علامات استفهام

.. من يحكم مصر؟!

الرئيس ورجاله؟! جمال ورفاقه؟! نظيف وحكومته؟!

.. من المسئول عن معاناة الناس؟!

الرئيس ؟! أم الحكومة التي يتمسك بها الرئيس؟! أم جمال ولجنة سياساته المسئولة عن الأفكار وليس الثمار؟

.. لماذا ينفرد الرئيس بالسياسة الخارجية لمصر؟!

..إلي متي سيظل دور مجلس الشعب هو إصدار بيانات «ساذجة» تؤيد وتشجب؟!

.. وإلي متي سيظل أبو الغيط مجرد حامل رسائل بدرجة وزير خارجية؟!

.. كم تنفق مصر علي السياسة الخارجية؟!

.. ومن يراقب تناسب النفقات مع المردود والنتائج؟!

.. كم تتكلف رحلات الرئيس؟

.. ولماذا يزور الرئيس بعض الدول- مثل إيطاليا وفرنسا وألمانيا- عشرات المرات في العام الواحد وما النتائج؟!

ولماذا لم يقم بأي زيارات لدول حوض النيل مثلاً رغم أهميتها الحقيقية؟!

.. كم تبلغ مخصصات رئاسة الجمهورية؟!

.. ولماذا لا يناقش مجلس الشعب أوجه إنفاق هذه المخصصات؟!

.. كم عاماً أخري يحتاجها الرئيس للعثور علي نائب له ؟ بعد ربع قرن من البحث؟!

.. إذا كان الرئيس يري عدم أهمية موقع النائب.. فلماذا قبل هو أن يشغله؟!

.. إلي متي ستظل مصر لا تعرف إلا موقع الرئيس الحالي والرئيس الراحل؟!

.. متي يدخل لقاموسنا السياسي موقع الرئيس السابق؟!

.. من المسئول عن اختيار حكومة نظيف وقبله عبيد؟ وقبله الجنزوري؟ وصدقي؟ ولطفي وغيرهم؟!

.. من المسئول عما وصلنا إليه في كل المجالات؟ ! غير كثرة الإنجاب!! والظواهر الطبيعية.. البراكين والزلازل؟!

ما السند الدستوري ، للدور «الواسع» لرئيس لجنة السياسات بالحزب الوطني في حكم مصر؟!

.. ولماذا التقي الرئيس الأمريكي ورئيس مخابراته في مايو 2006؟! وما الوظيفة المدونة بالبطاقة؟!

.. لماذا لا يستقيل أي مسئول في مصر؟!

.. لماذا تبقي الوجوه المرفوضة شعبياً.. وترحل المقبولة إجبارياً؟!

.. لماذا يلتقي الرئيس المعارضة في كل العواصم التي يزورها باستثناء «القاهرة»؟!

.. من من القوي السياسية يساند النظام؟ الليبراليون، الإسلاميون، اليساريون؟!

.. لماذا نفرغ كل خطوة للأمام من مضمونها ونفسدها بالالتفاف عليها؟!

.. لماذا العناد مع الناس في كل وأي شيء؟! لماذا الفهلوة علي شعب لم يعد لديه شيء يصدقه؟!

.. لمن يلجأ المظلوم من السلطة في مصر؟! - طبعاً بعد الله.

.. كيف ينام الظالم؟ وهو يعرف أن عين المظلوم لم تنم؟ وعين الله منتبهة؟!

.. ما الحكمة من إغلاق الأبواب ؟!

.. من المستفيد من تلغيم جميع سبل التواصل بين النظام والناس؟!

..من يدفع بهذا الوطن للمجهول؟!

.. من صاحب المصلحة في إشعال نار الغضب، وإذكاء روح اليأس؟!

.. هل يمكن أن يضر أعتي خصوم النظام بالنظام بأكثر مما يلحقه بنفسه في نفسه؟!

.. من سيدفع الثمن؟!

.. هل من العقل أن تختزل إرادة 80 مليوناً في إرادة شخص؟!

.. هل من العدل أن نضحي بالأم والجنين والأب كي يعيش الطبيب؟!

