ثانى جلسة من كرسي الاعتراف

زائر

تحية مليئة برائحة العنبر والعطور
ابعثها لجميع اعضاء هذا المنتدى
يسرنا اليوم في ثانى جلسة من كرسي الاعتراف ان نستضيف عضو جديد

لنتعرف على تلك الشخصية التى تبهرنا بقلمها اولاً
وبمشاركاتها الفعالة والمفيدة معنا

انه مشرف القسم الادبي
عاشق الحرية

و الذي يستحق عن جدارة لقب
شاعر المنتدى

******
قبل اى حاجة اتفضل بقي اقعد على الكرسي

ثانى جلسة من كرسي الاعتراف Lounge-chair-skin

ثانى جلسة من كرسي الاعتراف Lounge-chair-skin

و استعد بقي و اشرب العصير دا
ثانى جلسة من كرسي الاعتراف Juice-and-vodka

*****
اما بقي بالنسبة للاسئلة فهى كتيرة شوية معلش بقي

_ بما انكــ شاعر المنتدى فأي الشعراء تستمع و انت تقرأ اشعارهم وما السبب؟و ما هى قصيدتك المفضلة؟

_ ماهي مساحة الحرية التي تتمناها في حياتك ؟

_ شخصية مرت في حياتك.. وخلدت في الذاكرة؟

_صفة موجودة فيك تود التخلص منها ,,,و صفة تتمني أن تكون فيك؟

_لو ملكت العالم لمدة ساعة ماذا سوف تفعل ؟

_عندما تشعر بانك تحتاج للجلوس وحدك اين تذهب؟ وهل يرافقك قلمك بوحدتك ؟؟؟

_ سؤال تتمني احد يسالك اياه؟؟

_ اخر سؤال بقي ..ما هو شعورك وانت على الكرسي؟؟؟

******************************

يا رب تكون اسئلتى خفيفة

و يلا باقى الاعضاء يتفضلوا يكتبوا اسئلتهم

اولا الف شكر وربنا يبارك فيك وفي كل اعضاء المنتدي .علي فكره الكرسي ملوش حل.بما ان الشع هو حاله من العشق بالنسبه ليا فأنا اعيش معه في عالم اخر يعني تقدري تقولي منفصل عن العالم .وانا احب ان أقرألكل الشعراء لأن كل شاعر يكون لديه تجربته الشعريه ولاوجدانيه الخاصه بيه واهتمامات الشعراء تكون مختلفه وهذا يعطيني نوع من التنوع .فيه شاعر لما بأقراء ليه ببكي زي امل دنقل وشاعر بيضحكني وبيبكيني في نفس الوقت زي احمد فؤاد نجم وفيه شاعر اخر بيخلي اسيب الكتاب وافضل اصفق له زي فاروق جويده وشاعر بيخليني احس اني ابن بلد بصحيح زي جمال بخيت وامين الديب ومن بين كل دول بشوف نفسي في احم فؤاد وبعشقه وبعشق فيه جرائته .حريه نفسي معناها ان املك نفسي وهواها .يعني كله مباح ومتاح طالما انه لا يخالف الدين وطبعا نفسي تكون الحريه لينا زي رغيف العيش منعرفش نعيش من غيره .الشخصيه اللي علمت فيا بجد كتير يعني فيه قريب وصاحب وحبيب وجار .القريب كان عمي رحمه الله وهو اللي رباني وكان حاجه مختلفه يعني مثلا نتكلم ويقتنع بكلامي بس يقولي ملكش دعوه وخليك في حالك .والصاحب هو محمود فارس الذي فارق الحياه منذ سنتين وترك فيا وفي كل اصدقائه اثر كبير .الجاره كانت من عالم الملائكه .كانت مختلفه عن الناس جدا وربانيه بمعني الكلمه وربنا يرحمها .ام علي لانهم فلا حين فكانت بتوزع كل اللبن علي اليران اللي معندهمش مواشي في يوم الخميس .وأنا مبحبش اللبن بس لما كان ييجي لبن ام علي لازم اشرب .والحبيب علمني انه ليس كل ما يتمناه المرء يدركه 0اتمني ان تزول عصبيتي وانفعالي كما اتمني ان تزيد مساحه الحب في قلبي .لو ملكت العالم لمده ساعه سوف اقضي علي النزاعات وبعدها يعيش العالم في سلام وتبقي ساعه الخير .لما بكون محتاج اقعد مع نفسي فيه تلات اماكن اولا غرفتي وطبعا النور بيكون مطفي واقعد في سكون .2 الغيط ودي اكتر حاجه بعملها وطبعا بيكون معايا ورقه وقلم .3فوق السطح مع الحمام وبكون مشغل حاجه اسمعها .انا اتمنيت اي حد يسئل اي سؤال مكسوف يسئله .طبا انا في غايه الراحه وانا امتلك نواصي هذا الكرسي الفخم و...شكرا جدا علي العصير اصل الجو حر جداااااا

