عايز تساهم ولو بمثقال ذرة من اجل الاسلام ادخل هنا

السلام عليكم يا احلى منتدى انا عارفة ان الاغلبية مش بتدخل علشان الامتحانات بس دى فكرة تفكروا فيها ويكون الرد او التنفيذ لو فى حد هيشارك بعد الامتحانات الفكرة هى ان كل واحد فينا بيفكر ازاى يخدم الاسلام
الاخت white وانا خطرت لينا الفكرة دى ان احنا نعمل سلسلة حلقات من برنامج شبابى
البرنامج ده هيضم شباب وبنات بيتكلموا عن قضايا عصرية وشبابية وعن وجهة نظر الاسلام فى القضايا دى واكيد دا كله بالانجلش
وهنزل حلقات البرنامج على اليوتيوب لان انا عرفت ان فى ناس كتير اسلموا بالطريقة دى انهم كانوا بشوفوا فيدهوات عن حقيقة الاسلام فيبتدوا ان هما يتفرجوا ويتعلموا لحد ما اسلموا
ممكن كتير منكم يقولوا ان الفكرة دى اتنفذت بكذا شكل
بس اكيد لما يكون الخطاب من شباب لشباب هيكون افضل الشباب عندهم قدرات وحماس اكتر ومين عارف يمكن الفكرة دى ينتفع بيها ولو حتى شخص واحد ساعتها نكون عملنا ولو مثقال ذرة من اجل الاسلام

انا عارفة ان مش فى حد فاضى دلوقتى اكيد اصلا اى تنفيذ او اى شغل هيكون بعد الامتحانات بس يا ريت نعرف ردودكم ومين هيشترك معانا
ولو عندكم افكار زيادة تقولوها وبقية الامور من تنفيذ او غيره دا هيتم الاتفاق عليه بعد الامتحانات دلوقتى حاليا عايزين نعرف بس الردود

اكيد طبعا موافــــــــــــــــــــــــق ، وربنا يقدم اللي فيه الخير وربنا يجعله في ميزان حسناتنا كلنا ..

[size=18 .انا عارفة ان محدش هيمانع ان شاء الله
وياريت تبقى الفكرة دى شغلنا الشاغل بعد الامتحانات ....... انا بجد عايزة اعمل حاجة اخدم بيها دينى ووطنى واروح بيها الجنة وافوز الفوز العظيم ....... والموضوع اكيد برضه مش هيبقى سهل لكن على الاقل الاحلام اللى كلنا بنحلمها عشان نغير بلدنا للاحسن لازم تظهر وتتناقش ...... وبعدين دى فرصة عمرنا _او فرصة عمرى انا بالتحديد ان اساهم ولو بشئ بسيط_ انا صحيح لسه مش عارفة بالظبط ايه هوه الشئ اللى ممكن نطلع بيه ف النهاية.. لكن انا جوايا حماس ومستعدة اعمل اى حاجة فيها خير
ده اللى كنت عايزة اقوله. ومعلش انا طولت [/size]

موضوع: thanks الثلاثاء يونيو 08, 2010 8:23 pm

شكرا لوايت وادمن على الرد وفعلا زى ما وايت قالت انه مش هيبقى امر سهل لكننا هنبذل كل جهدنا ان شاء الله وربنا هيوفقنا ان شاء الله
شكرا مرة تانية على حماستكم

فكره كويسه يا سموش
ويا ريت نتعاون كلنا ونعمل كده
واكيد ربنا هيجازينا خير
انا موافقه ومعاكو

موضوع: thanks الثلاثاء يونيو 08, 2010 8:31 pm

شكرا روز لحماسك واهتمامك
وربنا يوفقنا ننفذه باحسن شكل ان شاء الله

اكيد انتى معانا انا عارفة حماسك

بجد انا مستغرب جدا ازاى ماجتلناش الفكره دى من اول ما انشأنا المنتدى , بس بجد ربنا يجازيكم خير ونقدر فعلا ننفذ بإذن الله , انا مش محتاج اقولكم انى طبعا معاكم ويشرفنى انى اكون جزء من هذا العمل الرائع

موضوع: thanks الأربعاء يونيو 09, 2010 1:58 pm

شكرا ل amr على المرور والرد وشكرا على حماسه
وربنا يوفقنا يا رب اننا ننجز العمل ده فى احسن شكل

ربنا يبارك فيكى .....بصراحة فكرة جميييييييييييلة قوى.....عايزين نعمل حاجه حلوة لدينا بدل ما عمالين نعمل لدنيتنا كده على طول.فأنا يشرفنى انى ابقى جء من العمل ده.وبدعوا كل عضو فى هذا المشروع وانا اولهم أن يخلض النية لله سبحانه وتعالى وأسأل من الله القبول.

A great idea sun shinning
ofcourse i'm with u ,and i hope i can help

الحمد لله ان حضراتكم اتحمستوا للفكرة. واشكركم Admin, rose, amr, Masrawy,and Princess ,على حماسكم وطبعا بعد الامتحانات نتناقش فى المواضيع التى ستناقش ان شاء الله فى الحلقات.......
وبوجه شكر خاص لSUN علشان هى اللى صممت ان فكرتنا تطرح فى المنتدى

طبعا دة مش محتاج تفكير ولو لثانية . معاااااااااااااااااااااكم وربنا يقدرنا ونقدم حاجة نخدم بها دينا قبل ما نلاقي رب كريم

موضوع: thanks الخميس يونيو 10, 2010 2:05 pm

بجد الف الف شكر للكل على الرد والحماس
والحمد لله لسة باقى فى الامة خير
وشكرا لوايت لانها لولا انها اتحمست للفكرة وشجعتنى ما كانتش
الفكرة ظهرت للوجود من الاصل وان شاء الله بعد الامتحانات
هيتم الاتفاق على كيفية التنفيذ ومازال الباب مفتوح لاى حد عايز ينضم
وربنا يوفقنا كلنا فى الامتحانات ان شاء الله

» لو عايز تتجنن ادخل هنا
» عايز تتعرف على دينك ادخل واتثقف
» عايز تتعلم اي لغه؟؟؟
» عايز جدول.....
» عايز عبدالله كامل