elmotamez55
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

elmotamez55

مركز المتميز التعليمي
 
الرئيسيةأحدث الصورالتسجيلدخولتسجيل دخول الاعضاء
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
اخبارنا

سيتم بمشيئه الله افتتاح مركز المتميز التعليمي لجميع المراحل مع نخبه من افضل مدرسي المحافظه للحجز والاستعلام 01008328810-01097193003

المواضيع الأخيرة
» برنامج اصلاح الCDROOm/DVD
رقم محمول الرئيس  Emptyالسبت فبراير 08, 2014 4:21 am من طرف samo4454

» اعلان مركز المتميز التعليمي
رقم محمول الرئيس  Emptyالجمعة ديسمبر 13, 2013 12:59 pm من طرف Admin

» لأول مره علي اي منتدي
رقم محمول الرئيس  Emptyالسبت فبراير 09, 2013 12:02 am من طرف luckyomar22

» ya3ny eih montada???
رقم محمول الرئيس  Emptyالخميس نوفمبر 01, 2012 10:37 pm من طرف amr

» كل اضحى وانتو طيبين
رقم محمول الرئيس  Emptyالخميس نوفمبر 01, 2012 10:30 pm من طرف amr

» كورس بوربوينت 2007
رقم محمول الرئيس  Emptyالإثنين أكتوبر 29, 2012 11:27 am من طرف knight

» لقد خدعوا الشعب المصرى .. ابكى يامصر ابكر !!!
رقم محمول الرئيس  Emptyالإثنين أكتوبر 29, 2012 11:15 am من طرف knight

» توفير عماله مصرية سائقين طباخين نجارين عمال جميع التخصصات
رقم محمول الرئيس  Emptyالأحد أغسطس 12, 2012 3:24 pm من طرف nour2000

» كورس MOS 2007 عربى مجانى
رقم محمول الرئيس  Emptyالأحد يونيو 17, 2012 9:58 pm من طرف samehsaad

» امتحانات Icdl 2011
رقم محمول الرئيس  Emptyالخميس يناير 05, 2012 8:47 pm من طرف knight

facebook page
https://www.facebook.com/elmotamez55?ref=hl
أفضل 10 أعضاء في هذا المنتدى
ashek el horrya
رقم محمول الرئيس  I_vote_rcapرقم محمول الرئيس  I_voting_barرقم محمول الرئيس  I_vote_lcap 
Admin
رقم محمول الرئيس  I_vote_rcapرقم محمول الرئيس  I_voting_barرقم محمول الرئيس  I_vote_lcap 
amr
رقم محمول الرئيس  I_vote_rcapرقم محمول الرئيس  I_voting_barرقم محمول الرئيس  I_vote_lcap 
knight
رقم محمول الرئيس  I_vote_rcapرقم محمول الرئيس  I_voting_barرقم محمول الرئيس  I_vote_lcap 
lost
رقم محمول الرئيس  I_vote_rcapرقم محمول الرئيس  I_voting_barرقم محمول الرئيس  I_vote_lcap 
Mahmoud Sayed
رقم محمول الرئيس  I_vote_rcapرقم محمول الرئيس  I_voting_barرقم محمول الرئيس  I_vote_lcap 
white
رقم محمول الرئيس  I_vote_rcapرقم محمول الرئيس  I_voting_barرقم محمول الرئيس  I_vote_lcap 
princess
رقم محمول الرئيس  I_vote_rcapرقم محمول الرئيس  I_voting_barرقم محمول الرئيس  I_vote_lcap 
MASRAWY
رقم محمول الرئيس  I_vote_rcapرقم محمول الرئيس  I_voting_barرقم محمول الرئيس  I_vote_lcap 
sweet as rose
رقم محمول الرئيس  I_vote_rcapرقم محمول الرئيس  I_voting_barرقم محمول الرئيس  I_vote_lcap 
بحـث
 
 

نتائج البحث
 
Rechercher بحث متقدم
الساعه
.

 

 رقم محمول الرئيس

اذهب الى الأسفل 
+2
white
princess
6 مشترك
كاتب الموضوعرسالة
princess
الاعضاء المتميزين
الاعضاء المتميزين
princess


انثى عدد المساهمات : 288
نقاط : 50912
تاريخ التسجيل : 28/05/2010
العمر : 35
العمل/الترفيه العمل/الترفيه : Student 4 ever
المزاج المزاج : ؟؟؟؟؟؟؟؟؟
بلدك : مصريه
الابراج : السمك


رقم محمول الرئيس  Empty
مُساهمةموضوع: رقم محمول الرئيس    رقم محمول الرئيس  Emptyالجمعة أكتوبر 08, 2010 5:57 pm

رقم محمول الرئيس  1195933348



ما إن أعلن الرئيس العربي عن تليفونه حتي أمسك جميع المواطنين بتليفوناتهم ..!!




