11- ايه اليوم اللي عيشتيه وتقدري تقولي عليه "يوم من عمري" ؟؟

امممممممممممممم ... يوم من عمرى .... كان يوم الاحد فى الكلية انا فاكره كويس ...... فاكرة يوم ما اتصورت الصور اللى انتو عارفينها هههههههههههههههههههههههههه بصراحة كان يوم اعتقد ان مفيش حد شافنا إلا وضحك علينا هههههههههههههههههههه يا خسارة يوم مش هيتعوض


ايه رأيك يا برنسيس انا جاوبت اهو بصراحة ووضوح


عدل سابقا من قبل white في الجمعة سبتمبر 17, 2010 3:55 am عدل 2 مرات
الرجوع الى أعلى الصفحة اذهب الى الأسفل
elfchild
عضو نشيـط
عضو نشيـط
elfchild


انثى عدد المساهمات : 111
نقاط : 50641
تاريخ التسجيل : 01/06/2010
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالجمعة سبتمبر 10, 2010 11:09 pm

بسم الله الرحمن الرحيم
منوره يا وايت على الكرسى
انا هسألك سؤال واحد
ما هى الايه القرانيه التى دائما ما تكون فى ذهنك ولا تغيب عنك ابدا ؟


اه ------ بالمناسبه انا لسه شايفه الصور ديه من قريب ------اعتقد انها الحاجه الوحيده الى خدناها من الكليه .


الرجوع الى أعلى الصفحة اذهب الى الأسفل
white
مشرف
مشرف
white


انثى عدد المساهمات : 390
نقاط : 53296
تاريخ التسجيل : 17/10/2009
المزاج المزاج : الحمد لله
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالسبت سبتمبر 11, 2010 5:09 am

اكتر آية بتتردد فى ذهنى هما آيتين قريبين لقلبى وبيترددوا باستمرار فى ذهنى وما بيغبوش عنى ابدا

بسم الله الرحمن الرحيم
" ألم يأن للذين آمنوا أن تخشع قلوبهم لذكر الله وما نزل من الحق ولا يكونوا كالذين أوتوا الكتاب من قبل فطال عليهم الأمد فقست قلوبهم وكثير منهم فاسقون "
صدق الله العظيم

بسم الله الرحمن الرحيم
" قل ياعبادي الذين أسرفوا على أنفسهم لاتقنطوا من رحمة الله إن الله يغفر الذنوب جميعاً إنه هو الغفور الرحيم "
صدق الله العظيم

الرجوع الى أعلى الصفحة اذهب الى الأسفل
princess
الاعضاء المتميزين
الاعضاء المتميزين
princess


انثى عدد المساهمات : 288
نقاط : 50912
تاريخ التسجيل : 28/05/2010
العمر : 35
العمل/الترفيه العمل/الترفيه : Student 4 ever
المزاج المزاج : ؟؟؟؟؟؟؟؟؟
بلدك : مصريه
الابراج : السمك


White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالإثنين سبتمبر 13, 2010 8:17 am

المواجهه الخامسة:
بما انك جاوبتي بصرااحه وعجبتني اجااباتك
قررت اعملك مفاجأه واحجزلك (بخ 73) وكماان معاه شوية اسئله:

1- دخلتي مجلس الشعب من أوسع أبوابه ، ايه هو رمزك الانتخابي المفضل ؟

2- استجواب لوزير ،مين؟ وليه ؟

3- امتى قلتي لنفسك يا ارض انشقى وابلعينى ؟؟

4- ايه هو احسن كرتون بتحبيه ؟؟

5- ايه هيا نقطه ضعفك؟؟ وايه هيا نقطه قوتك؟؟

6- معاكي قطعة فحم صغيرة وجدار نظيف هترسمي ايه عليه وهتكتبي ايه تحت الصوره ؟؟

7- موبيلك هيرن دلوقتي تتمني مين يكون بيتصل بيكي؟؟

يلا جاوبي
ومبروك عليك الموبايل



الرجوع الى أعلى الصفحة اذهب الى الأسفل
white
مشرف
مشرف
white


انثى عدد المساهمات : 390
نقاط : 53296
تاريخ التسجيل : 17/10/2009
المزاج المزاج : الحمد لله
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالإثنين سبتمبر 13, 2010 1:52 pm

احجزيلى معاكى بخ73 اوكى انا مواققة بس ساعتها هاكتب الاستلام للورثة


1- دخلتي مجلس الشعب من أوسع أبوابه ، ايه هو رمزك الانتخابي المفضل ؟

رمزى المفضل ...... القلم ويا سلام لو قلم رصاص

2- استجواب لوزير ،مين؟ وليه ؟

اول استجواب اكيد هيبقى لوزير الثقافة نفسى الراجل ده بقى يسيب الوزارة

انا يمكن ما اعرفش اخر التطورات اللى سيادته بيعملها ويمكن اللى المواطن المطحون عمره ما هفيكر فى الحاجات اللى انا هاقولها لسيادته لانه مشغول طبعا بلقمة عيشه لكنى شايفة ان وزير الثقافة جزء من المنظومة اللى يهمها ان المواطن يفضل جاهل وتعبان..... انا عارفة ان فيه حاجات زى ساقية الصاوى ودار الاوبرا بتقدم مواهب وحاجات قيّمة وجميلة لكن دى حاجات قليلة جدا فى مصر اللى عدد سكانها 80 مليون اما اسئلتى لسيادته عبارة عن حاجات انا شوفت جزء منها بعينى والباقى بتابعه فى الجرايد ويمكن انا متحاملة عليه والله اعلم بس نفسى استجوبه واطلعه من الوزارة

