ماتش وعدي (قصيده جديده لعاشق الحريه )

نتهي الماتش وخلص المولد وطلعنا بمشكله جديده بينا وبين الجزاير ومحتاجين خمسين سنه عشان نعرف نصلح الوضع تاني
انا قلت امسك القلم واسمي يمكن اعرف اكتب حاجه
انا دلوقتي هكتب اللي هييجي علي بالي يعني قصيده بث مباشر ومن غير تفكير

ماتش وعدي خلاص ياجماعه
وللفايز بنقول مبروك
ودي كوره ومهياش حرب
وانتا اخويا وانا اخوك
تكسب مره وهكسب مره
وتحترمونا ونحترموك
بينا اللغه والدين والجيره
بينا نضال ورفاق ومسيره
مش هنضيع اللي مابينا
علشان كوره وحياه ابوك
ماتش وعدي
والدنيا موقفتش ياناس
ولا متناش من الجوع والحسره
بس الفاس وقعت في الراس
وقعدنا نشتم بعضينا
ونحرق اعلامنا وتنداس
والعصبيه تخبي عقولنا
ويعمي عنينا لون الكاس
نحلف لازم ناخد تارنا
من اخونا مش من الانجاس
اللي احتلو اراضي بلدنا
حرقو بيوتنا وهدوا المدنه
حاصرو الاقصي بالحراس
انا مصراوي بحب الكوره
حابب ان بلادي تفوز
وانت كمان بتشجع بلدك
ليه نسخدم لغه الشوز
ليه نخسر بعضينا بماتش
ليه دايما تبقي منبوذ
ارجع شوف
ياصلاح الدين
الي بيحصل
في ولاد دينك
هم وغم و
عزم قليل
وبيتخانقو
علشان كوره
واما الاقصي
يبات متحاصر
تلاقيهم
زي التماثيل
مصر جزاير
ويا عراق
هنرجع
ارض الاسراء
ولا كوره
هتفرق بينا
مهما هيحصل
ولا يصير
وانت ياعم جمال وعلاء
ابعدوا عنا
دانتو بلاء
مصر مهياش
سعد وهيفا
ولا روبي
ولا حتي لقاء
مصر دي حاجه
متعرفوهاش
ومهياش مباره
وخلاص
ابعدوا عنا
الله يخليكو
وقلو لحسني
متنفعناش

انا هموت من الزعل علي الخساره بس قلت اطلع زعلي في قصيده
بس انا مش مسؤل لو كانت وحشه
دي مكتوبه في وقت نرفزه وانتو عارفين ان الشعر عايز روقان ومزاج عالي

انت تاني برضه ، بص انا مش هرد عليك هسيبك تتفرج ....

لا تأسفن على غدر الزمان

لطالما رقصت على جثث الأسود كلابا

لا تحسبن برقصها تعلو على أسيادها

تبقى الأسود أسودا وتبقى الكلاب كلابا

» بادر (قصيده جديده )لعاشق الحريه
» ارسم حياتك .قصيده جديده لعاشق الحريه
» قصيده لعاشق الحريه في عيد ميلاد مبارك ا
» قصيده المبدع فاروق جويده عن ماتش مصر والجزائر
» فوقوا بقي دا ماتش كوره ههههههه