بص بقي يا خالد ، اولا التعادل ده طبعا بطعم الخساره ، والخساره دي كانت متوقعه قبل هذه المباره ، دا انا بس اللي كنت متوقع الخساره ، ليه؟؟!
- سوء حاله لاعبي الاهلي والزمالك في الدوري وده كان ظاهر من فتره في نتائج الاهلي وغياب ابو تريكه عن المباريات.
- المشاكل التي يتعرض لها محترفينا حاليا ،" محمد شوقي " اللي بيفكر يرجع مصر تاني ويسيب البورو لتعند المدرب "ساوث جات "
" عمرو زكي " اللي مش في الفورمه وبيلعب احتياطي مع ويجان بعد ما كان سوبر ستار النادي ، والانتقادات التي توجهها له الصحافه الانجليزيه في الفتره الاخيره.
"عصام الحضري " اللي تاه في سويسرا وبقي يشيل بالاربع اهداف في المباره الواحده.
" محمد زيدان " اللي جاله عرض من احد الانديه الاسبانيه ومحتار يسيب فريقه ويجرب حاجه جديده ولا لأ .
" حسني عبدربه" اللي قضي علي نفسه بالانتقال الي الدوري الاماراتي
" عماد متعب " بالرغم من انه هداف فريقه لكنه في النهايه يلعب في الدوري السعودي ولم يلمس الكره في الماتش.
-التشكيل الخاطئ نسبينا للمعلم حسن شحاته ، حيث اخطأ حين بدأ بعماد متعب وخلي ميدو احتياطي ، ثاني غلطه غلطها المعلم لما نزل بركات في الشمال "وطبعا معروف بركات علي اليمين وبيعمل ايه في اليمين ، ثالث غلطه في التشكيل انه لم يبدأ بابو تريكه.
- السبب الاخير من وجهه نظري ان لاعبي المنتخب بخلاف انهم كانوا واثقين من الفوز الا انهم لم يكونوا مستعدين بدنيا ولا ذهنيا للمباره.
وفي النهايه بعد كل المشاكل دي "من وجهه نظري"، دي مش النهايه ودي لسه اول مباراه والمشوار لسه طويل والاخطاء كلها هتتصحح ان شاء الله وهنروح جنوب افريقيا .
العمل/الترفيه
المزاج
