منتخب البرازيل هيلبس احمر!!!!!!!!!!!

مش عارف اقول ايه بس بجد انا سعيد جدا وفخور بالاداء المشرف بتاع المنتخب انهارده ، بصراحة حاجة غير متوقعة انك تلعب الاداء القوى دا والمميز جدا امام ملوك الكرة ، امام منتخب السيليساو (البرازيل) ، قبل المباراة الناس قاعدة تتوقع الحضرى هيشيل كام اللى يقولك هيشيل خمسة كاكا 2 وربينيو2 وعمرو غبى 1
، واللى يقول ان المنتخب هيشيل 8\1 وابوتريكة اللى هيجيب الجون ، على فكرة انا كنت من الناس دى بصراحة العقل والمنطق بيقولوا اننا نتغلب من البرازيل على الاقل خمسة صفر ، اكيد طبعا بعد الفضيحة بتاع الجزائر .

ولكن وقت الشدة يظهر المعدن الحقيقى للرجال العظماء ، فابدع الفنان ابوتريكة وروق دانى الفيش شمال ويمين ، وتلالا الكوكب زيدان واحرز فى خوليو سيزار هدفين ولا احلى ولا اروع ( يظهر ان الخطوبة بتاع مى عز الدين لها مغعول السحر على زيدان) ، بصراحة المنتخب كله كانوا رجالة ، بس احنا اهم حاجة عندنا هو الصعود لكاس العالم نغلب رواندا رايح جاى وزامبيا والجزائر نصعد مباشرة.

مبروك لكل مصرى لكل عربى لكل مسلم لكل افريقى على الاداء الرائع والهزيمة3\4 فى الدقيقة 90 بشق الانفس والحظ والتحكيم ( الله يخرب بيت الحكم الانجليزى)، واعوا معاى نقطع ايطاليا وامريكا ........... يا رب

عارف يا خالد احلي حاجه في الماتش ده ايـــــه ؟
ان محمد زيدان ياخد كاس احسن لاعب في المباراه في وجود نخبه من احسن لاعبي العالم مثل كاكا وداني الفيس و روبينيو ....

منتخب البرازيل هيلبس احمر!!!!!!!!!!! 16831810

وبجد منتخبنا شرفنا في تلك المباراه علي الرغم من انه اهدر فوز تاريخي علي البرازيل ، وايضا كان يعيب منتخبنا عمق دفاعه المتمثل في احمد سعيد اوكا ووائل جمعه وهاني سعيد ، فعلي حسن شحاته ان يتدارج الاخطاء الساذجه التي يقوم بها المدافعين .....
وان شاء في مباراه ايطاليا سيفوز منتخبنا بشرط ان يلعب بنفس الروح ، وعلي حسن شحاته ان يستغل سوء مستوي المنتخب الايطالي في هذه الفتره

يا جماعه انا كنت فاكر فعلا ان البرازيل هى الاحمر مش احنا , دا احنا عملنا مباراه تاريخيه راااااااائعه, ابوتريكه وزيدان وشوقى وسيد معوض كانوا ابطال , والفريق كله بصراحه كان حلو جدا , ياللا الدور على ايطاليا

والله الماتش عجبنى جدا وربنا يسهل ونفضل كده على طول

» شكلنا مش هنلعب مع البرازيل بسسب انفلونزا الخنازير
» كوريا الشمالية تخسر بشرف امام البرازيل