elmotamez55

مركز المتميز التعليمي
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخولتسجيل دخول الاعضاء
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
اخبارنا

سيتم بمشيئه الله افتتاح مركز المتميز التعليمي لجميع المراحل مع نخبه من افضل مدرسي المحافظه للحجز والاستعلام 01008328810-01097193003

المواضيع الأخيرة
» برنامج اصلاح الCDROOm/DVD
السبت فبراير 08, 2014 4:21 am من طرف samo4454

» اعلان مركز المتميز التعليمي
الجمعة ديسمبر 13, 2013 12:59 pm من طرف Admin

» لأول مره علي اي منتدي
السبت فبراير 09, 2013 12:02 am من طرف luckyomar22

» ya3ny eih montada???
الخميس نوفمبر 01, 2012 10:37 pm من طرف amr

» كل اضحى وانتو طيبين
الخميس نوفمبر 01, 2012 10:30 pm من طرف amr

» كورس بوربوينت 2007
الإثنين أكتوبر 29, 2012 11:27 am من طرف knight

» لقد خدعوا الشعب المصرى .. ابكى يامصر ابكر !!!
الإثنين أكتوبر 29, 2012 11:15 am من طرف knight

» توفير عماله مصرية سائقين طباخين نجارين عمال جميع التخصصات
الأحد أغسطس 12, 2012 3:24 pm من طرف nour2000

» كورس MOS 2007 عربى مجانى
الأحد يونيو 17, 2012 9:58 pm من طرف samehsaad

» امتحانات Icdl 2011
الخميس يناير 05, 2012 8:47 pm من طرف knight

facebook page
https://www.facebook.com/elmotamez55?ref=hl
أفضل 10 أعضاء في هذا المنتدى
ashek el horrya
 
Admin
 
amr
 
knight
 
lost
 
Mahmoud Sayed
 
white
 
princess
 
MASRAWY
 
sweet as rose
 
بحـث
 
 

نتائج البحث
 
Rechercher بحث متقدم
الساعه
.

شاطر | 
 

 عن التحرير نحكى

اذهب الى الأسفل 
كاتب الموضوعرسالة
elfchild
عضو نشيـط
عضو نشيـط
avatar

انثى عدد المساهمات : 111
نقاط : 31701
تاريخ التسجيل : 01/06/2010
بلدك : مصريه

مُساهمةموضوع: عن التحرير نحكى   الخميس مارس 03, 2011 11:29 pm

عن التحرير نحكى





هو التحرير .. هو ميدان التحرير..
ولكنه ميدان مابعد الثورة ..
وعنه نحكى .

فى كل شارع فى بلادى
صوت الحريه بينادى
***

مترقبه .. متشوقه .. و متحمسه.
نزلت من محطة السادات ، انظرالى ما حولى فى شغف ، عينى مفتوحة على اخرها حتى لايفوتنى اى شىء ولا حتى تفصيله واحدة .
استقبلتنى المحطة بصورة كبيرة للشباب وبالتحديد ل فتاة وشاب وطفلة مزينين وجههم بعلم مصر ومكتوب على هذة الصورة
(بنــــــــــــــــــــــــــــــــــاة مصر)
وغالبا هى مهداه من وكالة الاهرام فابتسمت فى سرى ثم مضيت و
خرجت من اتجاة الجامعة الامريكية الى الميدان .
أخيرااااااااااااااا الميدان
انا لن احكى عن الهواء ولا عن استقباله لى ؟ ؟ ولا عن انطباعى ولا شعورى .. ولكن سأحكى عن ما رأيت ولكم الحكم .
***

