elmotamez55

مركز المتميز التعليمي
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخولتسجيل دخول الاعضاء
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
اخبارنا

سيتم بمشيئه الله افتتاح مركز المتميز التعليمي لجميع المراحل مع نخبه من افضل مدرسي المحافظه للحجز والاستعلام 01008328810-01097193003

المواضيع الأخيرة
» برنامج اصلاح الCDROOm/DVD
السبت فبراير 08, 2014 4:21 am من طرف samo4454

» اعلان مركز المتميز التعليمي
الجمعة ديسمبر 13, 2013 12:59 pm من طرف Admin

» لأول مره علي اي منتدي
السبت فبراير 09, 2013 12:02 am من طرف luckyomar22

» ya3ny eih montada???
الخميس نوفمبر 01, 2012 10:37 pm من طرف amr

» كل اضحى وانتو طيبين
الخميس نوفمبر 01, 2012 10:30 pm من طرف amr

» كورس بوربوينت 2007
الإثنين أكتوبر 29, 2012 11:27 am من طرف knight

» لقد خدعوا الشعب المصرى .. ابكى يامصر ابكر !!!
الإثنين أكتوبر 29, 2012 11:15 am من طرف knight

» توفير عماله مصرية سائقين طباخين نجارين عمال جميع التخصصات
الأحد أغسطس 12, 2012 3:24 pm من طرف nour2000

» كورس MOS 2007 عربى مجانى
الأحد يونيو 17, 2012 9:58 pm من طرف samehsaad

» امتحانات Icdl 2011
الخميس يناير 05, 2012 8:47 pm من طرف knight

facebook page
https://www.facebook.com/elmotamez55?ref=hl
أفضل 10 أعضاء في هذا المنتدى
ashek el horrya
 
Admin
 
amr
 
knight
 
lost
 
Mahmoud Sayed
 
white
 
princess
 
MASRAWY
 
sweet as rose
 
بحـث
 
 

نتائج البحث
 
Rechercher بحث متقدم
الساعه
.

شاطر | 
 

 اجمل رباعيات جاهين

اذهب الى الأسفل 
كاتب الموضوعرسالة
ashek el horrya
مشرف
مشرف
avatar

ذكر عدد المساهمات : 1129
نقاط : 38718
تاريخ التسجيل : 15/12/2008
العمر : 29
بلدك : مصريه
الابراج : الدلو


مُساهمةموضوع: اجمل رباعيات جاهين   الخميس مارس 12, 2009 2:57 pm

رباعيات صلاح چاهين
خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!



ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!



ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!



و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!



أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!



يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!













الرجوع الى أعلى الصفحة اذهب الى الأسفل
محمد حسام
عضو نشيـط
عضو نشيـط
avatar

ذكر عدد المساهمات : 71
نقاط : 36944
تاريخ التسجيل : 17/12/2008
العمر : 29
بلدك : مصريه
الابراج : الميزان


مُساهمةموضوع: رد: اجمل رباعيات جاهين   الجمعة مارس 13, 2009 1:49 am

خد دي بقه ياعامر

أنا اللي بالأمر المحال اغتوى
شفت القمر نطيت لفوق في الهوا
طولتوا ماطولتوش ايه انا يهمني
وليه مادام بالنشوى قلبي ارتوى
عجبي
ودي رباعيات صلاح جاهين بصوت العملاق علي الحجار

http://www.mawaly.com/music/egypt/ali-elhagar/albums/roba3yat_gahin/
الرجوع الى أعلى الصفحة اذهب الى الأسفل
????
زائر



مُساهمةموضوع: رد: اجمل رباعيات جاهين   الجمعة مارس 13, 2009 11:49 am

شكرا جدا جدا جدا على الرباعيات الجامدة دى ....و على الرباعيات المسجلة كمان ....لكم الشكر و التقدير .....بس اسمحولى اضيف رباعيات اخرى :

مع إن كل الخلق من أصل طين ..
وكلهم بينزلوا مغمضين ..........
بعد الدقايق والشهور والسنين ...
تلاقى ناس أشرار وناس طيبين ..
عجبي !!!

يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي !!!


عجبي علي العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبي !!!


يا ملونين البيض في شم النسيـــــم
لون الحنين و الشوق و خمر النديم
ما تعرفوش سايق عليكو النبــــــي
تلونوا الأيام بلون النعيــــــــــــــم ؟
عجبي!!


قالوا السياسة مهلكة بشكل عـــــــــــام
و بحورها يا بني خشنة مش ريش نعام
غوص فيها تلقي الغرقانين كلهــــــــــم
شايلين غنايم .. و الخفيف اللي عـــــام
عجبي !!!

سلام سلام سلام سلام ... سلام
كلام كلام كلام كلام ... كلام
هز الورق يا صاحبي كدهــــوه
يطلع كلام سلام .. و سلام كلام
عجبي !!!!


اتمنى انى مكنش طولت عليكم بس بجد الكلام مبيخلصش عليه


الرجوع الى أعلى الصفحة اذهب الى الأسفل
amr
مشرف
مشرف
avatar

ذكر عدد المساهمات : 969
نقاط : 38016
تاريخ التسجيل : 10/12/2008
العمر : 29
العمل/الترفيه العمل/الترفيه : ضابط حربية
المزاج المزاج : هو فيه أحسن من كده!!
بلدك : مصري
الابراج : الجوزاء


مُساهمةموضوع: رد: اجمل رباعيات جاهين   الجمعة مارس 13, 2009 1:41 pm

ايه يا جماعه الحب ده كله لصلاح جاهين بس طبعا هو يستاهل اكتر من كده , شكرا ليك يا عاشق على ارباعيات الجميله دى وكمان الضافات الجميله دى من حسام وأمل . اسمحولى اضيف كمان شويه:

ولدي إليك بدل البالون ميت بالــــــون

انفخ وطرقع فيه علي كل لـــــــــــون

عساك تشوف بعينك مصيرالرجــــــال

المنفوخين في السترة و البنطلـــــون

عجبي !!!



خوض معركتها زي جدك ما خــــاض

صالب و قالب شفتك بامتـــــــــــعاض

هي كده...ما تنولش منها الأمـــــــل

غير بعض صد ورد ووجاع مخاض

عجبي !!!!



كام اشتغلت يا نيل في نحت الصخور

مليون بئونه و الف مليون هاــــتور

يا نيل أنا ابن حلال و من خلفتــــــك

و ليه صعيبه علي بس الأمــــــــور

عجبي !!!

منين أجيبها كلمه متألمـــــــــــــــــة

لعيبه فايره حايره و مصممــــــــــه

منين اجيبها كلمه تكون بنـــت ارض

تشفي اللي ما شافهوش كلام السمـا

عجبي !!!



أنا قلت كلمة و كان لها معنييـــــــــن

كما بطن واحده و توأمين زي وشين

لو دنيا شر.. التوأم الخير يمـــــــوت

لو دنيا خير .. الشر ح يعيش مــنين

عجبي !!



أنا اللي بالأمر المحال اغتــــــــــــوي

شفت القمر نطيت لفوق في الهـــــوا

طلته ما طلتوش إيه انا يهمنـــــــــي

و ليه .. ما دام بالنشوة قلبي ارتوي

عجبي !!
الرجوع الى أعلى الصفحة اذهب الى الأسفل
Mahmoud Sayed
مشرف
مشرف
avatar

ذكر عدد المساهمات : 436
نقاط : 37325
تاريخ التسجيل : 18/12/2008
العمر : 29
العمل/الترفيه العمل/الترفيه : Student
المزاج المزاج : mmmm, don know
بلدك : مصريه
الابراج : العذراء


مُساهمةموضوع: رد: اجمل رباعيات جاهين   الإثنين سبتمبر 20, 2010 3:58 am

انا والله كنت اول مرة اسمع عن صلاح جاهين ورباعياته
بس والله طلعت جميلة
الرجوع الى أعلى الصفحة اذهب الى الأسفل
 
اجمل رباعيات جاهين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
elmotamez55 :: المنتدي الادبي :: القســم الادبــــي-
انتقل الى: