اخر نكت نزلت جمعتها

زائر

اخر مجموعه نكت نازله جمعتها

لكم من كام ايميل وصلنى

مرة واحد مخنوق من الدنيا كلها رن جرس الباب الساعة 10 صباحا فتح
الباب لقى وحدة مذيعة بتقله ممكن نعرف بتعمل إيه لما تقوم من النوم
قال أنا بقوم من أم النوم
أروح أم الحمام
افتح أم الحنفية
اغسل أم وشى
أروح أم الغرفة
اقلع أم الترنح
البس أم البنطلون
انزل من أم الشقة
اركب أم الأتوبيس
انزل من أم الأتوبيس
أروح أم الشغل
وبعد ما اخلص أم الشغل
ارجع أم البيت وخلاص
فقالت المذيعة شكرا يا فندم ويلعن أم البرنامج اللي خلانا نشوف
أم وشك

واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي أتبسط و راح لبس خواجة و راح تاني وقف قدام المرايا,
المرايا قالت: أنت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة أنت هريدي من الصعيد خليك قاعد تستهبل كده لحد ما الطيارة تروح عليك

أبو العربي قابل مذيعة قالت له أنا سمعت كتير عن بطولاتك في الحرب...
قالها طبعا أبو العربي يسد في كل مكان في 48 واليمن و56 و67 و73 والعراق...
قالت المذيعة طب هأسألك كام سؤال...
لو أنت في الحرب وطلع عليك دبابتين و معاك قنبلتين هتعمل إيه؟
قالها: هادخل عليهم وأفجرهم
طيب لو خمسه؟؟؟؟؟؟
قالها: هادخل عليهم بالسلاح الأبيض
طيب لو أربع دبابات... و عشر عساكر... وطيارتين؟
قالها جرى إيه يا وليه هو مفيش حد بيحارب غيري وللا إيه؟؟؟

صحفيه تجرى لقاء مع واحد من ملاّك الأبقار
الصحفية : أنت بتأكــــل البقر إيه ؟
المزارع : انهي فيهم البيضا ولا الحمرا ؟؟
قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا ؟؟
قالت : البيضااااااااااااا
قال : البيضا بلف بيها حول الترعة لفتين
قالت : والحمرا
قال : و الحمرا برضو بلف بيها حول الترعة لفتين
قالت : أنتا ليه كل مره اسئلك بتقولي انهو فيهم انهو فيهم
وفي الأخر بتعاملهم زى بعض؟
قال : أصل البقرة البيضا بتاعتي
قالت : والحمرا؟؟
قال: والحمرا برضو بتاعتي

وحدة حامل في ثلاث توائم يوم الولادة الدكتور بيطلع العيل الأول لقاه نايم وساكت
قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس
الممرضة جت تكمل لقت الطفل الثالث طالع براسه بالراحة وبيسألها
هو الراجل اللى بيضرب العيال مشى ولا لسه

مرة واحدة تتدلع على زوجها وتغنيله أغنيه نانسي عجرم " إهدى حبيبي كده وأرجع زى زمان"، الراجل طلقها و رجع لأيام العذوبية

واحد بيقول لمراته ... أنا النهاردة عايز رومانسية في البيت ...
راحت الزوجة سألت أمها : يعنى إيه رومانسية يا ماما؟؟
الأم : مش عارفة بس احتياطي إنقعى الرز

مرة واحد قال لصاحبه "عاوز أعمل مفاجأة لمراتي فى عيد جوازنا"

صاحبه : "هتعمل لها إيه؟"
"حوديها الصين"
"يا راجل فى عيد جوازكوا العاشر توديها الصين، أومال فى عيد جوازكوا الخمسين هتعمل إيه؟!!!!!!"

"حروح أخدها ! "

اليسا وهيفاء وهبي ونانسي عجرم راكبين قطار
وبيتكلموا عن فارس أحلامهم
إليسا قالت : نفسي أتجوز ضابط
هيفا قالت : نفسي أتجوز صيني
نانسي قالت :نفسي أتجوز لاعب كرة مشهور
سمعهم واحد
دخل عليهم وقالهم معاكوا العقيد شونج يونج الشهير بأبوتريكة

صعيدي مراته ولدت بنت الساعة 3 بعد نص الليل ...دبحها وجال ماعنديش بنات
تيجى آخر الليل

حشاش بيقول لصاحبه :
أنا حلمت أمبارح أننا بقينا فنانين
.. أنت فنان تشكيلي ..... وأنا فنان أشكيلك

واحدة بتقول لجوزها اطرد السواق كان حيموتني مرتين في حادثة قال لها
خلينا نديه فرصة ثالثة

مره واحد تاجر كتاكيت ماشي بالعربية وفيها كتاكيت وقفته لجنه تموين وقال له المفتش: الكتاكيت دي بتأكلهم إيه؟ رد عليه وقال له : ذرة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربية وهو في الطريق وقفته لجنه تموين تاني وقال له المفتش أنتي بتوكل الكتاكيت دي إيه؟ رد عليه وقال له بوكلهم علف يا بيه فقال له المفتش أنتي حمار أنتي بهيم دي بتاكل درة وعمله له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انتي بتوكل الكتاكيت دي إيه قال له يا بيه أنا كل يوم الصبح أدي كل كتكوت جنيه وهو ياكل اللي عايزه

زائر

هههههههههههههههههههههههههههههههههه......لا بجد و الله شوية نكت جامدين يا بنتى و الله ....مرسي يا جميل بجد و الله ...نكت جامدة يا بنوتة ....مستنين اكتر و اكتر يا جميل

زائر

ههههههههههههههههههههههههههههههههه لا بجد جامده اخر حاجه

ههههههههههههههههههه شوية نكت جامدين اوى وبجد انا كنت محتاج اضحك جزاكى الله خيرا وننتظر المزيد .

زائر

نفسى اعرف الظرف وخفة الدم دى ما بتظهرش واحنا مع بعض ليه ولا احنا لينا بس فى جرعات النكد بس الحق يتقال شوية النكت دول من الاخر وعلى العموم مررررررررسى ياrabradorياقمر

زائر

HHHHHHHHHHHHHHHHHH gamdeeeeeeeen ta7n ya banota bas aktar wa7da da7aktny

واحد صعيدي كان
مسافر فلما وصل المطار لقاهم مركبين جهاز جديد عبارة عن مرايا لما تقف
قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي أتبسط و راح لبس خواجة و راح تاني وقف قدام المرايا,
المرايا قالت: أنت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة أنت هريدي من الصعيد خليك قاعد تستهبل كده لحد ما الطيارة تروح عليك

Thanks ya Saly ya 2amar اخر نكت نزلت جمعتها Icon_biggrin

هههههههههههههههههههههه , حلوه النكت دى , انا لقيتها وانا بدعبس كده فى الموضوعات القديمه , بس عجبتنى قلت افكركم بيها

ههههههههههههههههههه

ايوه كده يا عمرو الواحد نفسه يضحك من فتره

بجد نكت مالهاش حل وخصوصا بتاع الكتاكيت ومزرعه البقر والتوائم

جميلة قوى النكت دى
عايزين مجموعة تانية حد يعملها لنا

» أنا نزلت للشارع