الي تلك المرأه التي لم اعرفها

ايه ده بقي .يعني حبكت الكتابه علي الصبح .هي كده وقت متيجي لازم اكتب .المهم اانا الان اقف علي سلالم نقابه الصحفيين وده بالنسبالي من اجمل الاماكن عندي .حواليا مجموعه من الشباب اللي فعلا بيحبوا مصر واهل مصر ومش بالكلام شباب من كل التيارات والاتجاهات بس طبعا عدا .... انتوا عارفين انفلونزا الخنازير والحاجات اللي بتحصل حوالينا اليومين دول ومحدش ضامن حاجه .بدأ المؤتمر وفيه بعض من اعلام الصحافه والفكر زي محمد عبد القدوس اتكلم وهو اللي كان بيدير اللجنه وهو كمان رئيس لجنه الحريات بالنقابه .ساعتها كان فيه اب ابنه ليه مدونه علي النت وبيكتب فيها رأيه لكن للاسف تم اعتقاله وافتكر ان اسمه كان احمد علاء وبعد الندوه قمنا للصلاه واستعدينا لللحظه الحاسمه وهي الوقفه الاحتجاجيه علي سلالم النقابه .جهز يا ...الهتافات والاشعار وكأن الواد يعني احمد فؤاد نجم المهم صلينا وقعدنا نكتب واحد يقوللي متنساش مين اللي معتقل من حزب ايه والتاني متنساش طلبه ايه والتالت يقول ابعد عن حبيب احنا مش قده وانتو عارفين مفيش حد هيسلم من لساني اتكتبت الكلمات وبدأ الشغل .محمد عبد القدزس يمسك ميكروفونه المشهور ويهتف ضد تقييد الحريات واحنا وراه بعلو الصوت .بدأ الشباب يهتف وبدأنا نهتف الميكروفون واشتدت حراره الهتاف واصبح اكثر سخونه والكل ردد بصوت واحد ...........................وانا كده مجبتش سيره ... صح ؟طبعا انتم عايزين تعرفو مين المرأه دي .في الحقيقه هي ست يمكن شفتها المره دي بس وانا واقف قدامها بصيت لقيتها بتديني علم مصر انا ساعتها ارتبكت زي ميكون بالظبط واقف مع حد مكسوف منه .المهم انا اخدت العلم ومحسيتش بنفسي زي متقولو جالي صرع وشفت كل اللي بيحصل في البلد قدامي .حسيت ساعتها بدفء محسيتوش قبل كده ،حسيت برعشه وعنيا دمعت وقلبي بكي بحرقه خلصنا الوقفه وطلبت مني الست تاني علمها وخدته فقررت من ساعتها الا امشي الا وفي جيبي علم مصر زي صوره الحبيبه بالظبط فين ما اروح لازم يكون العلم معايا ويكون هو ده عنواني وبطاقتي وشعاري في الحياه .في النهايه سلاما الي تلك المرأه اللتي لم اعرفها ولم اعرف اسمها حتي .بقلم وفكره وورقه نصنع مستقبلا افضل وتحيا مصر تحيا مصر