بنت الجامعه يابنت الجامعه

ودنك لحظة يا بنت الجامعة>>
بس يا ريتك صاحية وسامعة !!>>

هي نصيحة وقلبي عليكي>>
عايزك تبقي النور والشمعة>>

خارجة الصبح ولابسة الموضة>>
عاملة ف نفسك أكبر زينة>>

رايحة تمي هناك تعليمك ؟>>
ولا ها تقفي في الفاترينة>>

ليه بتزيدي النار الوالعة ؟>>
بس يا ريتك صاحية وسامعة !!>>

لابسة ملابس عيب أوصفها>>
عيب أتكلم كلمة عليها>>

حاجة بتكشف مش بتغطي>>
والطلاب زغللتي عينيها>>

والأصباغ على وشك فاقعة>>
بس يا ريتك صاحية وسامعة !!>>

عاملة زي بتوع السيما>>
هما المثل الأعلى بتوعك>>

والتيار لو يعصف بيكي>>
مش ها تفيد يا بنتي دموعك>>

ولا ها تطفي نارك دمعة>>
بس يا ريتك صاحية وسامعة !!>>

هو العلم ما لهش قداسة ؟>>
ولا الجامعة دي أرض ملاهي ؟>>

ولا تهتمي بحد يقولك>>
أي أوامر ولا نواهي>>

هايفة . . هايفة وكل أمورك مايعة>>
بس يا ريتك صاحية وسامعة !!>>

ولا كبرتي ورحتي الجامعة>>
يبقى ده فهمك للحرية ؟>>

تبني إزاي مستقبل بلدك>>
وإنتي هشة مش مبنية ؟>>

نازلة بتهوي بغاية السرعة>>
بس يا ريتك صاحية وسامعة !!>>

اللي بيشغل بالك موضة>>
طالعة جديدة بتجري وراها>>

ولا رواية تشد عواطفك>>
تقضي الليل سهرانة معاها>>

وبين دي وبين دي حياتك ضايعة>>
بس يا ريتك صاحية وسامعة !!>>

عايزك تبقي النور الهادي>>
اللي بينبع من إسلامنا>>

عايزك تبقي الشمعة القايدة>>
اللي تنور كل حياتنا>>

عايزك تبني الأسرة النافعة>>
بس يا ريتك صاحية وسامعة !!>>

عايزك تبقي الأم الواعية>>
اللي تحافظ على أولادها>>

تغرس فيهم كل فضيلة>>
وتقدمهم يحموا بلادها>>

غرسك وإنتي هاتجني الزرعة>>
بس يا ريتك صاحية وسامعة !!>>

عايزك يبقى جمالك جوة>>
نفسك . . روحك هما الأولى>>

أبيض وأحمر ولا باروكة>>
كل ده إيه هايفيد الدولة>>

روحك هي الشمس الساطعة>>
بس يا ريتك صاحية وسامعة !!>>

فوقي لنفسك عودي لدينك>>
هو الحصن اللي هايحميكي>>

خللي العلم يا بنتي عبادة>>
تلقي قوام ربنا يهديكي>>

علمك يبقى سلاح مش صنعة>>
بس يا ريتك صاحية وسامعة !!>>

هي نصيحة وقلبي عليكي>>
عايزك تبقي النور والشمعة>>

يا بنت الجامعة . . يا بنت الجامعة . . يا بنت الجامعة[center]

قصيدة جميلة اوى فعلا و ياريت بجد كل البنات يلتزمو بتعاليم ديننا الاسلامى

زائر

الله ع الكلام الجامد دا وبجد ياريت البنات تلتزم بتعاليم الدين الاسلامي
لان دا بجد هيذيد من احترام الناس ليها
وشكرررررررررا جدا ليك ع الكلام الجيل دا
وجزاك الله كل خير

ليه بتزيدي النار الوالعة ؟>>
بس يا ريتك صاحية وسامعة !!>>

لابسة ملابس عيب أوصفها>>
عيب أتكلم كلمة عليها>> ياسلااااااام عليك ياعامر روعة يابني واللة حلوة حلوة حلوة الله عليك ياحبيب والديك والله كلام حلو جدا جدا وفي الجووووول

[size=24]الله على جمال القصيدة.واختيار الكلمات.تسلم ايدك ياعامر[/size]

ربنا يكرمك يارب على القصيده الجميله دى وياريت البنات تاخد بيها ويكونوا فعلا زى الاسلام ماقال بالظبط وهى الكسبانه والله

» نتيجتنا من موقع الجامعه
» حجاب الجامعه .الموضه كده .ايه رأيكم
» كورس الجامعه الامريكيه لتعليم الانجليزيه