سيبني اموت من البرد

عاد الشتا يتكتك

قوللى كلام أرجوك

أتدفى بيه فى يومى

مفهوش مساحة زيف

وزى شمس الصيف

ما بتلفحك ع الصبح

عمرك فى يوم فتَّحت

على شمس كدابة

بتقول كلام مكتوب

يبدأ بـ«إخوانى»

وينتهى بـ «وعود»

و«خطة الدولة»

و«نهضة الفقرا»

وكلمة «المحدود»

و«دخل» و«استثمار»

وساعة كاملة «جهود»

بتتبذل ليّا

ويا ريت بلاش «الدعم»

و«علاوة» وخلافه

أصل الكلام سلطان

بينوبنا سيّافه

يقتلنا فردًا فرد

عشان كده أرجوك

سيبنى أموت م البرد

» طفلها عمرها سنتان تقول لامها ابى اموت