رأيي في ناصر ومن غير زعل

زي مفيه تعصب كروي فيه تعصب سياسي ومن الاخر انا مبحبش عبد الناصر ليس كشخص ولكن كرئيس للاسف ورطنا في حاجات كتير ولا نسيتوا 67واللي حصل دي كانت فضيحه وبعدين العسكر ايه اللي يدخلهم في الحكم وقبل محد يتكلم ممكن اجيب ليكم حلقه جمال حماد ةمع احمد منصور في شاهد علي العصروهو كان احد الضباط الاحرار ونشوف مين اللي وصلنا للي احنا فيه للاسف الغلطه بدات من زمان من ايام عبد الناصر وبعديه السادات واخيرا جوز سوزان وبعدين ايه هي مظاهر الديمقراطيه والحريه مفيش غير الحزب الاشتراكي ومحدش كلن يقدر يقول بم انا عاوز كلام موضوعي وموثق وعل فكره ابويا بيبقي ناقص يضربني عشان رايي وهو مسك البلد لاصحابه وكانها عزبه وعبد الحكيم كان داير صايع في الكبريهات المشكله اننا بنحكم عل الامور ومن جانب واحد وشعارات علي الفاضي والله لو عبد الناصر كان كويس في الحكم مكناش وصلنا للي احنا فيه واهلا بالمعارك بس ياريت محدش يزعل عاشق الحريه والديمقراطيه واهلا باي حد يحققهم لينا ايا كان

زائر

مع احترامى لرايك هو انت ليه بتبص للجانب السىء فى كل حاجة ليه مش واخد بالك من كل الحاجات الرائعة اللى عملها ناصر ومهما حصل انا عمرى ماهغير رايى فيه لاى سبب واختلاف الراى لايفسد للود قضية

انا عارف ان ناصر كان راجل وان بحب فيه الرجوله اللي مختفيه من الحكام اليومين دول وانه كان اشرفهم لكن ان بحلل وضع سابق وصلنا بيه للوضع الحالي واما الحاجات الحلوه انا عايز اعرفها وهتعرفوا انها مش حلوه ومحدش يزعل وبرضه واختلاف الرأي لا يفسد للود قضيه

زائر

انت من غير ماتحس قلت احلى كلام عن ناصر كفاية رجولته وانه عمره ما اتخلى عن العرب وقت ماكانوا بيحتاجوه وانا متاكدة لو ناصر كان عايش فى احداث غزة الاخيرة عمره ماكان هيسمح للمهزلة دى انها تحصل وكفاية بجدزى انت مابتقول لنه كان اشرفهم

انا اعترفت بحسناته بس ليه بلاوي ومصايب وهي كتييييييييير وبعدين لازم نعترف بالحلو والوحش صح ولا لأ

زائر

يا جماعة كل رئيس جه ليه مساوئ و حسنات بس من و جهة نظرى هو تانى احسن رئيس جهه لمصر طبعا بعد انور السادات او الاسد زى ما بيقولوا و كفاية انه خلصنا من الملكية و امم قناة السويس ...دول اسباب كافية اوى اننا ننسى اى مساوئ عملها

زائر

مفيش انسان معصوم من الغلط احنا مش ملايكة واخطائة اهون من بلاوى ناس كتير انتوا عارفينهم وانا مهما قلت لاانت هتقتنع و مهما قلت عمرى ما هغير رايى فى اكثر من احترمهم من البشر

فعلا ناصر خلصنا من كل الحاجات اللي قلتوا عليها كلام جميل لكن راح عاطي كل الحاجات الحلوه لاصحابه وبدل مكان بيتحكم فينا الانجليز اصبح بيتحكم فينا اخواتنا وللاسف كانوا اسوء من الانجليز واللي صعب انه يتحكم فيك واحد من اهلك ثانيا فين الديمقراطيه اللي صنعها ناصر" كلتها القطه" وهل كنا نقدر ننتقد ناصر لو كان عايش طبعا لا
انا عايز اقول انها سلسله من الاخطاءانا ما يهمنيش مين اللي يحكم المهم هيحكم ازاي ومن غير زعل والخلاف للرأي لا يفسد للود ايه قضيه

زائر

طب ممكن تقول لنا انت مين برأيك ممكن يحكم البلد و يحقق الديمقراطية اللى احنا عايزها ...مفيش حد هيحكم و يبقى perfect ميه ف الميه..اساسا كل واحد بيقول هنعمل و هنعمل و هنعمل لحد ما يقعد على الكرسي و ينسى كل حاجة و يفكر بس مصالحه الشخصية و الكلام دا على كل النالس و اى حد ...و على الاقل هو عمل حاجة فى ناس بقالها قرن و لا عملت و لا سوت حاجة

