ماذا ستكتب علي جدار المنتدي ؟؟؟

ماذا ستكتب علي جدار المنتدي ؟؟؟

المنتدي الي اين؟؟؟؟

" المنتدى هيسقط بعد مجموعة كبيرة مننا هتسافر
واخرى العيال هتلهيم واخرين مش هتبقى فارقة معاهم ." Knight

" لأ المنتدى عمره ما هايسقط , هو ممكن يمر بفترات صعبة لكن مش هاتوصل لدرجه السقوط ( وللا ايه يا اعضاء ) لأن المنتدى ده مش مجرد منتدى , دا فكره جوانا كلنا وكلنا عايشينها."amr

وانا كمان معاااااااااااك
المنتدى ده مش مجرد منتدى , دا فكره جوانا كلنا وكلنا عايشينها
وبجد احلي منتدي واحلي صحبه

طيب ايه رأيكوا لو نتخيل ان المنتدي جدار ابيض او صفحه بيضه
وكل عضو هيمسك قلم ويكتب باللون اللي يختاره اي مقوله او شعر او حكمه او اي كلام حاسس بيه
لان الكلام ده هيفضل علي جدار المنتدي للابد ويا ريت كل الاعضاء يدخلو ويكتبوا حتي ولو كلمة واحده
واكيد هتكون ذكري جميلة ...

يلا الكل يشارك

وانا لي الشرف اني اكون اول حد يكتب علي جدار احلي منتدي وهمسك القلم واختار اللون الازرق
وهكتب :

" مهما طال بينا الزمان
راح يكون بينا تلاقي
لو يفرقنا المكان
في القلوب العهد باقي "

أنا هكتب واقول

مش هنفارق بعض لا لا

انا هاكتب باللون الابيض واقول:

" هنا ضحكت وهنا بكيت , اوقات اتكلمت واوقات غنيت
ولو ف يوم قلت اه , المسانده من اصحابى لقيت
والنهارده على جدارك هاكتب : قلت عنك فكره وف وصفك ما وفيت
وحاولت ابعد ولا عمرى لقيت
مكان غيرك يكونلى امان و أجمل بيت"

عمرو

مش عارف والله اقول ايه ؟ بس هاقول برضه لا لا لا مش هنفارق لا لا لا زي ما قال حسام وحتي لو هنفارق هتكون انت يا منتدي المكان اللي هيجمعنا من تاني

اما انا بقى هاكتب واقول :

الله يسامحكم
طب لمين هاشكي؟؟ لمين هابكي ؟؟ ف مين هشخط وهاتخانق ؟؟؟
لمي هاطلع على المسرح واكدب واقول بعلو الصوت ... مش هانفارق؟؟
وادينا اهو بنتفارق ......
... بنتخانق!!!! مين اللي يكتب احلى ذكرى ع الجدار ف منتدانا
اللي كل حرف فيه... بنفتكر بيه يوم لقانا
لما كنا صغيرين.... وكل شيء ف الكون معانا
احلى صحبة والسنين ... واللي باقي من هوانا ...
كلمة بتقولو اكتبوها ع الجدار ف منتدانا

واكتب ايه ؟؟؟؟؟ طب لمين ؟؟؟؟
دول حياالله اربع سنين
اللي بس من ساعتها كان يدوب عمري ابتدا
وتقولولي اكتب ايه ع الجدار ف المنتدى !!!!!!!!!!

محمد حسام

" واكتب ايه؟؟؟؟ طيب لمين؟؟؟ "

اكتب كلمه حلوه او كلمتين
بيت شعر او حتي بيتين
اكتب زي ما قال "عمرو" انه فكره
اكتب انه بكره هيبقي لينا احلي ذكري
اكتب ان "ادمن" اسسه والكل شارك
اكتب ان فيه اللي ناقش واللي خانق واللي هني واللي بارك
اكتب ان فيه اقسام كتير واوعي تنسي المشرفين
اكتب انهم ساهموا ف حكايته وف بدايته من سنين
اكتب ان اعضاؤه هيمشوا وهيسيبوه
اكتب انه ممكن ييجي يوم ويقفلوه
اكتب بقلمك واتحدي الزمان
قوله عمر منتدانا ما هيبقي كان
قوله منتدانا ده احلي فكره
مستحيل يا منتدانا تبقي ذكري

لسه محتار ف السؤال؟؟؟
لسه مش عارف ايه هتكتب ع الجدار؟؟؟

شهرزاد

يعني انتو بردو مصممين اني اكتب كلمة حلوة
مش غريبة ... اصل كلمة الحق ف بلدنا بلوة

ماشي هاكتب كلمة حلوة .. وصدقو اللي هايتكتب
اصلها بجد وحقيقي ... واللي صام عمره ماكدب:

احلى لمة واحلى صحبة وحبنا شعلل وقاد
لما جينا منتدانا اللي اتعمللنا ف المعاد
كان يخشه احلى ناس من هنا ومن البلاد
واللي قرقع واللي هزر واللي خش واستفاد
قصره يعني ... ف منتدانا احترامنا فاق وزاد
للجميع : عمرو ..ادمن .. لوست ..حتى شهرزاد

فالحكاية ياجماعة مش حكاية كلمة حلوة
ده الكلام الحلو حتى مابيخدش ف ايدي غلوة
اللي كنت كاتبه فوق كان رخم .. بس الحقيقة
ان الدنيا : يوم تجمع شملنا....يوم تفرق حبنا
اليوم ده احلى من العسل وبكرة اخنق م الخنيقة
اليوم ده طاير م الفرح .. فيعدي وكأنه ف دقيقة
واليوم ده قلبك انجرح .. فيعدي بالخطوة البطيئة
اليوم ده صاحي شايف ان الناس حلوة ورقيقة
واليوم ده اي حد يكلمك .....بتقوم حريقة
هو ده كان قصدي فعلا.. هي دي ف نظري الحقيقة

طب فاكرين لربع سنين .. ؟؟؟
اللي اسمهم أربع سنين
عدو علينا كأنهم اقل من اسرع يومين
بس بردو من ساعتهم كان يدوب عمري ابتدا
وتقولولي اكتب ايه ع الجدار ف المنتدى !!!!!!!!!!

محمد حسام

» ماذا ستكتب على جدار الزمن
» يلا رشح موضوعك ليكن الافضل في المنتدي
» رسالة حب لكل من غاب عن المنتدي
» لقد تم استرجاع المنتدي
» الف مبروك .اسماء الفائزين في المنتدي