فرحة كبيرة ... إنتابت الجميع ....



كان أمل الجميع ..شرف مكالمة الرئيس ....وعرض مشكلته عليه ... ؟




حتي الأطفال ... أحبوا أن يكلموا ..عمو الريس .....



وطلبوا منه طلبات غريبة جداً .... مش هينفع أقولها لكم ...!!!!


رقم محمول ... الرئيس ..!!؟


أشارت مجموعة من خبراء العلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تراجع مستمر ....

وافق الرئيس علي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه ....رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ...

وبمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها :

((إتصل برقم الرئيس ..وإنت وأهلك هاتهيص .... ))

((إتصل بالرئيس ... يكون لك خير ونيس ....))

ولم تنس الدعاية المرأة في هذه الحملة فكان منها ما يقول :

(( إتصلي بالرئيس .... وبكره يجيبلك العريس .... ))

وكان للأطفال أمل الغد أيضاً نصيب فكتبت لهم إعلانات تقول :

(( كلموا عمو الريس .... قبل ما يموت ويخلص ))


هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ....


وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :

آآآلو الريس فين ... الريس هنا ...هنا هو ... أقولوا مين بيكلموا ...


وذلك لأن هذه الأغنية سهلة وتوحي أن الرئيس قريب ومتواصل مع شعبه ...

وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...


وأخيرا

جاءت ساعة الصفر .... وبدأت الخدمة ... وتلقي الرئيس عدة مكالمات :

المكالمة الأولي :

- ألو ....

- أيوا ...

- إنت الريس ...

- أيوا يا حبيبي ... إيه مشكلتك ....

- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...

- بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!

- شكراً ياريس ..ربنا يخليك لنا ويخليك للوطن ... ؟


المكالمة الثانية :

- ألو

- أيوااا

- الريس معايا شخصياً

- أيوااا ... قول يا مواطن ... إيه مشكلتك ...

- أنا ياريس وغيري ملايين ساكنين في المقابر وتحت الكباري وفي عشش في ال ...

- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...

- فاهم فاهم يا ريس ...

- كمل يا مواطن ...

- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...

- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..

إنت عارف إن الدين بيأمرنا بزيارتها للموعظة والإعتبار من وقت للتاني عشان نعرف أنها دنيا فانية ...

وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!

- طب ما تيجي ياريس تتعظ عندنا شوية ...

- إخرس ... يا ......

دببببب ...

وتم غلق الخط ...


المكالمة الثالثة :

- ألو ....

- أيوااااااا

- الريس حبيبنا معانا ....

- أيوه كده ....إيه مشكلتك يا حبيبي ...؟؟

- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...

- أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...

- ياريس عايز أكون نفسي ...

- ما تكونها يا حبيبي حد حايشك ...؟!!

- أكونها إزاي من غير شغل ..؟؟

- إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...

دبببب ...وتم غلق الخط ....



المكالمة الرابعة ...

- ألو ..صباح الخير ياريسنا يا جميل ...

- ألوووووووووو...صباح الجمال ... .. إيه مشكلتك وأنا أحلها لكي في فمتوثانية ...

- أنا يا ريس وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....

- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....

- ياريس ... نفسي أحب وأتحب ويكون عندي اسرة سعيدة ....

- يا مواطنة ... حب الوطن كفاية عليكي ....

- يعني أتجوز الوطن ..!!!

- يوووه ... إنت مش عجبك كلامي طيب ...

دبببب .. وإنتهت المكالمة ....


وأخيراً ... حد عايز الرقم يطلب ويجرب ..... يتصل بي أويكتب لي...وأنا أعطيه له فوراً ....بشرط يقول حيقول للريس بتاعه إيه لو كلمه في التليفون ...!!! ؟؟؟


م/ل

يا تري لو اعضاء المنتدي معاهم رقم الرئيس هيقولوا ايه او هيطلبوا ايه؟؟؟؟؟؟

الرجوع الى أعلى الصفحة اذهب الى الأسفل
princess
الاعضاء المتميزين
الاعضاء المتميزين
princess


انثى عدد المساهمات : 288
نقاط : 50912
تاريخ التسجيل : 28/05/2010
العمر : 35
العمل/الترفيه العمل/الترفيه : Student 4 ever
المزاج المزاج : ؟؟؟؟؟؟؟؟؟
بلدك : مصريه
الابراج : السمك


