ashek el horrya
مشرف
 عدد المساهمات : 1129
نقاط : 58058
تاريخ التسجيل : 15/12/2008
العمر : 35
بلدك : 
الابراج : 
 | موضوع: شويه رزاله من نفسي  الإثنين مارس 23, 2009 8:28 pm | |
|
بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟ قالت له : لأ ماما هتعيش معانا
معلم لغة عربية قال : وقفت السيارة فى المكان الممنوع ...ثم سأل أحد التلاميذ أن يعرب كلمة السيارة فقال التلميذ: فاعل مرفوع بالونش
مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس... فرد الولد : ده انت إللي مش فاهم بابا كويس يا أستاذ
واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!
واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه
كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا
الابن:بتعمل اية يا بابا؟؟ الاب:بكتب جواب لعمك...... الابن:هو انت بتعرف تكتب؟؟!!! الاب:يعني هو عمك اللي بيعرف يقرا
محشش راح للدكتور قاله الدكتور أنت لازم تعمل إشاعة..... خرج من الأوضة وقال الهرم وقععععع .. الهرم وقعععععععع
مره تلاته مساطيل ماشيين على الطريق الصحراوي طلبت معاهم يلعبوا كوره قالوا اول واحد معدي من هنا هناخد راسه نلعب بيها كوره عدي واحد مسطول اكتر منهم راحوا عليه بيقولوله احنا طالبه معانا نلعب كوره بدماغك راح دابب سكينه فى دماغه قالوله عملت ايه يا مجنون قالهم فسيت الكوره عشان ماتلعبوش ها ها ها ...
واحد صعيدي اشتري عربيه بي ام دابليو الجديده فيها الكمبيوتر يصلح كل حاجه حب يجرب الموضوع ضرب الباب اليمين رد الكمبيوتر ايها الباب اليمين ارجع كما كنت راح رجع الباب ضرب الباب الشمال رد الكمبيوتر ايها الباب الشمال ارجع كمان كنت راح رجع الباب عجبته الحكايه راح راكب العربيه وطار بيها من فوق الكوبري رد الكمبيوتر قال ايتها النفس المطمئنه عودي الى ربك راضيه مرضيه
كفايه عليكم كده النهارده شويه وهبقى اجيب نكت رخمه تاني
انتظروا الموضوع القادم رزاله فى رزاله
| |
|
knight
مشرف
عدد المساهمات : 660
نقاط : 57252
تاريخ التسجيل : 17/12/2008
العمر : 34
 العمل/الترفيه : من حماة الوطن ( ضابط حربية )
 المزاج : حمرااااااااااااا
بلدك : 
الابراج : 
| | موضوع: رد: شويه رزاله من نفسي الإثنين مارس 23, 2009 9:29 pm | |
|
مش جديد عليك الرزالة ما احنا عارفين ان الرزالة لو سبتك
مش هتلاقى صدر حنين بس حلوة بتاع مرفوع بالونش
| |
|
