هو مافيش حاجه حلوه فى البلد دى ؟؟؟؟؟...ادخلوا و قولوا رأيكم

زائر

أصدقائي
السلام والتحيه علي كل الاعضاء
لاحظت شئ غريب ومستفذ جدا حبيت اناقشه معاكم
في منتدانا الجميل مواضيع كتير جدا جميله واسلوبها اكتر من رائع
بس الحاجه الغريبه والمستفزه ان كلها نقد موجه للسلبيات الموجوده في مجتمعنا العربي وكأن في بلادنا ما فيش اي شئ حلو خالص
قريت مواضيع عن تجاوزات الشرطه ومواضيع نقد سياسي ومواضيع بتناقش سلبيات اخلاقيه وحاجات من ده كتير
السؤال هنا بقي
هو ما فيش اي حاجه حلوه خالص؟؟؟؟؟
في بلادنا ايجابيات كتير واجب علينا نركز عليها علشان نكبرها
ليه دايما بنشوف الجانب المظلم
اكيد في حاجات تستحق اننا نتكلم عنها
في مصر سلبيات كتير في عادات المصريين منها المتوارث ومنها الدخيل ما اقدرش انكر ده
بس يرضه في مصر اشياء جميله مش ممكن تلاقيها في اي حته في الدنيا
يعني مثلا
في مواقف الفرح والحزن شوف ازاي الناس بتتجمع وبتشاركك الموقف يفرحوا لفرحك او يحاولوا يخففوا حزنك
شوف ابتسامه الرضا علي الوجوه شوف المساجد اللي مليانه مصليين شوف جارك اللي بيزورك وقت شدتك ومرضك شوف صديقك اللي يقدر يعني ايه صداقه
شوف مشاعر الحب الموجوده بين الناس من غير هدف شوف قد ايه المصريين دمهم خفيف

اكيد فى مواقف كتير جدا ايجابيه بتمر عليا
واكيد برضه انت بتمر عليك ايجابيات كتير تستحق انك تقولها
يا اخواني في الكوب النصف ممتلئ يجب ان نري النصف المملؤ مثلما نري النصف الفارغ
.
.
.
ايه رأيكم نتكلم شوية عن الحاجات الحلوة اللى فى مصر و مجتمعنا و نهدى شوية موضوع السلبيات

ايه رأيكم كل عضو يدخل يتكلم عن موقف حس بيه قد ايه البلد لسه فيها خير ...موقف حسيت فيه بجدعنة ولاد البلد ....اى موقف حلو مر عليك تعالى واحكيه ....

لكم منى تحياتى

زائر

ياسلاااااااااااام ياموللى تسلم مواضيعك والله بس يلا ابدئى انتى واحنا وراكى

زائر

لأ معلش انا عايزة اعرف رأيكم انتوا ايه فى الاول ...و الله ما هقول قبلك يا جوجا ...و بعدين انا اللى سألت السؤال و عايزة اجابة

زائر

ماشى ياستى مش هازعلك هاقول انا حسيت ان البلد لسه بخير لما واحد زى هشام طلعت مصطفى بنفوذه وقوته وملياراته وصلاته المباشرة بالرئاسة ان ياخد حكم بالاعدام مش مهم بقى هو قتل مين او هى تستحق القتل او ما تستحقش المهم ان القضاء ما اتاثرش بكل ده واصدر حكم عادل حتى لو كانت الجنازة حارة والميت كلب

زائر

تصدقى فعلا الواحد فرح اوى ان لسه فى عدل مرسي يا شادو كتيييييير ...الحمد لله لقيت حاجة حلوة ف البلد عقبال الباقي بقى ...يلا مستنية مواقف حلوة مرت عليكم و حسيتوا فيها ان البلد لسه فيها خير ...اوعوا تبخلوا علينا و متقولوش .....دا احنا نفسنا ننسى السلبيات شوية

الموضوع جميل جدا جزاك الله خير اما بقي احسن حاجه في مصر هي مصر نفسها يعني الناس والطرق والحواري والبيوت والزحمه والفول والطعميه .انا حصلي موقف غريب .كنت ماشي في الشارع في الفيوم ولقيت منظر شدني جدا وهو كان راجل عنده حوالي 70سته وقاعد بيورنش جزم بصراحه انا زعلت وصممت اروحله وهو كان راضي جدا المهم قلتله ان الأيد اللي متتمدش للناس لازم تنباس ولو حتي بتمسح جزم وبست علي راسه ومشيت ساعتها حسيت ان البلد لسه فيها ناس طيبه وعفيفه النفس مش زي الحراميه اللي ناهبين البلد