رقم محمول الرئيس  Empty
مُساهمةموضوع: رد: رقم محمول الرئيس    رقم محمول الرئيس  Emptyالسبت أكتوبر 09, 2010 9:37 pm


ايه مفيش حد عايز يقوله حاجه
طب انا عن نفسي لو معايا رقمه هبعتله "كلمني شكرا" لحد ما يزهق واول ما يكلمني هكنسل عليه..
( وهذه هي المواطنه المصريه والانتماء)
انا من البلد دي...
الرجوع الى أعلى الصفحة اذهب الى الأسفل
white
مشرف
مشرف
white


انثى عدد المساهمات : 390
نقاط : 53296
تاريخ التسجيل : 17/10/2009
المزاج المزاج : الحمد لله
بلدك : مصريه

رقم محمول الرئيس  Empty
مُساهمةموضوع: رد: رقم محمول الرئيس    رقم محمول الرئيس  Emptyالسبت أكتوبر 09, 2010 9:42 pm

كده يا برنسيس انا بردو كنت هاعمل كده بالظبط
بس كنت هاسيبه يرن كتير عشان اختبر مدى صبره ههههههههههههههههههههه
الرجوع الى أعلى الصفحة اذهب الى الأسفل
Admin
مدير المنتدي
مدير المنتدي
Admin


ذكر عدد المساهمات : 1005
نقاط : 58272
تاريخ التسجيل : 09/12/2008
العمر : 34
العمل/الترفيه العمل/الترفيه : بابني مصر
المزاج المزاج : مفيش احسن من كده
بلدك : مصري
الابراج : العذراء


رقم محمول الرئيس  Empty
مُساهمةموضوع: رد: رقم محمول الرئيس    رقم محمول الرئيس  Emptyالسبت أكتوبر 09, 2010 10:10 pm

انا اتصلت لقيت واحد بيقولي " متتصلش هنا تاني يا.... تيـــــــت " كده يا برنسيس خلتينا ناخد كلمتين ... فعلا زي ما قال الريس اتصل وانت تهيس
الرجوع الى أعلى الصفحة اذهب الى الأسفل
https://elmotamez55.ahlamontada.net
amr
مشرف
مشرف
amr


ذكر عدد المساهمات : 969
نقاط : 56956
تاريخ التسجيل : 10/12/2008
العمر : 34
العمل/الترفيه العمل/الترفيه : ضابط حربية
المزاج المزاج : هو فيه أحسن من كده!!
بلدك : مصري
الابراج : الجوزاء


رقم محمول الرئيس  Empty
مُساهمةموضوع: رد: رقم محمول الرئيس    رقم محمول الرئيس  Emptyالسبت أكتوبر 09, 2010 11:59 pm

انا اتصلت يا جماعه كتييييييير جدا بس كان الرقم مشغول , وبعد عناء رد فعلا وده الحوار اللى دار بينى وبين الريس:


انا : الو..السلام عليكم.. الريس معايا؟
هو: ايوه.. وعليكم السلام.. ايوه يا بانى انا الريس اؤمر
انا: ازيك ياريس .. عامل ايه ؟ وصحتك عامله ايه؟
هو: الحمد لله اهى ماشيه , انت كنت عايز حاجه ؟ نفسك فى ايه؟ ايه هى شكوتك؟ قول وانا فى خدمتك؟
انا: انا مش مصدق ياريس بجد ... معقول حضرتك طيب كده ... وبتضحى بوقتك كده.. اما ل بيقولى عليك ليه غير كده؟