طبعا مشكور يا عاشق على صراحتك وكان عندى سؤال بسيط كده انت ايه اغلب نشاطاتك فى الاجازه؟؟؟؟؟؟؟؟؟؟؟؟

علي فكره انا حاسس ان انا اعرفك يا lost ويشرفني اننا نكون اصحاب .الاجازه اخر لذاذه يعني نوم وقرايه وخروج وتدريب في الدستور ومؤخرا كان فيه مشروع صغير بس أتأجل وكمان داخل في صفقه كتب يعني واحد كان عنده مكتبه وهيبيع الكتب وطبعا رخيصه وقيمتها الادبيه عاليه ااااااااااادعي اني اشتريها وليك عندي اغلي مجموعه منها بس لو سمحت ممكن تبقي تديهاليا عشان اقراها .والجزء المتبقي من الاجازه عيكون حفظ قران وهيبدا الاسبوع ده ويا رب يستمر بعد الاجازه عايزين نحفظ القران يا معلم .لو سمحت ممكن تدعيلي

يا عاشق ده الشرف ليا ان احنا نبقى اصحاب ويارب ياسيدى كل مشاريعك تتم وربنا يقويك ويقوينا على حفظ ما تيسر من القرآن او القرآن كله ومع انى مستمتع جدا بالحوار لكن معلش مضطر امشى ...........مع السلامه

ربنا يبارك فيك يا حبيبي ومع السلامه ومتنساش تدعيلي

زائر

ممكن تقولنا مين انت فى ثلاثة كلمات يعنى اوصف نفسك فى ثلاثة كلمات؟

هل هناك أختلاف كبير بين شخصيتك الحقيقية وشخصيتك بالمنتدى ..؟؟

ما هي احلى مرحله من مرااحل عمرك ,,؟

انا في تلت كلمات .انا هكتب تلات جمل وانتوا تختاروا .واحد بيحب مصر .او.واحد بيموت في مصر .او.واحد مجنون بمصر .نفس الشخصيه في المنتدي هي شخصيتي لبحقيقيه يعني نفس الاغاني والاصوات اللي في المنتدي هي اللي في الحقيقه.نفس العصبيه ونفس المواضيع المشغول بيها ونفس الدوبان في فكر الاخوان يعني جوه زي بره .ايه السؤال اللي نفسك تساليه ومحرجه

زائر

على فكرة دا اسمه كرسي الاعتراف يعنى احنا الاعضاء اللى نسأل و انت اللى تجاوب مش العكس ...بس على العموم انا معنديش اى سؤال محرجة اسئله و على فكرة انت مجاوبتش على سؤال ما هي احلى مرحله من مرااحل عمرك ,,؟

متأسف لاني اخليت بشروط البرنامج .احلي مرحله ايه .الطفوله ولا المراهفه ولا الشباب .كل مرحله حلوه في وقتها .بس احلي مرحله هي الحاليه .الواحد شايف نفسه داخل عل حياه جديده ومتطلبات ومسؤليات .من الاخر احلي حاجه وانت صغير انك تحي انك طفل .وانك وانت كبير تحس انك راجل

زائر

ازيكم كلكم يارب تكونوا بخير ,انا سؤالى ليك ايه هو المنتدى بالنسبه ليك وهل اضاف لشخصيتك اى جديد ؟

المنتدي فكره عجبتني ومشاركه مفيده وتواصل .طبعا اضاف نوعا من تعلم الصبر واكيد استفدت من المواضيع ومشاركه الزملاء

زائر

السلام عليكم يا شباب انا سعيد جدا انى اشتركت معاكم فى المنتدى مع انى بعيد كل البعد عن الانجليزى وفكرة كرسى الاعتراف دى فكر جميلة كدا واحىى بكل شدة صاحب هذة الفكرة بجد من الخر

كان عندى تعليق صغير على كلام الخص الموجود حاليا على كسر الاعتراف

بتحب مصر بتموت فى مصر مجنون بمصر الى مش كدة يبقى هو اكيد مش من مصر

ياريت مانبيش اى انتمائات لينا مثلا سلفى / وطنى/اخوان*

وربنا يفوقق ويكرمك قولوا امين

زائر

طبقا الى قائمة افضل اعضاء للمنتدى ..ياريت تطلق لقب لكل واحد فيهم؟؟

زائر

بسم الله الرحمن الرحيم
***************
اولا انا اسفة جدا جدا اني مكنتش معاكم من اول الجلسة
بس ملحوقة
اهلا بيك ياعاشق واحب اسئلك
*****************

*هل تمنيت يوما ايرجع الزمن بك الي الوراء؟

*لو اردت ان تلخص حياتك وتجاربك في كلمات ماذا سوف تكون هذة الكلمات؟

وشكرررررررررررررا

اولا مرحبا بيك معانا في المنتدي ونورتنا .الالقاب علي الترتيب 1 امل دينمو المنتدي .2عامر .3جهاد حامي حمي المنتدي .4مصطفي هو عقل المنتدي .وعمرو هو قلب المنتدي .هيام روح المنتدي .خالد ممكن يكون الساخر .رنا الغائب الحاضر .سالي الوكيل الحصري للضحك .وLOST هو فنان المنتدي

اهلا بيك يا سالي .لم اتمني ان يعود الزمان للوراء ابدا وده لاني استطيع ان استغل اللحظه اللي بعيشها واستمتع بيها لابعد حد.الخص حياتي في كلمات .اعتقد انه لسه بدري لان حياتي لم تبدأ بعد

عامر طبعا من افضل الشخصيات اللي الواحد قابلها في حياته ، و دي حاجه مش محتاجه اني اتكلم فيها ...
وانا مش عارف اسألك اقول ايه ، وان كان لازم ، فأنا مضطر اسألك سؤال : يا تري لو يوم مسكت رئيس الجمهوريه ، اولا هتعمل ايه للشعب ؟ والسؤال المهم يا تري هتعطي السلطات كلها للاخوان ؟ ولا ايه؟

شكرا يا درش .لو مسكت رئيس جمهوريه هيبقي عادي يعني زي اي رئيس في دوله محترمه خهخلص وامشي والحريات هتكون للكل .ومش هيكون فيه الحزب الواحد .وبالنسبه للاخوان هيكونو زي غيرهم يعني لو فيه واحد جدير بوظيفه ولو كان مش مسلم تبقي من حقه والبقاء للاحسن 0وبعدين امسك انا الاول وسيبك من الاخوان وانا ان شاء الله هعين القسم كله في الحكومه

زائر

انا عايزة اقول ملحوظة بس صغيرة يا جماعة لو سمحتوا...المفروض بكرا كانت تبقي حلقة جهاد ...بس بعد اذنكم هناجلها ليوم الاثنين ان شاء الله.....لذلك اظن ان حلقة عامر و الادمين كمان عشان لسه مخدش نصيبه من الاسئلة.... لسه مستمرة لو حد عايز يسألهم لسه قدامكم فرصه لبعد بكرا ان اشاء الله ....

» اول جلسات كرسي الاعتراف
» الحلقة السادسة من كرسي الاعتراف
» الجلسة الخامسة من كرسي الاعتراف
» الجلسة الثالثة من كرسي الاعتراف
» كرسي الاعتراف...مستنية رأيكم ؟؟؟!!!!!