"هدية نجاحك "

موضوع: "هدية نجاحك " الإثنين يوليو 19, 2010 9:43 pm

أولا الف مبروووك لكل الناجحين
بس معلش دي هدية خاصة لحوده

طبعا ياحوده دي أقل حاجه
ولو اني عارف انك شفتها قبل كده

قصيده بعنوان

" شايفك غيرهم "

أجمل واحد فيكي يادفعة كان محمود
وعشان ابقى محدد أكتر
والمحاميد ماتزيطش وتكتر
حاكم الدفعة فيها ييجي أكتر
من تلاتين مليون محمود ،
أقصد طبعا محمود سيد
اللي مكانش لا فارقه معاه ولا جيد
ولا مقبول
كانت كل حياته معانا وكل مشاكله
انه يكون لاصحابه رسول
بيبلغهم بمحاضراتهم
واللي شاغلهم واللي فايتهم
يعني كل مانحتاج حاجة
كان محمود موجود على طول
علشان كده الناس فاكراه
محمود الحلو العسول
اللي ماكناش نستناه
ويقوللنا آم سُري .. مشغول
كان الكل يجيب مصلحته
وياخد ديله ف سنانه على طول
علشان كده الناس فاكراه
محمود الحلو العسول

لكن أنا ف عيونك شايف
اللي محدش فيهم شايفه
وعنك طبعا بردك عارف
اللي محدش فيهم عارفه
إنك إنت النسمه ياحوده
وانت الروح
اللي بتبقى معانا ياحوده
فين مانروح
والسر اللي انا شايله ف قلبي
واكتر من كده مش راح اخبي
ولازم ييجي اليوم وهاقوللك
وبسري لقلبك راح ابوح

هو ان انت حبيبي ياحوده من غير حاجه
ومش عايز من وشك حاجه
ولا كشاكيل ولا كورسات
ولا حتى محاضرات ولا حاجه
ولا عايز من قلبك حاجه
غير ان انت تقوله ياقلبي
ده محمد بيقوللك حاجه
بيقوللك ان انت حبيبو
وان حد الا انا يوم قالهالك
قبــــّحلو ونفضلو وسيبو

أصلك عمرك يوم ماهاتلقى
اللي انا شايله ف قلبي ما بيننا
دنا كنت المح ف عنيك حاجه
كنت عايزها ونفسك فيها
كنت اتمنى ياحبي تكونلك
قبل عنيك ما تقول باتمنى
فاوعى يجيلك يوم وتفكر
أو تتصور إن انا هانسى
دنا هاستنى
منك اي رساله جميله
دنا هاستنى
حتى الرنه
فاكر كل حكايه ما بينا ؟؟؟؟
زي ما يكون حته من الجنه

واوعى يجيلك يوم وتفكر إن الحب ف قلبي هايخلص
دنا والله بحبك جدا
والحب ف قلبي ده عامل زي البحر .. عمره ما ينقص
وزي الفجر تملي بيدن
واخد مننو أجمل دَفعه
ويبقى طريقي مفروش بورود
مش قولتلكم ....
أجمل واحد فيكي يادُفعه
كان محمود

مبروك ياحوده ويارب تبقى الاول دايما

حبيبك حسام

الله يخليك يا محمد ليا يارب وانا بس النهاردة عرفت انت اد ايه بتحبنى لما اتصلت وكنت اول واحد يبشرنى مع انى كنت حاسس انك بتنتش عليا هههههههههههههههههههه
ومبروك النجاح ليك ويارب اشوفك يا محمد يا حسام فى اعلى المناصب يارب لأنك تستاهل كل خير

نفسى اتكلم كتير بس هتزهقوا منى

حقيقى يا محمود انت تستاهل كل خير ولعلمك ده بحمد الله وفضله استجابة دعوتى اللى دعيتهالك لما ساعدتنى فى الموضوع إياه فاكر انا قولتلك ان دعوتى مستجابة مبرووووووووووووووووووووك ربنا يا رب يباركلك

الله عليك يا حسام , ايه يابنى ده , بجد قصيده رائعة ومحمود فعلا يستاهل وهو فعلا من اقرب الناس الى قلبى انا شخصيا وكمان كل الشباب, مبروك يا حوده وعقبال مليون سنه(قصدى عقبال مليون نتيجه)

شكرا لوايت وعمرو على الشعور الجميل واول مرة اعرف يا جماعة بعد النتيجة بس ان فى ناس كتير بتحبنى كدة وبتتمنالى الخير ويارب يوفقكم كلكم واشوفكم ف اعلى المناصب وافتخر بيكم واقول دول كانوا زمايلى ف يوم م الايام

ربنا يكرمك يا وايت ونفرح بيكى
ربنا يوفقك يا عموووور ونفرح فيك قصدى بيك

ربنا ما يحرمنى منكم ومن كل اصحابى

وليا طلب منك يا ادمن
انك تمسح الموضوع ده عشان كل مابقرا القصيدة دى بتبقى عنيا هتدمع لأنى بحس اد ايه حسام بيحبنى
ربنا يديم المعروف بينا يا حسام وانا والله بحبك جدا ومخنوق منك بجد اوى اوى لانك مجينش معانا المشوار الاخير للبنك

وزى ماوايت قالت دا والله ما مجهود منى ولا مذاكرة لانى والله مجهودى كان اقل من كدة بكتير واسألوا احمد شعبان ، هيا بس مسألة توفيق ودعوات والله منكم ومن ماما ومنى ومن اخواتى ومن كل الناس

قصيدة تحفة اكتر من رائعة يا حسام ومبروك للراجل اللى طلع الاول هو اسمه ايه؟؟!!! ( محمود المحن ، مبروك ليك ياد ) هههههههه ، يا بنى انت المفروض تروح على بوابة الحسين وتقول قصيدة لله يا محسنين ، الا بالحق يا محمود بوستين كدا على السريع كدا للواد مازن وحشنى ياد يلا بسرعة علشان هعرف لو البوستين راحو ولا موصلوش .

انت هاتعيش بقى ... آل ايه كل الناس بيحبوني .. والله ده مش مجهودي
دي دعوات الناس ليا ومش عارف ايه
انت نسيت ياد ان انا اللي كنت قاعد قدامك ف اللجنة
فاااكر ؟؟؟؟ لما كنت بتقعد تقوللي وتوطي صوتك ( يامحمد هي دي قصيدة ايه ها ها يامحمد ياد معلش ها والنبي ) وانا كنت اقوللك ( وطي صوتك ياد الراجل هايسمعنا )
وللا نسيت ؟؟؟؟؟

طبعا بهرج ..... وبعدين ياحوده والله ربنا يعلم انا بحبك اد ايه
واذا كان القصيده دي بتبينلك اننا بحبك
يبقى انت محسيتش بحبي ليك
لانه اكتر من القصيده دي بكتييييييييييير ( مش اوي )
ويارب ربنا يوفقك كده دايما

يا جامد اوى يا محمود ايه الحلاوة دى يا بنى!!!!!!!!!! والله انا من اكتر الناس اللى فرحانة ليك من قلبى بجد الف مليون ميروك ومن نجاح لنجاح على طول ، واحنا كشباب بنقولك ايوة كدا يا محن ، ايه الحلااااااااااااوة دى يا حسام القصيدة دى بقى ادت طعم تانى للنجاح .

بجد عايز اقولك حاجة يا جماعة ، انا عمرى ماشفت ناس بالطريقة دى ناس بتفرح لاصحابها اكتر من نفسها ( والمصحف ما نفاق ولا حاجة ) هى دى الحقيقة بجد ، وعلى فكرة يا خالد السنة اللى فاتت انا كنت موجود يوم ولادة مازن وكانت بردة ايام النتيجة انا بقول لمازن Happybirthday Mazen اوعى تطلع محّ زى خالك.

حاضر يا اونكل خالد اول ما الواد مازن ييجى هبوسهولك
ماشى يا حسام يا ...... ههههههههههه ، انتا اللى ما تعرفش ولا هتعرف انا اد ايه بحبااااااك
وال هابى بيرث دى بتاعتك يا احمد هتوصل لمازن برضو