دروس من كابتن المنتخب

مره تانيه "احمد حسن " نجم منتخبنا يضرب المثل في كيفيه الاعتراض علي الحكام ،
بعد انتهاء مباراه الاهلي و انبي ، ينزل مسرعا الكابتن المخضرم الي ارض الملعب علشان عايز ياخد حقه بدراعه ........
" لا فعلا كابتن "
وبالتالي احمد حسن يضرب المثل لناشئ كوره القدم في كيفيه الاعتراض علي الحكام وبكده يكون دا الدرس التاني اللي بيعلمه احمد حسن للناشئين ، بعد الدرس الاول اللي اتعلمناه منه في مباراه الاهلي والزمالك في كيفيه تكسير وتدمير اللاعب المنافس
وكده ينتهي الدرس التاني وانتظروا المزيد.....

الكلام دا انا كاتبه لاي حد دافع عن الكابتن احمد حسن ،اللي ظلم اللاعب الصاعد
"محمد حازم"

بعد كده ، هو الحاج "جوزيه" محدش عارف يوقفه عند حده ، بعد ما حط جذمته في وجه الجماهير المصريه كلها ، وبعد ما سب لاعبي غزل المحله ، النهارده كان عايز يضرب الحكم ، طب بالله عليكم اللي عمله جوزيه ده لو كان عمله في البرتغال مش كان روح؟؟؟؟؟!!!!!

جماهير الاهلي ايضا تضرب المثل في الاخلاق ، بعد المباراه ، بعد فاصل من السب والشتيمه تعرض لاعب نادي انبي" مصطفي جعفر" للضرب في غرفه الملابس ، لا فعلا جماهير محترمه ........

معلش دي حاجات بتحصل من النادي الاحمر ومينفعش نسكت علي الحاجات دي .......

زائر

بلاش تبصلها من عين زملكاوى نفسه يفرح فى الاهلى على فكره انت لو مكانه كنت عملت اكتر من كده ولو انت قعد واتفرجت على الماتش كويس هتعرف ان عنده حق ينزل يخنقه اصلا لان ده حكم مش فاهم اى حاجه غير انه جاى هدفه انه يبوظلنا الماتش وواضح تحمله على الاهلى للجميع اى حد كان قاعد يتفرج على الماتش انهارده معندوش اى خبره فى الكوره ولا يعرف عنها حاجه هيحس برضه ان فى حاجه غلط فى الحكم ده احنا الحمدلله تملكنا زمام الامورولو كان فيه حكم عادل كان زمنا دلوقتى فايزين مش اقل من اربعه اتنين بس يكفينا ان كل الناس عارفت ده وعلى فكره لاعيبة الاهلى لاعب لاعب فى منتهى الاحترام ومحدش يقدر يشكك فى ده

علي فكره انا لو كنت عايز افرح او اشمت في الاهلي ، كنت اتكلمت عن التعادل اللي يعتبر خساره ، انما انا بتكلم من الناحيه الاخلاقيه ، دا بالنسبه لاحمد حسن " الكابتن " ، طب نعمل ايه في جوزيه ؟؟؟ ولا الجماهير ؟؟؟؟

وبعدين هو الحكم لو كان عايز يخسر الاهلي او يبوظ الماتش ، كان حسب ضربه جزاء مشكوك في صحتها ، وحسب سبع انذارات علي لاعبي انبي وخمسه بس للاهلي .....

زائر

لو هو مش متحمل علينا كان المفروض اللى ياخد الطرد ده حد من انبى مش سيد معوض انا شايفه انه فاول طبيعى جدا ميستدعاش طرده وبعدين جوزيه شاف تحمل الحكم علينا ومعروف عنه بهدوء الاعصاب وكمان اسامه حسنى اللى عمره ماعترض ولا ابوتريكه اللى كان الكوره تضيع منه برده يكون مبتسم انهارده انا مشفتش ابتسامته خالص تخيل كل ده حصل منهم يبقى ايه اللى يوصلم للى عملوه انت مش هتحس احساسهم اكيد لانه ميفرقش معاك او يمكن كمان واخد بالك من ده بس انتماءك للزمالك او كونك زملكاوى بيخليك تكابر اما بالنسبه للجمهور انا شايفه انه ادى اللى عليه ادى مثال للجماهير الواعيه المنتميه لناديها وقف جنب الاعيبه ومصدرش اى غلط منهم على فكره وبعدين لو تلاحظ ان الحكم كان يدى الانذار لللاعب انبى ويجى نفسى الاعب المفروض انه ياخد برضه انذار ويبقى طرد بقى يروح متجاهل ده فن تعامل بتاع حكام بس برده كان مكشوف جدا وغبى وحسبنا الله ونعم الوكيل فيه

"انا شايفه انه ادى اللى عليه ادى مثال للجماهير الواعيه المنتميه لناديها وقف جنب الاعيبه ومصدرش اى غلط منهم "

معلش، انا كنت بقول لحضرتك انهم كانوا بيشتموا لاعبي انبي وضربوا مصطفي جعفر
هما كدا يبقوا مثال للجماهير الواعيه؟؟؟؟؟؟؟؟؟؟
فعلا بعد كل السب والشتائم اللي كل الناس كانت سمعاها يبقي مصدرش منهم غلط لا فعلا جماهير واعيه .....

زائر

انا مشفتش ده حتى التعليق اللى كان على المباره مذكرش ده هما بيعملوا ارسال خاص للزملكاويه ولا ايه وبعدين انا بقول على اللى شفته من وقوفهم جنب ناديهم بالرغم من اللعب مكنش اوى فى البدايه والنتيجه مش هى دى اللى كنا منتظرينها الا انهم ظلوا يشجعوا اللاعبين وبعدين كونك علقت على الجزئيه دى بس فى ردى تبقى متفق معايا فى الباقى

» تشكيلة المنتخب قبل الماتش بساعة
» من أهم دروس الحياه
» دروس في الاعراب
» ICDL- دروس اى تى
» دروس فجوال بيسك