دخلهم يا حسين

موضوع: دخلهم يا حسين الإثنين يونيو 07, 2010 11:54 pm

هل سأل أحد منكم نفسه ما هو سر اعلان دولسيكا بالعسليه .. خلطة مش منطقيه
كان شعار الناس في بداية السبعينيات «أفرم أفرم يا سادات» فالشعار الذي يليق بالمرحلة هو «دخَّلْهم يا حسين»، وحسين هو الشخص الذي يُدخل في ماكينة غريبة (رائد فضاء مع ماكيت القرية الذكية) فيخرج من الماكينة آيس كريم بالعسلية.. وهكذا تجري الأمور في مصر... خد عندك..

700 جرام سليكون + مدير أعمال صايع (دخَّلْهم يا حسين) والناتج مطربة تكسر الدنيا.

كرتونة بيض + جهاز ديكودر (دخَّلْهم يا حسين) والناتج استوديو تحليلي.

شقة مفروشة + رخصة جريدة (دخَّلْهم يا حسين) والناتج حزب معارض.

شقة إيجار قديم + رخصة سلاح (دخَّلْهم يا حسين) والناتج الحزب الوطني.

قطعة أرض صحراوية + مدير ائتمان في بنك حكومي... والناتج ملاعب جولف.

80 متر قماش + سيارة نصف نقل بميكروفون... والناتج عضو مجلس شعب.

موبايل بجراب + جاكيت جلد... والناتج أمين شرطة.

مدينة الإنتاج الإعلامي + 12 لفة قمر الدين... والناتج شهر رمضان.

اتنين مابيحبوش بعض + تقرير عن اعتصام أمام مجلس الشعب... والناتج برنامج توك شو.

أتوبيس نقل عام + محصول الأرز عن 2009... والناتج مستشفي الصدر.

طبلة وصاجات + نعي لناس ماتت... والناتج جريدة قومية.

طبلة مكتومة + نعي لناس عايشة... والناتج جريدة مستقلة.

مهاجر غير شرعي + سيارة نقل محملة بالبطيخ... والناتج عصام الحضري.

عائلة مصابة بإسهال + ماكينة ري .. والناتج بائع خضار في سوق العبور.

عيدية رمضان + 3 إيشاربات ملونة فوق بعض... والناتج تحرش جماعي.

سلعوة بـ 3رجلين + شريط حبوب مخدرة... والناتج سواق ميكروباص.

أم بتدعي + شحنة أعلام مصرية قادمة من الصين .. والناتج كأس الأمم الأفريقية.

شاب حاصل علي بكالوريوس تجارة + تشكيلة من الصابون المعطر... والناتج دكتور صيدلي.

مسَّاحات عربية مرفوعة + شخص هارب من أحكام بالسجن... والناتج باركنج.

جهاز قياس الضغط + لبانة سكرها راح... والناتج مشجع زملكاوي.

كلام موجع وصادم وحقيقي
موضوع جميل
جزاكم الله خيرا
ودخلهم يا وحيد

شكرا يا عامر بس انت عارف اني بتاع المنطقي وبس

والله بجد موضوع رااااااائع يا احمد وبجد بيجيب من الاخر , شكرا جزيلا والى مزيد من لخلطات السريه اللى مش منطقيه

بجد موضوع جميل جدااااااااا
وبيوصل رساله كويسه

اايه الحلاوة دي يا وحيد

a very nice topic
and a very nice propaganda,by the way,for Dolseka bl 3asalea
illogical mixture
so,i will buy one
and
" let them enter hussin"

so,i will buy one

i hope to be tasty

دخلهم يا وحيييييييييييييييييد ، كالعادة انت من الناس القليلة اوى اللى موضوعاتهم بتضحكنى ، حقيقى موضوع تحفة وبيعبر عن اوضاع مصرنا الحبيبة ، بس فعلا هو دا الواقع كوسة وخل ودخلهم يا جماااااااااااااال .