زائر

اما انا ياموللي البلد دى رغم اللي حصلي فيها من ساعت لما جيت بس حاجة غريبة فيا مخلياني بحبها لدرجة اني حتي مش قرة اسافر براها تاني اما اية الحاجة دى انا لحد دلوقتي مش عرفاها يمكن انتوا ويمكن اهلي اللي نصهم هنا...... مش عارفة بس بحبها وخلاص !!!!
وشكرا ياموللي علي الموضوع الجامد دة

زائر

اقتباس :

من ساعت لما جيت بس حاجة غريبة فيا مخلياني بحبها لدرجة اني حتي مش قرة اسافر براها تاني اما اية الحاجة دى انا لحد دلوقتي مش عرفاها يمكن انتوا ويمكن اهلي اللي نصهم هنا...... مش عارفة بس بحبها وخلاص !!!!

اكيد طبعا احنا بس انتى اللى مش واخدة بالك...و بعدين تسافري تروحى فين و تسبينا بجد يا سولى احنا منقدرش نستغنى عنك و بعين البلد دى احسن من غيرها

زائر

اولا : مرسي يا شادو ...و عاشق الحرية ...و سالى ...بجد مرسي على ردودكم الجميلة اللى الحمد لله بينت ان مصر لسه فيها خير ...

ثانيا: من وجهة نظرى ان مصر لسه فيها خير لما تمشي فى رمضان اثناء صلاة الترراويح و الفجر و تلاقى المنظر دا
.
.

**اكيد لسه فى خير زى ما شادو قالت انك تحس ان فى عدل فى البلد و مساواه بين الناس الفقير زى الغنى....صاحب السلطة و النفوذ زى الموظف الغلبان.

**اكيد لسه فى خير فى مصر زى ما عاشق الحرية وصف حالة الرضي و الفرح فى عيون حد غلبان ..مش عشان انت ساعدته بالفلوس بس على الاقل قولتله كلمة حلوة و عاملته معاملة طيبة ...

**اكيد لسه فىى خير زى ما سالى قالت تحس ان دى بلد اهلك و صحابك اللى بتحبهم و متقدرش تستغنى عنهم

**اكيد لسه فى خير لما تلاقى مسؤل كبير بيساعد الصغير قبل الكبير ..اللى من غير واسطة ...اللى بيعمل خير و بيساعد الناس من خلال شغله و منصبه.

***اكيد لسه فى خير لما الجار يقف جنب جاره و يساعده و يوده ...لما الصديق يبقى صديق بجد ..

**اكيد لسه فى خير لما تلاقى موظف محتاج بس امانته و دينه يمنعه من الاختلاس او السرقة .

**اكيد لسه فى خير لما تلاقى حملات زى صناع الحياة و جمعيات زى جمعية رسالة كدا كلهم شباب و عايزين يعملوا حاجة للبلد و الناس الغلابة..بجد حاجة تفرح.

**و اكيد لسه فى حاجات تانية كتير ممكن الواحد يحسها بس ميعرفش يعبر عنها..

انا عارفة انى طولت عليكم و رغيت كتير بس قدركم و لازم تستحملونى...ولو عندكم مواقف تانية عايزين تقولوها ...يا ريت تكتبوا عنها ...و جزاكم الله خيرا

معلش انا عندى رأى تانى انا شايف ان كل الحاجات اللى انتو قولتوها دى حاجات معنوية بالبلدى مش بتأكل عيش يعنى الواحد مش هيعيش كويس ماديا بالاسباب اللى انتو قولتوها واعتقد ان البلد مفيهاش حاجة حلوة خالص

والحمد لله على كل شئ

زائر

بجدحاجات كلها احلى من بعض ومصر مليانه خير وحاجات كتير حلوه وعيب اللى احنا فيه عمر ماكانت مصر هى سببه العيب فى اللى حاكمين وقاعدين على العرش مأنتخين بس الكرسى مش دايم واحنا مش هنقعد تحت رحمتهم مستنين ودورنا جاى

موضوع فوق الرائع يا أمل ومفيش احلى لما تمشي فى رمضان اثناء صلاة التراويح و الفجر و تلاقى منظر زى كده

» جامد اخر واغرب حاجه
» انت ولا حاجه
» حاجه مستفزه
» والله العظيم حاجه تكسف
» ايه رأيكم في الكلام ده ؟؟!