انا ابويا رااااااجل خنيق!!!!!!!!!!!!!!!!!

اخباركم ايه ياااااااااارب تكونوا بخير

انا ابويا راجل خنيق !!!!

الجمله ديه اشتهرت بينا اوى بقيت اسمعها للاسف كتير جداااااااااا
بين الشباب و البنات



والاغرب ان بقيت اسمع جمله انا اتخانقت مع ابويا امبارح وقفشت معاه

حلوه اوى اتخانقت ديه
محسسنى انه ضرب ابوه بالكرسى ولا جاب السكينه وعوره فى وشه
ولما تيجى تساله اتخانقت معاه ازاى
يقولك طردنى بره البيت
لا فالح وشاطر




والاغرب كمان بقى شتيمه الاب والام بقى شىء عادى كهزار فى نص الكلام
وتلاقى اللى بيتشتم بيضحك وفاتح بقه على الاخر

ولما يتشتم ويقوله ياحمار او ياغبى يزعل اوى وتلاقى عايز يضرب اللى شتمه

حاجه غريبه والله




المهم الجمله اللى حبيت اتكلم بخصوصها هى جمله

انا ابويا راجل خنيق!!!!

راجل خنيق علشان عقله مش زى عقلى؟
راجل خنيق علشان وجهة نظره مش زى وجهة نظرى؟
راجل خنيق علشان لما اطلب من حاجه ويقولى لا؟




احنا ليه مش بنحط امامنا وامام عيونا فرق السن بينك وبين والدك
يعنى انت عندك حوالى 20 سنه والدك ممكن يكون عنده 40 فى مافوق
يعنى فرق السن بينك وبينه ضعف عمرك



يعنى اكيد ممكن فى بعض الحاجات المعاصره يبقى تفكيره مش زى تفكيرك فيها
ولكن خبرته فى الحياه اكيد اكيد اكبر مننا
فاكيد هو لما يقولنا حاجه تخص موضوع فى الحياه اكيد هو بيبقى صح فى اغلب الاوقات



واكيد لما تلاقى تفكير والدك مش زى تفكيرك اكيد هيبقى العيب من عندك
عارف ليه

علشان انت محاولتش توصله ازاى انت بتفكر علشان يحترم تفكيرك
بل احنا اللى بنعمله اننا منفكرشى نتكلم مع الاب الا لما يكون فيه مصلحه عايز فلوس او عايز اروح رحله او عايز ابات بره كده يعنى
ساعتها بتحاول تقرص على نفسك وتقعد تتكلم معاه على روقان وانت ياعينى مش طايق تقعد معاه دقيقه



بس اننا حاولنا نقعد معاه كده بدون مااكون عايز حاجه منه ونقعد نتكلم فى اى حاجه خاصه بالبيت او فى الحياه عموما من خلالها ممكن يعرف ازاى انت بتفكر ويعاملك على تفكيرك

كانك بتديله درس خصوصى فى تفكيرك



مش عايزين كلامنا معاه يبقى علشان مصلحه فقط
علشان اكيد هيبقى فيه فرق كبير بينك وبين تفكيره علشان ماكنشى فيه حوار اصلا بينك وبينه علشان يعرف ازاى انت بتفكر دلوقتى بعد ماكبرت

وساعتها هنقول
ده ابويا راجل خنيق!!!




وعايزة نفكر بعض بحاجه انه ان شاء الله فى يوم من الايام هنبقى فى وضعه انت الأب وليك ابن
هيقول عليك نفس الكلام انك اب خنيق

الناس هتقولى لا ده انا هربى عيالى احسن من كده انا هخليه فرى خالص
نتناقش مع بعض
وناخد اراء بعض
و...و...

اقولك والدك فى يوم قال كده برده وقال هعمل كده زيك
بس الحياه مش بتسيب حد فى حاله



كفايه بقى كده رغى من عندى عايزاكم ترغوا انتوا بقى

ايه رايك فى الجمله ديه.... ابويا راجل خنيق!!!


وليه احنا بقينا بنسمعها كتير بينا ...الاسباب اللى خلتنا نقولها ؟؟؟؟

هل ده السبب من عندنا احنا الشباب ولا من الاباء نفسهم؟؟؟

وهل والدك بالنسبه ليك صديق ولا اب شديد ؟؟

وهل انت لما تبقى اب (او تبقى ام) هل لو شايف موضوع صح جدااا من وجه نظرك وابنك شايفه انه غلط او العكس هل هتبقى اب خنيق وتصر على قرارك ولا ممكن تغير رايك علشان مايتقلشى عليك اب خنيق ؟؟؟




يلا سمعوني آرائكم بقي
واللي هيقول يسلمو ونايس
هعلقوا علي باب التوبيك

انا رأى ان الاب والام دول اهم حاجه فى الحياه ولازم نحترمهم ونوقرهم ونراعى فرق السن بينا وبينهم ومش لازم ابدا نسمح لاى حد او حتى نفسنا اننا نغلط فيهم او نقلل من مكانتهم عندنا او قدام اى حد

موضوع جميل يا ساسو
واظن انه انتشر جدا دلوقتي
وده زي ما قلتي بسبب بعد الاولاد عن اباؤهم
وكمان بسبب الاختلاف ف التفكير والسن بينا وبينهم
واننا فعلا لازم نتكلم معاهم ونناقشهم ونوصل لبعض افكارنا

"نايس التوبيك saso تسلميلي"
ههههههه لاء مش عايز اتعلق
اعلق علي التوبيك احسن ما اتعلق علي بابها(حلوه حكاية بابها)


"ابويا راجل خنيق"
لاء والله مش كده خالص برئ يا بيه
هي الحكايه مش اب خنيق واب لارج وده غير طبعا السفن اب.
المشكله ان الابناء شايفين انهم صح والاباء شايفين انهم هما اللي صح فبيحصل كلاش بين الاتنين.
بس بجد في الغالب الاباء بيكونوا علي حق لانهم خايفين علي ابنائهم وعايزين لهم الاحسن
(واحيانا الخوف عليهم بيبقي زياده شويتين فبيبانو كأنهم ناس خنيقه)
بس اذا كان في حد خنيق يبقي احنا مش هما..كفايه انهم مستحملينا ولا ايه؟؟

حلو الموضوع ساسو وأنا رايى زى برنسيس هى تصادم أجيال كل واحد فيهم شايف إن هو الصح ما فيش تفاهم بين الطرفين

ميرسى يا جماعه على الردود بتاعتكم بس انا زعلانه انا كده مش هعرف اعلق حد على باب التوبيك لانكم كلكم رديتوا يلا بقى خيرها فى غيرها زى ما بيقولوا