سلامتك يا عاشق

يمر زميلنا عامر (عاشق الحريه) بوعكه صحيه مما جعلته سيلزم الفراش من اسبوع الى عشره ايام , وعندما قمت بالاتصال به لاحظت من خلال صوته الالم الشديد الذى كان يعانى منه , كما لاحظت من تلك المكالمه مدى ارتفاع درجة حرارته(الموبايل كان سخن جدا ) وقد نصحه الطبيب المعالج بعدم الذهاب الى اى مكان حتى يشفى تماما .
اما عن عامر فقد اطمأننت عليه وأوصانى ان اطمأن الاصدقاء والاخوه والزملاء واعضاء المنتدى على صحته .
فياااااااااا اعضاء المنتدى نلتمس منكم الدعاء له
ويااااااااااااا شباب , سنقوم نحن شباب قسم انجليزى بالذهاب الى منزل عامر يوم الاربعاء وقد تطول الزياره الى يومين (يا سيدى محاضرات ايه وحتى لو حضرنا احنا بنفهم حاجه؟؟) , كما اطمأننت من خلال خالتى ام ايمن(والدة عامر) على ان البط المره دى مش هايكون تقيل زى المره اللى فاتت(فاكر يا عمرو) وسيكون هناك انواع اخرى من المأكولات اللى انت بتحبها يا مصطفى ( يعنى مش بط بس , دا هايكون بط وفراخ و......الخ) وطبعا ياجماعه دا مش خساره فينا دا احنا تعبانين وعندنا امتحانات ومذاكره طوووووووووووووول الليل والمشوار كمان طوييييييييييييييييييل .

لو ممكن ياجماعه نلم من بعض كل واحد نص جنيه علشان نجيبله شويه حبهان وبرتقان وبالمره شوية موز علشان يرممواعضمه( اهو ندخل بأى حاجه ف ايدينا وخلاص بدل مايكون شكلنا وحش)


ملحوظه : نسيت اقوللك يا عامر اوعى تعمل اى حاجه بايدك احنا لسه طعم الارز اللى كلنا عند احمد شعبان ( اللى بوظته لعمرو ياعينى ) ( يارااجل حرام عيك حد يحط نص كيلو بهرات وعملته عصيده )

سيبكم من التهريج ده , بجد ياجماعه عامر تعبان جدا .
الى عااااااااااامر
افتقدناك اليوم وسنفتقدك كل يوم حتى تعود الينا ان شاء الله
منتدى القسم .