.. والسؤال الكبير والمهم: ماذا ننتظر؟!أي حد عنده اجابه لأي سؤال ياريت يجاوبني احسن انا مش عارف حاجه خالص

.. والسؤال الأهم هو: إلي متي؟!

زائر

طبعا من غير الموضوع جــــامد جدا بس برضه محدش هيقدر يجاوب على علامات الاستفهام دى كلها و ستظل موجودة و محفورة فى الورق بلا اجابة...شكرا جدا و جزاك الله خيرا....و اتمنى انى اشوف اجابات للعلامات دى قريباً

علامات استفهام 772peaqm07

يممكن يا عامر الاسئله دى صعبه فعلا , بس ليها اجابه , بس مش اجابه بالكلام والصوت العالى , اجابه بالفعل , لو عايز تغير الاوضاع دى اللى مش عاجباك ولا عاجبانى ولا عاجبه اى حد عنده دين وضمير لازم نغير بالفعل , ومش قصدى بالفعل اننا نخرب وندمر ونعمل مظاهرات ليس لها جدوى , انا قصدى فعل ايجابى , تعالةا نغير نفسنا ونكون احسن , احسن دينيا واخلاقيا وعلميا وعلى جميع النواحى , ساعتها بس هانقدر نقود البلد دى الى الامام, ولكن مايحدث الان من كلام وكلام وكلام وكلام وبرده كلام لا يغير شيئا , شئنا ام ابينا فان هذه هى الحقيقه , واعتقد ان من صالح الحكومه ان نفعل فقط ذلك , كلام فقط دون فعل ايجابى , علشان كده ياللا نبدأ كلنا نتغير علشان خاطر ربنا وعلشان خاطر البلد دى اللى احنا مقصرين فى حقها جدا جدا جدا

نسيت حاجه, شكرا جزيلا على الموضوع

اولا شكرا علي ردكم .ثانيا استاذ عمرو انا متفق معاك في جزء ومختلف في جزء .اولا لازم نصلح من نفسنا .ثانيا نت هتفضل تصلح لحد ايمته ؟عمر مفيه حد بيكون راضي عن نفسه ولا هيكون فيه واحد هيرضي عن نفسه في يوم من الايام .وانا بشوف ان الحق مش هيستناك لحد مساعدتك تروحله .لأاحنا نعمل زي مالرسول عمل نغير في القمه وفي القاع في نفس الوقت .المظاهرات مش كلام فاضي انك تكون قاعد حطط ايدك علي خدك وتولول ده يبقي عيب .التظاهر حق كفله الشرع والقانون ولما نسيبه يبقي عيب .عمرك مهتحقق حاجه طول مفيه حد بيخرب اللي بتعمله من فوق .هنصلح وهنغير وهنحقق حلمنا هتظاهر وهغير نفسي وهحاول اغير الناس هتكلم وهشارك وهعمل كل اللي هقدر عليه .لو حبيت تغير نفسك لازم تغير المجتمع من حواليك
.مفيش واحد هيخش الجنه لوحده

طبعا شكا لاهتمامك انك ترد , بس انا حابب اضيف نقطه , طبعا انا مقولتش ان التظاهر حرام , بس انا قصدى انه مش لازم يكون هو ده الحل الوحيد , اتكلم وتظاهر واشتم , الى اين سينتهى مطافك يا صديقى , فى السجن؟ فى النعتقل؟ ملفقه اليك تهمه عرجاء مثل ملفقها ؟ انا عارف ردك قبل ماتقوله , بس صدقنى ساعتها يبقى انت لم تفيد البلد بشئ ولا حتى نفسك , لما تتدخل السجن البلد هاتستفيد ايه ؟العكس هاتخسر واحد من اكتر الناس اللى بيحبوها بجد . ومش معنى كلامى برده اننا نخاف ونقعد"نولول" زى مانتت قولت , عايز تاخد خهطوه , خدها ولا تخشى فى الحق لومة لائم , بس لا تلقى بنفسك فى التهلكه وبدون جدوى تذكر
انا معاك ان الطريق صعب ولازم من تضحيات علشان الناس تفوق , بس ياريت تكون تضحيات ايجابيه , مش ادخل السجن فى تهمه معملتاهاش واضر اهلى ومش هافيد بلدى ولا حاجه بل بالعكس هاتخسرنى بلدى
طيب ايه الحل ؟ نعمل ايه ؟ مش هانتظاهر ؟ امال نعمل ايه ؟ مش هانزعق؟ امال نعمل ايه؟ مش هانشتم ؟ امال نعمل ايه ؟
انا هاقولك نعمل ايه , تعالى انا وانت نكون قادة هذا البلد ونخرج به من قعر الظلام الى سماء التنوير والعلم , طبعا الكلام ده شكله بلاغى اوى زى بتاع الافلام العربى القديمه , بس صدقنى , لازم نكون ايجابيين ويكون عندنا هدف نسعى اليه , الهدف صعب , وفى الظروف دى يكاد يكون مستحيل , بس انا قولتلك قبل كده , وهاقولها تانى : انا حذفت كلمة مستحيل من قاموسى من زمان , زمان قوى

