وانتهى الحلم ...................

انتهى الحلم يا أصحابى
خذلنا المنتخب الوطنى ولم يستطع اقتناص بطاقة التأهل من المنتخب الجزائرى

سيبدأ البعض فى لوم الحكم
والبعض الاخر سيلوم الحظ
واخرون يقولون اننا قد ظلمنا

ولكنى اقول اننا لم نستحق الفوز على المنتخب الجزائرى

اننى الوم الاعلام المتخلف الذى صور الامر كأنه حرب أولا ثم انها نهاية العالم
اننى ألوم كل من خرج فى برنامج ليجعل لنا البحر طحينه
اننا كنا نتغاضى بإرادتنا عن عيوب المنتخب واخطائه الواضحه , وضعفه أيضا , نعم لقد كان فريقا بلا أنياب حقيقيه , لا حول له ولا قوه , تغاضينا عن سوء مستواهم فى القاهره وارجعناه للضغط العصبى, دعونا نعترف ان الجزاثر هى الافضل وهى التى تستحق الصعود , وفى النهايه هى فريق عربى يمثلنا جميعا فى مونديال النجوم.

اخيرا اريد ان أوضح ان منتخبا يسانده ايهاب توفيق وسعد الصغير وحماده هلال وشيرين وباقه من ألمع الفنانين والراقصات لا يستحق ابدا أن يصعد وأن يوفقه الله, ولكن حزنى الوحيد ان ينام الشعب المصرى الغلبان الذى يبحث عن اى بصيص أمل لإسعاده ودموع الحزن والقهر تملؤه
أود أيضا أن أشكر كل من علاء بيه وجمال بيه مبارك اللذان أوضحا للشعب المصرى كله انهم نذير .......لهذا البلد , وأقول لهم "تأتى الرياح بما لا تشتهى السفن", لقد ذهبتم متأكدين من الفوز لزيادة اسمهمكما عند الشعب , ولكن ستعودون مصحوبين بلعنات اكثر من تمانين مليون مصرى غلبان

وكلمتى الاخيره لكل مصرى : انتهى الحلم , فلنعد الى الواقع مره أخرى

ياخي ام الكورة بلا حرقة دم وزفت

وكفاية كدة علشان مغلطش ف أم المنتخب ابن ال

ادينا اتن ططنا هناك اهو

ياعم فكك

انا طبعا مقدر شعورك يا حسام بس هانعمل ايه مفيش نصيب , وزى ماقلت احنا اصلا مانستحقش الصعود دى حقيقه لازم نعترف بيها علشان نكون احسن بعد كده, وبعدين كلها عشرين سنه ان شاء الله ونوصل لكاس العالم , وابقى سلملى على الاعلام

انا طبعا زعلان من اللي حصل لكن اللي احب اقوله قدر الله وما شاء فعل
الفرات بيقول يا نيل
إلحق الأقصى ذليل
لبنان واقف
دمعه يسيل
يا صلاح الدين
يا أسد حطين
تعالا إلحق
بيضيعوا ولادك
تعالا إلحق
بيبيعوا بلادك
وبتخانقوا علشان كوره
واما يلاقو الاقصي في محنه
تلاقيهم زي التماثيل
مصر جزاير ويا عراق
هنرجع ارض الاسراء
ولا كوره هتفرق بينا
مهما هيحصل مهما يصير
وانت ياعم جمال وعلاء
ابعدوا عنا
انتو بلاء
مصر مهياش سعد وهيفا
ولا روبي ولا حتي لقاء
مصر دي حاجه متعرفوهاش
ومهياش مباره وخلاص
ابعدوا عنا الله يخليكو
وقلو لحسني متنفعناش

دي ابيات مرتجلها دلوقتي
وبس

انا عارف ياعمرو بس انا دمي محروق جدا

مش عشان الماتش يغور ف داهية

عشان القماش اللي عملنا بيه الاعلام دي كلها

والالوان اللي رسمت بيها علم مصر على وش اختي الصغيرة

وسيبتها تروح المدرسة كدة زي المجانين

يللا عليه العوض

جميله جدا يا عاشق وفعلا عندك حق , فيه حاجات كتير جدا اهم من ماتش كوره ومحتاجين نكبر مخنا شويه, ووالله العظيم انا اول ماشفت شله الانس وهى بتشجع من اول سعد الصعير وانت ماشى بقى على شلة الراقصات والمغنيات والممثلات والممثلين قلت خلصت مستحيل ربنا يكرمنا ونكسب ابدا , وبعدين لما كل لعيب ياخد 3 مليون فى ماتش , والشعب مش لاقى ياكل , يبقى حرام بصراحه , على كل حال الحمد لله على كل حال والخيره فيما اختاره الله

مش لوحدك يا حسام اللى زعلان , مصر كلها كانت عامله اعلام وراسمه الالوان وواقفه ف الشوارع تستعد للاحتفال بمنتخبنا الخيبان , كانوا زى اللى منتظرين الجيوش المنتصره اللى راجعه من الاقصى وللا مسنين نشوف احنا دخلنا اسرائيل ولا لا, يا اخى دى حاجه تزعل فعلا, ولكن لنا الله يا اخى , لنا الله

تيييييييييييييييييييييييييييت ياجدعان

دنا لو رحت العب انا والعيال اصحابي بالروح دي

دحنا كان ممكن نطللع .......اهاليهم

بص يابني
اللي حصل ده تخلف من الاعلام الغبي بتاعنا
وبعدين متضايقش نفسك
ومكنتش سمعت ولا برنامج من اللي اتعملو زيي
كنت هتبقي احسن

ههههههههههه والله احنا شعب غريب جدا يعنى لو كورة متعب والمحمدى دخلو كان كلامك هبتغير يا عمرو منتخبنا بقى خيبان وكنا هنسمع للشلة النس وعوها الرجالة وا حبيتى يا مصر وعامر كان هيرتجل فى حب مصر حرااااااااام عليكو خليكو موضوعين يا عمى فكككككككك شغلونا هالوهطططططططة

علي فكره يا خالد القصيده دي في حب مصر

هههههههههههه يابنى ماهو لو احنا نستاهل كان الكورتين دول دخلوا , بس احنا كنا وحشين جدا , وبعدين فكك فعلا , هو طول ماورانا المغنيين والراقصات هانفلح!!!!!!!!!!!!!!!!!!!

عارفين انا فرحان ليه علشان اتا حاسس ان لو احنا كسبنا كانت خلاص الكورة كانت هتحل محل عبادات اخرى الحمد لله بس انا برده برفض شكلا وموضوعا اهانة رفقاء ابوتريكة وهى قصيدتك يا عامر فى حب مصر مفيش فى حب جمال وعلاء والله انا فرحان جدا فيهم محسسنى انهما حاميين حمى الديار المصرية با ولاد التيت وكمان فرحان جدا فى الناس اللى دخلت تشجيع الكورة دول على كير خلااااااااااص مش هيشموها تانى وش امهم كان وحش اوعى تشجعوا تانى

وااااااااااااااااااااااااااااامنتخباااااااااااااااااااااااااااااااااااااااااااااااااااااااااااااااااااااااااااااااااااه

دعونا نعترف ان الجزاثر هى الافضل وهى التى تستحق الصعود , وفى النهايه هى فريق عربى يمثلنا جميعا فى مونديال النجوم

لا يا عمرو ملكش حق خالص ، جزائر مين اللي احسن يا عم الحج .. انا مش عارف اتكلم خالص دلوقتي ولا فاكر اي حاجه ، بس والله انا ما هشجع الجزائر لو كانت بتلاعب مكابي ، فريق عربي مين يا عم دا احنا اللي بقينا اسرائليين وعلي فكره بيسمونا " مصرئليين " ....

والفنانين دول اللي انت بتشتم فيهم كلهم كانوا محضرين اغاني محترمه بيشجعوا بيها المنتخب ، انا هسمعك اغنيه جزائريه بيشجعوا بيها منتخبهم ...

انا عارف ان مكنش ينفع احطها بس انت الي اضطرتني ..والقايمه مليامه اغاني زي دي واكتر ... وعلي فكره كل الاغاني دي ولا تشغل بالنا ... ولكن كرامه مصر اللي اتبعترت دي مين اللي يدافع عنها ...

واللي بيحصل لاكثر من 10 الاف مصري في الجزاير ، دول لحد دلوقتي محبوسين ولا عارفين يجيبوا اكل ولا عارفين يناموا .. واللي حصل امبارح بعد الماتش دا نسميه ايه ؟؟ لما ثلاث اتوبيسات يتكسروا.. لما المصريين يبقوا مش عارفين يروحوا المطار ويستخبوا في بيوت السودانيين اللي كنا مخدوعين فيهم !!!

طب انا هخليك تشوف تقرير كان متذاع علي قناه فرنسيه اسمها سبور بلوس وكان الضيف اللي في الحلقه هو سمير نصري لاعب الارسنال والتقرير ده كله تهزيق لمصر والمصريين .. يا عمرو والله احنا كرامتنا بقت في الارض لان المسئوليين عندنا كل هدفهم ازاي يبيعوا التذاكر في السوق السودا " اهي بقت سودا علي دماغهم " .. لما تبقي السودان قبل الماتش بيومين كلها خضرا يبقي اكيد احنا كنا بنبيع ترمس مش رايحين ماتش حياه او موت ...
بص يا عمرو انا مش قادر اتكلم تاني مع اني لسه في كلام كتير اوي اوي ...
وعايزك تعرف ان الموضوع من البدايه لم يكن مباراه كره قدم ... واتفرج تاني علي ابن ال... استغفر الله العظيم وقوللي رأيك ومش عايز حد يقوللي عروبه تاني .. واللي عايز يشتمني يشتمني .. ام العروبه في الارض

كل كلمة عندك حق فيها يامصطفى ....ينعل أبو العروبة اللى تهزأ مصر بالطريقة دى ولو الجزاير دى أخر فريق عمره ما الواحد يشجعها...لما يتقال على مصر يهود وصهاينة والجزاير تكتب الجزاير والسودان ضد اليهود والاسلام هينتصر.دول طلعونا من الاسلام....حسبى الله ونعم الوكيل.

» قم وانتهى من واجباتك حتى يكون حقيقة وليس بمجرد خيال
» الحلم لم يفصح عنه
» وتحقق الحلم يا ولدى
» الحلم انسان ( تهييس اخر حاجه)