- انت مش شايف انك ماقدمتش اى دور لنشر الثقافة والوعى فى مصر رغم انك بقالك كتير وزير؟؟؟؟؟؟؟؟؟
- ولو قدمت ممكن تقولى هل ما قدمته يوازى افترة اللى انت قعدت فيها وزير؟؟؟
- مهرجان القراءة للجميع اللى بيمشى غريب وبيجى غريب ومحدش بيستفيد بيه غير الى عايشين فى العاصمة امال اللى فى المحافظات دول يعملوا ايه .... ده انا حتى عمرى ما باعرف عنه حاجة باسمع عنه فى الاعلانات وبس....... يمكن ده جهل منى
- مين المسئول عن غلق وهدم 31 مسرح من مسارح الدولة اللى كانت بتقدم فن راقى هادف ليه كلمة ودور فى المجتمع وكمان كان منها مسارح قيمة كانت تنفع مزارات سياحية واللى موجود مسارح ما بتقدمش اى شئ من وجهة نظرى وبعدين ليه بدل ما تهدها ما
تتطلبش ترميمها او تجددها ليه ؟ معلش يمكن الميزانية ماتسمحش
- وبعدين المسارح التجريبية برضه محدش يعرف ايه اللى بيتعرض فيها ومهرجان القاهرة الدولى للمسرح التجريبى ليه صفوة المجتمع هما اللى بيشوفوا المعروض فيه هوه حرام؟؟؟!!!!!!! ولا حتى معظم الناس يعرفوا ايه هوه المسرح التجريبى مع ان والله بيبقى فيه مسرحيات وعروض جميلة بتتعرض فيه. وبعدين مش عارفة كان فيه زمان حاجة اسمها مسرح الطفل هما انتو ف الوزارة لاغيتوه ولا هوه مش تبعكم....... انت ماتصورتش ان قفل المسارح ده جعل الفن بقى زى ما بنشوفه معظمه هابط وغير بنّاء.
- 16 مركز ثقافى لدول مختلفة فى مصر محدش يعرف عنهم حاجة مش بنسمع غير عن اتنين تلاتة منهم ومنعرفش ايه اللى بيقدموه
- مهرجانات الافلام اللى بيتهدر فيها فلوس البلد ونفس الناس بتوع كل سنة من نفس البلاد هما اللى بيتكرموا.... لاحرام آخر سنة كان فيه بلاد جديدة اتكرمت فى المهرجان وهما برضه اللى وبيتصوروا فى التلفزيون وبيتصدروا صفحات المجلات والجرائد... فى حين إن فيه مئات بل وآلاف من كتاب القصة القصيرة و المبدعين فى مجال الرواية والشعر والرسم فى مصر من الشباب مش بنسمع عنهم ابدا غير فى برنامج مجهول محدش بيشوفوا عشان بييجى الساعة 4 الفجر معاد حلو برضه الناس كلها يا نايمة يا بتصلى ويا حسرة على جايزتهم لا تتعدى ال 5 آلاف جنيه او شهادة تقدير..... انا زعلت اوى لما شوفت البرنامج وشوفتهم والله شباب زى الفل يستحقوا اكتر من شهادة التقدير
- يا سلام على قصور الثقافة اللى فى المحافظات حاجة تفرح بجد؟ ايه رأيك فى قصور الثقافة هل هيه فعلا ليها دور فعال ؟؟؟؟؟؟؟
- الافلام الروائية والتسجيلية القصيرة القديمة اللى محتاجة حد يعيد لها مونتاج اللى بتقدم تاريخ مصر الفرعونى والاسلامى وغيره وغيره مستنى مين يعملهم ده حتى الافلام الجديدة الكويسة مش بنشوفها مش بنشوف غير حاجات مش مفهومة يأما حاجات خارجة
- ليه رشحت نفسك فى اليونيسكو وانت ماقومتش بأى دور فيه ومالكش تاريخ تتسند عليه ؟ بس اصل العيب مش عليك ...... معلش
- فين المواهب اللى بتشجعها الدولة ولا هيه المواهب بتاعة الدول تمثيل وغنى ورقص وبس!!!!!!!! ؟
- عايزة اعرف ايه هيه خطة الوزارة وهتقدملنا ايه الفترة الجاية لنشر الثقافة فى مصر ، وهل سيادتك عندك فكرة عن كام كتاب او رواية بيتم طبعهم فى السنة او حتى كام واحد بيقرا ...... معلش هما قليلين جدا بالنسبة لزمان اصل الدنيا غلا
- واخيرا ... ..... الميزانية السنوية لوزارة الثقافة بتعمل بيها إيه غير المهرجانات ؟

معلش الاجابة طويلة اوى بس انتى اللى خلتينى افتح فى الكلام


3- ا متى قلتي لنفسك يا ارض انشقى وابلعينى ؟؟

ههههههههههههههه يوم ما اتسرقت واكتشفت اللى انا عملته كان تصرف غريب صح مش انتى معايا برضه يا برنسيس ولا إيه

