الحلقة الثالثة من برنامج ...((حكاوى القهاوى))...

اولا : نورتى يا جوجا الموضوع و مرسي على مشاركتك ..

ثانيا : اكيد كلام الناس مش هيهمنى لو مبعملش حاجة تغضب ربنا ...و اكيد انا عارفة ان كلام و رضا الناس غايو لا تدرك مطلقا و بالمناسبة كان فى قصة لحجا زمان ....و لا أعتقدُ بأن هناكِ من لا يعرفه ؟! ولا يعرفُ بعضاً من طرائفهِ ونوادره ..! يُقال ب أنه في يومٍ ما :
كانَ جحا وإبنه يمشيانِ مع حمارهما فانتقدوهما الناس...!
لإنهم لم يستغلوا الحمارَ ك وسيلةٍ للنقل !!!
فركب جحا وإبنه على الحمار فانتقدوهما الناس مرةً ثانيه
وأتهموهما بأنهما عديميّ الرحمه ! فكيف يركب إثنان على حمارٍ ضعيف كذاك ..!
فنزل جحا وتركَ ولده على ظهرِ الحمار فأنتقدوا الناس الإبن ..!
وقالوا عنه : بإنهُ ولدٌ عاق ..!
فنزلَ الإبنُ وركبَ جحا ف قالوا عن جحا أنهُ لايرحم وأنه قاسٍ على إبنه ..!
فقام جحا وأبنه وحملوا الحمار وهم يمشون ..!
فضحكَ الناس عليهما لبلاهتهما ..!

ومن هُنا ندركْ :
بأنَ إرضاءَ الناسِ غايةٌ لاتُدرك


بس ساعات فى ناس كلام الناس بيهدد مستقبلهم و بيحبط عزائمهم و بيسبب مشكلة ليهم لانهم جزء من حيانتا و مجتمعنا اللى مينفعش ننفصل..


بس السؤال هنا برضه يا جماعة ...ممكن كلام الناس يقلل من ثقتكم بنفسكم ؟؟....و مين من هما الناس اللى نخاف من كلامهم ..؟!....و هل ممكن ف يوم تعملوا حاجة لمجرد ترضوا الناس فقط عشان تريحوا نفسكم من كلامهم لو دا هيريحهم ؟؟

اولا: مرسي على وجودك و مساهمتك يا عامر..


ثانيا:::انا بصراحة عايزة اسألك سؤال ....يمكن انت ليك تفكير و افكار ممكن ناس كتير تنتقدها ..غير الدولة طبعا ...يعنى مثلا حكاية ان حضرتك بتشجع الاخوان و ما الى ذلك دا ممكن يخلى الناس تحكى عنك انك مشاغب و بتاع مشاكل و ف ناس ممكن تبعد عنك و دا يسبب ليك مشكلة مع ناس كتير ...يعنى ممكن ف يوم تبعد عن الاخوان عشان تعيش مرتاح من كلام الناس و انتقادهم ليك؟؟...


و كمان .....ممكن كلام الناس يقلل من ثقتك بنفسك ؟؟....و مين من هما الناس اللى تخاف من كلامهم ..؟!....و هل ممكن ف يوم تعمل حاجة لمجرد ترضي الناس فقط عشان تريح نفسك من كلامهم لو دا هيريحهم ؟؟

طب يا خالد ...السؤال بقى ...لو الناس دى فضلت تتكلم و تتكلم ومش بيسكتوا لدرجة انك خلاص زهقت و مش مستحمل ...ممكن تعمل اى حاجة عشان ترضيهم ؟؟؟و ممكن كلامهم يهز ثقتك بنفسك يوم من الايام؟


و ايه يا جوجا ساكتة ليه ...و ليه مردتيش على السؤال بتاعك ؟؟؟؟عايزة اعرف اجابتك يا جميل ...؟؟؟؟

مع السلامة يا خالد و مرسي على دخولك و حرصك على المشاركة و ان شاء الله مستنين الحلقة يوم الجمعة

مرسي على ردك اللى بجد بحييك على اسلوبه الجميل..و على فكرة انا مبقولش انك مشاغب و بتاع مشاكل انا بكلم من وجهة نظر عامة من ناس كتير...يعنى انا مبعبرش عن وجهة نظر شخصية ولا حاجة ...


دلوقتى بقى السؤال دا فعلا عايزة اجابة ليه من كل الاعضاء ...كلام الناس مش مقتصر بس فى بلادنا ولا كلام الناس على بعضها بس برضه بين دولة و دولة ....يعنى مثلا كلام الغرب عننا سبب من من اسباب تاخرنا و احسسنا اننا جاهلين و انهم متصورينا لحد دلوقتى عايشين فى خيم و بنستخدم الجمل ....و لو دا صح نغيير كلامهم و نظرتهم لينا ازاى؟؟؟

اهلا اهلا سولي...نورتى البرنامج ...و مستنين باقى آرائك و مشاركاتك فى باقى الاسئلة المطروحة من قبل

بجد سؤال جميل جدا
بصى يا موللى هو انتى تقدرى تقولى ان احنا السبب فى اللى احنا فيه دلوقتى بسبب تفرقنا كمسلمين بعد ماكنا احسن امه على وجه الارض بس للاسف سبنا ناس كانوا اقل مننا بمراحل يسبقونا لأ وكمان يقولوا علينا متخلفين مع اننا احنا اصلا السبب فى اى تقدم وصلوا ليه ,اما الحل ففى ادينا برضه لو اتحدنا وبقينا قوة واحده اكيد هنبقى اقوى أمة زى ما كنا من سنييييييييييين ويومها مش هيهمنا كلامهم سواء بالايجاب او بالسلب

بص يا عامر ..على فكرة انا واحدة من الناس هى دى فكرتى عن الاخوان ...اظن ان دا صحيح كام واحد بيكونوا مربيين دقنهم و بصراحة المنظر ميكونش لطيف ...و اظن ان الله جميل يحب الجمال يعنى اه يربى دقنه بس مش بالمظر اللى بنشوفه ...او تلاقى واحد من الاخوان ماشي و بيجر وراه مراته و كمان بيضربها فى الشارع و يقولها ان جوزك و لازم تسمعى كلامي و دا حقى انى اضربها ...و كله بيقول انه اخوانى ...يعنى دا من وجهة نظرك دا ينفع ...و على فكرة دى مش مشكلتنا دى مشكلة الاخوان نفسهم لان دى طريقتهم فى التعبير عن نفسهم و دينهم و دى حاجة متقدرش تنكرها ...يعنى اشوف واحد ف الشارع لابس بنطلون قصير و شكلة مش حلو بالمرة و يقولى دى سنة و تدين ...ما فى مليون واحد يمكن متدينين اكتر منه بس بيلبسوا صح و كويس...و برضه منقدرش ننكر ان فى ناس كويسة بس برضه مش كتير ....و دى حاجة راسخة فينا من ساعة مافهمنا الدنيا دى....يمكن انت متقتنعش بالكلام دا بس دى وجهة نظر

اظن يا جماعة اننا كدا وصلنا لاخر الحلقة ...بجد مرسي لكل الاعضاء اللى شرفونى بمشاركتهم و يارب تكونوا استمتعتوا بالحلقة و مرسي ليكم كلكم جدا جدا...و نشوفكم فى حلقة تانية مع عضو جديد