هو: بيقولو ايه .. قولى وماتخافش؟
انا: بيقولو عليك كذاب .. بتوعد وبتخلف... قلت هاشغل الشباب ولا الشباب اشتغلو ولا حاجه.. قلت هانعمل تنمية اقتصادية ومش شايفين اى حاجه... قلت هاحارب الاسعار والاسعار فى الزياده ... وقلت....
هو: استنى استنى ...بالراحه شويه... مين اللى بيقول كده ؟
انا : ياريس الناس كلها بتقول , باختلاف طبقاتها وطوايفها , انا اول مره الاقى الناس كلها مجتمعين على حاجه كده
هو: بس الناس دى ايدها فى الميه البارده ... مش حاسسين انا باعمل ايه علشانهم
انا: صدقنى يا ريس .. انت لو حاسس بالناس فعلا ... كنت عملت اكتر من كده بكتير .. انت ماتعرفش يعنى ايه طفل ملوش بيت ولا اهل عايش تحت كبرى من غير اكل ولا شرب ,, كل حلمه انه يلاقى لقمه يسد بيها جوعه.. انه يلاقى هدمه يستر بيها نفسه.. انه فى يوم يبقى زى الاولاد اللى بيشوفهم رايحين المدرسه الصبح
هو: امرك عجيب يا بنى ... انت بتتكلم عن غيرك ليه.. قول شكوتك وخليك فى حالك
انا: ياريس هو ده حالى وحالنا كلنا ... كلنا فى مركب واحده ... طيب انت تعرف احساس شاب مخلص دراسته بتفوق ودايخ على خلق ربنا يدور على شغل .... وياريته لاقى ... يضطر فى الاخر يروح يشتغل اى حاجه بعيد عن مجاله اللى قضى كل عمره يدرس فيه علشان يلاقى لقمة العيش.... تعرف ايه عن الواسطه اللى منعت واحد من انه ياخد حقه لحساب ناس ماعندهاش لا دم ولا ضمير ومستعدين يدوسوا على اى حد لمجرد ان عندهم"واسطه"
هو: كمل يا ابنى ... ان سامعك
انا : تعرف ايه ياريس عن الرشاوى اللى بقت فرض علينا فى المصالح الحكوميه... تدفع تعدى ... ماتدفعش.. فوت علينا بكره .. وبكره يجر بكره لحد برده ماتدفع
هو: يابنى مانتو اللى بتعملو كده ف نفسكم .. انتو اللى بتاخدوا رشاوى .. وانتو اللى بتستخدمو الواسطه ... هو كل حاجه عليا انا وللا ايه .. انتو مش عايزين تعترفوا ليه بغلطكم
انا : معاك حق ياريس ... احنا فعلا يمكن نكون سلبيين ... بس انت اللى عودتنا على كده ... اللى بيتكلم بيروح ورا الشمس ... امن الدوله صاحى لينا.. صاحى بس لينا ... مش صاحى لبتوع الحصانه ... صاحى بس للغلابه ... الى كل اللى يقدروا عليه الكلام وياريتهم عارفين ... قاردرين يتكلموا
هو: طيب قولى انا اعمل ايه؟
انا: ياريت كان ينفع ... انت الريس .. وانت اللى لازم تكون عارف انت لازم تعمل ايه.. معلش ياريس .. انا لازم اقفل
هو: طيب ليه .. اتكلم وقول اللى عندك انا سامعك
انا : اصلك مش واخد بالك ياريس... انا مستلف حق المكالمه.. اصلك حتى لما فكرت تكلمنا ... عملت المكالمه بفلوس ... سلام

الرجوع الى أعلى الصفحة اذهب الى الأسفل
princess
الاعضاء المتميزين
الاعضاء المتميزين
princess


انثى عدد المساهمات : 288
نقاط : 50912
تاريخ التسجيل : 28/05/2010
العمر : 35
العمل/الترفيه العمل/الترفيه : Student 4 ever
المزاج المزاج : ؟؟؟؟؟؟؟؟؟
بلدك : مصريه
الابراج : السمك


رقم محمول الرئيس  Empty
مُساهمةموضوع: رد: رقم محمول الرئيس    رقم محمول الرئيس  Emptyالإثنين أكتوبر 11, 2010 2:22 am


وايت: هو دا العادي من بنك مصر.

ادمن: انا ذنبي ايه اكيد طلبت رقم غلط..جرب تاني.

عمرو: حوار رائع بجد وهو دا حالنا وحال البلد..
والحزب الوطني في مصلحتك والمستقبل ليك
كل شباب مصر هيشتغلوا بكره تشوف بعنيك
الرجوع الى أعلى الصفحة اذهب الى الأسفل
knight
مشرف
مشرف



ذكر عدد المساهمات : 660
نقاط : 56852
تاريخ التسجيل : 17/12/2008
العمر : 34
العمل/الترفيه العمل/الترفيه : من حماة الوطن ( ضابط حربية )
المزاج المزاج : حمرااااااااااااا
بلدك : مصري
الابراج : الثور


رقم محمول الرئيس  Empty
مُساهمةموضوع: رد: رقم محمول الرئيس    رقم محمول الرئيس  Emptyالثلاثاء أكتوبر 12, 2010 2:19 pm