حبيبي يا عمرو والله
انا موافقك في كل كلامك بس ايه رأيك نعمل زي العز ابن عبد السلام وابن حنبل وجيفارا والشيخ حسن البنا وكل صناع التاريخ .علي فكره دول اتسجنو واتعذبو بس علشان الحق .انا مبقولش اني عايز اتسجن لكن لو حصل عادي مش جديده كل الشرفاء اللي فاتو دخلو السجن في تهم معملوهاش لكن تهمتهم الوحيده حب دينهم ووطنهم .عرابي اتنفي وفريد ومصطفي كامل لكن قالو الحق ومش مهم اللي بعد كده ده مش شغلنا واللي بيطالب بالحق مبيرميش نفسه في التهلكه ده بيرمي نفسه في الجنه .لو هعيش ساكت يبقي زيي زي الميتين ومفرقش حاجه عنهم لكن لم اتكلم احس اني عايش أني بني ادم مش صنم .انت حلمك تغير البلد وأنا حلمي اغير الكون .انت لغيت كلمه مستحيل من قاموسك وأنا مستحيل مكنتش في قاموسي اصلا

كلام جميل فعلا ومتفق معاك فيه , بس ياريت يا عامر يكون هدفك زى الناس اللى انت قولت عليهم دول , اعلام الكفاح والشرف . انا معاك كتف بكتف لو كان هذا هو الهدف :التغيير للافضل. ولكن هل لى ان اضع بعض علامات الاستفهام ؟: كيف تنوى ان تغير ؟ ماهى الصورة التى فى خيالك لهذا الوطن بعد التغيير؟ ما هو مفهموم التغير اصلا بالنسبه لك؟ هل هو فقط تغيير الحاكم لتمسك انت الحكم؟ ام تغيير الظروف ؟ ام تغيير الناس؟ ام ماذا؟
اعذرنى يا صديقى , هؤلاء الرموز العظيمه التى ذكرتها والتى لا احرؤ حتى على الجدال فيها , هذه الرموز لم تدخل السجن الا بعد ان احدثت التغيير , وكان جزاءهم هو العقاب ولكن بعد ان وصلت الرساله , بعد ان تحقق الهدف , ثم اننى لا اظن انه عندما تدخل السجن فى "فضيحه" ملفقه ستكون بهذا قد حققت هدفك وخدمت وطنك وشرفت اهلك , لا والله , انا مش بقوللك كن جبانا لا سمح الله , او اهرب من المواجهه , ولكنى اقول لك : كن شجاعا , واعرف متى تواجه , حتى لا تكون ضحيه رخيصة الثمن سهلة المنال, هؤلاء الرموز لو كانوا دخلوا السجن قبل احداث التغيير لكانوا بالنسبه للناس مجرد مجرمين او عبره ليعتبروا بها ولا يحاولوا التغيير

كلمتى الاخيره , ليس البطل من مات فداء نفسه ولكن البطل من كانت نفسه لوطنه فداء

ايه يا حبيبي الحلاوه دي يحبيبي
كل يوم باحترمك اكتر
التغيير بيكون تغيير كامل يعني مروحش افرض علي الناس وضع ميتقبلوهوش فجأه يبقي لازم اهيء الناس وأغيرها ونمي عندها احساسها بنفسها وحبها لوطنها واعرفها ان ده حقها مش منحه من حد بالعكس .مين اللي قلت اني عايز امسك الحكم .هرد عليك بنفس رد الدكتور زغلول النجار اللي انت عارفه وقعدت معاه وبتحبه .لا يهمني من يحكم ولكن المهم ان يحكم الاسلام بأي وجه وأي رجال بوسطيته وتسامحه وقبوله للاخر .أرجع للتاريخ واقرا كويس هتلاقي ان الثوره مقامتش غير لم سعد اتنفي
محنه خلق القران لم تنتهي الا بعد مالامام احمد اتسجن
امريكا الجنوبيه متحررتش غير لما جيفارا مات ومصر متحررتش غير لم دفعنا دمناليها القانون قانون رباني ضحي هتلقي
الناس دول ماتو لكن كان فيه اللي يكمل بعديهم وفكرتهم عمرها مماتت .مش لازم التغيير ياجي وانت عايش .الصحابه الاوائل ماتو قبل ميشوفو عز الاسلام وانتشاره بعد كده لكن كل ده في ميزان حسناتهم لما ادخل السجن لأني اخوان او لأني غد او وفد او بدافع عن حقي بدون اي تحزب تفتكر دي تبقي فضيحه ؟كلمتي ويا رب متكون الاخيره البطوله ليست كلمه وليست هدف وكم من بطل لم يسمع الناس عنه لكنه مذكور عند الله

انا ممكن اجاوب على سؤال الى متى؟ لحد ما نبقى قد المسئولية ونفكر بهدوء تام وبتمعن ازاى نخدم البلد دى بجد من غير ما نفكر فى مسؤلين ولا غيرهم اللى عايز يعمل هيعمل ويوصل. وساعتها البلد دى هتبقى احسن بجد لما انا وانت وغيرنا نبدء بنفسنا وعلى فكرة الطريق عمره ما كان صعب بس نبدء واوعى تقول نبدء ازاى. وده مش كلام انا هاعمل اللى اقدر عليه وزيادة عشان انا وغيرى امل البلد دى. تعالوا نفكر ازاى نخدم بلدنا احنا دلوقتى مع بعض يا عالم بكره هنكون فين .

هو ده الكلام الصح .هغير هغير هغير وكمان هتغير هتغير هتغير .انا هقول انا هبدا ازاي .اول حاجه هخلي علاقتي بربنا كويسه عشان هو ده الاهم ثانيا .انا بكتب شعر وصممت ان شعري يكون ليها بس لمصر ومفيش حد غيرها .الفاسد هفضحه والحرامي هقول عنه والفساد والظلم مهسيبوش .هكتب للناس والشباب كلام يحسوه ويحبوه ويمكن كلمه منهم تغير اللي يقراها .هتظاهر وهطالب بحقي وعمري مهسيبه وزي مبيقولو ماضاع حق وراه مطالب .هذاكر وهنجح وهتعب وهبقي حاجه ان شاء الله وكله عشان مصر اي حاجه اطول اعملها هعملها.وشعاري ديما هغير العالم مش مصر بس هغير الكون والناس .لو لوحدي مش هسكت هعمل الي عليا واللي يرضي ربنا

مش بس لوحدك كلنا لازم نبقى كده مش بس بالشعر والمظاهرة ولكن بالعقل والقلب والايد لازم نغير بايدينا وبالحكمة

وانا متفق مع حضرتك ميه في الميه
ويا ريت لو حد عنده فكره لعمل الخير يقول عليها ونبقي بدأنا بمساعده الناس المحتاجه واظن الكل هيوافق ولا فيه حد معترض

انا لسه بفكر بس برضه فكروا معايا

............................................................................................................................................................................................................................................................................................................انا كمان بفكر وعايزين كل الناس تفكر معانا بصوت عالي .

حلو اواى الموضوع دا و اللى احلى بجد ردودكم و حماسكم للتغيير و اكيد كلنا معاكم هو اه هيبقي صعب اوى التغيير بس لو كلنا جمعنا قوانا مع بعض اكيد هتقرف كتير

و انا كمان هفكر معاكم لو سمحتولى طبعا بالمشاركة معاكم و اول ما الاقي حل عملى و فعال اكيد هقولكم عليه

» من علامات محبة الله لك