جمال بخيت .مسحراتي

جمال بخيت يكتب: مصر التلاقي
مسحراتي يا مصراوية

ف مصر تسري روحي.. بروية

مسحراتي يامصراوية

يدق قلبي تسمعني هيه

أبويا مديّ البشر هدية

وجدي مديّ الحنان هوية

وفوق سطوحي للحب غية

يطير ويرجع يلاقيني طاير

وحبيبتي واقفة ف المشربية

مسحراتي طيب وراضي

نور الملايكة ملو الأراضي

ملايكة حاضرة

وطايـرة بيــــنا

صلوا معانا علي نبينا

يارب وانت علام غيوب

أنا نفسي أتوب

ونويت أصوم لك

صيام مُطهّر من الذنوب

...

مسحراتي مصر التلاقي

بين المسالم أو الفدائي

بين اللي صَبّح علي أكل عيشه

واللي عايشها دايما مسائي

الإنسانية أملي ورجائي

حلم الروائي..

أو الغنائي..

وعلوم محمد ابن النشائي..

...

الفرعونية أصلي اللي باقي

ورسالتي فيها.. خلود آبائي

غرقان ف زهدي..

أو اشتهائي..

عيوني دايما علي انتمائي

الإنسانية أملي ورجائي

حلم الروائي.. أو الغنائي

وعلوم محمد ابن النشائي

...

أوروبا تضحك لاسكندرية

أفريقيا تحضربنيل بهية

وسينا قالت يا أسيوية

سِحرالعروبة زَوّد بهائي

الإنسانية أملي ورجائي

حلم الروائي.. أو الغنائي

وعلوم محمد ابن النشائي

...

مصر التلاقي.. بتلاقي روحها

ساكنة اللي ييجي قاصد فتوحها

الدنيا تسهرعلي سطوحها

علشان تشاهد فجري وضيائي

الإنسانية أملي ورجائي

حلم الروائي.. أو الغنائي

وعلوم محمد ابن النشائي

...

رمضان ناداني

والقلب لبّي

تعالي واشرب

من المحبة

والبركة تملا جامع ودير

وكل ثانية واحنا بخير

...

بدايته رؤية ونهايته رؤية

يادنيا.. صحرا..

رمضاني.. ساقية..

تروينا جمعا بشر وطير

وكل ثانية واحنا بخير

زائر

بجد جميل جدا و رائع اوى ...شكرا اوى و جزاك الله خيرا

زائر

رمضان ناداني

والقلب لبّي

تعالي واشرب

من المحبة

والبركة تملا جامع ودير

وكل ثانية واحنا بخير

قصيده جميله جدا وكل سنه وكل ثانيه وكل المسلمين بخير, وجزاك الله كل خير

.

زائر

الله الله الله
بجد كلام جميل جدا جدا جدا
وكل رمضان وانتم بخير وكل المسلمين بصحة وسلامة
وربنا يجزاك كل خير

جزاكم الله خير علي الرد وكل عام وأنتم من الله اقرب وتقبل الله منكم الصيام والقيام

» كأنك العراق .امير الشعر احمد بخيت
» جاوب يا جمال
» فيس بوك جمال ابراهيم
» سر جمال شخصيتك فى (لا)- (لماذا) - (اذن)
» جمال عبد الناصر والذمالك