لو صحيت فى يوم لقيت عندك 10 سنين

زائر

تخيــل

فى يوم صحيت من نومك لقيـت عـنـدك 10 سنين وان كل حيآتك من بعد ال 10 سنيـن كانت مجرد حلم وصحيت منه بعد ما عشت كتير فيه وقابلت كتير فيه وعرفت كتير فيه وحبيت كتير فيه واتعلمت كتير منه

كل ده فى يوم طلع حلم بأحداثه الحلوة او السيئه السلبيه او الايجابيه

كله مجرد حلم

يا تـرى هتزعـل انه طلع حلم وكآن نفسك يكون حقيقه وتكـمل فيهـا وتعيشـهـا زي ما انت كنت عايشهـا فحـلمـك ده ؟

ولا هتـكون سعيد انك صحيت من الحلـم ده لأنه استحاله يكون هو ده الي انت اتمنـيت تكون حياتك ماشيه عليه ويكون هو ده طريقك في دنيتك

هنـختلف وده اكيد لان فيه ناس شايفه ان حياتهـا مقبوله الي حد ماه وراضيين بكده

وناس تانيه نفسهـا تصحي من الي هي فيه وتقول لنفسـهـا
( صبـاح الخيـر )

حاولوا تتخيـلو الموقف بشكل واقعي اكتر منه خيالي وقـولوا هتـصحي من نومـك سعيد ولا كان نفسـك متصحـاش وتكمــل ؟

عايزه اعرف رأى كل واحد اذا كان نفسه فعلا حياته اللى فاتت كانت حلم ولا يحب انها تكون حقيقه

زائر

اولا :مرسي على الموضوع اللذيذ دا يا هيومة ...

ثانيا : الموضوع ليه ابعاد كتير اوى بالنسبة ليا....اكيد هكون سعيدة انى لسه طفلة...و يا سلام بقى على ايام الطفولة و الدلع و الحاجات اللى بجد مفتقدينها لما كبرنا ....بس برضه مش هزعل انى كبرت الحمد لله و مش هزعل على الايام و الاحداث ...اه معاكى انى فى مواقف الواحد بيقول لو يرجع بيا الزمن مكنتش عملت كدا ...بس برضه الحمد لله الواحد راضي على اللى هو فيه ...و كدا ولا كدا دا كان هيبقى حالى حتى لو كنت بحلم ....يعني المكتوب على الجبين لازم تشوفه العين و دا قدر كدا كدا كان هيحصل ....بس تصدقى فكرتينى بالذي مضي ....بس لو خيرونى انه يكون حلم ولا حقيقة ...لأ اظن اختار انه يكون حقيقة بس ممكن بقى اعيشها بروح الطفل اللى عنده 10 سنين بس بعقلية و احداث السن اللى انا فيه .....

و مرة كمان مرسي يا هيومة ...بس انتى مقولتيش رأيك ..عايزين نعرفه برضه ...و اكيد باقى ارآء اعضاء منتدانا الكرام ؟؟؟!!

زائر

يااااااااه ياأمل لو ده يحصل فعلا ....بس طبعا قبل اى حاجه الحمدلله على كل شيئ يمكن اه الواحد بتعدى عليه مواقف مبتبقاش لطيفه بس الحمدلله الذى لايحمد على مكروه غير سواه

بس المواقف دى لما بيمر بيها الانسان بتبقى عامله زى الكابوس اللى بيتمنى يفوق منه معتقدش ان حديجيلوه فرصة انه يفوق من الكوابيس دى ويرفض فى حاجات غلطنا فى حسابها بيتهيالى لو كنا قابلنا المواقف دى بدماغنا دلوقتى وبخبرة الحاجات اللى اتعلمناها للاسف مؤخرا مكناش غلطنا فى الحساب

فلذلك لو قالولى ان كل اللى فات ده كان حلم واصحى منه عمرىماهزعل ابدا وهصحى عالطول من غير ماتعب حد فى صحيانى وطيب خمس دقايق كمان والحركات دى اللىكلنا بنعملها فى صحيانا بس هقوم من الحلم ده وانا مسجله اللى كل اتعلمته منه عشان منذ السن ده اللى هو 10 سنين مقعش فى المواقف المره اللى شفتها فى الحلم ده بس تصدقى انا جه فى بالى دلوقتى انا اضمن منين انى لوقمت ميمرش عليا مواقف اصعب من اللى شفتها فى الحلم بس معتقدش هو فى اصعب من كده ايه ههههههه لا بجد معتقدش عشان بيتهيالى ان كل منا اكتسب خبره تجعله لو قابل اصعب من كده يعرف يحسبها انا خد الموضوع جد وكانه هيحصل فعلا... بس ليه لا ممكن احنا نخليه يحصل نتخلص من كل المواقف اللى دايقتنا ونعتبرها كابوس ونفوق منه ونبتدى نتعامل من اول وجديد ونتعلم من اللى مر علينا مش ممكن برضه ولا ايه وفى الاخر برضه الحمدلله

مرسيه يامولى لمرورك الكريم ويلان بقى عايزين نعرف الباقى هيعمل ايه هيزعل انه طلع حلم ولالا

زائر

بجد موضوع جديد وفكرته حلوة اوى مرسى ليكى
اما بالنسبة للموضوع فأنا احب اعيش الواقع مهما كان صعب لان هى الحياة كده لازم يكون فيها مصاعب ومشاكل وبعدين لو علمتم الغيب لاخترتم الواقع والحلم مهما كان لازم آجلا ام عاجلا هنفوق منه لانه وهم

زائر

بجد موضوع هاااااااايل ياهيوم ومرسي ليكي
اما عن راي طبعا الواحد بيمر بحاجااااااااااااااات كتير ملهاش عدد من المواقف بيقول سعتها لو كان حصل كدة مكنش دة حصل مع ان الموضوع دة حرااااام جدا الان لو تدخل عمل الشيطان بس الحمد لله علي اللي الواحد فية والواقع كدة ومش هيتغير مهما حصل اهم حاجة ان يكون الواحد راضي
وفية دعوة سمعتها من وحدة قريبة مني جدااااااااا وقلتلي علية
اللهم ارزقنا العافية قبل المرض والعفو قبل الابتلاء
ومرسي ياقمر علي الموضوع الجامد دة
ومن تقدم الي تقدم

يعنى بصراحه هى فكره مجنونه شويه بس حلوه .
يعنى بالنسبه ليا انا اعتقد ان حياتى كده كويسه وانا راضى بيها , وبعدين الواحد لو صحى من النوم ازاى كان يضمن انه يقابل نفس الناس تانى : اصحابى و زمايلى والناس اللى الواحد مش يقدر يستغنى عنهم دول. وبعدين لازم الواحد يرضى بحياته مهما كانت صعبه .
شكرا جزيلا ليكى على الموضوع والفكره الحلوه دى بس انا عندى تعليق صغير يا انسه هيام : انتى كتبتى " الحمد لله الذى لا يحمد على مكروه غير سواه" الجمله كده لغويا غلط , ممكن نكتبها اما " الحمد لله الذى لا يحمد على مكروه سواه " او "غيره " بس مش ينفع نكتب "غير سواه" لان نفى النفى اثبات , وجزاكى الله كل خير

» صحيت من النوم فجأة
» ◊۩¯−ـ‗لو لقيت الفانوس السحرى هتعمل بية ايه؟؟!!‗ـ−¯۩◊
» اجمل سنين عمرنا
» الكلمة دى تساوى عندك ايه ؟؟؟؟؟؟
» لو عندك اعتراض متدخلش