مظاهرات فى جامعة الفيوم

شهدت جامعة الفيوم مظاهرات ضد العوامل الفاسدة فى الجامعة الذين كثيرا مانهبوا من اموال الدولة والطلبة معا , ولكن الجدير بالذكر ان المظاهرات هذه المره لم ينظمها طلبة ثائرين وانما نظمها العاملين بالجامعة وموظفى الجامعه ضد عناصر السرقه والفساد

ويذكر ان اعداد المتظاهرين قد فاقت الفى موظف وهو عدد كبير نسبيا بالنسبة لجامعة الفيوم
وقد طالب المتظاهرين ان يرحل عدد من قيادات الجامعة نظرا لفسادهم ولأنهم سرقوا الكثير من المال العام واهدروا حقوق الاشخاص الجديرين بالعمل لصالح اخرين ليس لهم وجه حق , وقد تساءل المتظاهرين فى هتافاتهم عن اموال الجامعه التى سرقها هؤلاء الاشخاص وعن مصيرها والى اين ذهبت
فهل ياترى ستشهد جامعة الفيوم تغييرا فى قاياداتها فى المرحلة المقبلة ؟ سؤال يطرح نفسه على الساحة حاليا

بجد لازم كلنا نقف ايد واحده ضد الفساد اللى فى الجامعه ده والناس اللى مفيش عندها لا دين ولا ضمير , يعنى ايه ان الطلبة حقوقها منتهكة ومفيش حرية تعبير , يعنى ايه ان ابن الدكتور لازم يبقى دكتور حتى لو كان مش يستحق, يعنى ايه كل سنه الكارنيه بيزيد علشان نسبة التبرع للجامعه بتزيد وفى الاخر الفلوس تروح لبطون المسئولين , يعنى الدعم على الكتب ضئيل جدا ويكاد لا يذكر وكمان بيكون بشروط تعجيزية للطلبة , يعنى ايه دكتور الجامعه الفاشل اللى مش يعرف حاجه واخد حقه تالت ومتلت وبيفترى على الطلبة الدكاتره الكويسين مضطهدين ومعزولين , يعنى ايه الطلبة متحجمين ومسروق حقهم لحساب الحيتا الكبار .

انا بقوللهم خلااااااااااااااااااااااااااص زمن النظام الفاسد القديم راح وهما كمان لازم يروحوا معاه ورا الشمس ان شاء الله

كلمة عمرو اديب دى فيها ابلغ مطلب وامنية لكل الطلبة , كل واحد لازم بجد ياخد حقه وكفاية واسطة وكوسه بقى احنا زهقناااااااااااااااااااااااااااااااااااااااااااا