حكاية شاب فرفوووووووووور

صحيت الصبح قرفان قلت النهارده يوم قطران


لقيت جسمي تعبان واللحاف عليا تقلان


لقيت الدماغ خرمان قلت اشرب حجر دخان


قلت ياواد خد حمام ورزعت الدش التمام


طلعت ولبست الغيار وفضلت واقف محتار


"شيكو باستو ولا باستو دا كلام مش هزار"


دخلت اعمل فطار واديتها فول بالزيت الحار


كلت بيضه من غير صفار اصلها كانت بيضة حمار


لقيت حته سمكه شبار قلت ياد اديها زفار


كان خلاص صاحبنا شعبان ودماغه من الفول تقلان


معتش فاضله غير الهدوم ودخل ع الدولاب يعوم


ياتري يلبس قميص ولا تيشيرت عشان يطقم مع الشورت؟


خلاص هيلبس الجزمه مع انها ملهاش لازمه


وقف قدام المرايا يسرح ونص لبسه لسه مشلح


الحلو ماشي بيطوح وفاكر نفسه بيتمرجح


نسي يقفل باب البيت فاكر نفسه عايش في غيط


وقف يستني الميكروباص والبنت مستنيه والواد محتاس


ياله مفيش غير التاكسي قولت ياعم الحق نفسي


اتاري السواق كان مسطول اصل البعيد فاطر فوول


خلاص الواد دخل الجامعه لقاها بتبرم نزل دمعه


اليوم كان باين من اوله مسح واحد صاحبه بهدله


بسبب سيجاره ملهاش لازمه كان البعيد عامل عليها أزمه


مسكني عبده مجانص ال يعني اليوم كان ناقص


اداني الي فيه النصيب قولتله ياكابتن عيب


دانا كان قصدي شريف منا من يومي عفيف


عملتني بولوبيف شكرا ياعم الظريف


مشيت مطاطي راسي اه ياني منا بظ احساسي


شفت عيال صحابي كانوا عاملين فيها احبابي


اشتغلوني احلي اشتغاله وقلولي امشي يا ابو رياله


شديت نفسي وخلعت بعد مكنت خلاص زهقت


قولت ياوالد هو العلم هو الي يخليني اعمل فيلم


دخل علينا الدكتور وعدل بأيده الطرطور


قالي متتعدل ياطور هو انت ياواد فرفور


قلتله "نعم؟؟؟؟" دانا من الطويله وفاطر اجدع بليله


قالي دانت ليلتك ليله وسنة اهلك طويله


منتاش شايف نجاح حتي لو وسطتك "مشكاح"