4- ايه هو احسن كرتون بتحبيه ؟

انا بحب توم وجيرى وفيلم كرتون اسمه مدغشقر Madagascar وكمان فيلم Ice Age

5- ايه هيا نقطه ضعفك؟؟ وايه هيا نقطه قوتك؟؟

هما حاجة واحدة الكلمة الطيبة وابتسامة ...... شوفتى العبط


6- معاكي قطعة فحم صغيرة وجدار نظيف هترسمي ايه عليه وهتكتبي ايه تحت الصوره ؟؟

مش هارسم حاجة عشان مش باعرف ارسم لكن هاكتب كلام كتير

- "الكلمة الطيبة صدقة"
- ” يَسِّروا ولا تُعَسِّروا وبَشِّروا ولا تنَفّروا ”

- كيف انسى ذكرياتي وهي في قلبي حنين
كيف انسى ذكرياتي وهي في سمعي رنين
كيف انسى ذكرياتي وهي احلام حياتي
انها صورة ايامي على مرآة ذاتي
عشت فيها بيقيني وهي قرب ووصال
ثم عاشت في ظنوني وهي وهم وخيال
ثم تبقى لي على مر السنين
وهي لي ماض من العمر وأتي
كيف انساها وقلبي لم يزل يسكن جنبي
انها قصة حبي
..................................................................

7- موبيلك هيرن دلوقتي تتمني مين يكون بيتصل بيكي؟؟

اتمنى حاجة مش هتحصل بس هيه مجرد امنية …اتمنى بابا يتصل بيه
الرجوع الى أعلى الصفحة اذهب الى الأسفل
elfchild
عضو نشيـط
عضو نشيـط
elfchild


انثى عدد المساهمات : 111
نقاط : 50641
تاريخ التسجيل : 01/06/2010
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالإثنين سبتمبر 13, 2010 6:40 pm

قصر التيه

اجتازت (وايت) تلك المغاره المخيفه التى تفضى الى متاهه شائكه . فهى فى قصر التيه حيث يجبن اشجع الشجعان وتدور عقول الحكماء . فدعونا نفتح العيون ونرهف السمع ونتابع (وايت) فى صراعها مع قصر التيه .

على باب القصر مكتوب الاتى :


دورى دورى
يا صغيرتى
دورى
فلن تري الضياء
حتى تبلغى عنان السماء
وتعانقى صفحه ماء
وتمتزجى بنسمه مساء
فدورى دورى
يا صغيرتى
دورى
فلن تقرع الاجراس
وتنكشف الاسرار
وتقام الموائد والافراح
حتى تعتلى درجات الفهم
وتعبرى مرأه الوهم
وترتوى من بحور العلم
فدورى دورى
يا صغيرتى
دورى

1-اولا : ماوقع هذا التحذير عليك ؟ هل تعودين ادراجك ؟ ام تفكرى فيه بعض الوقت ؟ ام تدخلى فى الحال ؟
فى حال دخولك ماهى الادوات التى ستاخدينها معك ؟
انتى الان على اتم الاستعداد واجتزت بوابه
القصر وتكتشفى ان امامك باب اخر من الذهب الخالص محفور عليه (لا تكذب كل ماتسمع ولا تصدق كل ماترى ) وباب اخر من الفضه مكتوب عليه( ايها المحارب الشجاع استل سيفك واقبل فانا غريمك فى القتال ) فايها ستختارين ؟ ولماذا ؟
ثانيا :- بعد ان عبرت اول عائق واجتزت الباب الامن . فوجت نفسك فى غابه وامام سيده تحتضر وتطلب منك شربت ماء وتشير الى بئر قريب .فماذا ستفعلين ؟ ولفترض انك ذهبت . فاذا بك تجدى البئر خاوى ومكتوب عليه ( اريقى الدماء لتجدى الماء ) فماذا ستفعلين؟ ولماذا؟

ثالثا :ـ
عبرت الغابه بسلام ووجت نفسك امام باب شفاف
يعكس عالم ايه فى الجمال ويعد بالسعاده الدائمه
والعيشه الهنيه وتحقيق جميع الامانى ولكن قبل الدخول عليك ان تعلمى انك لن تستطيعى العوده مره اخرى وسوف تمحى ذاكرتك . انها فرصه للبدايه من جديد فماذا ستفعلين ؟ ولماذا ؟

رابعا :- الان انت امام باب يفضى الى مرسم صغير. وامامك لوحات عليك ان تختارى اللون المناسب لخلفيات هذه اللوحات
1- اللوحه الاولى لصبى صغير مغبر وممزق الثياب يسير فى شارع ضيق وينظر الى السماء
2- الثانيه لفتاه غايه فى الجمال .تنطق ملامحها بحزن عميق وتضم كفيها على شىء ما . فى اعتقادك ماهو هاذا الشىء؟ وما اللون المناسب ؟ ولماذا ؟

3- الثالثه لرجل عجوز يجلس على مقعد فى حديقه وينظر الى اطفال صغار يلعبون .ياترى ماذايقول فى نفسه ؟ وما اللون المناسب ؟ و لماذا ؟

