~*¤ô§ô¤*~ايــــــــدى فــى ايــــدك~*¤ô§ô¤*~

عايشة قصة اسمها الحياة
تتوالي الاحداث فيها و نهاية القصة لا يعلمها الا الله
نعيش فيها*نقابل*نفارق*نكدب*نصاحب*نبيع*نهاجر
نفرح*نحزن*نندم*ننكسر*ننجح*نفشل*
فــى الاخر لازم نمــــوت

نحب الحياة مانحبهاش*لازم نستحملها و فى الاخر لازم تتعاش
بحلوها*بمرها لازم نعيشها* استحالة تاخد كل اللي انت عايزه من الدنيا بسهولة لازم تعافر لازم تتعب لازم تدوق الويل و تعرف معني الحياه* ما تبصش لفوق لتتعب و فـنفس الوقت ماترضاش بالامر الواقع خليك غالي خليك عزيز*اياك تنزل خليك عالطول طالع*ما تقولش حكم القدر*ربنا ماخلقناش بنتحرك بـخيط ربنا خلقنا بشر بنتحرك بعقولنا مش سادة ولا عبيد*ماتكرهش الدنيا و لاهكدب عليك و اقولك حبها كفاية انك تعيش الحلو بس فيها بس اياك تعيش فـذلها بس نصيحة مني يا صاحبي حب البشر اللي فيها ساعتها بس هتحس بحلاوة طعمها ايدك ف ايد اخوك و صاحبك طول ما ايدك فـى ايده هتحب الدنيا و الدنيا ممكن ساعتها تضعف قدامك و تحبك*انت اللي تسوق الدنيا مش الدنيا اللي تسوقك*طول ما ايدك فى ايد اخوك هتعرف تعيش المر اللي فيها و طول ما ايدك فى ايد اخوك هتستمتع بـطعم الحلو اللي فيها

عيش و صاحب و اختارلك من النهارده صاحب و هتشوف الدنيا بـعين غير العـين هيهون عليك حاجات كتير بجد بس عايزاكوا تكونوا اخوات بجد ايدك ف ايده و مايهمكوش من الدنيا حد

بتهون عليا مشاكل الدنيا بحالها احلي اخوات بجد و اللي طلعت
بيهم من الدنيا طول ما ايديا فى ايده و ايديا فى ايديها
هحبك يا دنيا ذوق او عافية ومش هيهمنى من العالم حد.