ظابط برتبه عاهر

http://abdofares.blogspot.com/

زائر

اولا : مرسي على مجهودك الجميل دا

ثانيا : انا اساسا مش شايفة اى تجاوز فى الصورة خالص (دا من وجهة نظري) يعنى اللى كاتب الكلام دا هو متأكد من كلامه طب لو صح فين الدليل ...اللى انا شايفاه واحد ممكن اه يكون ظابط لابس لبس مدني ...واقف عادى يعنى بيراقف الموقف...يعنى اللى كاتب الموضوع مفيش اى برهان على صحة كلامه اصلا .....انا مبقولش ان كلامك غلط بس مش مقتنعة بيه و مش لاقية دليل عليه ...و بعدين مينفعش نوصف حد بالصفات الفظيعة دى من غير دليل

زائر

هو انا مش شايفه اي خلل في الصورة اساسا من النحية الاخلاقية
ومش عارفة ارد اقول اية ؟؟
وشكرا علي مجهودك........

اولا اللي كاتب الموضوع صاحبي وكان هناك في المظاهره ولو قربتوا الصوره علي ايده هتلاقوه عمل زي اجوجو تمام في ماتش بتروجيت

هو فعلا يا عاشق الصوره مش واضحه خالص , بس اصلا اول مانت قولت ظابط خلاص الموضوع منتهى , لان 90% من الظباط مش يعرفوا ربنا , اكيد مش ينفع نتهم الناس بالباطل بس مع الراجل ده (الظبوط الجميل ده) اللى شكله بلطجى اصلا , يمكن من اكتر الناس اللى الواحد شافهم فاسدين ومش عارفين ربنا هما الظباط , اكيد فيهم ناس كويسه بس قليل جدا جدا جدا و ولا ايه رأيك يا عاشق

اولا عبد الرحمن اللي كتب الموضوع كان هناك والضابط عمل اكتر من انه لوح بصباعه وبعدين انت نسيت يا عمرو اللي حصل معايا انا وانت شخصيا

وهى دى حاجه تتنسى برده يا راجل , بس احنا اخدنا حقنا برده , علشان كده من خلال خبرتى بقول انهم ناس مش يعرفوا ربنا , وغالبا لانهم جهله مش فاهمين يا عينى , ولا انت ايه رأيك؟

انت عارف يا عمور اني حبيت الظبابيط اوي واصحابي فيهم ضباط وبعدين انا بطلع عنيهم معايا ولوهتقول انهم مش محترمين انا بختلف معاك في النسبه هي متعديش 95في الميه

زائر

معلش ياجماعة انا عايزة اوضح حاجة هو ممكن فعلا ياعامر الصورة تكون مش ظريفة لكن ليه انت مركز بس على السلبيات معاك ان فى ضباط كتير مش كويسين وبيتعاملوا مع الناس بأسلوب اقل مايقال عليه انه مش آدمى لكن بجد فى ضباط كتير برضه يعرفوا ربنا ويعرفوا الحلال من الحرام ليه مابتقولش عن الضباط اللى بيستشهدوا علشان يحموا الناس مع انه عارف انه لو مات اخره ان يترفع رتبة وخلاص ,مثلا الظابط اللى اتقتل وهو بيحاول ينقذ بنت من ادين شباب ميعرفوش ربنا والتانى اللى كان فى معبر رفح ورموا عليه قنابل واتحرق ,وغيرهم وغيرهم على فكرة الناس دى برضه ليهم اهل وبيموتوا من الحزن عليهم واذا كانت طبيعة تعامل الضباط جافة فده من طبيعة شغلهم اللى بجد فيها ضغط عصبى محدش يتخيله وانهم فعلا تقريبا مش بيستريحوا

زائر

يسلم كلامك ...بجد كلامك فى الصميم و صح جدا

اولا شكرا يا جهاد علي الرد المحترم ده 0احب اعرفكم اننا والله مبكره الظباط ولا الشرطه ولا الامن ولكن لازم يكون فيه تفريق بين افعالهم وبينهم كبشر اولا انا عن نفسي اكتر التعامل مع ضباط امن الدوله والمفتشين يعني اكيد انتم مش عارفين هما بيتعاملوا معانا ازاي يمكن مفيش حد فيكم كان نايم في امان الله ومره واحده وفي الفجر يدخلوا عليه يبهدلوه محدش فيكم اتمنع من انه يشتغل عشان مخبر امن الدوله قال انه ليه نشاط سياسي محدش فيكم بتتراقب كل حركاته وانفاسه وراح فين وجه منين وده بيحصل مع كل واحد بيمارس العمل السياسي في البلد عمر حد فيكم وقفه ظابط مش متربي وقاله امك وابوك .ناس دكاتره واساتذه وعلماء يتعاملوا معامله المجرمين واخرهم الدكتور عبد المنعم ابو الفتوح امين عام الاطباء العرب يعني حاجه كبيره يقبضوا عليه ويبهدلوه عشان اخوان علي فكره دي قله ادب منهم .كل كلامك صح وفيه فعلا كتير من الضباط المحترمين واللي عندهم ادب ومتربيين بجد لكن انتي قلتي كام حاله معدوده ومقلتيشس عن الكم المهول من اللي قتلوهم الظباط عشان هما ظباط وبس ده حتي فيه حالت عندنا في الفيوم .فيه حاجه مهمه لما يكون اكتر من 60في الميه من ميزانيه وزاره الداخليه بتروح لشراء ادوات التعذيب يبقي فيه حاجه غلط .احد اصحابي وهو ملازم اول دلوقتي قاللي بالحرف انا لمل بروح الكليه بسيب كرامتي ع الباب يعني اللي بيعلموه في الكليه بيشتموه ويسبوه باوسخ الالفاظ يبقي في الاخر لازم يكون عنده حاجه غلط .مراسل الدستور في الفيوم وهو من اعز اصحابي وتم اعتقاله 7مرات سأل مدير الامن عن الوضع الحاصل قام قاله انا بحمي النظام يعني لو ابليس حكم البلد بكره هحميه ولو الاخوان حكموا هحميهم المسأله هي حمايه نظام حكم مش بلد وهي دي المشكله فيه في المنتدي حلقتين اسمهم وراء الشمس ياريت تشوفوهم تعرفواعن اللي بيحصل في السجون وتقارنوا الحلو بالوحش علي فكره انا عندي كلام كتير ممكن يتقال لكن مش مهم دلوقتي واتمني ان كلامي ميكونش زعل اي حد ولو حد زعلان انا اسف والله مقصدت

مبدئيا مين اللي قالك على النسبه بتاعت ال60% دى ولما الوزارة بتصرف النسبه دى الظباط تاخد المرتبات منين بغض النظر على باقى الحاجات الخاصة بمصاريف الوزارة ده اولا . ثانيا ازاى واحد يسيب كرامته قولنا ازاى الكرامه بالعقل حاجه ممكن تتساب وبعدين الكليه على حد علمى بتربى الطلبه على عزة النفس فازاى ناس ماعندهمش كرامة يبقوا متغطرسين لان المتغطرس بيشوف انه احسن من كل الناس وبعدين بالعقل مين اللى هايرضا يتشتم من واحد زيه- على اعتبار ان اللى قلته صح- ياجماعة الطالب ده ظابط صغير بس لسه بيتعلم.وبعدين كلية الشرطة دى عالم مجهول ماتصدقش كل واحد يكلمك عنه الا لو كنت متاكد انه متزن نفسيا.اما بشان حوااااااااااااااار مديرالامن ده نفسنا نشوف نص المقال اللى جه فى الجرنال وبعدين يا راجل هو ابليس عايز حماية Laughing

.في حوار تاني بقى في القانون اسمه العقوبة المقيده للحرية اللى هو بعون الله السجن ,اللي فيه منه مؤبد ومشدد , والسجن ده ليه قوانين تانيه لو عايز تعرفها شوف قانون العقوبات اللى فيه جزء اسمه العقوبات البدنيه بس ماتفهمش العقوبات البدنيه غلط.انا مش بدافع للاخر بس لازم تفهم ان مش كل الناس وحشه واكيد الظباط متربيين ويعرفوا ربنا Evil or Very Mad

اولا يا عم devilانا خايف من طريقه كلامك وحاسس انك ضابط ومش عاجبك الكلام وربنا يجعل كلامنا خفيف اما بخصوص كلامي فأنا متأكد منه ولو عايز اكبر منه اقولك صلي ع النبي انا كنت واقف مع واحد من اياهم انا كنت في الجامعه وزاحد منهم جري ورايا انا بقي مخفتش ورحت جاري كمان.وهوكان راكب موتوسيكل ووراه واحد بلطجي وقاللي خد ياض يابن ال....... انا هطلع .......المهم الجري بينفع وعشان انا رياضي فجريت حمامه وبعدين اتقفشت بس بعد مكنت دخلت الجامعه المهم انا بقيت مسئول من الحرس الجامعي وهو ممعهوش قرار اعتقال ووقفنا وقعد يكدب ويقوللي انت تفيت علي وشي ليه وفين كرنيهك وبعد ده كله قاللي انا مش عايز ازعلك عشان خاطر فلان وعلان والكلام الفاضي ده وقاللي انا هضيع مستقبلك انا بقي قلتله ان الامر ده بيد الله المفاجأه انه قاللي لأ في الدنيا المستقبل في ايدي انا 0ايه رأيك في ده .بيتحدي ربنا عيني عينك .فعلا انا عارف انه فيه كتير محترم لكن الغالبيه زي الزفت .علي فكره المعلومات اللي انا قلتها من مجلس الشعب وده اتزاع في 90دقيقه والعاشره مساء ودي كانت جلسه لمناقشه الموازنه العامه وطبعا موافقه .في حاجه مهمه قانون ايه اللي بتتكلم عنه لو فيه قانون كان حاكم عز والشاذلي ويوسف والي .يا راجل قول كلام يتصدق والا القانون علينا وبس وقبل ما انسي عندي ليك هديتين اولا كتاب لصوص في مدينه الذئاب للعميد المقال محمود قطري وكمان كتاب عشان متنضربش علي قفاك واللع عشانهم اقالوهم الاتنين وواحد منهم عايش في الخارج الان ولو عايز النشرات اللي صادره عن المنظمات الحقوقيه عنيا ليك وهتشوف حجم التعذيب وعدم احترام القانون ولسه فيه كلام كتير .................

زائر

مبدئيا شكرا على تعقيبك يا عامر على فكرة انا كل اللى اقصده ان احنا نركز على الايجابيات شويه بدل ما كل تركيزنا على السلبيات وبس, وعلى فكرة الحالات اللى انا ذكرتها مش محدودة ولا حاجة, بس احنا بناخد بالنا بس من الحاجات السيئة وبجد الشهداء دول من حقهم علينا ان احنا حتى على الاقل نقدرهم ونحترمهم ونذكرهم بالخير ,اما بالنسبة لكلامك Mr.devil سورى يعنى مع احترامى لكلامك مفيش اى قوانين بتطبق ومتهيألى ان الضابط هو اللى بيحط قانونه بنفسه والقانون ده بيتوقف على اذا كان الضابط يعرف ربنا وعنده رحمه ولا لأ