الكرامة فى التحرير
Welcome
يوم الاحد 27 مارس 2011-

شوف الميادين كده مفروشه خلق و ضي



كان الميدان بالفعل مفروش خلق وضى و الأ هم بالمظاهرات ـ وهذا من حسن طالعى اكيد ـ فى الحقيقة الكثير من المظاهرات فذهبت الى اكبرها ، محتفظة بمسافة بينى وبين المظاهرة . ولكن الرؤيا لم تكن واضحة وكنت مترددة هل اقترب ام احتفظ بموضعى ؟
لاحظ احد المتظاهرين ترددى فقال لى :
ماتخفيش .. تعالى .. انضمى لينا
وبالفعل دخلت الى المظاهرة وانضممت لباقى الفتيات فى المنتصف
فاذا كنت فتاة او سيدة فمكانك فى المنتصف وحولك يلتف باقى المتظاهرين من الشباب، متشابكى الايدى ومحتفظين بمسافة بينك وبينهم وذلك حتى لا يضايقك احد ولا حتى هم .
هذا عن الشكل المظاهرة من الخارج .
اما عن داخل
كان يقود المظاهرة شاب ذو صوت قوى يستهل هتافة ب:
اه اه اه اه اه اه اه اه والناس تردد خلفه اه اه اه اه اه اه اه اه
يا بلد ............. يا بلد ......... يا تكيه ........ يا تكيه
ويستمر فى ترديد هذا الهتاف حوالى اثنين الى ثلاث مرات
حتى يتأكد ان الناس قد تحمست ويستكمل بالاتى :
ولا بنخاف ولا بنطاطى احنا كرهنا الصوت الواطى
يا احمد بيه.... يا احمد بيه...... يا احمد بيه
رايح شرم تعمل ايه؟؟؟؟؟؟؟
وإذا ما انخفض الصوت بعض الشىء تحولت الهتافات الى
على ... وعلى......وعلى الصوت إلى هيهتف مش هيموت
الى ساكت ساكت ليه أخذت حقك ولا ايه ؟؟
يا أهلينا .... يا اهلينا ... يا اهلينا انضموا لينا
غالبا لا تخرج الهتافات عن هذا المضمون و اكيد لا انسى النشيد الوطنى .
واستمرت المظاهرة من الميدان الى بنك باركليز الى مجلس الشورى الى مجلس الوزراء – اذا لم اكن مخطئة – واول ما ان اقتربنا وجدنا مجموعة من الجنود تقترب لتحمى المكان وخرج قائدهم وبدأ بكلمة يقول :ان علينا ان نتروى وان نعطى للحكومة الجديدة فترة
ولا شىء يحدث فى يوم وليلة ولكن المتظاهرون لم يسمحوا له باستكمال كلامة وقاطعوه بهتاف :
سلمية ... سلمية ..سلمية
وإذا ما احس المتظاهرون ببوادر احتكاك بينهم وبين الجيش
فانهم يسارعون بقول : الجيش والشعب ..ايد وحدة
الجيش والشعب.. ايد وحدة

واستمروا هناك لبعض الوقت ثم عادوا مرة اخرى الى الميدان .
ولكن الميدان ليس فقط مظاهرات ولكن فيه العجب العجاب !!!!!!!!!!!!!!

***
يوم الاثنين 28 مارس 2011

من الشعب إلى الحكومة
خلصت فيك كل الكلام
ورصيدكم عندى نفاذ
مابقتش اكول منه
الدكتور مانعنى عنة!!!



