افعاااااااااااااااااااال الطناش التسعتاشر؟؟؟؟؟؟؟؟!!!!!!!!!!

زائر

أفعال الطناش التسعة عشر
-------------------------

عاوز تطنش و تقضيها و تبقي واد مخلص شوف شويت النصايح دي و عن تجارب في بشر عملو بيها مقضيين حياتهم تمام قوي و كلو اخر هنا عشان طنشوا و عاشوا الحياه طول و عرض

الطناش الاول
-------------

طنش للبنات اكييد البنات دول حاجه جامده موت بس في كلام تاني اجدع منهم عندك مثلا دينك و درستك و مستقبلك. لكن لو سعتك خلاص افشه في دماغك حوار البانات روح اتجوز اجدع. و اهم حاجه لو اتجوزت نفض لحماتك نوهائي

الطناش التاني
----------------

طنش و احلق لنفسك اساسا و متوجعش نفوخك بحوار التلوث و الجراد والكلام ده هتلاقي نفسك ماشي اخر تمام

الطناش التالت
----------------

طنش كل الناس اللي مش طالباهم يعني اللي مقضيها حسد و اللى عاوزك مصلحة عشان عربيتاك والعالم دى عشان مش هيفرئو معاك في حاجه انت واد جامد

الطناش الرابع ده موهم قوي ركز فيه--------------------------------------

طنش حوارات المظاهرات و الكلام ده في الجامعه يعني هتغير الكون كده قضيها يا معلم اجدع الطناش الخامس---------------

طنش مديرك و شغلك و مشيها بنظام محدش بيموت من الجوع يعني اشتغل اه بس كده بنظام بدل الاعده في البيت او علي القهوة

الطناش السادس ------------------

-طنش لبسك يعني البس اي حاجه انت حر بس متهبلش في اللبس برضه شكلك موهم يا عم

الطناش السابع
----------------

طنش اي حاجه هتنكد عليك عيشتك يعني زي واحد صحبك عمال يعمل حركات كده اي كلام او حوارات عندك في بيتكو طنش الكلام ده عشان تعيش فريش

الطناش التامن
---------------

لو اهلك اعدو يكلموك في اي حوار مش عاجبك متعملش فيها عنتر و تجادل عشان مش هتستفاد حاجة غير انهم هيقفشو اكتر طنش و في اخر الكلام قول حاضر كلمت حاضر بتريح

الطناش التاسع ده بقي اهم حاجه
-------------------------------

طنش حوار الفلوس عشان ده حوار فاشل هتعد تفكر فيه هتتعب و متبصش علي غيرك ياعم ارضي باللي ربنا ادهوللك متوجعش دماغك بفولان جاب ايه و علان اشتري عربية ايه عادي قضيها كولو في النهاية بيتساوه. والحوار ده بزات للبنات تعد بقي تقول اصل فيفي جابت كذا و تيتي عملت كذا طنشى و عيشى عادى

الطناش العاشر
----------------

طنش لحوار المخدرات و اللي يقولك جبت بوب او صاروخ جامد قوي و الهطل ده يا عم صحتك و حرام فطنش للكلام ده كولو احسنلك

الطناش الحداشر ----------------

طنش للجرايد و الأخبار كلها كلام يوجع الدماغ و بوش ناوي يضرب ميين و بن لادن ظهر فيين كلها حوارات توجع نفوخك شوفلك فيلم اجدع تتفرج عليه

الطناش الاتناشر ---------------0

طنش الكليبات اللي تجيبلك شلل مش عارف مين عملت كلب مع حصان و مين مع كلب و ده طالع ياخد دش و دي عملي سمكري نفض للمناظر دي يا عم بلا حرقة دم.

الطناش التلاتاشر
-----------------

طنش شرب السجاير يعني فاكر نفسك شمشون و انت بتشربها من ورا اهللك طب استرجل و قول لي اهلك بص ياعم روح العبلك لعبة افيدللك

الطناش الاربعتاشر ------------------

طنش للسياسة يعني انت فاكر انك صلاح الدين الايوبي و خلاص هتحرر القدس اشتري دماغك يا معلم و عيش الحياة

الطناش الخماستاشر
-------------------

طنش حوار انك تمشى تعاكس دي و تنقح علي دي يعني لو اختك ماشيا ترضي يجرلها كده ياعم خليك راجل الرجوله ادب مش اي كلام.

الطناش الستاشر -----------------

طنش كلام الناس عليك عشان من الاخر محدش بيعجبو اي حاجه و لو حبيت تريح الناس مش هتعرف تعيش حياتك يا بوب و ما توجعش دماغك

الطناش السبعتاشر ---------------------

طنش دكاترة الجامعة و ما تعملش معاهم حوارات مالهاش لزمه عشان البشر دي لو افشو عليك خلاص يا زعيم كل سنه و انت طيب هتعد طول عمرك بتدرس و منتش متخرج من الجامعة فطنش لهم و شوف مستقبلك يا باشا.

الطناش التمنتاشر
------------------

طنش الموضة اللي مالهاش لزمه يعني قشطه امشي علي الموضة بس اللي تنسبك يعني مثلا متحطليش حلق في ودنك و تقولي موضة.! ده ازاي بقي انشاء الله و لا هو اي حاجة و السلام.

الطناش التسعتاشر
--------------------

طنش الطناش نفسه .....تسئلني ازاي اقولك معرفش بس طنش و السلام و كل حاجه هتبقي 100 100
------------------------------------------------------
شوف يا معلم لو عملت بالتسعتاشر نصيحة اللي فاتو اضمنلك هتقضى حياه اخر هنا و كلو هيعدي و هيبقي بونو و علي راي اللي قال
طنش وعيش....الحياة ما تسويش
منقوووووووووووووووووول

يعنى الواحد مش عارف يقول ايه على الموضوع اللطيف ده , بس ما شاء الله الواحد لو عمل الحاجات دى هايروح فى داهيه ومش هايعرف يعيش اصلا , يعنى الواحد يطنش للمعاكسه اوكى, يطنش للمخدرات والسجاير اشطه , بس الباقى بقى صعب اوى ,
بس بجد موضوع جميل جدا , شكرا جزيلا ليكى والى مزيد من التقدم

زائر

جـــــــــــامد جدا يا سولى ....موضوع معدى اخر حاجة ...هو اه فى شوية طناش تودى فى داهية ...بس برضه فى شوية جامدين و من الاخر .....مرسي يا جميل و مستنين اكتر و اكتر