الحلقة السادسة من كرسي الاعتراف

زائر

السلام عليكم و رحمة الله و بركاته

كالعاده .. يتجدد لقائنا مع ضيف جديد ..

نحلق معه من خلال مشاركته

لنكتشف ما تخفيه تلك الشخصيه ..

عضوة مبدعـه تألقت من اول يوم اشتركـت فيـه

اثبـتت وجودها في المنتدى في فترة وجيزه محبووبه بين الاعضاء

موااضيعها مميزه ومتأقله

عرفناها بسمو الأخلاق ..

طيوبة ومتسامحة لابعد الحدود

تلاقيها في كل الاقسام

هى العضوة الغالية علينا اوى

Rabrador

ســـــــــــالي

اتفضلي بقي يا موتورز اقعدى على الكرسي المخصص ليكى

الحلقة السادسة من كرسي الاعتراف 96011

و طبعا مش هنسي الايس كريم بتاعك

الحلقة السادسة من كرسي الاعتراف BXs90362

و اسئلتك بقي يا جميل كتيييييييير اوى...يلا يا سوليتو ادخلى على الجد بقي

1.متى تكونين في قمة سعادتك ؟؟

2.فتره معينه في حياتك تتمنين ان تتكرر ؟؟

3.على اي اساس تحكمين على الشخص الذي امامك....؟

4.لو قال لك المصباح السحري اختاري ثلاث اماني في الدنيا واحققها لك . . ماذا تتمنين ؟

5.أين تذهبي بحثا عن الراحة ؟؟ ومن اللي يخرجك من أحزانك ؟ ؟ ما أجمل و أصعب لحظه عشتيها ؟

6. ماذا تفعلين ثاني يوم بعد استلامك للمرتب بتاعك (اذا لقيتى شغل ان شاء الله ) ؟

7.لو كنتي رسامه ماذا ترسمين ..؟

8. مثلك الاعلى في الحياة ؟

9.جملة تقوليها ويسمعك العالم باكمله....ماهي؟

10. طبعا السؤال المقرر لكل الاعضاء ...حسب قائمة افضل اعضاء ....اطلقى اسم لكل عضو و قوليلنا عليه؟

11. ما شعورك و انتى على كرسي الاعتراف؟

يلا يا دوبك دول بس اللى فى بالى دلوقتى ...شوية كدا و اكمل الباقي

زائر

شكررررررررررررررررررررا جد ياموللي ع الكرسي الجامد دة
وع الايس كريم التحفةاوى دة

***************************
بس ممكن تديني فرصة لبليل علشان خارجة وهى فرصة باردو اكون فكرت
شوية ........... وكمان بدى فرصة لكل الاعضاء يدخل ويسأل ؟
وانا انشاء الله انا معاكم وهجاوب علي اسألتكم جميعا
*************************
ومرررررررررررررررسي جدا

زائر

بسم الله الرحمن الرحيم
********************
احب أجوبك ياموللي علي أسألتك ليا كالاتي!
***************************

1.متى تكونين في قمة سعادتك ؟؟
****************
بكون في قمة سعدتي لما بحقق حاجة كان نفسي فيها (حلم من احلامي,امنية من أمنياتي )وكدة يعني , وطبعا طبعا لما بكون مع أصحابي بجد بجد بنسى الدنيا واللي فيهاوالحمد لله ربنا رزقني بحبة أصحاب ملهمش حل ! بجد أصحاب أخر حاجة يعني ربنا يخلينا لبعض وميفرقناش ابد ابد .

2.فتره معينه في حياتك تتمنين ان تتكرر ؟؟
*******************
بصوا بقى الفترة اللي انا بحبها ناس كتييييير جدا بتكرهااااا موووووووووت
بس بنسبة ليا أنا احلي فتر ف حياتي كلها وهيا فترة (ثانوى)بجد بجد كانت أحلي فترة وكان نفسي ترجع تاني...!

3.على اي اساس تحكمين على الشخص الذي امامك....؟
********************
أممممممممممممممممممم
بحكم علي الناس علي أساس اية؟
علي أساس معشرتي لية اكيد هتبين ليا حاجات كتير اوى ......وأنا من النوع اللي متسرعش ف الكم علي الشخص اللي قدامي لان التصرفات مش بتبين كل حاجة !

4.لو قال لك المصباح السحري اختاري ثلاث اماني في الدنيا واحققها لك . . ماذا تتمنين ؟
***********************
هتمني
1_اني كنت أجيب مجموع أعلي من اللي انا جبتة ف الثانوية العامة علشان كنت أدخل الكلية اللي كنت عاوزها (الفنون الجميلة)
2_اني ابقي أكبر صحفية مشهورة ف جريدة مشهورة! بما أني دخلت كلية الاداب !
3_أتمني اني أعيش حياة سعيدة ومستقرة علي طول ! طبعا دة مستحيل ! طبعا دة مستحيل لانة مفيش حاجة بدوم علي حلها.

5.أين تذهبي بحثا عن الراحة ؟؟ ومن اللي يخرجك من أحزانك ؟ ؟ ما أجمل و أصعب لحظه عشتيها ؟
********************************
*بروح فين بحثا عن الراحة ؟ عند بيت جدتي وجدي
*مين اللي بيخرجني من احزاني ؟طبعا طبعا هما أنتوا أحلي اصحاب بجد بجد أصحابي هما اللي بخرجوني من أحزاني لما بتكلم معاهم .
*أجمل لحظة عشتها ؟هيا لحظات كتتتتتتتر جدا جدا وهوا الوقت اللي بقضية مع أصحابي ف الجامعة وبرة الجامعة لما بنخرج مع بعض .وأحلي لحظة بجد كانت جامدة جدا لما رحنا الرحلة بتاعة دريم بارك! بجد كانت رحلة جامدة وسعيييييدة للغاية؟
*أصعب لحظة عشتها ؟ هيالحظة وفاة ولدتي الله يرحمها .

6. ماذا تفعلين ثاني يوم بعد استلامك للمرتب بتاعك (اذا لقيتى شغل ان شاء الله ) ؟
********************************
أية يامل انتي نسيتي ولا اية؟احنا مش اتفقنا ان احنا هنعمل جمعية ونجيب الجراند شروكي ولا اية بس !
هههههههههههههه
بجد اول مرتب هخرجة علي روح ولدتي الله يرحمها .بس لو المرتب كبير بتين هجيب منة باردو هدية جامدة لوالدى.

7.لو كنتي رسامه ماذا ترسمين ..؟
**************
طبعا انتي جيتي ع الجرح ! كنت هرسم حياتي ومستقبلي عايزة شلة يبقي ازاي
وهرسم فية طموحاتي واحلامي كلها.

8. مثلك الاعلى في الحياة ؟
***************
مثلي الاعلي هيا ولدتي الله يرحمها.

9.جملة تقوليها ويسمعك العالم باكمله....ماهي؟
*******************************
جملة ؟؟؟؟؟مش علي بالي دلوقتي
بس بقول يارب اسعد كل البنات والولاد وحقق امانيهم ووفقهم

10. طبعا السؤال المقرر لكل الاعضاء ...حسب قائمة افضل اعضاء ....اطلقى اسم لكل عضو و قوليلنا عليه؟
******************************
اسم لكل عضو ؟طيب!
*********************
*أمل (الطفلة البريئة)
*عامر(عاشق). (الثائر للحرية )
*جوجو (حاااااااجة ف دمي (تقريبا كرات الدم الحمراء))
*admin (الكينج)
*amr (بجد دبلوماسي)
*هيام (المتألقة)
*knight (اللامع)
*رنا (احلي بنوتة)
*محمود(lost ) (بروفيسور المنتدى)

11. ما شعورك و انتى على كرسي الاعتراف؟
*****************************
شعوري وانا ع الكرسي جامد جدا ....وانتي عارفة انا حبة الكرسي دة قد اية ؟
نقصة بس دريكسيون ,وبنزين ,وفرامل ويبقي جامد اخر حاجة.