صالون ثقافى هو ......
تجمعات .. تجمعات .. ومن كل شكل ولون ـ اطفال و سيدات و شيوخ ـ لو فى ظروف ثانية ربما قلت انهم يتجمعون من أجل رغيف العيش او لأى سبب قريب من ذلك . ولكن العجيب انهم متجمعون لكى يتحدثوا فى السياسة . نعم السياسة
من الطبيعى جدا ان تسمع الحوار الاتى :
ـ انتوا لسه قاعدين لية فى التحرير ؟
ماهو الى انتوا عاوزينه حصل والريس اتشال
فاضل اية تانى ؟ ولا معطلنا وخلاص ؟؟؟؟؟؟؟؟؟
ويرد علية الاخر:
ـ يا سيدى الفاضل الرأس بس الى أتشالت
بس النظام لسة هو النظام والذيل لسة موجود
تقدر تقولى لية حضرتك لا زكريا عزمى ولا صفوت الشريف ولا فتحى سرور حد جه جنبهم ؟؟؟
ـ تقدر تقولى لية شفيق راح شرم ؟؟؟
ـ تقدر تقولى شفيق ادى القسم ادام مين
ماهو قدام الريس ؟؟
ـ تقدر تقولى فرق اية وجدى عن عدلى
وهنا يقطع كلامهم سيدة تقف بالخلف وتهتف و تصفق وتقول :
ـ وجدى هو عادلى ......... مش عاوزين ترقيع .......مش عاوزين ترقيع .....وانهيت هتافها بوجدى هو العادلى .. وناس تردد وراءها
وجدى هو العادلى ......

ومن تلك الحلقة الى أخرى وهى حلقة مضحكة بعد الشىء:
شخصان يتناقشان بصوت عالى جدااا . وهو ليس حوار بل هو اقرب الى شجار .المضحك فى الامر انه بعض حوالى الثلث ساعة اكتشفوا انهم فى الاساس غير مختلفين فى الرأى !!!!!!!!! .

اعتصام ...... اعتصام ....حتى سقوط النظام
اناولا عاوز شقة ولا وظيفة
انا عاوز مصر تبقى نظيفة


ـ يا باشا ثورة يعنى تطهير
يعنى لما يفتحوا البورصة
الدنيا اكيد هضيع
عملنا ايه ماهو الفساد لسة زى ماهوه
ـ انا مبيض محارة ومش فارق معايا
يوم الاقى لقمتى و ثلاث لا.. فا انا قاعد .قاعد
انت سمعت مدير امن البحيرة بيقول اية ؟؟؟؟؟
وأخر
ـ انا من الاقصر
ساكن على بعد 50 متر من طريق الكباش
كل فترة يسفلتو الطريق يطلعوا الخيرات الى فيه ـ يقصد اثار ـ
ولا من شاف ولامن ديرى !!!!!!!
ومن الطبيعى جداا وانت مندمج فى الاستماع او الحديث ان تجد من يخرجك من تركيزك ويقول :
ترسم يا باشا
ترسمى يا عروسه ـ يقصد علم مصر ـ
ت شيرت الثورة ..... ابيض واسود .. وبعشرون جنية وبس
كرت الشهداء .... بجنية ... بجنية وبس
شاى يا ابله .. شاى يا بيه
ومن الناحية التموينية . فلا تقلق ،فاذا لم تكن من محبى الكشرى فهناك بطاطا فاذا لم تحبها فهناك اقراص عجوه وارز بالبن وبامكانك ان تحلى بالفشار او الايس كريم او حتى غزل البنات وتروى عطشك بعرق سوس .

فلا تقلق إطلاقـــــــــــــــــــــــــــــــــــا

[center]***

جبلك اية يا بهيــــــــــــــــة ؟!!!!!!!

ازاي انا رافع راسك
وانتي بتحني في راسي ازاي
انا اقدم شارع فيكى
وامالك من اللى ماليكى
انا طفل اتعلق بيكى
فى نص السكه وتوهتيه
***

ارفع راسك فوق
انت مصرى ...
يوم الثلاثاء واحد مارس 2011

عقدة الخواجة ونصب الشهداء و حوار عاقل وبلطجية...

كثر هم الاجانب الذين يزورون ميدان التحرير . فما ان يروهم الناس حتى يندفعوا اليهم و يحدثونهم ويسألونهم حتى لتعتقد انهم هم من قاموا بالثورة وليس نحن؟؟ المندفعون نوعان : نوع يريد ان يتحاور وان يفهم فكرهم بدون انبهار . والاخر منبهر حتى الثمالة ـ وهم كثر ـ كأن كل كلمة ينطقون بها هى موعظة او حكمة لا يجب ان تضيع او أن تفوتهم . شىء عجيب؟؟؟؟؟!!!!!!!!


