اناعرفت بالموضوع لما قريت مرة خبر ان فيه واحدة طلبت من جوزها الطلاق أو الخلع ان لم يعاملها مثلما يعامل مهند " نور "
قلت عادي ... هيافات زي اللى طلق مراته بردو عشان لقيها لابسة اسود ، فسألها ليه ؟؟؟ قالتله هافضل
لابسة اسود لغاية لما تامر حسنى يطلع من السجن " وطبعا كان متهرب من اداء الخدمة العسكرية "
وعشان كده اتسجن .ههههههههه
هل عندنا فراغ عاطفي لهذه الدرجة ؟؟؟
هل نفتقد الرومانسية المزعومة بهذا الشكل ؟؟
هل صرنا مجوفي العقول بهذه الصورة ؟؟
هل أصبحنا سطحيين لدرجة الافتتان بمثل هذه النماذج ؟؟
يعني حسسوني ان حياتنا كلها كبت في كبت ودول بقه اللى جولنا متنفس يعني وهينقذونا ويعلموناا ازاى نحب ونعامل أزواجنا .
طيب فين قدوتنا ؟؟؟ طيب والله لو حد بيقرا السيرة النبوية كويس ويشوف سيدنا النبي صلى عليه وسلم كان بيعامل زوجاته ازاى؟؟؟
** " كان يكون في خدمة أهله حتى تؤذن الصلاة "
** " يسابق عائشة في الجري فتسبقه وهي صغيرة وكان جسمها لم يزل ضعيفا" فلما كبرت سابقها مرة أخرى وكانت قد أصبحت ذات جسم أثقل فسبقها صلى الله عليه وسلم " فتبسم وهو يقول يا عائشة هذه بتلك " يعني واحدة بواحدة هههههههههه
** يناديها يا عائش ،، يعني يدللها صلى الله عليه وسلم .
الإمام احمد بن حنبل " إمام أهل السنة والجماعه " رحمه الله تعالى ورضي عنه بيتكلم عن زوجته " أم صالح "
بيقول " والله لقد تزوجت أم صالح فعشت معها 30 سنة والله لم نختلف أنا وهي في كلمة واحدة " يا نهار ابيض !!!!
تخيلوا 30 سنة !!! لم يختلفوا في كلمة واحدة ... ايه ده ؟؟؟ وتقولولى نور ومهند ؟؟
بجد .. محتاجين شويه نرجع لديننا ونفكر وهنلاقي أكثر من نموذج يحتذى في المعاملة الزوجية الحسنة ، وربنا سبحانه وتعالى تكلم عن المعاملة الزوجية في القرآن بأرق وأنعم الكلمات واختار لها أكثر الالفاظ رقة وأدباً ووقاراً عز وجل من قائل .
اصل انا الصراحه مش معجبه بمهند ده خالص ماله حمزاوى ههههههههه
المزاج