ياه بقي مش هنلقي واحد من سبعين مليون!!! بصراحه انتوا كده بتشتموا مصر مصر ولاده ومليانه واي واحد الناس هتختاره ايا كان ان شاء الله يكون ظاظا هيكون احسن من كل اللي فات ،لانه الناس اللي اختاروه لكن مين من كل اللي فاتوا حد اختارهم .طيب ايه رأيكم في اوباما ليه ميحكمناش واحد زيه

زائر

انت بالمواصفات اللى انت عايزها عايز رسول علشان مايغلطش ولا غلطة ليه مش واخد بالك ولا مقدر اننا بنى ادمين وانا بصراحة شايفة انك متحامل على ناصر وبتكرهه وكفاية ان ناصر كان بنى آدم بيحس بالناس مش زى الظلمة اللى موجودين دلوقتى

زائر

اوبااااااااااما يااااه مالقيتش غير اوباما اللى مشترك مع الصهاينة فى قتل وتدبيح العرب اختيار غير موفق بالمرة

زائر

ما هو لما يبقى عندنا نظام انتخابات زيهم يبقى نختار زيهم و بعدين دول ناس عارفة هى عايزة ايه لكن احنا مش عارفين او بمعنى اصح عارفين بس مطنشين او مش عارفين نعبر على اللى احنا عايزينه .... عشان محدش هيسمح لنا نقول اللى احنا عايزبنه ولو قلنا هيفيد بحاجة...ابدا صوتنا اساسا mute و لو اى حد جه هينهب برضه البلد دا احنا بشر و البشر طماعين و يا سلام بقى لو بقى معاه سلطة كدا يبقى تمام اوى هينهب من غير ما يقول لا و على فكرة مظنش ان عبد الناصر نهب البلد دول اهله اتبهدلوا بعد ما مات مع ان فى ناس نهبت و بتنهب و احنا بنقولهم كمان كمان اعملوا االلى انتوا عايزينه دا انت رئيس و النعمة كويس على راى الزعيم

ناصر من افضل الزعماء

ولو فيه ناصر بينا الان كنا خدنا وضعنا

زائر

والله اكتر حاجه بيتحكم بيها على رئيس اذا كان ناجح ولا لا هوه شعبه
ومدى حبهم ليه وبصراحه انا ماشفتش شعب كان بيحب زعيمه بالشكل ده
جرب تتفرج على جنازه عبد الناصر حاجه بجد مايصدقهاش عقل
بابا بيقولى ماكنش فى حد فى بيته عبد الناصر ده لا يعوض بأى حال من الاحوال
سواء اعترفنا بكده او لا .... عبد الناصر كان رئيس بجد وزى ماشادو وامل قالوا ان نافيش رئيس هيبقى
ميه فى الميه صح يستحييييييييييييييييييييييييييييييييييييل .... عشان تعرف قيمه عبد الناصر قارن بين زمنه وزمنا وبين حال اهلاينا زمان وحالنا دلوقتى وبينه وبين اللى مايتسمى .... ولعلمك لا مش بفهم فى السياسه زى ماواضح انك بتفهم فيها اوى
بس كل اللى اعرفه ان البنى ادم ده كان محبوب بجد وعمل كل اللى يقدر عليه عشان يعيش شعبه فى مستوى كويس
ولا كان نصاب ولا بيسرق من لحم الحى ولا كان بيتخلى عن شعبه وعن العرب .... الله يرحمك ياعبد الناصر ...

زى ما أنت فولت لكل أنسان مميزاته ومساوئة.طيب ما ذكرتش حسناتة ذى ما ذكرت مساوئه.عشان تكون ناقد صح اذكر أيضا حساناتة.وحرام عليك.كفاياك بهدلة للراجل.وماتشيلوش كل حاجة.دة كفاية هو اللى حط خطة73.ويكفى أنه الرئيس الوحيد الى اعلن تنحيةلماحس اللى هو غلط لكن الشعب رفض لانة بيحبةواتغاطى عن مساوئة.وأسف للاطالة.

» .:. رأيي و رأيك .:.
» جنازه ناصر
» عذرا عشاق ناصر ولكن........!!!
» مشهد خرافي لاحمد ذكي من فيلم ناصر 56
» مصر اللتي تركها ناصر (الدكتور معتز عبد الفتاح )