فوقوا بقي دا ماتش كوره ههههههه

سؤالي في الاول ليك يا عامر انت بتوجه الكلمه دي لمين للمصريين ولا للجزائريين ؟؟؟

طب معايا كده واحده واحده وعايز اعرف رأيك بعد كلامي ...

اولا جريده الشروق تنشر اليوم ان " مناصريين جزائري توفوا في مصر جراء همجيه المصريين ".. " ليله سوداء في القاهره " ... ""مسؤولون في مصر يقومون بكل شيء من أجل البقاء في الكراسي"...
دول شويه مانشيتات في جريده الشروق ...

ثانيا جريده الخبر تتهم المصريين بانتهاك حرمه النساء .. في حين ان الصحفيه الجزائريه شاهدها كل العالم وهي تلوح بيدها ...ولو كان ينفع كنت حطيت الفيديو ...

وفي تصريح له لجريده الخبر قال رابح سعدان ان دم الجزائريين لن يذهب سدي ... في حين ان سعدان رفض بعد المباراه ان يصرح اي تصريح خوفا من ان تحرف تصريحاته .....

دا بالنسبه للتصريحات الصحفيه في جرائد اليوم ..
اما اللي حصل سابقا عن تمثيليه الاوتوبيس وخرق موقع اتحاد الكره المصري وصوره المنتخب الوطني اللي متركبه علي صور فنانات وصوره حسن شحاته وحرق العلم المصري في الجزائر وفي الاستاد " في مصر " ..كل ده احنا سامحناهم فيه ...
بس اللي حصل امبارح واول امبارح لا يمكن ان نسكت عليه ...
وهاقولك شويه من اللي حصل كده وابقي برضه قولي رأيك ...
1- حرق مكتب مصر للطيران
2-حجز اكتر من 1200 مصري من مهندسي اوراسكم للانشاء والصناعه واصابه 9 باصابات طفيفه باسلحه بيضاء .
3- رمي منازل المصريين بزجاجات بنزين ...
4- وزاره العمل الجزائريه توقف اعطاء تصريحات بعمل مصريين ...
كفايه كده لما اشوف رأيك وبعد كده نكمل ....

طب خد دي لسه طازه اوي اوي

بعثه مصر تتعرض للهجوم في السودان ، بعد الخروج من ملعب الهلال بعد التدريب تعرض لاعبينا لهجوم عنيف من قبل مشجعين جزائريين مجانين وتهشم زجاج الاوتوبيس .. وتعرض لاعبينا لاصابات طفيفه ....

معلش اللي انت بتقوله ده حلو اوي في اجتماع او في ....

انت عارف يا عامر بيهتفوا بيقولوا علينا ايه ؟؟؟ طب هاقولك حاجه بسيطه " يا مصري يا عدو الله " " حراميه " وغيرها كتير اوي مش ينفع اقوله ...

وعارف بتاع الشرطه اللي في الجزائر لما المصري قاله احميني " قاله خش جوه يا اما هرميك ليهم "

بتقول ان الاعلام متعصب طب انا هديك اللينك بتاع جريده الشروق والهداف الجزائريه واقرا تصريح واحد بس ... لو دمك ما انفجرش يبقي انت مش عندك انتماء ...

طب والله مش هزار هو ده احساسي دلوقتي ....
لما تشوف ناس ورجاله بتنزل دموعها وهي بدور علي حد ينجدها ومش لاقين ... يبقي ده ايه ؟؟؟

لما نضرب في بلدنا من جماهير جزائريه يبقي ده ايه ؟؟

لما يحرقوا علم بلدنا في الاستاد ده يبقي ايه ؟؟؟

لما يضربوا لاعبتنا في بلد تانيه يبقي ده ايه ؟؟؟

لما يفتروا ويختلقوا اخبار يبقي ده ايه ؟؟

لما يخترقوا موقع اتحاد الكره اللي هو موقع حكومي ويشتمونا فيه يبقي ده ايه ؟؟

يا ابني انت مش قلت بطلت كوره ، ايه اللي رجعك تاني ؟؟؟
بس علي العموم انا نفسي تبطل شعارات وتكلمني ... يا ابني بقولك احنا اللي عمالين يضربونا ، يعني مثلا في واحد جالك وضربك علي ... هتقوله والنبي معلش مش هنضرب بعض علشان كوره ...