4- الرابعه لفتى ينحنى على اطلال بيت محطم
ويلتقط دميه صغيره مبلله بالدماء . فما اللون المناسب ؟ ولماذا ؟

خامسا :ـ تلمحين ضوء يبرق من بعيد .ها هى النهايه قد قاربت ولكن عليك ان تجتازى هذا الباب الاخير . هذا الباب يؤدى الى بيت بسيط اقرب الى كوخ . ومع اقترابك تسمعين اصوات خناق واصوات بكاء وصياح وعويل . فتقتربين اكثر فاكثر لتعرفى الحكايه .فى اعتقادك ماهى حكايه هذا البيت ؟ وكيف يمكن ان تساعديهم لكى يتوقف لصراخ والعويل ؟

بعد ان قمت بحل مشكله هذا البيت . ابتسمتى وتنفستى الصعداء . فهاذا كان اخر باب . فاذا بك امام ممرطويل فاسرعتى الخطى لتفاجىء بوجود باب اخر مكتوب عليه:

( مازال الليل طفلا والهول لم يأتى بعد..... )

فدورى دورى
يا صغيرتى
دورى


تمت



الرجوع الى أعلى الصفحة اذهب الى الأسفل
white
مشرف
مشرف
white


انثى عدد المساهمات : 390
نقاط : 53296
تاريخ التسجيل : 17/10/2009
المزاج المزاج : الحمد لله
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالثلاثاء سبتمبر 14, 2010 1:12 am

بالنسبة لبرنسيس انا معاكى الاستجواب طويل اوى بس اعمل ايه اصل الراجل ده هيجننى ههههههههههههههه
اما ايلف بقى باقولها
مانا كنت هاقوم من ع الكرسى يا ريتنى لحقت نفسى انا كده هاقعد افكر كتير وده هيتطلب ان دولاب عملى يتوقف
بس عموما الاسئلة جميلة وعجبتنى وبالنسبة لقصر التيه ده انا اللى هاخليه تايه
ايه الاسئلة دى وبعدين ألوان ايه دى اللى اختارها
انا اصلا ما بحبش غير لونين الابيض والوردى اعمل انا ايه اجيب الوان منين
وبعدين الكلام اللى مكتوب على باب القصر ده انا هامسحه شوفتى إزاى الحل بسيط هههههههههههههههههههه
ما علينا عموما انا هاستأذنك الاجابة هتتأخر شوية انتى عارفة بقى
الرجوع الى أعلى الصفحة اذهب الى الأسفل
white
مشرف
مشرف
white


انثى عدد المساهمات : 390
نقاط : 53296
تاريخ التسجيل : 17/10/2009
المزاج المزاج : الحمد لله
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالخميس سبتمبر 16, 2010 6:12 pm

حلوة وجميلة يا ايلف الكلمات اللى مكتوبة على باب القصر

ابتدى بقى الاسئلة اللى خدت منى ووقت ومجهود فظيع هههههههههههه

اولا: ماوقع هذا التحذير عليك ؟ هل تعودين ادراجك ؟ ام تفكرى فيه
بعض الوقت ؟ ام تدخلى فى الحال ؟

هافكر شوية واتوكل على الله وافتح الباب وادخل

فى حال دخولك ماهى الادوات التى ستاخدينها معك ؟

هاخد معايا قلم وورق كالعادة

انتى الان على اتم الاستعداد واجتزت بوابه
القصر وتكتشفى ان امامك باب اخر من الذهب الخالص محفور عليه (لا تكذب كل ماتسمع ولا تصدق كل ماترى ) وباب اخر من الفضه مكتوب عليه( ايها المحارب الشجاع استل سيفك واقبل فانا غريمك فى القتال ) فايها ستختارين ؟ ولماذا ؟

هاختار الباب الذهبى ( لا تكذب كل ما تسمع ولا تصدق كل ما ترى)
لانها حكمة غالية ومن كتبها على الباب يقصد من ورائها حكمة اخرى هاعرفها ان شاء الله بمجرد دخولى من الباب

ثانيا :- بعد ان عبرت اول عائق واجتزت الباب الامن . فوجت نفسك فى غابه وامام سيده تحتضر وتطلب منك شربت ماء وتشير الى بئر قريب .فماذا ستفعلين ؟ ولفترض انك ذهبت . فاذا بك تجدى البئر خاوى ومكتوب عليه ( اريقى الدماء لتجدى الماء ) فماذا ستفعلين؟ ولماذا؟

هاروح اجيب الميه من البئر ولو لاقيت مكتوب كده ع البئر هادور على اى حتة تانية اجيب منها ميه ....... لانى لو ارقت الدماء عمرى ما هلاقى البئر صافى
ولو لاقيت مفيش حاجة تانية وفشلت محاولاتى هاضطر اشك نفسى بدبوس الطرحة ونزل شوية دم مانا اكيد لابسة طرحة ههههههههههههه بس كده هاغير مهام دبوس الطرحة اللى انتى عارفاها

اما بالنسبة للنظرية إياها انا مش هاصدق الكلام المكتوب عشان الحكمة فوق قالتلى ((لا تكذب كل ما تسمع ولا تصدق كل ما ترى)) ولا ايه

