ashek el horrya
مشرف
 عدد المساهمات : 1129
نقاط : 59978
تاريخ التسجيل : 15/12/2008
العمر : 35
بلدك : 
الابراج : 
 | موضوع: اهداء الي ولي عهد دوله موزمبيق ههه موزمبييييييييييييييق  الأربعاء يونيو 24, 2009 12:03 am | |
|
العشة
هذه القصيدة بعنوان ( العشة ) وهى مهداه للسيد ولي العهد في دولة موزمبيق !! ؟؟
كلمات : الشاعر / نبيل أبو السعود
خلاص الزمان قرَّب يقْلب
والشمس تطلع م المغرب
و الكوره خرجت م الملعب
والماتش شغال وبنلعب
وحكمنا واخِد تعسيله
كِـتر الكلام فى المقصوره
والديك على البيضة بيُرقد
والفرخه هى اللي بتدَّن
رايحة وجايه فى العشه
تؤْمر وتِنْهي وتتْمنظر
والبيضة فقست شيخ منصر
بتحبه خالص موت !!
إتعلم التنطيط
وهـيمسك النبوت
ويعمله مقَشه
وكمان لها كتكوت
خَد مِ الغلابة القوت
يبلع كأنه الحوت
ومعكَّر المسقه
غاوى البَدارة الغِـيد
وِكل ليلةَ عيد
ومدَوِب الفَـرْشه
يارب زِدْهُم زِيد
فى العَـك والتخبيط
خُدهم يارب بعيد
ونضف العشه !!
| |
|
????
زائر
| | موضوع: رد: اهداء الي ولي عهد دوله موزمبيق ههه موزمبييييييييييييييق الأربعاء يونيو 24, 2009 12:55 pm | |
| قصيدة جميلة جدا بالتشبيهات اللى فيها و اسلوبها ....بس لو العشه نضفت و خلصت م الديك و الفرخه و الكتاكيت ...اكيد برضه حيطلع فى العشه ديك تانى و فرخه يجيبولنا كتاكيت عشان الحكم واخد تعسيله....يعنى لازم الحكم يصحى و الا مفييييييش فااااايده..
جزاك الله خيرا على القصيدة الجميلة دى |
|
????
زائر
| | موضوع: رد: اهداء الي ولي عهد دوله موزمبيق ههه موزمبييييييييييييييق الأربعاء يونيو 24, 2009 3:37 pm | |
| كلالالالالالالالالالالالام جميل جدااا وانا راّي من راي امولة هيجي غير الديك دة والفرخة والكتاكيت غيرهم وربنا يستر علينا
وموضوعك رااااااااائع
من تقدم الي تقدم |
|
