الاشبحلال الحرنقفي اخطر امراض العصر

اخطر مرض منتشر بين المصريين الان هو الاشبحلال الحرنقفي ولازم الكل يعرف اعراضه عشان لو حد عيان بالمرض في القسم الكل هيتعدي في ظرف يومين واول اعراض المرض تتلخص في ان المصاب يكون تبع بلدنا بتتاخر بينا اقصد بتتقدم مع انها لو كانت بتتقدم فهي بالتاكيد بتتقدم بالمندار 0يعني مثلا لو حضرتك بتتفرج علي التلفزيون المصري وبتصدق اللي فيه لازم تخاف علي نفسك وتعرف ان الوضع فعلا خطير وتحاول تتعالج قبل ما تنتقل للمرحله اللي بعدها والحقيقه العلاج فيها صعب وهتلقي نفسك فجاة في مرحله التورم الحرنقفاني وهتلقي نفسك بتقول بالروح بالدم وسير سير واحنا وراك ع المواسير المرحله اللي جايه مفيهاش شفاء وهي لنك تفكر تطلع كرنيه الحزب وهنا هتظهر عليك علامات المرض وهي عباره عن شويه غنا ويسر في المعيشه وتسمي في هذه الحاله مشبحل والناس تشتمك وتقولك يا مشبحل يا ابن المشبحل انا خايف عليكم ولوحد عنده الاعراض دي انصحه يتصل بالمفتش كرومببببو اكيد هيلاقيلو حل وربنا يكفينا ويكفيكم شر المرض قولوا امين

ههههههههههههههههه اشبحلال ايه الله يخرب بيتك هتودينا ف داهيه وبعدين نص البلد عندها المرض ده ومش دريانه وعلى العموم احب اطمنك انى واحد من الناس اللى مش عندهم المرض ده , وياريت بقى يا دكتور عامر تكتبلنا العلاج من هذا المرض اللعين

» كان نفسى ابقى فى العصر الحجرى