ثالثا :ـ
عبرت الغابه بسلام ووجت نفسك امام باب شفاف
يعكس عالم ايه فى الجمال ويعد بالسعاده الدائمه
والعيشه الهنيه وتحقيق جميع الامانى ولكن قبل الدخول عليك ان تعلمى انك لن تستطيعى العوده مره اخرى وسوف تمحى ذاكرتك . انها فرصه للبدايه من جديد فماذا ستفعلين ؟ ولماذا ؟

مش هادخل عشان مش عايزة أمحى ذاكرتى وانسى ذكرياتى لانى ما اقدرش اكون بلا ذكريات وانسى الماضى حتى لو هابدأ من جديد
لان لولا الماضى ما كان الحاضر

رابعا :- الان انت امام باب يفضى الى مرسم صغير. وامامك لوحات عليك ان تختارى اللون المناسب لخلفيات هذه اللوحات

1- اللوحه الاولى لصبى صغير مغبر وممزق الثياب يسير فى شارع ضيق وينظر الى السماء

هاختار اللون الابيض فى الخلفية عشان هوه بيبص للسما يعنى الامل موجود

2- الثانيه لفتاه غايه فى الجمال .تنطق ملامحها بحزن عميق وتضم كفيها على شىء ما. فى اعتقادك ماهو هاذا الشىء؟ وما اللون المناسب ؟ ولماذا ؟

مش ماسكة حاجة يمكن ضمت كفها على امل ضاع منها وما زالت متشبثة بيه عشان كده هاختار اللون ازرق عشان اللون الازرق من وجهة نظرى مزيج ما بين الحزن والامل

3- الثالثه لرجل عجوز يجلس على مقعد فى حديقه وينظر الى اطفال صغار يلعبون .ياترى ماذايقول فى نفسه ؟ وما اللون المناسب ؟ ولماذا ؟

بيفتكر ايام شبابه وطفولته وبيتمنى يرجع ويبقى زيهم ويلعب معاهم عشان كده هاختار اللون الاخضر لون البراءة والطفولة والقلوب النقية


4- الرابعه لفتى ينحنى على اطلال بيت محطم
ويلتقط دميه صغيره مبلله بالدماء. فما اللون المناسب ؟ ولماذا ؟

هاختار اللون الرمادى عشان ده انسب لون يعبر عن احساسه بعد ما شاف اللى شافه ويمكن هيكون لون التراب اللى محيط بالاطلال

خامسا :ـ تلمحين ضوء يبرق من بعيد .ها هى النهايه قد قاربت ولكن عليك ان تجتازى هذا الباب الاخير . هذا الباب يؤدى الى بيت بسيط اقرب الى كوخ . ومع اقترابك تسمعين اصوات خناق واصوات بكاء وصياح وعويل . فتقتربين اكثر فاكثر لتعرفى الحكايه .فى اعتقادك ماهى حكايه هذا البيت ؟
وكيف يمكن ان تساعديهم لكى يتوقف لصراخ والعويل ؟

مش عارفة بالظبط بس يمكن الراجل مخنوق وبيطلع ارفه فى اولاده ومراته بس الاكيد ان بيتهم ينقصه حب ودفئ عشان كده هاحاول اساعدهم على قد ما اقدر بس عشان اوقف الصراخ ده هاغنى وبعدين هيسكتوا شوية واروح متكلمة بقى وبعد ما اتكلم مش بعيد ارخم عليهم واقولهم شوية نكت سخيفة شوية او شويتين تلاتة ههههههههههههه


بعد ان قمت بحل مشكله هذا البيت . ابتسمتى وتنفستى الصعداء . فهاذا كان اخر باب . فاذا بك امام ممرطويل فاسرعتى الخطى لتفاجىء بوجود باب اخر مكتوب عليه:

( مازال الليل طفلا والهول لم يأتى بعد..... )

فدورى دورى
يا صغيرتى
دورى


تمت
طيب يعنى لسة برضه ما طلعتش من القصر فى الحالة دى هالف تانى فيه واشوف لو فيه ابواب تانية

الرجوع الى أعلى الصفحة اذهب الى الأسفل
Mahmoud Sayed
مشرف
مشرف
Mahmoud Sayed


ذكر عدد المساهمات : 436
نقاط : 56265
تاريخ التسجيل : 18/12/2008
العمر : 34
العمل/الترفيه العمل/الترفيه : Student
المزاج المزاج : mmmm, don know
بلدك : مصريه
الابراج : العذراء


White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالجمعة سبتمبر 17, 2010 6:09 pm

على فكرة ياوايت
هيا إيلف كده
برضو تعبتنى لما كنت انا ع الكرسى
بس بجد اسئلتها رائعة وبتعجبنى وخاصة اسلوبها

اسف جدا جدا جدا ع التأخير بس انتى كنتى عارفة ظروف الامتحان
ادعى لنا

نبدأ ؟
1- مين هوا اقرب شخص ليك فى البيت (واحد فقط)
2- لو دخلتى بيت فاضى ، هتسرقى منه ايه ؟ (سورى بقى)
3- لو اشتريتى عربية ، تحبى لونها يكون ايه ، ولماذا؟
4- فى وجهة نظرك ، هل يستحق هذا المنتدى الاستمرار مع خمول اعضاؤة؟
5- كلية آداب ، تقولى عنها ايه لطلبة اداب القاهرة او عين شمس؟
6- لو ما دخلتيش اداب كنتى تتمنى تدخلى ايه ، ولو مادخلتيش انجليزى ، كنتى تتمنى تدخلى قسم ايه؟
7- ايه اكتر حاجة بتضايقك فى شوارع الفيوم؟
8- لو بقيتى دكتورة جامعة ، تحبى تفضلى مجرد دكتورة بشرح ولا تحبى ترتقى فى المناصب الادارية زى انك تبقى عميدة مثلا ولماذا؟
9- احمد نظيف كان فى الجامعة امبارح ، لو عملو معاه ندوه كنتى هتسأليه اسئلة جريئة ولا هتخافى ، ولماذا ، وكنتى هتسأليه تقولى ايه ؟
10- لو نفسك تبدلى روحك مع حد ، يعنى انتى تبقى هيا او هوا ، وهوا او هيا يبقى انتى ، مين الشخص او الشخصة اللى هتبدلى روحك معاها

دلوقتى فقرة اسمها " مع او ضد" ودى فقرة هتجاوبى فيها بكلمة واحدة فقط "مع" او "ضد" ولو عايزة تقولى تعليل اتفضلى
1- حمل الاطفال للتليفونات المحمولة
2- غياب الطلبة من المدارس بسبب انفلونزا الخنازير
3- ترميم المدارس اللى بيحصل فى الفيوم
4- عمالة المرأة
5- التساهل فى الزواج ( المهر والشبكة)
6- التعارف على الانترنت
7- وجود السياحة فى مصر
8- مقاطعة اللحوم
9- العمل فى غير مجالك عشان مجزى اكتر
10- الهجرة غير المشروعة

اه
نسيت احييكى على ثقافتك اللى لاحظتها من خلال اسئلتك اللى وجهتيها للوزير والتى توضح فهمك واهتمامك بالثقافة

دول عشرين سؤال
لو جدعة جاوبى عليهم لحد ما احضرلك غيرهم
سلام
الرجوع الى أعلى الصفحة اذهب الى الأسفل
white
مشرف
مشرف
white


انثى عدد المساهمات : 390
نقاط : 53296
تاريخ التسجيل : 17/10/2009
المزاج المزاج : الحمد لله
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالجمعة سبتمبر 17, 2010 10:31 pm

كل دى اسئلة ماشى بس انا هاطلع جدعة واجاوب عليها

نبتدى بقى الاجابات




1- مين هوا اقرب شخص ليك فى البيت (واحد فقط (

اقرب شخص ليا فى البيت ماما


2- لو دخلتى بيت فاضى ، هتسرقى منه ايه ؟ (سورى بقى)

البيت فاضى هيتسرق منه ايه هوا انا مش هاسرق حاجة الحمد لله انا مش محتاجة انى اسرق لكن ممكن اتفرج على البيت وآخد جولة فيه ماهو فاضى بقى

3- لو اشتريتى عربية ، تحبى لونها يكون ايه ، ولماذا؟

احب لونها يبقى ابيض او سودة لان اللونين دول فى العربيات بيبقى شكلهم حلو

4- فى وجهة نظرك ، هل يستحق هذا المنتدى الاستمرار مع خمول اعضاؤة؟

والله ما اعرف بس ان شاء الله يستمر وبعدين كلمة خمول دى بتاعتى انت واخدها منى

5- كلية آداب ، تقولى عنها ايه لطلبة اداب القاهرة او عين شمس؟

كلية اداب الفيوم اقولهم عنها ان ليا ذكريات جميلة فيها اتعلمت فيها قليل بس اتعلمت من اللى شفتهم فيها كتير


6- لو ما دخلتيش اداب كنتى تتمنى تدخلى ايه ، ولو مادخلتيش انجليزى ، كنتى تتمنى تدخلى قسم ايه؟

انا كنت عايزة ادخل كلية اعلام بس للاسف محصلش نصيب قلت هادخل كلية اداب صحافة بس دخلت ومالقيتش القسم والحمد لله على كل شئ

7- ايه اكتر حاجة بتضايقك فى شوارع الفيوم؟

يااااااه الفيوم اليومين دول بقت مؤرفة وبيضايقنى فيها الزحمة المستمرة دى مش عارفة ليه لكن اهى بلد احسن من غيرها الحمد لله

8- لو بقيتى دكتورة جامعة ، تحبى تفضلى مجرد دكتورة بشرح ولا تحبى ترتقى فى المناصب الادارية زى انك تبقى عميدة مثلا ولماذا؟

والله لو بقيت كده هاشوف بس يا حبذا لو يكون الاتنين مع بعض اهو الواحد يجرب


9- احمد نظيف كان فى الجامعة امبارح ، لو عملو معاه ندوه كنتى هتسأليه اسئلة جريئة ولا هتخافى ، ولماذا ، وكنتى هتسأليه تقولى ايه ؟

مش هاقوله حاجة هوه سؤال واحد: انت لسة بتقاوح ومش عايز تمشى من الوزارة ليه هو انت مش شايف ان سياسة وخطة تعيين رجال الاعمال كوزراء خطة فاشلة ومنيلة بستين نيلة ؟

10- لو نفسك تبدلى روحك مع حد ، يعنى انتى تبقى هيا او هوا ، وهوا او هيا يبقى انتى ، مين الشخص او الشخصة اللى هتبدلى روحك معاها؟

لا انا مش عايزة ابدل روحى مع حد ان كده حلوة اوى كل واحد عاجبه روحه حقيقى معرفش يمكن لو لاقيت الاجابة فى يوم من الايام هاقول ..... وبعدين انا ما احبش حد تانى يبقى انا بس بالمناسبة ابدل روحى ازاى ارجو التوضيح
.......................................................................................................................

نيجى بقى للفقرة التانية عارف انها كانت فقرة فى برنامج بييجى فى رمضان بصراحة كان برنامج سخيف اوى عشان الست اللى فيه كانت مستفذة


1- حمل الاطفال للتليفونات المحمولة

ضد طبعا غلط جدا عليهم انهم يمسكوا موبيلات وهما لسة صغيرين كده ده يأثرعليهم عقليا وجسمانيا انا لاحظت ده فى اولاد اختى تقريبا بقت حياتهم فى الموبايل.... وبعدين ما احنا كنا اطفال ولا عمرنا مسكنا حتى التليفون الارضى وطلعنا زى الفل


2- غياب الطلبة من المدارس بسبب انفلونزا الخنازير

ههههههههههه بصراحة مش فاهمة
ضد لما يبقى يجيلوا المرض او حتى يشتبه فيه يبقى يتعزل فى بيتهم وما يخرجش

3- ترميم المدارس اللى بيحصل فى الفيوم

مع ترميم المدارس بس لو الهدف الاول راحة الطلاب مش ان الوزير ولا المحافظ هييجى


4- عمالة المرأة

عمالة بمعنى ايه

انا مع المرأة انها تقتحم ميادين العمل بس للاسف انا لقيت انها هيه اللى دفعت التمن حيث ان الاحصائيات اثبتت ان عدد كبيييييير جدا من الاسر تعولها نساء وتتكفل بها مع ان ارباب الاسر دى من الرجال موجودين وبكامل صحتهم
عشان كدا انا مع عمل المرأة وليس عمالة المرأة

5- التساهل فى الزواج (المهر والشبكة)

طبعا مع التساهل فى الحاجات دى عشان حرام الشاب من دول هيبنى مستقبله ازاى وبعدين الست مش دورها انها تاخد المهر والشبكة وتفرح بيهم بالعكس ده دورها انها تتعب وتكافح معاه عشان تشاركه جزء من النجاح وسعاتها الحياة هيبقى ليها قيمة جليلة وهنعرف ساعتها ان كل ده مجرد مظاهر كدابة وبعدين كل امهاتنا وآباءنا عملوا كده وده الصح من وجهة نظرى حقيقى مش عارفة ايه اللى جرى يمكن الزمن فعلا اتغير


6- التعارف على الانترنت

لو ناس اعرفهم زيكم هنا فى المنتدى ده انا معاه لان ده تواصل اما لو ناس معرفهمش سواء اولاد او بنات وهاتعرف عليهم دى بقى اسمها ......... وسوء استغلال للثقة اللى الاب والام بيدوها للولد او البنت ان محدش بيعرف حد من وراء حجاب لازم الانسان يشوف اللى بيتكلم معاه ويتعامل معاه شخصيا ويبقى هناك قدر من المعرفة ما بينهم مش تعارف دى وجهة نظرى


7- وجود السياحة فى مصر

سؤال غريب ايوا طبعا مع وجود السياحة فى مصر

8- مقاطعة اللحوم

اكيد طبعا انا مع مقاطعة اللحوم بس لا حياة لمن تنادى انا عن نفسى عملت مقاطعة هنا فى البيت وكانت لما ماما بتجيبها كنت مش باكلها كنوع من المقاطعة بس محدش سأل فيا ههههههههههههه

9- العمل فى غير مجالك عشان مجزى اكتر

ضد لو كان العمل مجزى اكثر بس لو لاقيت هناك فرصة انى اكتسب خبرة هاروح هيه الحياة ايه غير تجارب



10- الهجرة غير المشروعة

ضد طبعا حتى لو هاموت هنا ربنا ان شاء اله هيفرجها بس ادفع دم قلبى عشان اهاجر هجرة غير مشروعة دى تبقى حاجة غريبة

ادينى جاوبت العشرين وبصراحة اهو



الرجوع الى أعلى الصفحة اذهب الى الأسفل
amr
مشرف
مشرف
amr


ذكر عدد المساهمات : 969
نقاط : 56956
تاريخ التسجيل : 10/12/2008
العمر : 34
العمل/الترفيه العمل/الترفيه : ضابط حربية
المزاج المزاج : هو فيه أحسن من كده!!
بلدك : مصري
الابراج : الجوزاء


White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالسبت سبتمبر 18, 2010 2:10 pm

وهكذا وبعد مواجهات ضارية بيها وبين هذا الوحش الكاسر, استطاعتWhiteبذكائها وصراحتها ومعرفتها الواسعة ان تحمل على الوحش حملة اودت بحياته , وبعد ذلك خرج الناس من بيوتهم التى اختبؤا بها خوفا من المعركة الحامية الوطيس ليجدوا Shinx ممدا تحت اقدامها مفارقا الحياه , فهلل الناس وحملوها الى كرسى العرش لانه لا يوجد من اجدر منها ليضطلع بهذه المهمة الشاقة .




احييكى على هذه الاجابات الرائعة , شكرا جزيلا
الرجوع الى أعلى الصفحة اذهب الى الأسفل
Mahmoud Sayed
مشرف
مشرف
Mahmoud Sayed


ذكر عدد المساهمات : 436
نقاط : 56265
تاريخ التسجيل : 18/12/2008
العمر : 34
العمل/الترفيه العمل/الترفيه : Student
المزاج المزاج : mmmm, don know
بلدك : مصريه
الابراج : العذراء


White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالسبت سبتمبر 18, 2010 3:57 pm

ايه ده يا عمرو
انا كنت لسه هسأل
الرجوع الى أعلى الصفحة اذهب الى الأسفل
amr
مشرف
مشرف
amr


ذكر عدد المساهمات : 969
نقاط : 56956
تاريخ التسجيل : 10/12/2008
العمر : 34
العمل/الترفيه العمل/الترفيه : ضابط حربية
المزاج المزاج : هو فيه أحسن من كده!!
بلدك : مصري
الابراج : الجوزاء


White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالأحد سبتمبر 19, 2010 12:54 am

معلش يا محمود بقى الوقت وكمان احنا تعبنا white اوى معانا , بس ممكن تسأل برينسيس بقى هى اللى على الكرسى دلوقتى
الرجوع الى أعلى الصفحة اذهب الى الأسفل
elfchild
عضو نشيـط
عضو نشيـط
elfchild


انثى عدد المساهمات : 111
نقاط : 50641
تاريخ التسجيل : 01/06/2010
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالأحد أكتوبر 17, 2010 7:49 pm

يااااااااااااااااااااااااااااااااااااه ياخبر يا وايت . ايه ده ............هو انتى لسه ماخرجتيش من المتاهه معقول!!!!!!!!!!!!!!!!!!! يا حـــــــــــــــــــــــــــــــــرام . بس معلش اعذرينى انت عارفه كبر السن بيعمل اكثر من كده ههههههههههههههه . بس حقيقى انا استمتعت باجاباتك الوافيه وخاصة انى بحب الاسئله ديه جدااااااااا .......... فهنيئا لك حريتك
الرجوع الى أعلى الصفحة اذهب الى الأسفل
white
مشرف
مشرف
white


انثى عدد المساهمات : 390
نقاط : 53296
تاريخ التسجيل : 17/10/2009
المزاج المزاج : الحمد لله
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالخميس نوفمبر 11, 2010 8:12 am

ربنا يديكى الصحة يا إيلف بقى سايبانى تايهة من يومها وانا اقول الواحد من زمان تايه وبيلف حولين نفسه ليه عشان سيادتك متوهانى بس عايزة اصحح بقى حاجة زى ماقولتلك القلم والورقة سيادتك اللى هما سلاحى هاستعملهم لما ادخل الباب الاول اللى عليه الحكمة لانى اكيد هاستخدم عقلى هناك وبما انى هاشغل عقلى اكيد هاحتاج الورقة والقلم .
انا عرفت الموضوع ده متأخر جدا وهنيئا ليا حريتى ههههههههههه
الرجوع الى أعلى الصفحة اذهب الى الأسفل
elfchild
عضو نشيـط
عضو نشيـط
elfchild


انثى عدد المساهمات : 111
نقاط : 50641
تاريخ التسجيل : 01/06/2010
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالخميس نوفمبر 11, 2010 1:54 pm

يظهر ان الذاكره بترجعلنا متاخر ...واضح ان كبر السن منتشر اليومين دول
و الشيء بالشيء يذكر فانا حبيت اكتب حل
عجبنى لسؤال الكوخ اولا هندخل بمصحف شريف وطعام
لان الجوع بيولد عدم الرضى فهنسكت جوعهم فى الاول وبعدين نشوف ايه مشكلتهم واى مشكله هنقدر نحلها لو رجعنا للقران الكريم
الرجوع الى أعلى الصفحة اذهب الى الأسفل
white
مشرف
مشرف
white


انثى عدد المساهمات : 390
نقاط : 53296
تاريخ التسجيل : 17/10/2009
المزاج المزاج : الحمد لله
بلدك : مصريه

White Vs Sphinx Empty
مُساهمةموضوع: رد: White Vs Sphinx   White Vs Sphinx Emptyالسبت نوفمبر 13, 2010 7:04 pm

انتى عارفة يا ايلف ذاكرتى فولاذية هههههههه وخصوصا اليومين دول وده يرجع لكبر السن اللى انتى بتقولى عليه وعلى فكرة عجبنى الحل بتاع سؤال الكوخ انتى عارفة انا لو كنت فكرت شوية مكنتش هاجيبها بردو ههههههههههه
الرجوع الى أعلى الصفحة اذهب الى الأسفل
 
White Vs Sphinx
الرجوع الى أعلى الصفحة 
صفحة 1 من اصل 1
 مواضيع مماثلة
-
» HaPpY Birthday White

صلاحيات هذا المنتدى:لاتستطيع الرد على المواضيع في هذا المنتدى
elmotamez55 :: المنتدي الادبي :: الصحافه اليوميه-
انتقل الى: