عندي ليكي سؤال يا مصر (لروح الشهيد خالد محمد سعيد)

https://www.youtube.com/watch?v=xmExOTU1_B8

[center]كان عندي ليكي سؤال يا مصر
بقوا سؤالين
ايه غير الاحوال
والدور يا تري علي مين
عايشين محاصرنا
الخوف وعاصرنا
ومسيرنا ده مصيرنا
لو عشنا كده ساكتين
في كل يوم هيروح واحد ونبكي عليه
زي اللي راح مجروح علشان بيسأل ليه
ليه
ليه
ليه
الاسم كان خالد
والسن ف العشرين
وف حاله كان قاعد
طلعوا عليه كلبين
فجأة بظلم وغدر
نهشوه وداسوا قلبنا
ورونا معني القهر
وكرهنا قوي غلبنا
جوانا غضب انفجر
ودمه اللي اتهدر
تاره بأدينا كلنا
وحقه دا حقنا
ولحد مييجي يوم
ونعدل اللي مال
راح نسأل كل يوم
ازي بقي دا الحال

بتسأل مصر ليه
هي مصر بأيدها ايه
مصر هنا مش ف امتحان
مصر فاض بيها من زمان
مصر مش ناقصه سؤالك
مصر حالها فوق احتمالك
مصر عاجزه عن الكلام
مصر عايشه معاه ف ظلام
وكل يوم هيكون في خالد
كل يوم هنشوف شهيد
طول ما شعب مصر ساكت
طول ما حاكم شعبنا راضي وسعيد

[[center]

بس الذنب على الاتنين
على مصر وعلى المصريين
لأن احنا دايما كده ساكتين
قاعدين فى حالنا خايفين
خايفين حتى نقول ليه
ونقول حرام سيبونا عايشين
طب ليه يا مصريين ليه
لما حاربنا البريطانيين
وقلنا دا حقنا
وكام شهيد راحوا مننا
مش كنتم خايفين
ودلوقتى رغم ان دى ارضنا
حقنا وكرامتنا تاهوا مننا
يللا قوموا واصرخوا قولوا لا
لا للظلم لا خالد ده ابننا
وتاره لازم ناخده
وحقه يرجعلنا
قوموا يا مصريين ندافع عن نفسنا
ونقول لا للظلم لا والف لا

ايه ياد يا عامر ياض مسبنى فى حالى ، كل شوية خالد خالد وبعدين يا عم انت انا عايز اذاكر ( هههههه ) حقيقى يا عامر موضوع مؤثر ومبكى جدا ولكن انت اكيد فى مصر

» انشودة الشهيد ل/محمد حسام
» لازم يبقالنا صوت (الي روح شهيد التعذيب خالد سعيد )
» اصحوا وفوقوا (خالد سعيد )شهيد الطواريء
» عام سعيد
» هل انت سعيد؟ او سعد؟ او اسعد ؟؟؟؟؟؟