كل النقد دا ليه ابوعلاء ، حقيقى انتو معندكوش حق ، طيب انا اقولكو انا بقى لسه بطلب الرقم بتاعه فلقيته هو بشحمه ولحمه بيردّ عليا ، فبيسالنى عايز ايه يا ضناى ، قلتله عايز سلامتك بس يا ريس البلد كلها كوسة ، فردّ عليا رد رئع باختصار وبصوت المعلم ابو دومة : " غمّز واسكت ياد " بطلو افترا بقى على الناس ، على فكرة حوار رائع جدا يا عمرو ( طبعا انت بتستغرب ازاى انا فاتح صفحة المنتدى دلوقتى وانت حاليا لسه يدوبك هتركب الفيوم ، يا بنى هىّ نص ساعة بعد ما سبتك كنت فى الشقة " قلتلك يا نحس تعالى بات معاى النهاردة ههههههه بس انت اللى قعدت تقوللى انا مش فاضى بقى علشان الماستر ديجرى وتعبان من مشوار التجنيد بتاع الحلمية وكمان زعلان علشان خلاص ال 3 سنين اللى بقوا لا محالة النهاردة ، انت عارف يا عمرو مشواير التجنيد وكشوفات الضباط الاحتياط ، بدوّنها بعنوان " المزاريطة النهاردة " . الله يخرب بيتك ياد ، كنت هنسى اشكر صاحبة الموضوع " شكر ا برنسيس على الفكرة الرائعة دى لانك خليتى الناس تفضفض شوية وتبوح بما لديها من كبت وأرف وحرقة دم " كمان الموضوع دا حلو علشان الاتموسفير اللى كان كله حزن اتغير لحاجة فرايحى كدا بتدعو للتفاؤل .
الرجوع الى أعلى الصفحة اذهب الى الأسفل
sun shining
الاعضاء المتميزين
الاعضاء المتميزين
sun shining


انثى عدد المساهمات : 155
نقاط : 50685
تاريخ التسجيل : 01/06/2010
العمر : 31
العمل/الترفيه العمل/الترفيه : طاااااااالبة
المزاج المزاج : الحمد لله
بلدك : مصريه
الابراج : العقرب


رقم محمول الرئيس  Empty
مُساهمةموضوع: رد: رقم محمول الرئيس    رقم محمول الرئيس  Emptyالثلاثاء أكتوبر 12, 2010 6:55 pm

حلو اوى الموضوع يا برنسيس
أنا بقى طلبت الرقم
رد عليا شخص ما قالى أهلا بيكى فى خدمة اتصل
على الريس والدقيقة ب30 قرش بس
قتله متشكرين ع الترحيب وعلى المكالمة اللى
ببلاش ممكن تلخص وتدينى الريس
قالى ثوانى يا فندم هحولك على الشخص المختص
5 دقايق انتظار رد عليا واحد تانى قالى
دقيقة يا فندم وهحولك على سكرتير الريس
10 دقايق كمان ورد عليا عليا واحد ثوانى
يا فندم هنحولك على الرئيس
ربع ساعة كمان ورد عليا واحد وقالى نأسف
لعدم اتمام المكالمة لدواعى أمنية
قلتله وانا خلاص هنفجر لا تعليق
Mad
الرجوع الى أعلى الصفحة اذهب الى الأسفل
princess
الاعضاء المتميزين
الاعضاء المتميزين
princess


انثى عدد المساهمات : 288
نقاط : 50912
تاريخ التسجيل : 28/05/2010
العمر : 35
العمل/الترفيه العمل/الترفيه : Student 4 ever
المزاج المزاج : ؟؟؟؟؟؟؟؟؟
بلدك : مصريه
الابراج : السمك


رقم محمول الرئيس  Empty
مُساهمةموضوع: رد: رقم محمول الرئيس    رقم محمول الرئيس  Emptyالأربعاء أكتوبر 20, 2010 3:16 am


نايت: صحيح احنا معندناش حق
بس ليه تقوله " البلد كلها كوسة"
( دا حتي مؤشر كويس بيدل علي ان الكوسه قربت تدخل مرحلة التصدير للخارج)
علشان كده هنقوله : " نؤيد سيادتك لفترة جديده "
ويارب نكون كلنا متفائلين ديما.

صن تشايننج:" نأسف لعدم اتمام المكالمة لدواعى أمنية"
كده احسن صدقيني بدل ما يقولك " عفوا لقد نفذ رصيدكم يرجي اعادة شحت البطاقة"

الرجوع الى أعلى الصفحة اذهب الى الأسفل
 
رقم محمول الرئيس
الرجوع الى أعلى الصفحة 
صفحة 1 من اصل 1
 مواضيع مماثلة
-
» سبحه الرئيس
» اختفاء موكب الرئيس
» رساله حب الى الرئيس ..حد عنده اعتراض
» أيها الرئيس انى اراك عاريا ...!!!!

صلاحيات هذا المنتدى:لاتستطيع الرد على المواضيع في هذا المنتدى
elmotamez55 :: المنتدي العام :: اراء القــــــــراء-
انتقل الى: