البدري يتســــــأل ؟؟؟؟؟

مع انطلاق صافره نهايه لقاه النادي الاهلي وحرس الحدود علي استاد المكس بالاسكندريه ، هرول المدير الفني للنادي الاهلي الي ارض الملعب ليلقن الحكم درسا عن جبروت الاهلي .. وتسأل البدري في المؤتمر الصحفي بعد المباراه هل هناك مخطط لاسقاط الاهلي ؟؟؟ انا هرد عليك يا كابتن حسام واقولك "ايون" بالفعل هناك مخطط لاسقاط الاهلي .... ههههههه

طب يا كابتن حسام عد معايا الحكم جامل الاهلي كام مره في تلك المباراه .

1- الكابتن احمد حسن وهو يعترض علي الحكم وكاد ان يلقي بالكره في وجه الحكم وتكرر مثل هذا الاعتراض علي كل قرار " يعني شوف انت بقي كام انذار " .

2- الكابتن عماد متعب وهو بيشتم مدرب حراس المرمي في نادي حرس الحدود ولم يأخد سوي انذار .. معلش يا كابتن السباب والالفاظ الخارجه عقوبتها الطرد المباشر .. بس معلش بقي اصله مخطط ؟؟!!
وقال اسلام يوسف مدرب حراس مرمى فريق الحرس بعد المباراة والذي قال فيها ان عماد متعب مهاجم الأهلي تلفظ ضده بألفاظ يعاقب عليها القانون على مسمع حكم اللقاء،
عيب يا كابتن عماد دا راجل قد ابوك

3- في قرار غريب من حكم المباراه اعطي 8 دقائق وقت بدل ضائع في الشوط الثاني ،، معلش اصل الحكم ساعته مأخره شويه...
يا ظالم 8 دقايق دي جديده دي

4- النجم عفروتو "ميسي العرب ههههه" في الوقت المحتسب بدل من الضائع وهو يركل حارس مرمي حرس الحدود كاميني من الخلف والحكم عامل مش واخد باله ... والله اللعبه دي فكرتني ب " غزال " في مباراه الجزائر

5- الناشئ ايمن اشرف الباك الشمال حيث كان يستحق الطرد اكثر من مره ، دا جاب لاحمد عيد ارتجاج


لا فعلا مخطط مخطط يا كابتن حسام حرام عليك راعي ربنا هو انت بتكسب غير بيهم ..

في النهايه انا بطلب من كل اللي يقرا الكلام ده يبدأ بالتبرع للحكم محمد عباس لانه بعد المباراه دي مش هيشوف الملعب الاخضر تاني ..

مخطط مخطط يا عم حسام والنبي روح شوف علاء ميهوب بيعمل ايه