صاجات الكعك وصاجات الرقص

اعمل «ودن» من «طين» الوطن و«ودن» من «عجين» مستورد واسمع الليلة عيد ع الدنيا سعيد، وفى العيد لا تقف كثيراً فى «شمس» الحرية والجأ إلى «ظل» الطوارئ، وفى كل عام أعمل كعك بالملبن يسلمه لى الفران كعك بالعجوة بحجة التغيير ويظهر دور مصر بوضوح فى الأعياد والمواسم، فهى دولة تصدّر البرقيات وتستورد المكالمات، واليوم هو الوقفة فى دول اتحاد الهلال العربى وغداً فى دول الرفض، فنحن شعوب تفرقنا «صاجات الكعك» وتجمعنا «صاجات الرقص»..

وأين يذهب المواطن فى العيد بعد أن أغلقوا المدارس وفتحوا السجون؟! الأفضل يروح يعمل محضر إثبات حالة بأن الانفتاح بدأ بقتل وكيل وزارة الكهرباء عام ١٩٧٥ على يد بائع اختلف معه فى «الشواربى» وانتهى إلى قتل وكيل وزارة الإعلام عام ٢٠٠٩ على يد سائق اختلف معه فى «العجوزة»،

ومازالت مصر تعيش فى مرحلة «بين القصرين» تمهيداً لمرحلة «قصر الشوق» ففى الجزء الأول من «الفك المفترس» لم يظهر المخرج العبقرى من «الفك» إلا الذيل والزعنفة فكانت الرهبة والغموض والنجاح وفى الجزء الثانى أظهر المخرج الردىء الفك وهو يمشى فى شوارع نيويورك ويسأل الناس عن مشاكلهم ويجلس على الشاطئ مع المصطافين ويوزع عليهم شققاً فملّ الناس الفيلم وغادروا القاعة..

فلا يوجد أب يطلب من ابن أن يقول له يا «بابا» قبل ما يخلفه... وجاء فى كتاب ألف نيلة ونيلة:

(وبعد الميعاد حضر عم جاد وتأسف للسيدة اعتماد

- أنا آسف يا اعتماد اتأخرت شوية.

- كنت فين؟

- كنت بزور قرية فقرانة لا فيها حمامات سباحة ولا «هوت دوج» حتى الدوج اللى هناك جربان والناس بقت فرحانة بيا قوى لما مشيت من عندهم.

- وإيه اللى وداك هناك؟

- بتوع الدعاية منهم لله قالوا لى لازم تتصور اليومين دول جنب فلاح يتيم طويل نباتى عمره ما استحمى.

- وبعدين!

- اتلموا عليا الفلاحين وقالوا عمرنا ما ننسى جميلك يا للى ريحتنا من التعب لما أخدت أرضنا.

- وعرفت تخلص منهم إزاى؟

- همه كانوا طالبين طلمبات ميه فأنا اتصلت طلبت لهم المباحث وجم لابسين طلمبات ميه ومحدش عرفهم وقبضوا عليهم.

- زى اللى استخبوا فى الشجر أيام «زرقاء اليمامة».

- تمام.. بس دى بقى «بيضاء الحمامة

زائر

اقتباس :: اعمل «ودن» من «طين» الوطن و«ودن» من «عجين» مستورد واسمع الليلة عيد ع الدنيا سعيد، وفى العيد لا تقف كثيراً فى «شمس» الحرية والجأ إلى «ظل» الطوارئ، وفى كل عام أعمل كعك بالملبن يسلمه لى الفران كعك بالعجوة بحجة التغيير ويظهر دور مصر بوضوح فى الأعياد والمواسم، فهى دولة تصدّر البرقيات وتستورد المكالمات، واليوم هو الوقفة فى دول اتحاد الهلال العربى وغداً فى دول الرفض، فنحن شعوب تفرقنا «صاجات الكعك» وتجمعنا «صاجات الرقص»..

الموضوع كله على بعضه جميل اوى ...بس بجد اكتر جزء يستحق الكلام عليه هو الجزء دا...لان فعلا بيعبر عن الحال اليومين دول ....و بجد كل الموضوع جاااامد اوى ...يا رب ان شاء الله يكون الحال السنة الجاية احسن و افضل يا رب ....و كل سنة و كلنا طيبين ...و طبعا شكرا جدا على مجهودك و جزاك الله خيرا