زائر

اخيرا يا سوليتو قعدتى على الكرسى والله فرحتلك اكيد جامد جدا جو الاسئله مش كده , وانا هسألك كام سؤال صغير كده على الماشى اسألتى كالتالى:-

هل ندمت يوما على صراحتك مع شخص ما؟

ها انتى مع مقوله ان الاقارب عقارب؟

بالنقد نخسر الناس و نكسب انفسنا... ام العكس............؟؟؟؟

هل تؤمنين بالحظ؟

لوكان{......}رجلا لقتلته......ماالذي تريد وضعه بالفراغ؟

متى تشعرين ان الدنيا لا تساوي شيء ؟‏

لماذا دائما كل ممنوع مرغوب؟

ماذا تطلبين من الايام ؟

بس خلاص جاوبى يا قمر

زائر

شكرا ليكي ياجو علي الاسئلة بتعتك الفلة دى ؟ وطبعا جو الاسئلة جامد موت
**********************
هل ندمت يوما على صراحتك مع شخص ما؟
************************
تقريبا لحد دلوقتي لا ...والحمد لله مندمتش علي صرحتي مع حد لاني تقريبا بكون علي حق ف صراحتي دى

ها انتى مع مقوله ان الاقارب عقارب؟
***************************
بصراحة معاها ومش معاها بمعني اصح مش كل الاقارب عقارب في وفي

بالنقد نخسر الناس و نكسب انفسنا... ام العكس............؟؟؟؟
***************************
انا عن نفسي مش لازم يكون النقد يخسرنا الناس لانة معتمد على طريقة النقد ,والشخص المنقود اذا كان متقبل اساسا نقدك دة ولا لا
لو كان الطريقة كويسة ف النقد والشخص اللي قدامك دة بيحبك وعارف انك بتنقدة علشان عاوز مصلحتة بتالي هيتقبل النقد دة وبتالي تكون المعادلة كالاتي
(بالنقد نكسب الناس ونكسب نفسنا )

هل تؤمنين بالحظ؟
********************
انا عن نفسي مش كدة .... بس مش معنا اني مثلا بحب اشوف الابراج وحظك اليوم يبقي انا مؤمنة بيها ....دا بنسبة ليا انا تسلية

لوكان{......}رجلا لقتلته......ماالذي تريد وضعه بالفراغ؟
******************************
الكراهية ...والحقد

متى تشعرين ان الدنيا لا تساوي شيء ؟‏
*************************************
بشعر ان الدنيا متسويش لما بفترق عن حد عزيز عليا اوى

لماذا دائما كل ممنوع مرغوب؟
*****************************
انا بنسبة ليا مش مؤمنة بلمقولة دى خالص ...ممكن تكون موجودة عند ناس كتر بس انا مش كدة ن مش كل ممنوع مرغوب

ماذا تطلبين من الايام ؟
**********************
اطلب من الايام تكون مخبيا ليا كل خير .وتبعد عني كل حزن والم .

شكررررررا ليكي اوى ياجو

اهنيكى على ردودك الرائعه ومعلش طبعا سؤالى جاى متأخر بس معلش المسامح كريم

سؤالى ليك : ايه هو القرار اللى انتى اخدتيه وندمتى عليه وكان نفسك يرجع بيكى الزمن علشان تغيرى رأيك؟؟؟

شكرا جزيلا ليكى

بصراحه انا كمان احترت اكتب ويكون السؤال متاخر ولا ايه المهم عمرو هو اللي شجعني .سؤالي .ليه الناس ممكن تعمل اعتصام عشان رغيف عيش ونصف جنيه زياده في اجره المواصلات ومش ممكن تعمل اعتصام عشان حقوقها الدستوريه والسياسيه بمعني تاني عشان حريتها .ايه الحل في اللي بيحصل للبلد .لو جمال ورث الحكم ايه هيكون رد فعلك وايه اللي مفروض نعمله كلنا كشعب مصر المحروته .سؤالي الاخير هو فيه ايه

زائر

شكررررررررررررررررررا جدا ليك mr_amr على سؤالك
*****************************************
*ايه هو القرار اللى انتى اخدتيه وندمتى عليه وكان نفسك يرجع بيكى الزمن علشان تغيرى رأيك؟؟؟
********************************
القرار اللي أخدتة وندمت علية هوا قرار واحد بس ,وهوا دخولي علمي ايام ثانوي بناء علي رغبة الاهل ,ودا القرار اللي بجد ندمت علية لاني مش حابة
المواد العلمية ,بس أكيد هما كانوا عيزين ابقى ف مكانة اعلي من كدة ,وانا
حولت بس كان فوق مقدرتي شوية ,وطبعا حولت بعد كدة ادبي وبقيت معاكم ف كلية الاداب,وطبعا كنت اتمني لو الزمن رجع حبتين علشان كنت ادخل ادبي من الاول
وادخل الكلية اللي كنت بتمناها.

******************************
مرسي جدا ليك

زائر

شكرا ليك ياعاشق .....ومفيش تأخير ولا حاجة لاانت ولا عمرو
مررررسي ليكم بجد
*****************************
*ليه الناس ممكن تعمل اعتصام عشان رغيف عيش ونصف جنيه زياده في اجره المواصلات ومش ممكن تعمل اعتصام عشان حقوقها الدستوريه والسياسيه بمعني تاني عشان حريتها .ايه الحل في اللي بيحصل للبلد .لو جمال ورث الحكم ايه هيكون رد فعلك وايه اللي مفروض نعمله كلنا كشعب مصر المحروته .سؤالي الاخير هو فيه ايه
***********************************
نبتدى حتة حتة من السؤال اولا=
لية الناس بتعمل اعتصام علشان رغيف العيش ونص جنية زيادة علشان بنسبلهم
علشان حقوقهم السياسية والدستورية مش هتأكلهم عيش ..وأنت بتتكلم ف شعب نسبة الجهل فية فأحصائية حديثة نسبتها 42% .ف انت بتتكلم ان نص الشعب تقريبا جاهل عيزة يفكر ف الدستور والسياسة .......يديك طولة العمر!!!

***************************************
* لو جمال ورث الحكم ايه هيكون رد فعلك وايه اللي مفروض نعمله كلنا كشعب مصر المحروته
*****************
واللهي بص لو الناس انتخبوة انتخبات نزيهة بجد واختاروة خلاص دى حرية .
وبعدين نفترض لية انة هيكون مش كويس ممكن يكون كويس ويطلع البلد لقدام
ووالهي لو هوا كدة يبقي خلاص مفيش مانع يمسك الحكم

المفروض اللي نعملة كا شعب ان احنا نعمل اللي فية مصلحة للبلد ونخليه تطلع قدام مش ترجع للوراء.بنسبة للسؤال اللي في اية ؟ مش فاهماه صراحة؟
***************
وياارب اكون قدرت اجوبك علي اسألتك ياعشق
مرسي ليك

شكرا جدا علي الرد .لو الناس انتخبوه انتخابات نزيهه .انا اعتقد اننا معندناش غير نزيهه اخت تفيده وعدلات وسنيه اما نزيهه بتاع الانتخابات فدي مش عندنا .لما الدستور يظبط علشان يرث ......يبقي فين النزاهه .افترض ليه انا هيكون وحش .يخلي ابوه يشتريله بلد غير مصر ويعمل فيه اللي هو عايزه لأن مصر مش فار تجارب .وبعدين ده واحد عاش حياته في امريكا ولما يرجع يبقي رئيس مصر كان خلاه هناك مش ممكن كان ورث بوش .فيه اغنيه جديده لجمال مبارك وعاملها واحد من مطربي ..... قال ايه بأ الدعايه الانتخابيه .والله انا قربت اتشل من اللي بيحصل ولو تفتكري ان نزيهه فعلا هتكون موجوده يبقي زي ما قلتي يديك طولة العمر يا سالي .هو فيه ايه .علي اساس ان الدنيا ملغبطه في بعضها والعالم تايه وكل حاجه حولينا بقت تجنن.شكرا جدا ليك مره تانيه

lمش عارف اقول ايه وايه البرود المتناهى اللى عندى دا ، قرابة ال3اشهر وانا اتغيب عن المنتدى ، انا فعلا مقصر جدا وكان يجب على الادمن والمشرفين بان يفرضوا اقصى العقوبات على كتجريدى من الاشراف على الرياضة او اقالتى ، بس دا اهمال من يا ادمن ، على العموم انا بعتذر ليكو جميعا ومش هقول ظروف وشغل ومشاكل وكلام زى كدا انا غلطان واااااسف لحضراتكو جميعا واتمنى ان اتواصل معاكم ، وان اشارككم المناسبات السعيدةوالحزينة ( على فكرة انا محروج جدا من نفسى).

اما بالنسبة لكرسى الاعتراف فكنت اتمنى ان اشارك معكم فى هذه الحلقات الرائعة ، وبشكر حضراتكو جميعا على الالقاب اللى حضراتكو منحتوها لى مع ان والله انا قليل اوى على الالقاب دى ،وتسمحولى ادى ليكو القاب اللى بجد تستحقوها فعلا ، طبقا للترتيب ال10 الافضل
1/ just a student ( نور ودينامو المنتدى)
2/ عامر ( عاشق الحرية) ( الاخوانى الولع)
3/شادو(زهرة مدائن المنتدى)
4/عمرو(البروفيسور المبدى the initiater )
5\ادمن (سلطان المنتدى)
6\rabrador ( الماجيكو)
7/هيام (البريئة)
8/رنا (فاكهة المنتدى)
9\ لوست (الصغير الكبير)
بجد الالقاب دى مش مجاملة ولا شو بعمله علشان ما تعقبونيش ، بجد ربنا يبارك فيكو ويخليكو للمنتدى .

ومين قال اننا مش هانعاقبك يا خالد, طبعا المنتدى كان ناقصك فى القسم الرياضى حضرتك , بس ياللا شد حيلك بقى الفتره الجايه مهمه فى تاريخ مصر كلها , شد حيلك بقى يا باشا , وبعدين نبقى نشوف موضوع العقاب ده

زائر

اول حاجة طبعا حمد لله على سلامتك و رجوعك للمنتدى..و اكيد مكانك فى كرسي الاعتراف موجود و مستنيك بس حضرتك بس حدد اليوم و اكيد كلنا هنكون على استعداد ...و طبعا مرسي على الالقاب الجميلة دى ...و مرة كمان حمد لله على سلامتك

زائر

حمدالله على السلامه يا Knight ويلا بقى ورينا همتك ونشاطك وجديد مواضيعك اللى اكيد بتساهم فى تألق المنتدى , وان شاء الله مستنين حلقتك فى كرسى الاعتراف

كفاية صمت بقى انا جاهز لكرسى الاعتراف انا عايز المذيع او المذيعة اللى هتتحاور معايا يعنى تكون رحيم او رحيمة شوية يعنى دا انا غلباااااااااااان واالاعضاء اللى هيدخلو فى الحوار يكونو رحماء بى انا جاهز فى اى وقت فى اسرار خطيرة جدا سارويها معكم لاول مرة ، فانتظرونى بس مش عارف امتى

تعالا يا حبيبي تعالا دة انا مش هعتقك انا مستنيك علي نار آن الاوان بقي الناس تعرفك وتعرف خبياك لازم يعرفوا كل حاجة حتي (أبو وليد)

مابلاش يابنى تجيبوا السيره دى قدامى بتعفرتنى , وانت يا خالد عايز تتسأل , طيب تعالى لقدرك بقى يا حبيبى

ايه يا عم انت وهو مفيش الا ابو وليد انا بقى هقولكو مين ابو وليد دا شوف يا سيدى منك له له ابو وليد دا يكون ولا اقولكم ابقى اتكلم عليه لما اقعد على الكرسى

» اول جلسات كرسي الاعتراف
» الجلسة الثالثة من كرسي الاعتراف
» ثانى جلسة من كرسي الاعتراف
» كرسي الاعتراف...مستنية رأيكم ؟؟؟!!!!!
» الجلسة الخامسة من كرسي الاعتراف