اصعب احساس في الدنيا

انك تفارق حد عزيز عليك هو ده اصعب احساس في الدنيا .انا حبيت اني اوصفه لكن ملقتش كلام .زي ميكون الكلام بيهرب من علي لساني ومش قادر اني حتي اكتب كلمتين علي بعض .الفراق زي اللقا يعني احنا اصلا بنعرف الناس ونحبهم ونرتبط بيهم وبعدين نسيبهم ويا عالم ساعتها هنشوفهم تاني ولا لا 0الفراق عندي حاجه مقرفه بشكل جامد جدا ويمكن ده لاني يمك اكتر واحد جربه في الدنيا واكتر واحد ممكن دموعه تنزل وهو بيودع حد بيحبه وده لاني بارتبط بالناس لدرجه متتوصفش .من اول موعيت علي الدنيا وانا لازم افارق ناس بحبهم .ابويا هو المثل الاكبر بعني يوم مييجي اجازه بيكون اجمل يوم في الدنيا ويوم ميمشي بيكون اصعب يوم في حياتي .افتكر وانا صغير اني كنت بخبي منه الشنطه عشلشان ميمشيش وهو بيقوللي اني اكتر واحد اثرت فيه وهو بيمشي ويسيبنا .والبيت بيكون ساعتها شبه الجنازه بالظبط ومفيش حد مبسوط خالص .كانت نتيجه الموضوع ده اني اتكون بيني وبين التليفون حاله من الحب وكل ميرن التليفون اقول ابويا بيتكلم :اجري علي التليفون ولازم اتكلم الاول قبل اي حد في البيت .الغربه مره بجد وده مش كلام امثال ،دايما بيبدأ الحاج الكلام معايا بالجمله دي وهو خبره 30سنه في السفر في دول الخليج .تفتكرو فلوس ايه تساوي الاحساس المقرف ده ،كام يعني ، مليون ولا اتنين ولا تلاته ولا حتي مليار .الاول كان ابويا لكن دلوقت ابويا واخويا،يمكن موضوع سفر ابويا بقي هوين وده بحكم دلوقتي بيقعد معانا اكتر من الاول لكن احساس الاخ ده جديد .بكره يوم مهم بالنسبه ليا اودع اخويا وهو مسافر واستقبل اخر سنه في الجامعه

زائر

الفراق من اصعب الحالات و المراحل اللى بيمر بيها الانسان و صعب جدا انها تتوصف بكلام..هو احساس قاسي اوى على اى حد...احساس مؤلم للنفس و بيترك فيها اثر صعب انه يتداوى او يتنسي .... هو بجد حاجه صعبه جدا سواء فراق صديق فراق قريب حتى فراق احساس او فراق شيء او مرحلة من حياتنا كله فراق واحساس الفراق بيفضل مصاحبنا طول عمرنا ولازم يمر بكل مراحل حياتنا ...و مرسي على الموضوع و على مجهودك و جزاك الله خيرا

زائر

أكيد طبعا اصعب حاجة ف الدنيا كلها انك تفارق حد قريب الى قلبك
ابوك ,اخوك ,صديق عمرك بصرف النظر عن مدى قربك منة
الفراق سعتها بيكون اصعب احساس ف الدنيا
زى ما بتقول
المهم شكرا جدا ليك على مجهودك الهايل دا
وجزاك الله كل خير

جزاكم الله خيرا علي الرد .بس بجد هي مبقتش تفرق يعني الواحد واخد علي كده

» ما هو اصعب احساس فى الحب بالنسبة لك....؟؟؟
» اصعب لحظه
» النفس و الدنيا
» سؤال صعب والاختيار اصعب
» اصعب (11) دقيقه فى حياتك