باطل ... باطل .... باطل... الحزب الوطنى ... باطل
الشعب.. يريد اسقاط ..النظام


ـ نصب الشهداء وهو تقريبا فى المنتصف الميدان ولكنة خالى من اى صور . وعندما سألت اخبرونى بان الصور كانت موجودة ولكن الجيش فى اليل قد ازالها . لذلك يقوم الناس بالكتابة عليه .
- فى اليومين الماضيين كنت قد أكتفيت بالاستماع لان معظم من قابلتهم ليس لديهم ثقافة الاستماع ولا ثقافة الاختلاف ـ إذا اختلفت معهم فانت من الحزب الوطنى او أمن مركزى بل وانت خائن وعميل و روح ميدان مصطفى محمود ـ حتى قابلت أناس على قدر كبير من الثقافة والتعقل، ساعدونى كثيرا فى فهم الكثير من الاشياء ، لان منهم من كان فى الثورة من بدايتها
.حكى لى عن معاملة الشرطة فى البداية وانهم لم يكن عليهم ان يرحلوا من الميدان بعد قرار التنحى .وان خطائهم انهم لم يكونوا لديهم تصور واضح لما بعد التنحى ؟ وانهم عازمون يوم الجمعةـ وهنالك سوف ارى اخلاق الميدان الحقيقية ـ القادم على اقالة حكومة شفيق . وعند هذة النقطة استوقفته . طيب ماذا بعد إقالة حكومة شفيق ؟ ماهو تصوركم ؟ ماذا انتم فاعلون ؟ هل لديكم بديل ؟ وإذا لم يعجبكم هل ستنزلون الى الميدان مرة اخرى ؟وبعد ماشرح لى خطتهم المستقبلية مرتين ، لا ادعى انى فهمت ـ ـوربما عن غباء منى ـ لكن انا لم اصل لشىء ، لم امسك بنقاط محددة وهو بالطبع ما زاد من قلقى . وأخر حدثنى على انه متشائم جداااااااا وان الخوف ليس من شفيق ولا من الحكومة بل من الناس والفوضى . مين الى هينتخب ؟ ومعظم الشعب جاهل ؟ واذا اختاروا احد غير شفيق، فان الناس سوف تعترض ايضا.



انظرى الى ما حولك ، تحول الميدان الى مجتمع عمرانى !!! الكل يأتى باحث عن الرزق او للتفرج لذا التغير يكون منا اولا وليس التغير فى إقالة الحكومة فقط ؟
وانتهى هذا اليوم الحافل بهذا النقاش المثمر و بتواجد البلطجية فى الميدان ـ الكثير منهم ـ وتسليمهم الى الجيش .وغادرت الميدان
وانا قلقة .... خائفة ....وواجمه .





إزاي ترضيللي حبيبتي
اتمعشق في اسمك وانتي
عمالة تزيدي في حيرتي
ومنتش حاسة بطيبتي ازاي
انا لو عاشقك متخير
كان قلبى زمانه اتغير
وحياتك لفضل اغير فيكى لحد مترضى عليه
****
]
[img][/img]


عدل سابقا من قبل elfchild في الخميس يونيو 09, 2011 11:11 pm عدل 3 مرات
الرجوع الى أعلى الصفحة اذهب الى الأسفل
princess
الاعضاء المتميزين
الاعضاء المتميزين
avatar

انثى عدد المساهمات : 288
نقاط : 31972
تاريخ التسجيل : 28/05/2010
العمر : 29
العمل/الترفيه العمل/الترفيه : Student 4 ever
المزاج المزاج : ؟؟؟؟؟؟؟؟؟
بلدك : مصريه
الابراج : السمك


مُساهمةموضوع: رد: عن التحرير نحكى   الجمعة مارس 04, 2011 9:46 pm

" انظرى الى ما حولك ، تحول الميدان الى مجتمع عمرانى !!! الكل يأتى باحث عن
الرزق او للتفرج لذا التغير يكون منا اولا وليس التغير فى إقالة الحكومة فقط ؟ "

اخيراااااااااا ايلف ذهبت الي هنــــــــــــــــــــاك
هو حضرتك صحفية....لاء حضرتك صحفية....بس اكيد حضرتك صحفية
لطيف خالص علي فكرة


وصلت الميدان " مترقبه .. متشوقه .. و متحمسه. "
وغادرت الميدان " وانا قلقة .... خائفة ....وواجمه ."

هو احنا ليه دايما نبدأ كده وننتهي كده !!!!!!!!!!!!!!!!!!!!
الرجوع الى أعلى الصفحة اذهب الى الأسفل
white
مشرف
مشرف
avatar

انثى عدد المساهمات : 390
نقاط : 34356
تاريخ التسجيل : 17/10/2009
المزاج المزاج : الحمد لله
بلدك : مصريه

مُساهمةموضوع: رد: عن التحرير نحكى   الأحد مارس 06, 2011 1:49 pm

كان معكم مراسلتكم ............. من ميدان التحرير ايه يا بنتى الحلاوة دى
اللى زعلنى انك رحتى لوحدك وانا رحت لوحدى كان نفسى نبقى سوا بس هتتعوض السنين جاية كتييييير هههههههههههههه وميدان التحرير اهو قاعد
الرجوع الى أعلى الصفحة اذهب الى الأسفل
elfchild
عضو نشيـط
عضو نشيـط
avatar

انثى عدد المساهمات : 111
نقاط : 31701
تاريخ التسجيل : 01/06/2010
بلدك : مصريه

مُساهمةموضوع: رد: عن التحرير نحكى   الأحد مارس 06, 2011 11:24 pm

"هو حضرتك صحفية....لاء حضرتك صحفية....بس اكيد حضرتك صحفية"
ههههههههههه لا يا برنسيس بس هى الجلاله انت عارفة

ا"للى زعلنى انك رحتى لوحدك وانا رحت لوحدى كان نفسى نبقى سوا بس هتتعوض السنين جاية كتييييير هههههههههههههه وميدان التحرير اهو قاعد"

لا يا وايت خليك عندك الوضع مشحوووووووووووون جدااااااااا ربنا يستر ان شاء الله
الرجوع الى أعلى الصفحة اذهب الى الأسفل
lost
مشرف
مشرف
avatar

ذكر عدد المساهمات : 484
نقاط : 36553
تاريخ التسجيل : 17/03/2009
العمر : 26
المزاج المزاج : مصرى وافتخر
بلدك : مصري
الابراج : القوس


مُساهمةموضوع: رد: عن التحرير نحكى   الأحد مارس 20, 2011 7:29 pm

اكيد الميدان بقى رمز لكل مصرى و شئ مشرف وياريت نحافظ على الثوره من الحاقدين والحاسدين
الرجوع الى أعلى الصفحة اذهب الى الأسفل
bluesky
عضو جديد منورنا
عضو جديد منورنا


عدد المساهمات : 16
نقاط : 28500
تاريخ التسجيل : 04/04/2011
بلدك : مصريه

مُساهمةموضوع: رد: عن التحرير نحكى   الأحد أبريل 24, 2011 1:29 pm

الرمز الحقيقى للثورة جوانا مش محتاج ميدان يفكرنا والا يبقى متغيرشى حاجة
الثورة هو دافع بيدفعنا لتغير الحال للاحسن (الشعب يريد تغيير كل شى خطأ)
الرجوع الى أعلى الصفحة اذهب الى الأسفل
 
عن التحرير نحكى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
elmotamez55 :: المنتدي الادبي :: القســم الادبــــي-
انتقل الى: